India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 7, 2024
తైవాన్ చైనాలో అంతర్భాగమే: చైనా ఎంబసీ
తైవాన్ చైనాలో అంతర్భాగమని భారత్‌లోని ఆ దేశ ఎంబసీ పునరుద్ఘాటించింది. వన్ చైనా పాలసీని ప్రపంచ దేశాలు గుర్తించాయని తెలిపింది. చైనాతో దౌత్యసంబంధాలు ఉన్న నేపథ్యంలో భారత్ తైవాన్ నేతల రాజకీయాలకు దూరంగా ఉండాలని సూచించింది. తైవాన్ అధ్యక్షుడు లాయ్ చింగ్ ఇటీవల ప్రధాని మోదీకి అభినందనలు తెలిపిన నేపథ్యంలో చైనా ఈ ప్రకటన చేసింది. తైవాన్-భారత్ బంధం బలోపేతానికి కృషి చేయాలని లాయ్ పేర్కొనడాన్ని చైనా తప్పుపట్టింది.
News June 7, 2024
ఫ్రెంచ్ ఓపెన్: ఫైనల్‌లోకి దూసుకెళ్లిన స్వైటెక్
ఫ్రెంచ్ ఓపన్ ఉమెన్ సింగిల్స్ కేటగిరీలో ప్రపంచ నం.1 ఇగా స్వైటెక్ ఫైనల్‌కు (పోలాండ్) దూసుకెళ్లారు. సెమీస్‌లో కోకో గౌఫ్‌పై (US) 6-2, 6-4 తేడాతో గెలుపొందారు. కాగా స్వైటెక్ ఫ్రెంచ్ ఓపెన్ ఫైనల్ చేరుకోవడం గత ఐదేళ్లలో ఇది నాలుగోసారి. మరోవైపు మెన్స్ డబుల్స్‌ విభాగం సెమీస్‌లో భారత ఆటగాడు రోహన్ బొప్పన్న- ఎబ్‌డెన్ (ఆస్ట్రేలియా) ద్వయానికి ఎదురుదెబ్బ తగిలింది. బొలెల్లి-వావసోరీ (ఇటలీ) చేతిలో ఓడిపోయారు.
News June 7, 2024
లొకేషన్ హిస్టరీని డిలీట్ చేయనున్న గూగుల్
యూజర్లు తిరిగిన లొకేషన్లకు సంబంధించిన డేటాను డిలీట్ చేయనున్నట్లు గూగుల్ వెల్లడించింది. యూజర్ల పర్సనల్ డేటాను స్టోర్ చేయడం తగ్గిస్తామని గత ఏడాది ప్రకటించిన నేపథ్యంలో ఈ మేరకు చర్యలు చేపడుతోంది. లొకేషన్ డేటాను సేవ్ చేసే టైమ్‌లైన్ ఫీచర్‌ ఇకపై యూజర్లు సెలక్ట్ చేసుకుంటేనే పనిచేస్తుందని తెలిపింది. అయితే ఆ డేటా కూడా కంపెనీ సర్వర్లలో స్టోర్ కాదని, కేవలం యూజర్లలో ఫోన్లలోనే స్టోర్ అవుతుందని స్పష్టం చేసింది.
News June 7, 2024
పాక్‌ను దెబ్బకొట్టింది మనోళ్లే!
T20WC: పాకిస్థాన్‌తో జరిగిన మ్యాచ్‌లో USA గెలుపొందడం వెనుక ఆ జట్టులోని భారత సంతతి ఆటగాళ్లు కీలక పాత్ర పోషించారు. కెప్టెన్ మోనక్ పటేల్ బ్యాటింగ్‌‌లో 50(38) అదరగొడితే, బౌలింగ్‌లో సౌరభ్ నేత్రావల్కర్ రెండు వికెట్లు పడగొట్టి రాణించాడు. సూపర్ ఓవర్‌లోనూ నేత్రావల్కర్ ధాటికి పాక్ బ్యాటర్ల నిలవలేకపోయారు. ముంబైలో పుట్టిన సౌరభ్ గతంలో రంజీ ట్రోఫీ (2013-14), అండర్-19 జట్టుకు ప్రాతినిధ్యం వహించాడు.
News June 7, 2024
RBI మానిటరీ పాలసీపై ఇన్వెస్టర్ల ఫోకస్!
ఎన్నికల ఫలితాలతో ఒడుదొడుకులకు గురై మళ్లీ మార్కెట్లు కోలుకుంటున్న వేళ ఇన్వెస్టర్ల దృష్టి ఇప్పుడు RBI మీద పడింది. మానిటరీ పాలసీ నిర్ణయాలను ఈరోజు RBI వెల్లడించనుండటమే ఇందుకు కారణం. ద్రవ్యోల్బణం తగ్గి, GDP వృద్ధిపై RBI అంచనా పెంచితే అది తమకు సానుకూలంగా మారొచ్చని ఇన్వెస్టర్లు ఆశిస్తున్నారు. ఇక వడ్డీ రేట్లను మరోసారి RBI 6.5శాతానికి పరిమితం చేసే అవకాశం ఉందని విశ్లేషకులు చెబుతున్నారు.
News June 7, 2024
జూన్ 7: చరిత్రలో ఈరోజు
1953: సినీ నటి లత జననం
1960: సినీ నటి సరిత జననం
1974: భారత టెన్నిస్ క్రీడాకారుడు మహేశ్ భూపతి జననం
2022: మాజీ ఉపరాష్ట్రపతి బసప్ప దానప్ప జత్తి మరణం
2005: సినీ రచయిత, అభ్యుదయవాది బొల్లిముంత శివరామకృష్ణ మరణం
2011: ప్రముఖ నృత్యకళాకారుడు నటరాజ రామకృష్ణ మరణం
1979: భారతీయ ఉపగ్రహం భాస్కర-1 ప్రయోగం
>> ప్రపంచ ఆహార భద్రత దినోత్సవం
News June 7, 2024
T20WC: థ్రిల్లింగ్ విక్టరీ.. పాక్‌కు USA షాక్
టీ20 ప్రపంచకప్‌లో పాకిస్థాన్‌‌కు USA షాక్ ఇచ్చింది. సునాయసంగా గెలుస్తామని పాక్ భావించిన మ్యాచ్‌ను సూపర్ ఓవర్ వరకు తీసుకెళ్లి థ్రిల్లింగ్ విక్టరీ నమోదు చేసింది. టాస్ ఓడి తొలుత బ్యాటింగ్ చేసిన పాక్ 7 వికెట్ల నష్టానికి 159 పరుగులు చేసింది. ఛేదనకు దిగిన USA మ్యాచ్‌ను టై చేసింది. సూపర్ ఓవర్‌లో USA 19 పరుగులు చేయగా, ఛేదనలో పాక్ 13 రన్స్‌కే చతికిలపడింది. దీంతో USA ఐదు పరుగులు తేడాతో గెలుపొందింది.
News June 7, 2024
ఉక్రెయిన్‌కు రావాలని మోదీని ఆహ్వానించా: జెలెన్ స్కీ
స్విట్జర్లాండ్‌లోని బర్గెన్‌స్టాక్‌లో జరిగే శాంతి సదస్సుకు హాజరు కావాలని ప్రధాని మోదీని కోరినట్లు ఉక్రెయిన్ అధ్యక్షుడు జెలెన్‌స్కీ ట్విటర్‌లో తెలిపారు. ఈ సమావేశంలో భారత్ పాత్ర ఎక్కువగా ఉంటుందని ఆకాంక్షిస్తున్నట్లు చెప్పారు. అవకాశం ఉంటే ఉక్రెయిన్‌ను సందర్శించాలని ఆహ్వానించినట్లు వెల్లడించారు. రష్యా-ఉక్రెయిన్ యుద్ధం నేపథ్యంలో స్విట్జర్లాండ్‌లో ఈ నెల 15-16న శాంతి సదస్సు నిర్వహిస్తున్నారు.
News June 7, 2024
సూడాన్‌లో నరమేధం.. 100 మంది మృతి
సూడాన్‌లోని గెజీరా ప్రావిన్స్‌ పరిధిలోని వాద్ అల్ నౌరా గ్రామంలో మిలిటెంట్లు నరమేధం సృష్టించారు. పారామిలిటరీ ర్యాపిడ్ సపోర్ట్ ఫోర్సెస్ (RSF) చేపట్టిన దాడిలో 100 మందికిపైగా ప్రాణాలు కోల్పోయారు. సూడాన్ ఆర్మీ తమపై దాడులకు ప్రయత్నించిందని అందుకు ప్రతీకారంగా ఈ దాడులు చేస్తున్నట్లు RSF పేర్కొంది. సూడాన్ సైన్యం, RSF మధ్య ఏడాదిగా కొనసాగుతున్న పోరులో ఇప్పటివరకు 14వేల మందికిపైగా ప్రాణాలు కోల్పోయారు.
News June 7, 2024
పుట్టినరోజు శుభాకాంక్షలు
ఈరోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
Featured News
Sorry, no posts matched your criteria.