India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 22, 2024
3.2%కి తగ్గిన నిరుద్యోగిత రేటు: నిర్మలా సీతారామన్
దేశంలో నిరుద్యోగిత రేటు 2022-23 నాటికి 3.2%కి తగ్గిందని కేంద్ర ఆర్థిక మంత్రి నిర్మలా సీతారామన్ తెలిపారు. 2023-24 ఆర్థిక సర్వేను లోక్‌సభలో ప్రవేశపెట్టారు. 2024-25FYలో దేశ GDP 6.5%-7% వృద్ధిని నమోదు చేయవచ్చని పేర్కొన్నారు. ఆటో మొబైల్ రంగంలో ఉత్పత్తి ఆధారిత ప్రోత్సాహకాల పథకం వల్ల ₹67,690 కోట్ల పెట్టుబడి ప్రతిపాదనలు వచ్చాయని, ₹14,000కోట్లు కార్యరూపం దాల్చాయని పేర్కొన్నారు.
News July 22, 2024
డెమోక్రాట్లకు ఒబామా హెచ్చరిక
మున్ముందు ఊహించని పరిణామాలు ఎదుర్కోవాల్సి ఉంటుందని డెమోక్రటిక్ పార్టీ నేతల్ని మాజీ అధ్యక్షుడు ఒబామా హెచ్చరించారు. అధ్యక్ష బరి నుంచి బైడెన్ తప్పుకొన్న సంగతి తెలిసిందే. ఇది ట్రంప్‌నకు మరింత సానుకూలం కాగా డెమోక్రటిక్ పార్టీకి కొత్త అభ్యర్థిని వెతకడం, గెలిపించుకోవడం వంటి సవాళ్లున్నాయి. ఈ నేపథ్యంలోనే ఒబామా పార్టీ నేతలతో మాట్లాడారు. భవిష్యత్తు కోసం బైడెన్ తప్పుకోవడం గొప్ప విషయమంటూ కొనియాడారు.
News July 22, 2024
ఇన్‌స్టా మార్ట్‌పై కన్నేసిన అమెజాన్!
ఇన్‌స్టామార్ట్ బిజినెస్‌ను కొనేందుకు అమెజాన్ ఆసక్తికరంగా ఉందని సమాచారం. ఇప్పటికే స్విగ్గీని సంప్రదించినట్టు వార్తలు వస్తున్నాయి. ఐపీవోకు ముందే వాటా దక్కించుకోవడం లేదా మొత్తంగా వ్యాపారాన్నే కైవసం చేసుకొనే ప్లాన్‌లో ఉందట. సొంతంగా క్విక్ కామర్స్ రంగంలోకి రావాలని అమెజాన్ కొన్ని నెలలుగా ప్రయత్నిస్తోంది. అయితే గ్లోబల్‌గా క్లియరెన్స్ రావడానికి టైమ్ పట్టేలా ఉండటంతో స్విగ్గీ దారి ఎంచుకొందని తెలుస్తోంది.
News July 22, 2024
7,934 ఉద్యోగాలకు నోటిఫికేషన్ విడుదల
రైల్వే రిక్రూట్‌మెంట్ బోర్డ్ (RRB) 7,934 జూనియర్ ఇంజినీర్ (జేఈ) పోస్టుల భర్తీకి నోటిఫికేషన్ రిలీజ్ చేసింది. జులై 30 నుంచి ఆగస్టు 29 వరకు అప్లై చేసుకోవచ్చు. వయసు: 18-36 ఏళ్లు. విద్యార్హత: బీటెక్/బీఈ. CBT-1, CBT-2, డాక్యుమెంట్ వెరిఫికేషన్, మెడికల్ ఎగ్జామినేషన్ ద్వారా ఎంపిక చేస్తారు. త్వరలో పరీక్ష తేదీలను ప్రకటించనున్నారు. ప్రారంభ వేతనం రూ.35,400+అలవెన్సులు ఉంటాయి. పూర్తి వివరాల కోసం ఇక్కడ <
News July 22, 2024
26 వరకు అసెంబ్లీ సమావేశాలు
AP: అసెంబ్లీ సమావేశాలు ఈనెల 26 వరకు జరగనున్నాయి. స్పీకర్ అయ్యన్నపాత్రుడి అధ్యక్షతన జరిగిన బీఏసీ భేటీలో ఈ నిర్ణయం తీసుకున్నారు. ఈ సమావేశాల్లో ల్యాండ్ టైటిలింగ్ యాక్ట్ రద్దు, హెల్త్ వర్సిటీ పేరు మార్పు బిల్లులతో పాటు కొన్ని శ్వేతపత్రాలను ప్రభుత్వం ప్రవేశపెట్టనున్నట్లు స్పీకర్ తెలిపారు. సీఎం సూచనతో నలుగురు ప్యానల్ స్పీకర్లను నియమించనున్నట్లు ఆయన వెల్లడించారు.
News July 22, 2024
IAS స్మితా సబర్వాల్‌పై విమర్శలు
సివిల్స్‌లో వికలాంగుల కోటాపై IAS స్మితా సబర్వాల్‌ చేసిన <<13679127>>వ్యాఖ్యలపై<<>> సోషల్ మీడియాలో విమర్శలు వ్యక్తమవుతున్నాయి. ఇదే విషయంపై ఓ వైద్యుడు స్పందిస్తూ తాను డాక్టర్ కావడానికి దివ్యాంగులైన టీచర్లు పాఠాలు చెప్పారన్నారు. వాళ్లకు అవకాశం ఇవ్వకపోతే గొప్ప గురువులను కోల్పోయేవారిమన్నారు. వైద్యం చదివేందుకు, చెప్పేందుకు, చేసేందుకు అంగవైకల్యం అడ్డు కాదని, అలాగే పరిపాలనకు ఇది మినహాయింపు కాదన్నారు. దీనిపై మీ కామెంట్?
News July 22, 2024
విప్రో షేర్లు క్రాష్.. ఎందుకంటే?
FY25 Q1లో విప్రో ఫలితాలు నిరాశపరిచాయి. ఆదాయం కేవలం రూ.21,963 కోట్లుగా నమోదైంది. త్రైమాసిక ప్రాతిపదికన వృద్ధిరేటు ఒక శాతం తగ్గింది. క్యూ2 గైడెన్స్ సైతం అంచనాలను అందుకోలేదు. పైగా పోటీ సంస్థలైన TCS, ఇన్ఫోసిస్ రెవెన్యూ 2-3% పెరిగింది. దీంతో నేటి సెషన్లో విప్రో షేర్లు 9% మేర క్రాష్ అయ్యాయి. ప్రస్తుతం రూ.50 నష్టంతో రూ.507 వద్ద ట్రేడవుతున్నాయి. సిటీ రూ.495 టార్గెట్ ధరతో సెల్ రేటింగ్ ఇవ్వడం గమనార్హం.
News July 22, 2024
పార్లమెంట్‌లో ఆర్థిక సర్వే ప్రవేశపెట్టిన నిర్మల
కేంద్రమంత్రి నిర్మలా సీతారామన్ పార్లమెంట్‌లో ఆర్థిక సర్వే(2023-24)ను ప్రవేశపెట్టారు. కాగా రేపు ఆమె సభలో పూర్తిస్థాయి బడ్జెట్‌ను ప్రవేశపెట్టనున్నారు. ఎన్డీఏ ప్రభుత్వం మూడోసారి అధికారం చేపట్టిన తర్వాత ఇదే తొలి బడ్జెట్.
News July 22, 2024
సెక్షన్ 80సీ పరిమితి పెంచితే MF ఇన్వెస్టర్లకు బెనిఫిట్
కేంద్ర ఆర్థిక మంత్రి నిర్మలా సీతారామన్ సెక్షన్ 80సీ పరిమితిని రూ.1.5 లక్షల నుంచి రూ.3 లక్షలకు పెంచితే ELSS MF ఇన్వెస్టర్లకు లబ్ధి చేకూరుతుందని నిపుణులు అంచనా వేస్తున్నారు. ధరల పెరుగుదల కష్టాల నుంచి గట్టెక్కి ఎక్కువ మదుపు చేస్తారని పేర్కొంటున్నారు. దీంతో వ్యక్తిగత భద్రత, భవిష్యత్తుపై భరోసా పెరుగుతుందని అంటున్నారు. అలాగే LTCG పరిమితినీ రూ.లక్ష నుంచి రూ.3 లక్షలకు పెంచాలని సూచిస్తున్నారు.
News July 22, 2024
జులై 31 తర్వాత రూ.5వేల ఫైన్!
ITR ఫైల్ చేసేందుకు గడువు ఈనెల 31తో ముగియనుంది. నిబంధనల ప్రకారం డిసెంబర్ 31 వరకూ ITR ఫైల్ చేసుకునే అవకాశం ఉన్నా ఉచితంగా చేసుకునేందుకు మాత్రం ఈనెల వరకే గడువుంది. వార్షిక ఆదాయం రూ.5లక్షల కంటే ఎక్కువున్న వారు ఆ తర్వాత చేస్తే రూ.5వేలు జరిమానా చెల్లించాల్సి ఉంటుంది. సంవత్సర ఆదాయం రూ.5లక్షలు లేదా అంతకంటే తక్కువ ఉన్నవారు రూ.వెయ్యి ఫైన్‌గా కట్టాలి. అలాగే పన్ను మొత్తంపై వడ్డీ కూడా చెల్లించాల్సి ఉంటుంది.
Featured News
Sorry, no posts matched your criteria.