India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 18, 2024
T20 జట్టు ప్రకటన.. కెప్టెన్‌గా సూర్య
శ్రీలంకతో ఈ నెల 27 నుంచి జరిగే 3 టీ20ల సిరీస్‌కు భారత జట్టును బీసీసీఐ ప్రకటించింది. సూర్య కుమార్ యాదవ్‌కు కెప్టెన్సీ బాధ్యతలు అప్పగించింది.
జట్టు: సూర్య(C), గిల్(VC), హార్దిక్, జైస్వాల్, రింకూ సింగ్, రియాన్ పరాగ్, పంత్, శాంసన్, శివం దూబే, అక్షర్ పటేల్, వాషింగ్టన్ సుందర్, రవి బిష్ణోయ్, అర్ష్‌దీప్ సింగ్, ఖలీల్ అహ్మద్, మహ్మద్ సిరాజ్.
News July 18, 2024
ఆ అధికారుల్ని సస్పెండ్ చేయండి: రఘురామ
AP: తనపై హత్యాయత్నం చేసిన CID అధికారుల్ని సస్పెండ్ చేయాలని MLA రఘురామ కృష్ణరాజు డిమాండ్ చేశారు. ‘నా ఫిర్యాదు మేరకు CID మాజీ డీజీ సునీల్ కుమార్, విజయ్ పాల్, మాజీ సీఎం జగన్‌పై కేసు నమోదైంది. ఈ కేసు వివరాలు తెలుసుకోవడానికి గుంటూరు ఎస్పీని కలిశారు. నా దగ్గర ఉన్న సమాచారం అందించాను’ అని తెలిపారు. కాగా గతంలో ఓ కేసులో తనను అరెస్ట్ చేసి చంపడానికి యత్నించారని రఘురామ ఫిర్యాదు చేసిన సంగతి తెలిసిందే.
News July 18, 2024
శ్రీలంకతో వన్డే సిరీస్.. భారత టీమ్ ప్రకటన
SLతో జరగనున్న వన్డే సిరీస్‌కు భారత జట్టును బీసీసీఐ ప్రకటించింది.
వన్డేలు: రోహిత్ శర్మ (C), గిల్ (VC), విరాట్ కోహ్లీ, కేఎల్ రాహుల్, రిషభ్ పంత్, శ్రేయస్ అయ్యర్, శివమ్ దూబే, కుల్దీప్ యాదవ్, సిరాజ్, సుందర్, అర్ష్‌దీప్ సింగ్, రియాన్ పరాగ్, అక్షర్ పటేల్, ఖలీల్ అహ్మద్, హర్షిత్ రాణా.
>>ఆగస్టు 2, 4, 7 తేదీల్లో 3 వన్డేలు జరగనున్నాయి.
News July 18, 2024
రేపు ఈ జిల్లాల్లో భారీ వర్షాలు
AP: అల్పపీడనం ప్రభావంతో రేపు పలు జిల్లాల్లో భారీ వర్షాలు కురవనున్నట్లు ఏపీ విపత్తుల నిర్వహణ సంస్థ తెలిపింది. ప్రకాశం, నంద్యాల, SKLM, మన్యం, అల్లూరి, కాకినాడ, కోనసీమ, తూ.గో, ప.గో, ఏలూరు, కృష్ణా, NTR, గుంటూరు, బాపట్ల, పల్నాడు, నెల్లూరు, తిరుపతి జిల్లాల్లో మోస్తరు నుంచి భారీ వర్షాలు కురుస్తాయంది. VZM, అనకాపల్లి, కర్నూలు, ATP, శ్రీసత్యసాయి, YSR, అన్నమయ్య, చిత్తూరు జిల్లాల్లో మోస్తరు వర్షాలు పడతాయంది.
News July 18, 2024
నీట్ పేపర్ లీక్.. నలుగురు అరెస్ట్
నీట్ క్వశ్చన్ పేపర్ లీక్ కేసులో కీలక పరిణామం చోటు చేసుకుంది. బిహార్‌లోని పట్నా ఎయిమ్స్‌కు చెందిన నలుగురు డాక్టర్లను సీబీఐ అధికారులు అరెస్ట్ చేశారు. వాళ్లు పేపర్ లీకేజీలో కీలకపాత్ర పోషించినట్లు ఆరోపణలు వినిపిస్తున్నాయి.
News July 18, 2024
రూ.57 లక్షల పెట్టుబడి.. 9 ఏళ్లలోనే 200 రెట్లు లాభం!
అత్యంత తక్కువ వ్యవధిలోనే వ్యాపారంలో పెట్టిన పెట్టుబడికి వందల రెట్లు లాభం పొందిన ఓ కంపెనీ గురించి తెలుసుకుందాం. వ్యాపార దిగ్గజాలు కునాల్ బహల్, రోహిత్ బన్సాల్ కలిసి హోమ్ సర్వీసెస్ అందించే ‘అర్బన్ కంపెనీ’ని రూ.57 లక్షల పెట్టుబడితో 2015లో ప్రారంభించారు. ఇది క్లిక్ అవ్వడంతో ఇన్వెస్టర్లు ఆసక్తి చూపారు. ఇటీవల వారిద్దరు రూ.111 కోట్ల (200 రెట్ల లాభం)తో ఈ కంపెనీ నుంచి నిష్క్రమించారు.
News July 18, 2024
ఆ బిల్లుపై వచ్చే క్యాబినెట్ మీటింగ్‌లో చర్చిస్తాం: కర్ణాటక సీఎం
కర్ణాటకలోని ప్రైవేటు సంస్థల్లో స్థానికులకు రిజర్వేషన్ కల్పించాలన్న బిల్లుపై వచ్చే క్యాబినెట్ మీటింగ్‌లో చర్చించనున్నట్లు ఆ రాష్ట్ర సీఎం సిద్దరామయ్య తెలిపారు. దానిపై కొంత గందరగోళం నెలకొన్నందునే ప్రస్తుతానికి ఆపామని, మంత్రిమండలి సమావేశంలో ఆ సందేహాలను క్లియర్ చేస్తామని పేర్కొన్నారు. కాగా.. ఆ బిల్లుపై ప్రకటన రాగానే సర్వత్రా విమర్శలు వెల్లువెత్తిన సంగతి తెలిసిందే.
News July 18, 2024
పిన్నెల్లి బెయిల్ పిటిషన్ కొట్టివేత
AP: పల్నాడు జిల్లా మాచర్ల మాజీ ఎమ్మెల్యే పిన్నెల్లి బెయిల్ పిటిషన్‌ను కోర్టు కొట్టివేసింది. ప్రస్తుతం నెల్లూరు సెంట్రల్ జైల్లో ఆయన రిమాండ్ ఖైదీగా ఉన్నారు. కాగా ఎన్నికల పోలింగ్ సమయంలో టీడీపీ ఏజెంట్‌, కారంపూడి సీఐపై దాడి ఘటనల్లో ఆయనకు మాచర్ల సివిల్ కోర్టు రిమాండ్ విధించింది.
News July 18, 2024
వైసీపీ నేతలతో జగన్ సమావేశం
AP: వైసీపీ నేతలతో మాజీ సీఎం జగన్ అత్యవసర సమావేశం నిర్వహించారు. బెంగళూరు పర్యటనను అర్ధాంతరంగా ముగించుకుని తాడేపల్లికి వచ్చిన ఆయన.. అందుబాటులో ఉన్న నేతలతో భేటీ అయ్యారు. పల్నాడు జిల్లాలో వైసీపీ కార్యకర్త హత్య, చిత్తూరు జిల్లా పుంగనూరులో ఎంపీ మిథున్ రెడ్డి పర్యటనలో రాళ్ల దాడి ఘటనలపై చర్చిస్తున్నట్లు సమాచారం. కాగా రేపు జగన్ వినుకొండ వెళ్లనున్నారు. హత్యకు గురైన రషీద్ కుటుంబాన్ని పరామర్శిస్తారు.
News July 18, 2024
క్యూ1 ఫలితాల్లో ఇన్ఫోసిస్ జోరు
FY25 తొలి త్రైమాసిక ఫలితాల్లో (APR-JUN) ఇన్ఫోసిస్ రాణించింది. నికర లాభంలో ₹6,368 కోట్లు (7.1% వృద్ధి) ఆర్జించింది. FY24 క్యూ1లో ఇది ₹5,945 కోట్లకు పరిమితమైంది. అయితే గత త్రైమాసికం (JAN-MAR)తో పోలిస్తే నికర లాభం 20% తగ్గింది. ఆపరేషన్స్‌కు సంబంధించిన కన్సాలిడేటెడ్ రెవెన్యూ FY24తో పోలిస్తే 3.6% పెరిగి ₹39,315కోట్లకు చేరింది. కాగా Q1లో అంచనాలకు మించి వృద్ధి నమోదు కావడంపై సంస్థ హర్షం వ్యక్తం చేసింది.
Featured News
Sorry, no posts matched your criteria.