India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 4, 2024
బంగ్లాదేశ్‌లో హింసాకాండ.. 91కి చేరిన మృతుల సంఖ్య
బంగ్లాదేశ్‌లో ప్రధానికి వ్యతిరేకంగా జరుగుతున్న నిరసనలు హింసాత్మకంగా మారిన వేళ మృతుల సంఖ్య భారీగా పెరుగుతోంది. ఇప్పటివరకు 91 మంది చనిపోగా మరో 300 మందికిపైగా గాయపడ్డారు. మృతుల్లో 14 మంది పోలీసులు ఉన్నారు. సిరాజ్‌గంజ్ జిల్లాలోని ఓ పోలీస్ స్టేషన్‌పై జరిగిన దాడిలోనే 13 మంది పోలీసులు మృతిచెందారు. కాగా ఇప్పటికే దేశవ్యాప్తంగా కర్ఫ్యూ అమలు చేసిన అక్కడి ప్రభుత్వం, మూడు రోజులు సెలవులు ప్రకటించింది.
News August 4, 2024
కష్టాల్లో భారత్.. ఒక్కడే 6 వికెట్లు తీశాడు!
శ్రీలంకతో జరుగుతున్న రెండో వన్డేలో భారత్ కష్టాల్లో పడింది. 241 పరుగుల లక్ష్యంతో బరిలోకి దిగిన టీమ్ ఇండియా 152కే 6 వికెట్లు కోల్పోయింది. భారత్ విజయానికి 25 ఓవర్లలో 89 రన్స్ అవసరం. రోహిత్ 64, గిల్ 35, విరాట్ 14, శ్రేయస్ అయ్యర్ 7 రన్స్ చేసి ఔటయ్యారు. దూబే, కేఎల్ రాహుల్ డకౌటయ్యారు. ప్రస్తుతం అక్షర్ (26*), సుందర్ (2*) క్రీజులో ఉన్నారు. శ్రీలంక బౌలర్ వండర్సే ఒక్కడే 6 వికెట్లు తీశారు.
News August 4, 2024
మహ్మద్ సిరాజ్ అరుదైన ఘనత
శ్రీలంకతో జరుగుతున్న రెండో వన్డేలో టీమ్ ఇండియా పేసర్ మహ్మద్ సిరాజ్ అరుదైన ఘనత సాధించారు. ఈ మ్యాచ్‌లో ఇన్నింగ్స్ తొలి బంతికే పథుమ్ నిస్సంక వికెట్ తీశారు. దీంతో వన్డేల్లో ఈ ఘనత సాధించిన భారత నాలుగో బౌలర్‌గా రికార్డుల్లోకెక్కారు. గతంలో దేబశిష్ మహంతి(1999), జహీర్ ఖాన్(2001, 2002, 2007, 09), ప్రవీణ్ కుమార్(2010) తొలి బంతికే వికెట్ తీశారు.
News August 4, 2024
డిగ్రీ అర్హతతో 102 బ్యాంక్ ఉద్యోగాలు
రూరల్ బ్యాంకుల్లో 102 అసిస్టెంట్ మేనేజర్(గ్రేడ్-ఏ) పోస్టులకు నాబార్డ్ దరఖాస్తులు స్వీకరిస్తోంది. పోస్టును బట్టి సంబంధిత విభాగంలో డిగ్రీ ఉత్తీర్ణత సాధించి ఉండాలి. రెండు దశల్లో రాతపరీక్ష, ఇంటర్వ్యూ ఆధారంగా ఎంపికలుంటాయి. ఫేజ్-1 ఎగ్జామ్ సెప్టెంబర్ 1న జరుగుతుంది. అర్హులైన అభ్యర్థులు ఆగస్టు 15 వరకు <
News August 4, 2024
అతడు చేసిన పని ఎప్పటికీ మర్చిపోను: కీర్తి సురేశ్
ఫిల్మ్ ఫేర్ అవార్డ్స్ ఈవెంట్ సందర్భంగా తాను లైఫ్‌లో ఎప్పటికీ మర్చిపోని ఓ సంఘటన గురించి హీరోయిన్ కీర్తి సురేశ్ మీడియాతో చెప్పారు. ‘నా ఫ్యాన్ ఒకరు ఓ రోజు డైరెక్ట్‌గా మా ఇంటికి వచ్చాడు. నన్ను పెళ్లి చేసుకుంటానని అన్నాడు. అతడి తీరు చూసి నేను షాకయ్యాను’ అని తెలిపారు. దసరా సినిమాకు గాను ఆమె ఉత్తమ నటిగా ఫిల్మ్‌ఫేర్ అవార్డు అందుకున్న సంగతి తెలిసిందే.
News August 4, 2024
ప్లాట్‌ఫామ్ ఫీజు రూ.83 కోట్లు.. రాత్రి ఎక్కువ ఆర్డర్లు ఎక్కడి నుంచంటే?
ప్లాట్‌ఫామ్ ఫీజు, ఆర్డర్లు పెరగడంతో జొమాటో లాభాలు నమోదు చేస్తోంది. ఈ ఏడాది మార్చి నాటికి PF ఫీజు రూ.83 కోట్లు వసూలు చేసింది. గతేడాది AUGలో రూ.2తో ఈ ఫీజును ప్రారంభించిన జొమాటో ఇప్పుడు రూ.6 వసూలు చేస్తోంది. గత ఆర్థిక ఏడాదిలో జొమాటో సర్దుబాటు ఆదాయం 27% పెరిగి రూ.7,792 కోట్లుగా ఉంది. మరోవైపు గతేడాది రాత్రి పొద్దుపోయాక ఎక్కువ ఆర్డర్లు ఢిల్లీ నుంచి, బ్రేక్‌ఫాస్ట్ ఆర్డర్లు బెంగళూరు నుంచి అందాయి.
News August 4, 2024
ఫోన్ హ్యాంగ్ అవుతోందా? ఇలా చేయండి!
➣స్టోరేజీ ఫుల్ అయితే ఫోన్ హ్యాంగ్ అవుతుంది. అందుకే అవసరం లేని మెసేజ్‌లు, వీడియోలు, ఫొటోలు, యాప్‌లు డిలీట్ చేయండి.
➣యాప్‌లు నిక్షిప్తం చేసుకునే క్యాచీ క్లియర్ చేయాల్సిందే.
➣సాప్ట్‌వేర్‌ను అప్‌డేట్ చేసుకుంటుంటే ఫోన్ వేగం పెరుగుతుంది.
➣హోం స్క్రీన్‌పై ఉండే విడ్జెట్‌లనూ తొలగించాలి. వైరస్ డిటెక్టింగ్ యాప్స్ ఇన్‌స్టాల్ చేసుకోవాలి.
➣హ్యాంగ్ అవుతున్నప్పుడు రీస్టార్ట్ చేస్తే అప్లికేషన్స్ రీసెట్ అవుతాయి.
News August 4, 2024
ఎమ్మెల్యే సబితతో కేసీఆర్ చర్చలు!
TG: మాజీ సీఎం, బీఆర్ఎస్ చీఫ్ కేసీఆర్‌తో ఆ పార్టీ ఎమ్మెల్యే సబితా ఇంద్రారెడ్డి భేటీ అయ్యారు. అసెంబ్లీలో సీఎం రేవంత్ <<13746535>>వ్యాఖ్యలతో<<>> సబిత ఆవేదనకు గురైన నేపథ్యంలో ఆమెతో కేసీఆర్ మాట్లాడారు. ఈ అంశంలో భవిష్యత్ కార్యాచరణపై ఇరువురూ చర్చించినట్లు సమాచారం. సబిత వెంట ఆమె కుమారుడు కార్తీక్ రెడ్డి కూడా ఉన్నారు.
News August 4, 2024
ఏపీ టెట్‌కు 3.20 లక్షల దరఖాస్తులు
AP: టీచర్ ఎలిజిబిలిటీ టెస్ట్‌కు 3.20 లక్షల దరఖాస్తులు వచ్చినట్లు సంబంధిత అధికారులు తెలిపారు. SEP 19 నుంచి ఆన్లైన్ మాక్ టెస్టులు ప్రారంభం కానున్నాయి. టెట్ హాల్ టికెట్లు సెప్టెంబర్ 22 నుంచి డౌన్‌లోడ్ చేసుకోవచ్చు. అక్టోబర్ 3 నుంచి 20వ తేదీ వరకు పరీక్షలు నిర్వహిస్తారు. అక్టోబర్ 27న ఫైనల్ ఆన్సర్ కీ, నవంబర్ 2న ఫలితాలను విడుదల చేస్తారు. గతంలో మాదిరిగానే ఆన్లైన్ విధానంలో ఎగ్జామ్ నిర్వహించనున్నారు.
News August 4, 2024
VIRAL: అటు హిజాబ్.. ఇటు బికినీ!
పారిస్: మహిళల బీచ్ వాలీబాల్ పోటీల్లో ఈజిప్ట్ ప్లేయర్లు హిజాబ్ ధరించి ఆడటం చర్చనీయాంశమైంది. ఇటీవల జరిగిన ఈజిప్ట్ vs స్పెయిన్ మ్యాచ్‌లో ఈజిప్ట్ ప్లేయర్లు హిజాబ్, స్పెయిన్ ప్లేయర్లు బికినీ ధరించి ఆడారు. ఈజిప్ట్ ప్లేయర్ల వస్త్రధారణను కొందరు విమర్శించగా మరికొందరు వారికి మద్దతు పలికారు. రెండు భిన్న సంస్కృతులు ఒకే వేదికపైకి రావడం మంచి పరిణామం అని, వారి సంస్కృతిని గౌరవించాలని చెబుతున్నారు. <<-se>>#Olympics2024<<>>
Featured News
Sorry, no posts matched your criteria.