India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 24, 2024
ఎక్సైజ్ డిపార్ట్‌మెంట్‌ను ప్రక్షాళన చేస్తాం: CBN
AP: దేశ చరిత్రలో ఎప్పుడూ జరగనంత అవినీతి ఎక్సైజ్ డిపార్ట్‌మెంట్ ద్వారా వైసీపీ నేతలు చేశారని సీఎం చంద్రబాబు ఆరోపించారు. ‘కొత్త మద్యం పాలసీ తీసుకురావాల్సి ఉంది. మద్యం రేట్లను పేదలకు అందుబాటులోకి తీసుకొస్తాం. డీఅడిక్షన్, రీహాబిలిటేషన్ సెంటర్లను ఏర్పాటు చేయాల్సి ఉంది. మరోసారి ఇలాంటి అవినీతి చేయాలంటే భయపడేలా వ్యవస్థను ప్రక్షాళన చేస్తాం’ అని ఎక్సైజ్ పాలసీపై శ్వేతపత్రం విడుదల సందర్భంగా చంద్రబాబు చెప్పారు.
News July 24, 2024
బ్రాండ్ మద్యాన్ని కనుమరుగు చేశారు: చంద్రబాబు
AP: దేశమంతా దొరికే బ్రాండ్ మద్యం ఏపీలో దొరక్కుండా గత YCP ప్రభుత్వం చేసిందని CM చంద్రబాబు దుయ్యబట్టారు. ‘వాళ్లు అనుమతించిన బ్రాండే మద్యం షాపులో దొరుకుతుంది. MNC బ్రాండ్‌లన్నీ కనుమరుగయ్యేలా చేశారు. మాన్యుఫాక్చరింగ్ యూనిట్లన్నీ YCP నేతల చేతుల్లోకి వెళ్లాయి. కొత్తగా 26 కంపెనీలు, 38 రకాల లోకల్ బ్రాండ్‌లు పుట్టుకొచ్చాయి. నాసిరకం మద్యంతో ప్రజల ప్రాణాలతో చెలగాటమాడారు’ అని అసెంబ్లీలో విమర్శించారు.
News July 24, 2024
రాహుల్ గాంధీకి బానిసలుగా కాంగ్రెస్ నేతలు: మహేశ్వర్ రెడ్డి
TG: బీజేపీకి ఏ రాష్ట్రంపైనా వివక్ష లేదని ఆ పార్టీ MLA మహేశ్వర్ రెడ్డి అన్నారు. రాష్ట్ర మంత్రుల విజ్ఞప్తుల పట్ల కేంద్ర మంత్రులు సానుకూలంగా స్పందించినట్లు అసెంబ్లీలో గుర్తుచేశారు. రాష్ట్ర కాంగ్రెస్ నేతలు రాహుల్ గాంధీకి బానిసలుగా మారి తమ కుర్చీని కాపాడుకునే ప్రయత్నం చేస్తున్నారని ఆయన మండిపడ్డారు. ఏపీకి ప్రత్యేక హోదా ఇవ్వకుండా తెలంగాణను రక్షించినందుకు ప్రధాని మోదీకి పాలాభిషేకం చేయాలని అన్నారు.
News July 24, 2024
భారత్‌తో టీ20లకు స్టార్ పేసర్ దూరం
భారత్‌తో టీ20 సిరీస్ ముంగిట శ్రీలంక స్టార్ పేసర్ దుష్మంత చమీరా జట్టుకు దూరమయ్యారు. గాయం వల్లే అతడు సిరీస్ నుంచి వైదొలిగినట్లు తెలుస్తోంది. ఈ నెల 27 నుంచి జరగాల్సిన ఈ టీ20 సిరీస్‌కు లంక బోర్డు నిన్న జట్టును ప్రకటించింది. కాగా చమీరా స్థానంలో మరో పేసర్‌ను జట్టులోకి తీసుకోవాల్సి ఉంది. హిట్‌మ్యాన్ రోహిత్‌శర్మను చమీరా టీ20ల్లో 11 మ్యాచుల్లో 6సార్లు ఔట్ చేశారు.
News July 24, 2024
ఢిల్లీ వెళ్లి చీకట్లో మాట్లాడుకొని వచ్చారు: CM రేవంత్
TG: బీఆర్ఎస్ నేతలు విలీనం కోసం ఢిల్లీ వెళ్లి చీకట్లో మాట్లాడుకొని వచ్చారని సీఎం రేవంత్ ఆరోపించారు. కేంద్రం బడ్జెట్‌లో తెలంగాణకు ప్రాధాన్యం ఇవ్వలేదని సోనియా, రాహుల్ గాంధీ, మల్లికార్జున్ ఖర్గేతో కలిసి కాంగ్రెస్ పార్టీ ఎంపీలు పార్లమెంటులో నిరసన చేస్తున్నారని సీఎం అన్నారు. మరి బీఆర్ఎస్ రాజ్యసభ ఎంపీలు ఎక్కడున్నారో వెతుక్కోవాలని ఎద్దేవా చేశారు.
News July 24, 2024
వైసీపీ నేతల జేబుల్లోకి మద్యం డబ్బు: చంద్రబాబు
AP: గత ప్రభుత్వం మద్యం ధరలను విపరీతంగా పెంచిందని CM చంద్రబాబు దుయ్యబట్టారు. ఎక్సైజ్ పాలసీలో అవకతవకలపై అసెంబ్లీలో శ్వేతపత్రం విడుదల చేశారు. ‘ధరలు పెంచితే తాగేవాళ్లు తగ్గుతారన్నారు. కానీ ఇంకా పెరిగారు. మద్యపాన నిషేధమన్నారు.. లిక్కర్ ఔట్‌లెట్స్ తగ్గిస్తామన్నారు, అన్నీ మరిచారు. పెరిగిన ఆదాయమంతా YCP నేతల జేబుల్లోకి వెళ్లింది. నేరస్థుడే సీఎం అయితే ఏం జరుగుతుందో గత ఐదేళ్లలో చూశాం’ అని CBN పేర్కొన్నారు.
News July 24, 2024
హార్దిక్‌కు నో కెప్టెన్సీ.. ఇప్పుడు గౌతీ టైమ్
హార్దిక్‌ను కాదని సూర్యను టీ20 కెప్టెన్‌గా నియమించడం ఆశ్చర్యంగా అనిపించలేదని జీటీ కోచ్ ఆశిష్ నెహ్రా అన్నారు. ‘ఇలాంటివి సహజమే. ప్రతి కోచ్, కెప్టెన్‌కు సొంత ఆలోచనలు ఉంటాయి. పైగా కోచ్ మారారు. ఇప్పుడు గౌతీ మార్గనిర్దేశం చేస్తున్నాడు. షార్ట్ ఫార్మాట్లో పాండ్య కీలకం. అతనుంటే నలుగురు పేసర్లు సరిపోతారు. అతడి ఫిట్‌నెస్ పరిమితుల్ని బట్టి గంభీర్, అగార్కర్ తీసుకున్న నిర్ణయం కరెక్టే’ అని నెహ్రా పేర్కొన్నారు.
News July 24, 2024
కాంగ్రెస్‌లో సీనియర్లకు ప్రాధాన్యత లేదు: హరీశ్
TG: కాంగ్రెస్ పార్టీలో సీనియర్లకు ప్రాధాన్యత లేదని మాజీ మంత్రి, బీఆర్ఎస్ ఎమ్మెల్యే హరీశ్ రావు అన్నారు. సభ వాయిదా పడ్డ సమయంలో అసెంబ్లీ లాబీలో మీడియాతో ఆయన చిట్‌చాట్‌లో పాల్గొన్నారు. మొదటి నుంచి కాంగ్రెస్‌ను నమ్ముకొని ఉన్న వీహెచ్‌లాంటి సీనియర్ లీడర్లకు ఎలాంటి పదవీ దక్కలేదన్నారు. స్వార్థం కోసం కండువాలు కప్పుకొని నిన్నగాక మొన్న పార్టీలోకి వచ్చిన వారికి క్యాబినెట్ హోదా పదవులిచ్చారని విమర్శించారు.
News July 24, 2024
ఎక్సైజ్ పాలసీపై అసెంబ్లీలో శ్వేతపత్రం విడుదల
AP: గత వైసీపీ ప్రభుత్వం అమలుచేసిన ఎక్సైజ్ పాలసీపై సీఎం చంద్రబాబు అసెంబ్లీలో శ్వేతపత్రం విడుదల చేశారు. పాలసీలో అవకతవకలపై ఆయన పవర్ పాయింట్ ప్రజెంటేషన్ ఇస్తున్నారు.
News July 24, 2024
ఫిక్స్‌డ్ డిపాజిట్లపై వడ్డీ రేట్లు పెంచిన HDFC
ఫిక్స్‌డ్ డిపాజిట్లపై వడ్డీరేట్లను పెంచుతున్నట్లు HDFC ప్రకటించింది. రూ.3 కోట్ల కంటే తక్కువ మొత్తం డిపాజిట్లపై 20 బేసిస్ పాయింట్లు అదనంగా వడ్డీ ఇస్తున్నట్లు పేర్కొంది. దీంతో FD ఖాతాదారుల్లో గరిష్ఠంగా సాధారణ పౌరులకు 7.40%, సీనియర్ సిటిజన్లకు 7.90% వడ్డీ లభిస్తుంది. నేటి నుంచే ఈ పెంచిన రేట్లు అమల్లోకి వచ్చినట్లు ఆ బ్యాంకు వివరించింది.
Featured News
Sorry, no posts matched your criteria.