India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 30, 2025
లవ్ బ్రేకప్ అయిన వారికే ఉద్యోగం.. కంపెనీ వినూత్న ఆఫర్
విద్యార్హతతో సంబంధం లేకుండా లవ్ బ్రేకప్ అయిన వారికే ఉద్యోగం ఇస్తామంటూ బెంగళూరుకు చెందిన ఓ కంపెనీ ఆఫర్ ఇచ్చింది. మెంటరింగ్&కన్సల్టింగ్ సంస్థ Topmate <
News January 30, 2025
అత్యుత్తమ పోలీసులున్న రాష్ట్రమేదంటే?
భారతదేశంలో బెస్ట్ పోలీసింగ్‌ను అందిస్తున్న రాష్ట్రాల్లో తెలంగాణ ప్రథమ స్థానంలో ఉంది. ఇండియా జస్టిస్ రిపోర్ట్-2022 ప్రకారం ఇతర రాష్ట్రాలు ఫాలో అయ్యేలా తీసుకుంటున్న నిర్ణయాలు, అత్యంత నైపుణ్యం కలిగిన అధికారులు, పౌర-స్నేహపూర్వక కార్యక్రమాలు, ఆధునికీకరణ, పారదర్శకతను బేస్ చేసుకొని ర్యాంకులిచ్చారు. రెండో స్థానంలో కర్ణాటక, మూడు ఆంధ్రప్రదేశ్, నాలుగు ఒడిశా ఉన్నాయి. 2024 డేటా ఇంకా విడుదల కాలేదు.
News January 30, 2025
6 నెలల్లో భారత AI మోడల్ రెడీ: అశ్వినీ వైష్ణవ్
ChatGPT, DeepSeekలాగా స్వదేశీ జనరేటివ్ AI మోడల్‌ను డెవలప్ చేస్తామని IT మంత్రి అశ్వినీ వైష్ణవ్ ప్రకటించారు. భారత AI Compute Fecility కోసం 19000 GPUలను సేకరించామన్నారు. ‘పెద్ద కంపెనీలు 6-8 నెలల్లో AI మోడల్స్ రూపొందిస్తాయని మా నమ్మకం. కొన్ని 4-6 నెలలే తీసుకోవచ్చు. అగ్రికల్చర్, క్లైమేట్ ఛేంజ్, లెర్నింగ్ డిజబిలిటీస్ థీమ్స్‌లో ఫస్ట్‌రౌండ్ ఫండింగ్ కోసం 18 AI ఆధారిత యాప్స్‌ను ఎంపికచేశాం’ అని తెలిపారు.
News January 30, 2025
చండీగఢ్ మేయర్ ఎన్నికల్లో బీజేపీ విజయం
కేంద్ర పాలిత ప్రాంతం చండీగఢ్ మేయర్ ఎన్నికల్లో ఆప్‌నకు షాక్ తగిలింది. ఆప్ అభ్యర్థి ప్రేమ్ లతపై బీజేపీ అభ్యర్థి హర్‌ప్రీత్ కౌర్ బబ్లా గెలిచారు. కాషాయ పార్టీకి 19 ఓట్లు రాగా, ఆప్‌కి 17 ఓట్లు వచ్చాయి. దీంతో ఎన్నికల అధికారులు బబ్లాను మేయర్‌గా ప్రకటించారు. ఈ ఎన్నికలు హైకోర్టు మాజీ న్యాయమూర్తి జైశ్రీ ఠాకూర్ పర్యవేక్షణలో జరిగాయి. కాగా క్రాస్ ఓటింగ్ జరిగినట్లు సమాచారం.
News January 30, 2025
‘వాట్సాప్ గవర్నెన్స్’లో సమస్య వస్తే మేమే ఫోన్ చేస్తాం: లోకేశ్
AP: గతంలో ఏ చిన్న సర్టిఫికెట్ కావాలన్నా ఆఫీసుల చుట్టూ తిరిగే పరిస్థితి ఉండేదని మంత్రి లోకేశ్ చెప్పారు. తమది ప్రజా ప్రభుత్వం కాబట్టే <<15308535>>వాట్సాప్ గవర్నెన్స్‌ను<<>> ప్రారంభించినట్లు తెలిపారు. ఇవాళ 161 సేవలను లాంచ్ చేశామని, త్వరలో 360 సేవలకు విస్తరిస్తామని వెల్లడించారు. 3-4 నెలల్లో వాయిస్ బేస్డ్ AI బోట్‌ను అందుబాటులోకి తీసుకొస్తామని వివరించారు. ఏదైనా సమస్య వస్తే తామే కస్టమర్‌కు ఫోన్ చేసి పరిష్కరిస్తామన్నారు.
News January 30, 2025
ఆదాయపు పన్ను లేని భారత రాష్ట్రమేదో తెలుసా?
మన దేశంలో ఎవరైనా సరే ఆదాయపు పన్ను కట్టాల్సిందే. అయితే సిక్కిం వాసులు ఇందుకు మినహాయింపు. 300ఏళ్లకు పైగా రాచరిక పాలనలో ఉన్న ఆ రాష్ట్రం 1975లో INDలో విలీనమవుతూ తమ ప్రజలకు ఆదాయపు పన్ను విధించొద్దనే షరతు పెట్టింది. దీనికి ప్రభుత్వం అంగీకరించి ఆర్టికల్ 371F ప్రకారం స్పెషల్ హోదా కల్పించింది. IT చట్టంలో సెక్షన్ 10(26AAA)ను తీసుకొచ్చింది. 1975కు ముందు నుంచి అక్కడ నివాసం ఉంటున్నవారికే ఈ సదుపాయం ఉంటుంది.
News January 30, 2025
BREAKING: ‘వాట్సాప్ గవర్నెన్స్’ ప్రారంభం
AP: దేశంలోనే తొలిసారి వాట్సాప్ గవర్నెన్స్ సేవలను మంత్రి నారా లోకేశ్ ప్రారంభించారు. తొలి విడతలో 161 సేవలను ప్రభుత్వం అందుబాటులోకి తీసుకొచ్చింది. దేవదాయ, ఆర్టీసీ, విద్యుత్, రెవెన్యూ, CMRF, ఆరోగ్య కార్డులు, మున్సిపల్ సేవల కోసం వాట్సాప్‌లో 9552300009 నంబర్‌కు హాయ్ అని మెసేజ్ చేయాల్సి ఉంటుంది. ఆఫీసుల చుట్టూ తిరగాల్సిన అవసరం ఉండదు. ఈ సేవలకు గాను గత అక్టోబర్‌లో ప్రభుత్వం మెటాతో ఒప్పందం చేసుకుంది.
News January 30, 2025
క్రెడిట్ కార్డు గురించి మర్చిపోయాడు.. ఇప్పుడు రూ.22 లక్షల బిల్లు!
క్రెడిట్ కార్డు డ్యూ కట్టకపోవడంతో బ్యాంకుకు తన ఫ్రెండ్‌ ఏకంగా రూ.22 లక్షలు బాకీ పడినట్లు ఓ వ్యక్తి ‘రెడిట్’లో చేసిన పోస్ట్ వైరలవుతోంది. ‘నా ఫ్రెండ్‌కు బ్యాంకు నుంచి రూ.22 లక్షలు బాకీ ఉన్నట్లు నోటీసు వచ్చింది. 2007లో తన క్రెడిట్ కార్డు ద్వారా రూ.299 లావాదేవీ చేసి దానిని మర్చిపోయాడు. అప్పటి నుంచి వడ్డీలు వేయడంతో ఇప్పుడది రూ.22లక్షలకు చేరింది. ఇది క్రెడిట్ రిపోర్ట్స్‌లో చూశాం’ అని పేర్కొన్నారు.
News January 30, 2025
Good News: క్యాన్సర్‌ను గుర్తించే రక్తపరీక్ష
యువత ఎదుర్కొంటున్న అతిపెద్ద సమస్యల్లో పెద్దపేగు/కొలోన్ క్యాన్సర్ ఒకటి. కొలొనోస్కోపీ ఇబ్బందికరంగా ఉండటంతో చాలామంది స్క్రీనింగ్ చేయించుకోవడం లేదు. ఈ సమస్యను యేల్ యూనివర్సిటీ పరిష్కరించింది. ఈ వ్యాధిని గుర్తించే రక్తపరీక్షను కనిపెట్టింది. రోగస్థుల్లో 81%, ఆరోగ్యవంతుల్లో (లేదని) 90% కచ్చితత్వంతో రిజల్టు వచ్చినట్టు తెలిపింది. వీరికి కొలనోస్కోపీ, రక్తపరీక్షలను ఒకేసారి నిర్వహించి ఫలితాలను సమీక్షించారు.
News January 30, 2025
ఖవాజా ‘RECORD’ డబుల్ సెంచరీ
శ్రీలంకతో జరుగుతున్న తొలి టెస్టులో ఆస్ట్రేలియా ఓపెనర్ ఉస్మాన్ ఖవాజా డబుల్ సెంచరీ చేశారు. 290 బంతుల్లో 16 ఫోర్లు, ఒక సిక్సర్ సాయంతో ద్విశతకం బాదారు. ఈ ఆసీస్ బ్యాటర్‌కు టెస్టుల్లో ఇదే తొలి డబుల్ సెంచరీ కాగా శ్రీలంకలో ఈ ఘనత సాధించిన తొలి ఆస్ట్రేలియన్‌ క్రికెటర్‌గా రికార్డు సృష్టించారు. 38 ఏళ్ల ఖవాజా ఇప్పటివరకు 79 టెస్ట్ మ్యాచుల్లో 5వేలకు పైగా రన్స్ చేశారు. ఇందులో 15 సెంచరీలు, 27 హాఫ్ సెంచరీలున్నాయి.
Featured News
Sorry, no posts matched your criteria.