India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 5, 2024
చట్టసభలకు మాజీ సివిల్ సర్వెంట్లు
AP: NDA తరఫున పోటీచేసిన నలుగురు మాజీ బ్యూరోక్రాట్లు చట్టసభల్లో తమ గళం వినిపించనున్నారు. బాపట్ల(SC) లోక్‌సభ స్థానంలో మాజీ IPS తెన్నేటి కృష్ణప్రసాద్ గెలుపొందారు. చిత్తూరు MP స్థానంలో మాజీ IRS అధికారి దగ్గుమళ్ల వరప్రసాద్ నెగ్గారు. అంబేడ్కర్ కోనసీమ(D) రాజోలు(SC)లో జనసేన అభ్యర్థి విశ్రాంత IAS అధికారి దేవ వరప్రసాద్, పల్నాడు జిల్లా ప్రత్తిపాడు(SC)లో మాజీ IAS బూర్ల రామాంజనేయులు MLAలుగా విజయం సాధించారు.
News June 5, 2024
FINAL రిజల్ట్స్.. కాంగ్రెస్‌కు ఎన్ని సీట్లు వచ్చాయంటే?
దేశంలో సార్వత్రిక ఎన్నికల ప్రక్రియ ముగిసింది. మొత్తం 543 లోక్‌సభ స్థానాల్లో పార్టీల వారీగా అత్యధికంగా బీజేపీకి 240, కాంగ్రెస్‌కు 99, SPకి 37, టీఎంసీకి 29, డీఎంకేకు 22, టీడీపీకి 16, జేడీయూకు 12 సీట్లు వచ్చాయని ఈసీ వెబ్‌సైట్‌లో పేర్కొంది. ఇక ఓవరాల్‌గా ఎన్డీఏకు 293, ఇండియా కూటమికి 232, ఇతరులకు 18 సీట్లు వచ్చాయి. కాగా 2019లో కాంగ్రెస్‌కు 52 సీట్లు వచ్చిన సంగతి తెలిసిందే.
News June 5, 2024
చంద్రబాబు ప్రమాణ స్వీకార ముహూర్తం ఫిక్స్?
AP: సీఎంగా 4వసారి చంద్రబాబు ప్రమాణ స్వీకారానికి ముహూర్తం ఫిక్స్ అయినట్లు తెలుస్తోంది. ఈ నెల 9న ఉ.11.53 గంటలకు ఆయన పదవీ ప్రమాణం చేస్తారని TDP వర్గాలు వెల్లడించాయి. 12న కూడా పండితులు ముహూర్తం ఖరారు చేసినట్లు తెలిసింది. మరీ ఆలస్యమవుతుందనే కారణంతో వద్దనుకున్నట్లు సమాచారం. విజయవాడ-గుంటూరు హైవే పక్కనున్న పొలాలు/స్థలాలను టీడీపీ నేతలు అన్వేషిస్తున్నారు. ఒకట్రెండు రోజుల్లో వేదికను ఖరారు చేయనున్నారు.
News June 5, 2024
విజయవాడ దెబ్బ అదుర్స్.. మామూలుగా ఉండదు!
AP: విజయవాడ ప్రజలు విలక్షణ తీర్పు ఇస్తుంటారన్నది మరోసారి నిరూపితమైంది. 2019లో YCP వేవ్‌లోనూ TDP MPగా గెలిచిన కేశినేని నాని ఈసారి YCP నుంచి పోటీ చేసి ఓడిపోయారు. గతంలో ఇంజినీర్ KL రావు ఇక్కడ 3సార్లు గెలిచారు. ఈయనే 1980లో పార్టీ మారి పోటీ చేస్తే ఓడిపోయారు. అలాగే ఆ తర్వాత ఎవరైనా 2సార్లు నెగ్గారే తప్ప హ్యాట్రిక్ కొట్టలేదు. ఈసారి కేశినేని నాని హ్యాట్రిక్ ఆశలకు ఆయన సోదరుడే(చిన్ని) గండి కొట్టారు.
News June 5, 2024
సాయంత్రం ఇండియా కూటమి భేటీ
పార్లమెంట్ ఎన్నికల్లో అనూహ్య ఫలితాలు సాధించిన INDIA కూటమి నేతలు ఇవాళ ఢిల్లీలో భేటీ కానున్నారు. సాయంత్రం 6 గంటలకు AICC చీఫ్ ఖర్గే నివాసంలో ఈ సమావేశం జరగనుంది. ఎన్నికల ఫలితాలపై నేతలు సమీక్షించనున్నారు. తాజా ఫలితాల్లో ఇండియా కూటమి 234 సీట్లలో విజయం సాధించింది. కాంగ్రెస్ 99 సీట్లలో గెలిచింది. కేంద్రంలో ప్రభుత్వ ఏర్పాటుకు కూటమి బయట పార్టీలను కూడా ఆహ్వానించే విషయంపై ఈ సమావేశంలో చర్చించే అవకాశం ఉంది.
News June 5, 2024
టీడీపీ సిట్టింగ్ ఎమ్మెల్యేల విక్టరీ
గత ఎన్నికల్లో టీడీపీ 23 సీట్లకే పరిమితమైంది. వీరిలో 17 మంది ఈ ఎన్నికల్లో భారీ మెజార్టీలతో జయకేతనం ఎగురవేశారు. ఇందులో CBN, అచ్చెన్నాయుడు, బాలకృష్ణ, గంటా, చినరాజప్ప, గోరంట్ల, నిమ్మల, గద్దె, అనగాని, గొట్టిపాటి, వంటి నేతలున్నారు. ఉండి, రాజమండ్రి సిటీలో అభ్యర్థులు మారగా వారూ గెలిచారు. కాగా నలుగురు MLAలు YCP వైపు మళ్లారు. YCP నుంచి పోటీచేసిన వల్లభనేని వంశీ, కరణం వెంకటేశ్, వాసుపల్లి గణేశ్ ఓడిపోయారు.
News June 5, 2024
GET READY: ఉదయం 10 గంటలకు ‘కల్కి’ అప్డేట్
పాన్ ఇండియా స్టార్ ప్రభాస్ హీరోగా నాగ్ అశ్విన్ తెరకెక్కిస్తోన్న ‘కల్కి’ సినిమా నుంచి ఉదయం 10 గంటలకు అప్డేట్ రానుంది. ట్రైలర్ రిలీజ్‌కు సంబంధించి మేకర్స్ అప్డేట్ ఇవ్వనున్నారు. అయితే, ఈనెల 7న గ్రాండ్‌గా ట్రైలర్ రిలీజ్ చేసేందుకు ప్లాన్ చేస్తున్నారట. ఇప్పటికే రిలీజైన టీజర్, బుజ్జి గ్లింప్స్ వీడియో సినిమాపై భారీ అంచనాలు పెంచేసిన విషయం తెలిసిందే.
News June 5, 2024
దేశంలో బంపర్ మెజారిటీలు వీరికే..
* శంకర్ లాల్వాణీ(ఇండోర్-బీజేపీ) 11,75,092
* రక్బీల్ హుస్సేన్(ధుబ్రీ-కాంగ్రెస్) 10,12,476
* శివరాజ్ సింగ్ చౌహాన్(విదిశ-బీజేపీ) 8,21,408
* సీఆర్ పాటిల్(నవసారి-బీజేపీ) 7,73,551
* అమిత్ షా(గాంధీనగర్-బీజేపీ) 7,44,716
* అభిషేక్ బెనర్జీ(డైమండ్ హార్బర్-టీఎంసీ) 7,10,930
* రఘువీర్ రెడ్డి( నల్గొండ-కాంగ్రెస్) 5,59,905
News June 5, 2024
‘డబుల్ ఇంజిన్’కు రిపేర్లు
మోదీ మంత్ర ‘డబుల్ ఇంజిన్’కు ఈ ఫలితాల్లో ఎదురుదెబ్బ తగిలింది. కీలకమైన యూపీ, మహారాష్ట్రలో ఆ పార్టీకి మెజారిటీ కంటే తక్కువ స్థానాలే దక్కాయి. ఉత్తర్ ప్రదేశ్‌లో BJPకి 33 సీట్లు, ప్రతిపక్ష ఎస్పీకి 37 సీట్లు రావడం గమనార్హం. మరోవైపు మహారాష్ట్రలో బీజేపీకి 9 సీట్లు రాగా, కాంగ్రెస్‌కు 13 రావడం గమనార్హం. దీంతో అధికారంలో ఉన్న రాష్ట్రంలో బీజేపీకి తక్కువ సీట్లు రావడం చర్చనీయాంశంగా మారింది.
News June 5, 2024
YCP ఓటమిని తట్టుకోలేక అభిమానులు మృతి
AP అసెంబ్లీ ఎన్నికల్లో YCP ఘోర ఓటమిని తట్టుకోలేక కొందరు అభిమానులు మృతి చెందారు. కృష్ణా(D) గుడివాడ సైదేపూడికి చెందిన పిట్ట అనిల్(28) జగన్ ప్రభుత్వం, కొడాలి నాని ఓటమి చెందడం తట్టుకోలేక ఫ్యాన్‌కు ఉరేసుకుని చనిపోయాడు. YSR(D) దిగువ తంబళ్లపల్లెకు చెందిన YCP కార్యకర్త చిన్నయల్లాలు(63) గుండెపోటుతో చనిపోయాడు. కర్నూలు(D) చిన్నతంబళంలోనూ ఉరుకుందప్ప(68) టీవీ చూస్తూ YCP ఓటమిని తట్టుకోలేక తుదిశ్వాస విడిచారు.
Featured News
Sorry, no posts matched your criteria.