India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 4, 2024
ప్రజల విశ్వాసాన్ని వమ్ము చేయకుండా పనిచేస్తాం: మోదీ
లోక్‌సభ ఎన్నికల ఫలితాలపై ప్రధాని నరేంద్ర మోదీ Xలో స్పందించారు. ‘ప్రజలు వరుసగా మూడోసారి ఎన్డీయేపై విశ్వాసం ఉంచారు. భారతదేశ చరిత్రలో ఇదొక చారిత్రక ఘట్టం. ప్రజల ఆకాంక్షలను నెరవేర్చడానికి గత దశాబ్దంలో చేసిన మంచి పనిని కొనసాగిస్తామని హామీ ఇస్తున్నా. ఈ విజయం కోసం ఎంతో కృషి చేసిన కార్యకర్తలందరికీ నేను సెల్యూట్ చేస్తున్నా. వారిని అభినందించేందుకు మాటలు చాలవు’ అని మోదీ పేర్కొన్నారు.
News June 4, 2024
హిందీ హార్ట్‌ల్యాండులో ‘రెక్కలు తెగిన కమలం’
లోక్‌సభలో బంపర్ మెజారిటీ రావాలంటే హిందీ హార్ట్‌ల్యాండే కీలకం. ఇక్కడ 225 సీట్లున్నాయి. గతంతో పోలిస్తే బీజేపీ ఇక్కడ బాగా డీలా పడింది. 2019లో 177 స్థానాల్లో గెలిచిన ఆ పార్టీ 2024లో 125కి తగ్గింది. అప్పుడు 6 సీట్లున్న కాంగ్రెస్ ఇప్పుడు 26కి పెరిగింది. ఎస్పీ సహా స్థానిక పార్టీలు 42 నుంచి 74కు పుంజుకున్నాయి. మొత్తంగా ఎన్డీయే 203 నుంచి 148కి పడిపోయింది. రాజస్థాన్, యూపీలోనే కమలానికి ఎదురుగాలి వీచింది.
News June 4, 2024
వెయ్యి ఓట్లతో గెలిచిన టీడీపీ అభ్యర్థి
AP: గిద్దలూరు టీడీపీ అభ్యర్థి ముత్తుముల అశోక్‌ రెడ్డి స్వల్ప ఓట్ల మెజార్టీతో గట్టెక్కారు. ఆయన తన సమీప అభ్యర్థి కందూరు నాగార్జునరెడ్డి(వైసీసీ)పై 1,080 ఓట్ల తేడాతో గెలుపొందారు. అటు ఆత్మకూరు టీడీపీ అభ్యర్థి ఆనం రాంనారాయణరెడ్డి 6,880 మెజార్టీతో విజయం సాధించారు.
News June 4, 2024
అసెంబ్లీకి ఓడారు.. పార్లమెంట్‌కు గెలిచారు
TG: 2023లో అసెంబ్లీకి పోటీ చేసి ఓడిన ఇద్దరు BJP అభ్యర్థులను 6నెలల్లోనే ప్రజలు పార్లమెంట్‌కు పంపించారు. దుబ్బాకలో BJP అభ్యర్థిగా ఓడిపోయిన రఘునందన్‌రావుకు అధిష్ఠానం మెదక్ సీటు ఇవ్వగా ప్రజలు ఆదరించడంతో గెలుపొందారు. ఇటు ఈటల అసెంబ్లీ ఎన్నికల్లో హుజురాబాద్, గజ్వేల్ అసెంబ్లీ స్థానాల్లో ఓటమి చెందారు. అయినా వెనుకడుగు వేయకుండా మల్కాజిగిరి MP స్థానానికి పోటీ చేయగా ప్రజలు ఆయనను దీవించారు.
News June 4, 2024
అభివృద్ధి పథం వైపు సాగుదాం: సీఎం రేవంత్
ఏపీ ఎన్నికల్లో భారీ విజయం సాధించడంపై టీడీపీ అధినేత చంద్రబాబు నాయుడు, జనసేన చీఫ్ పవన్ కళ్యాణ్‌కు తెలంగాణ సీఎం రేవంత్ రెడ్డి కంగ్రాట్స్ చెప్పారు. ‘ఇరు రాష్ట్రాల మధ్య సత్సంబంధాలను కొనసాగిస్తూ.. సమస్యలను పరిష్కరించుకుంటూ.. అభివృద్ధి పథం వైపు సాగుదాం’ అంటూ ఆయన ట్వీట్ చేశారు.
News June 4, 2024
ఉమ్మడి విశాఖలోనూ కూటమిదే విజయం
ఉమ్మడి విశాఖలో కూటమి 15 స్థానాలకుగాను 13 స్థానాల్లో విజయం సాధించింది. భీమిలి, చోడవరం, గాజువాక, మాడుగుల, నర్సీపట్నం, పాయకరావుపేట, విశాఖ- తూర్పు, విశాఖ-పశ్చిమలో TDP అభ్యర్థులు గెలుపొందారు. విశాఖ-ఉత్తరంలో బీజేపీ.. విశాఖ-దక్షిణం, పెందుర్తి, అనకాపల్లి, యలమంచిలిలో జనసేన అభ్యర్థులు విజయం సాధించారు. 2019 ఎన్నికల్లో 11 స్థానాల్లో గెలిచిన YCP ఇప్పుడు అరకు, పాడేరులో మాత్రమే గెలుపొందింది.
News June 4, 2024
ఈ రాష్ట్రాల్లో బీజేపీ క్లీన్‌స్వీప్!
లోక్‌సభ ఎన్నికల ఫలితాల్లో దేశంలోని పలు రాష్ట్రాలు, కేంద్ర పాలిత ప్రాంతాల్లో బీజేపీ క్లీన్‌స్వీప్ దిశగా దూసుకెళ్తోంది. మధ్యప్రదేశ్(29), ఢిల్లీ(7), ఉత్తరాఖండ్(5), హిమాచల్ ప్రదేశ్(4), అరుణాచల్ ప్రదేశ్(2), త్రిపుర(2), అండమాన్ నికోబార్(1)లో ఇప్పటికే కొన్ని స్థానాలు గెలుచుకుంది. మిగతా స్థానాల్లోనూ ఆధిక్యంలో కొనసాగుతూ క్లీన్‌స్వీప్ దిశగా దూసుకెళ్తోంది.
News June 4, 2024
నెల్లూరులో గెలిచింది వీరే!
AP: నెల్లూరు జిల్లాలో టీడీపీ క్లీన్ స్వీప్ చేసింది. మొత్తం 10 స్థానాలను ఆ పార్టీనే కైవసం చేసుకుంది. ఆత్మకూరు- ఆనం రామనారాయణరెడ్డి, గూడూరు- పాశం సునీల్, కావలి-కావ్య కృష్ణారెడ్డి, కోవూరు-వేమిరెడ్డి ప్రశాంతి, నెల్లూరు రూరల్-కోటంరెడ్డి శ్రీధర్ రెడ్డి, నెల్లూరు సిటీ-నారాయణ, సర్వేపల్లి-సోమిరెడ్డి చంద్రమోహన్ రెడ్డి, సూళ్లూరుపేట-నెలవల విజయశ్రీ, ఉదయగిరి-కాకర్ల సురేశ్, వెంకటగిరి-కురుగొండ్ల రామకృష్ణ.
News June 4, 2024
అక్కడా.. ఇక్కడా 8 సీట్లే
తెలుగు రాష్ట్రాల్లో బీజేపీ రఫ్ఫాడించింది. తెలంగాణలో ఇప్పటికే 8 అసెంబ్లీ స్థానాల్లో గెలుపొందిన బీజేపీ.. పార్లమెంట్ ఎన్నికల్లోనూ 8 స్థానాల్లో విజయం సాధించింది. అయితే, ఇటు ఆంధ్రప్రదేశ్‌లోనూ 8 అసెంబ్లీ స్థానాల్లో జెండా పాతింది. దీంతో తెలుగు రాష్ట్రాల్లో బీజేపీకి NO. 8 బాగా కలిసొచ్చిందంటూ నెటిజన్లు కామెంట్స్ చేస్తున్నారు. 2019 ఎన్నికల్లో తెలంగాణలో ఈ పార్టీ 4 స్థానాల్లోనే గెలిచింది.
News June 4, 2024
పొత్తుల చుట్టూనే రాజకీయాలు
లోక్‌సభ ఎన్నికల్లో ఏ జాతీయ పార్టీకి స్పష్టమైన మెజారిటీ లేకపోవడంతో పొత్తుల వైపు దృష్టి సారించాయి. ఇప్పటికే తమతో పొత్తు ఉన్న పార్టీలను కాపాడుకోవడంతో పాటు ప్రతిపక్ష పార్టీలను ఆకర్షించే ప్రయత్నాలు మొదలెట్టాయి. ఓ వైపు ఇండియా కూటమి BJD, జేడీ(యూ), టీడీపీతో సంప్రదింపులు చేస్తున్నట్లు తెలుస్తోంది. మరోవైపు బీజేపీ NDAలోని పార్టీలతో ఫోన్ కాల్స్ ద్వారా సంప్రదింపులు చేసి పదవులు ఆఫర్ చేస్తున్నట్లు సమాచారం.
Featured News
Sorry, no posts matched your criteria.