India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 18, 2024
వైసీపీ నేతలతో జగన్ సమావేశం
AP: వైసీపీ నేతలతో మాజీ సీఎం జగన్ అత్యవసర సమావేశం నిర్వహించారు. బెంగళూరు పర్యటనను అర్ధాంతరంగా ముగించుకుని తాడేపల్లికి వచ్చిన ఆయన.. అందుబాటులో ఉన్న నేతలతో భేటీ అయ్యారు. పల్నాడు జిల్లాలో వైసీపీ కార్యకర్త హత్య, చిత్తూరు జిల్లా పుంగనూరులో ఎంపీ మిథున్ రెడ్డి పర్యటనలో రాళ్ల దాడి ఘటనలపై చర్చిస్తున్నట్లు సమాచారం. కాగా రేపు జగన్ వినుకొండ వెళ్లనున్నారు. హత్యకు గురైన రషీద్ కుటుంబాన్ని పరామర్శిస్తారు.
News July 18, 2024
క్యూ1 ఫలితాల్లో ఇన్ఫోసిస్ జోరు
FY25 తొలి త్రైమాసిక ఫలితాల్లో (APR-JUN) ఇన్ఫోసిస్ రాణించింది. నికర లాభంలో ₹6,368 కోట్లు (7.1% వృద్ధి) ఆర్జించింది. FY24 క్యూ1లో ఇది ₹5,945 కోట్లకు పరిమితమైంది. అయితే గత త్రైమాసికం (JAN-MAR)తో పోలిస్తే నికర లాభం 20% తగ్గింది. ఆపరేషన్స్‌కు సంబంధించిన కన్సాలిడేటెడ్ రెవెన్యూ FY24తో పోలిస్తే 3.6% పెరిగి ₹39,315కోట్లకు చేరింది. కాగా Q1లో అంచనాలకు మించి వృద్ధి నమోదు కావడంపై సంస్థ హర్షం వ్యక్తం చేసింది.
News July 18, 2024
వరంగల్ డిక్లరేషన్‌లో ఇంకా ఏం ఉంది?
TG: వరంగల్ డిక్లరేషన్‌లో ప్రకటించిన రైతు రుణమాఫీని CM రేవంత్ అమల్లోకి తెచ్చారు. దీంతో పాటు రైతు భరోసా కింద ఎకరాకు ₹15వేలు, కూలీలకు ₹12వేలు, చక్కెర కర్మాగారం రీఓపెన్, పసుపుబోర్డు ఏర్పాటు, పంట నష్టపరిహారం, రైతులు/రైతు కూలీలకు బీమా, వ్యవసాయానికి ఉపాధి పథకం, రైతులకు పోడు, అసైన్డ్ భూముల యాజమాన్య హక్కులు, ధరణి రద్దు, అసంపూర్ణ ప్రాజెక్టుల పూర్తి, రైతు కమిషన్ ఏర్పాటు, నూతన వ్యవసాయ విధానం ఉన్నాయి.
News July 18, 2024
అక్టోబర్‌లో సెట్స్‌పైకి ప్రభాస్ ‘ఫౌజీ’?
పాన్ ఇండియా స్టార్ ప్రభాస్ హీరోగా హను రాఘవపూడి తెరకెక్కించనున్న ‘ఫౌజీ’ మూవీ అక్టోబర్‌ మొదటి వారంలో సెట్స్‌పైకి వెళ్లనున్నట్లు తెలుస్తోంది. ‘స్పిరిట్’ ప్రీ ప్రొడక్షన్ పనులకు మరింత సమయం పడుతుండటంతో ఫౌజీని స్టార్ట్ చేసేందుకు ప్రభాస్ ప్లాన్ చేస్తున్నారట. 1940ల నాటి కథ నేపథ్యంలో సాగే ఈ మూవీలో మృణాల్ ఠాకూర్ హీరోయిన్‌గా నటిస్తున్నట్లు టాక్. ప్రభాస్ ఈ మూవీలో జవాన్ పాత్రలో కనిపించనున్నారు.
News July 18, 2024
ఆస్పత్రిలో చేరిన జాన్వీ కపూర్
ఫుడ్ పాయిజనింగ్ కారణంగా హీరోయిన్ జాన్వీ కపూర్ ఆస్పత్రిలో చేరారు. దక్షిణ ముంబైలోని హెచ్ఎన్ రిలయన్స్ ఆస్పత్రిలో చేర్చినట్లు ఆమె తండ్రి బోనీ కపూర్ వెల్లడించారు. మరో రెండు రోజుల్లో ఆస్పత్రి నుంచి డిశ్చార్జ్ అవుతారని తెలిపారు. చెన్నై ఎయిర్‌పోర్టులో తిన్న ఆహారం కారణంగా జాన్వీకి ఫుడ్ పాయిజనింగ్ అయినట్లు తెలుస్తోంది. ఆమె ప్రస్తుతం దేవర సినిమాలో ఎన్టీఆర్ సరసన నటిస్తున్నారు.
News July 18, 2024
రుణమాఫీ.. రైతులకు పోలీసుల విజ్ఞప్తి
తెలంగాణ ప్రభుత్వం అర్హులైన రైతుల ఖాతాల్లో రుణమాఫీ డబ్బులను జమ చేయనుంది. ఇదే అదనుగా సైబర్ నేరగాళ్లు రైతుల అకౌంట్ ఖాళీ చేసేందుకు ఫేక్ మెసేజ్‌లు, APK ఫైల్స్ పంపిస్తున్నారు. ఈక్రమంలో రైతులు అప్రమత్తంగా ఉండాలని లింక్స్, APK ఫైల్స్‌ను ఓపెన్ చేయొద్దని, ఓటీపీలు చెప్పొద్దని పోలీసులు అవగాహన కల్పిస్తున్నారు. సైబర్ క్రైమ్‌కు గురైతే 1930కి ఫోన్ చేయాలని, <
News July 18, 2024
ఛార్జీల ఎఫెక్ట్: BSNLకు పెరుగుతున్న సబ్‌స్క్రైబర్లు!
ప్రైవేటు రంగ టెలికం సంస్థలు ఛార్జీలను పెంచడంతో BSNLకు ఆదరణ పెరుగుతోంది. ఈ నెల 3,4 తేదీల్లో ప్రైవేటు ఆపరేటర్ల ఛార్జీల ప్రకటనల తర్వాత బీఎస్ఎన్ఎల్‌కు సబ్‌స్ర్కైబర్లు పెరగడం ప్రారంభమైంది. గడచిన 2వారాల్లోనే 2.5 లక్షలమంది పోర్టబిలిటీ ద్వారా, 25 లక్షలమంది కొత్త కనెక్షన్ల ద్వారా ఆ సంస్థలోకి వచ్చినట్లు ఎకనమిక్ టైమ్స్ ఓ కథనంలో తెలిపింది. BSNLలో రూ.108కే అపరిమిత కాల్స్, డేటా ఉండటం విశేషం.
News July 18, 2024
పల్నాడు హత్య ఘటన అత్యంత దారుణం: రోజా
AP: పల్నాడు(D) వినుకొండలో YCP కార్యకర్త రషీద్‌ను నడిరోడ్డుపై అత్యంత కిరాతకంగా కత్తితో నరికి చంపడం దారుణమని మాజీ మంత్రి రోజా మండిపడ్డారు. ‘మీకు ప్రజలు అధికారం ఇచ్చింది సంక్షేమం చేయమని చంద్రబాబు గారు. ఇలా ప్రత్యర్థి పార్టీ నాయకులను, కార్యకర్తలను చంపడానికి కాదు’ అని ట్వీట్ చేశారు. హత్యలు, దాడులు, దౌర్జన్యాలు, ప్రభుత్వ, ప్రైవేట్ ఆస్తుల ధ్వంసంతో ఏపీని హత్యాంధ్రప్రదేశ్‌‌గా మార్చారని ఆరోపించారు.
News July 18, 2024
రాహుల్ గాంధీని సన్మానిద్దాం: CM రేవంత్
TG: రైతులకు పంట రుణ మాఫీ చేసిన శుభ సందర్భంగా కాంగ్రెస్ అగ్రనేత రాహుల్ గాంధీని త్వరలో సన్మానిద్దామని సీఎం రేవంత్ పిలుపునిచ్చారు. ఎన్నికల ప్రచారంలో భాగంగా వరంగల్ డిక్లరేషన్‌లో రాహుల్ గాంధీ రైతు రుణమాఫీకి హామీ ఇచ్చారని గుర్తు చేశారు. రాహుల్‌ను సన్మానించేందుకు ఈ నెలాఖరున వరంగల్‌లో భారీ సభ నిర్వహిద్దామని, దానికి లక్షలాది మంది తరలిరావాలని పిలుపునిచ్చారు.
News July 18, 2024
చైల్డ్ పోర్న్ చూడటం నేరం కాదు: కర్ణాటక HC
కేవలం చైల్డ్ పోర్న్ చూడటం నేరంగా పరిగణించలేమని కర్ణాటక హైకోర్టు స్పష్టం చేసింది. తన క్లయింట్ చైల్డ్ పోర్న్ చూశారని, కానీ దాన్ని సర్క్యులేట్ చేయలేదని పిటిషనర్ తరఫు న్యాయవాది వాదించారు. IT చట్టంలోని సెక్షన్ 67B ప్రకారం అతడు పోర్న్‌ను ప్రచురించడం/ప్రసారం చేయలేదని పేర్కొన్న కోర్టు అతడికి ఉపశమనం కలిగించింది. కాగా 50 నిమిషాల పాటు చైల్డ్ పోర్న్ చూశాడనే కారణంతో 2022 మార్చిలో ఈ కేసు నమోదైంది.
Featured News
Sorry, no posts matched your criteria.