India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 21, 2024
మెగాస్టార్‌తో సినిమా.. కృష్ణవంశీ ఏమన్నారంటే?
దర్శకుడు కృష్ణవంశీ Xలో అభిమానుల ప్రశ్నలకు ఆసక్తికర సమాధానాలిచ్చారు. మెగాస్టార్ చిరంజీవితో ఓ సినిమా ప్లాన్ చేయమని ఆయనను ఓ నెటిజన్ కోరారు. ‘అన్నయ్యతో సినిమా అంటే ఆయనే డిసైడ్ చేయాలి. నాకు కూడా తనతో మూవీ చేయడం ఎప్పటికీ ఇష్టమే’ అని బదులిచ్చారు. ఇటీవల విడుదలైన సినిమాల్లో కిరణ్ రావు దర్శకత్వంలో తెరకెక్కిన ‘లాపతా లేడిస్’ తనకు బాగా నచ్చిందని చెప్పారు.
News July 21, 2024
విద్యార్థులకు అలర్ట్.. రేపే లాస్ట్ డేట్
AP: ఇంజినీరింగ్ కౌన్సెలింగ్‌లో సీట్లు పొందిన విద్యార్థులు ఈ నెల 22లోగా కాలేజీల్లో చేరాలని సాంకేతిక విద్యాశాఖ వెల్లడించింది. ఈ గడువు లోపు చేరకపోతే ఆ సీట్లను ఖాళీగా భావించి, రెండో విడత కౌన్సెలింగ్‌కు మళ్లిస్తామని తెలిపింది. కాలేజీల యాజమాన్యాలు జులై 23న ప్రవేశాల వివరాలను పోర్టల్‌లో నమోదు చేయాలని సూచించింది.
News July 21, 2024
చాందీపురా వైరస్ సోకి 16 మంది మృతి
గుజరాత్‌లో చాందీపురా <<13646193>>వైరస్<<>> కలకలం రేపుతోంది. ఈ వైరస్ సోకి ఇప్పటివరకు 16 మంది మరణించినట్లు ఆరోగ్య మంత్రి రుషికేశ్ పటేల్ తెలిపారు. మరో 50 కేసులు నమోదైనట్లు పేర్కొన్నారు. రాష్ట్రవ్యాప్తంగా వైరస్ ప్రభావం ఉన్నట్లు తెలిపారు. పరిస్థితిపై అధికారులతో ఎప్పటికప్పుడు సమీక్షిస్తున్నట్లు చెప్పారు.
News July 21, 2024
చేనేత, జౌళి శాఖలో కొలువుల భర్తీ
TG: చేనేత, జౌళి శాఖలో 30 ఉద్యోగాల భర్తీకి సర్కారు నోటిఫికేషన్ విడుదల చేసింది. క్లస్టర్ డెవలప్‌మెంట్ ఎగ్జిక్యూటివ్స్, టెక్స్‌టైల్ డిజైనర్ పోస్టులను భర్తీ చేయనున్నట్లు ప్రకటించింది. ఎంపికైన వారు తాత్కాలిక పద్ధతిలో మూడేళ్ల పాటు పనిచేయాల్సి ఉంటుందని తెలిపింది. IIHT నుంచి చేనేత టెక్నాలజీలో డిప్లొమా చేసిన వారు అర్హులని పేర్కొంది. పూర్తి వివరాలకు tsht.Telangana.gov.in ను సందర్శించాలని స్పష్టం చేసింది.
News July 21, 2024
నేడు యూఏఈతో భారత్ పోరు
మహిళల ఆసియాకప్ టోర్నీలో ఇవాళ యూఏఈతో భారత్ తలపడనుంది. తొలి మ్యాచులో టీమ్ ఇండియా పాకిస్థాన్‌ను చిత్తుచేసిన సంగతి తెలిసిందే. బ్యాటర్లు ఫామ్‌లో ఉండగా బౌలర్లు సత్తా చాటుతున్నారు. దీంతో భారత్‌ను ఎదుర్కోవడం యూఏఈకి సవాల్ కానుంది. మరోవైపు ఈ మ్యాచులోనూ గెలిస్తే భారత్ సెమీస్ ఆశలు మరింత మెరుగుపడుతాయి. మధ్యాహ్నం 2 గంటలకు మ్యాచ్ ప్రారంభం కానుంది.
News July 21, 2024
కాసేపట్లో ఈ ప్రాంతాల్లో వర్షం
తెలంగాణలోని పలు ప్రాంతాల్లో మరో 2 గంటల్లో తేలికపాటి నుంచి మోస్తరు వర్షాలు పడతాయని HYD వాతావరణ కేంద్రం తెలిపింది. ADB, జగిత్యాల, భూపాలపల్లి, గద్వాల్, కామారెడ్డి, ASF, MBNR, మంచిర్యాల, MDK, ములుగు, నాగర్‌కర్నూల్, నారాయణపేట్, నిర్మల్, పెద్దపల్లి, SRD, వనపర్తి, భువనగిరి జిల్లాల్లో వర్షాలు పడతాయని ఎల్లో అలర్ట్ జారీ చేసింది. జనగామ, కరీంనగర్, MHBD, NZB, సిరిసిల్ల, వరంగల్‌లో మోస్తరు వర్షాలు పడతాయంది.
News July 21, 2024
నేడు ఢిల్లీకి సీఎం రేవంత్
TG: సీఎం రేవంత్ నేడు ఢిల్లీకి వెళ్లనున్నారు. 2 రోజుల పాటు సాగే ఈ పర్యటనలో కాంగ్రెస్ అగ్రనేతలతో పాటు పలువురు కేంద్రమంత్రులతో ఆయన భేటీ అవుతారు. మంత్రి వర్గ విస్తరణ, పీసీసీ కొత్త అధ్యక్షుడి నియామకంపై కాంగ్రెస్ పెద్దలతో.. విభజన హామీల అమలు, పెండింగ్ ప్రాజెక్టుల గురించి కేంద్రమంత్రులతో చర్చిస్తారని తెలుస్తోంది. వరంగల్‌లో ఈ నెలాఖరులో నిర్వహించే భారీ బహిరంగ సభకు రాహుల్‌ గాంధీని రేవంత్ ఆహ్వానించనున్నారు.
News July 21, 2024
ప్రాజెక్టులకు కొనసాగుతున్న వరద
TG: రాష్ట్ర వ్యాప్తంగా కురుస్తున్న భారీ వర్షాలతో ప్రాజెక్టులకు వరద పోటెత్తింది. SRSPకి 15 వేల క్యూసెక్కుల ఇన్ ఫ్లో కొనసాగుతోంది. ప్రస్తుత నీటి మట్టం 1,067 అడుగులుగా ఉంది. మరోవైపు భద్రాచలం వద్ద వరద ఉద్ధృతి పెరుగుతోంది. గోదావరి నీటిమట్టం 36.2 అడుగులకు చేరింది. జూరాలకు ఇన్ ఫ్లో 83 వేల క్యూసెక్కులు ఉండగా ఔట్ ఫ్లో 1.17 లక్షలుగా ఉంది. ఎగువ, దిగువ కేంద్రాల్లో విద్యుత్ ఉత్పత్తి కొనసాగుతోంది.
News July 21, 2024
అన్ని స్కూళ్ల టైమింగ్స్ ఇవే
తెలంగాణలోని ప్రభుత్వ ప్రాథమిక, ప్రాథమికోన్నత, <<13668481>>ఉన్నత పాఠశాలలు <<>>ఇకపై ఉదయం 9 గంటలకే ప్రారంభం అవుతాయి. ప్రాథమిక, ప్రాథమికోన్నత పాఠశాలలు ఉదయం 9 నుంచి సాయంత్రం 4 గంటల వరకు పనిచేస్తాయి. 7వ తరగతి వరకు ఉండే ప్రాథమికోన్నత స్కూళ్లు, హైస్కూళ్లు ఉదయం 9 నుంచి సాయంత్రం 4.15 వరకు నిర్వహిస్తారు. HYD, సికింద్రాబాద్‌లో మాత్రం ట్రాఫిక్ దృష్ట్యా స్కూళ్లు ఉదయం 8.45 గంటలకు మొదలై సాయంత్రం 4 గంటల వరకు పనిచేస్తాయి.
News July 21, 2024
శ్రీవారి దర్శనానికి ఎంత సమయమంటే?
AP: తిరుమలలో భక్తుల రద్దీ కొనసాగుతోంది. శ్రీవారి దర్శనానికి 16 గంటల సమయం పడుతోంది. 31 కంపార్టుమెంట్లలో భక్తులు వేచి ఉన్నారు. నిన్న శ్రీవారిని 83,538 మంది భక్తులు దర్శించుకోగా 30,267 మంది తలనీలాలు సమర్పించుకున్నారు. అదే సమయంలో స్వామివారికి రూ.4.25 కోట్ల ఆదాయం సమకూరింది.
Featured News
Sorry, no posts matched your criteria.