News July 18, 2024

పుట్టినరోజు శుభాకాంక్షలు

ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.

News July 18, 2024

శుభ ముహూర్తం

తేది: జులై 18, గురువారం
ద్వాదశి: రాత్రి 3.25 గంటలకు
జ్యేష్ఠ: తెల్లవారుజామున 3.25 గంటలకు
వర్జ్యం: ఉదయం 8.51 నుంచి ఉదయం 10.28 వరకు
దుర్ముహూర్తం: ఉదయం 10.04 నుంచి ఉదయం 10.56 వరకు
తిరిగి మధ్యాహ్నం 3.15 నుంచి సాయంత్రం 4:07 వరకు
రాహుకాలం: మధ్యాహ్నం 1.30 నుంచి మధ్యాహ్నం 3.00 వరకు

News July 18, 2024

TODAY HEADLINES

TG: 3 విడతల్లో రుణమాఫీ చేస్తాం: సీఎం రేవంత్
TG:రూపాయి రూపాయి పోగేసి రుణమాఫీ చేస్తున్నాం: భట్టి
TG: MLAలను లాక్కున్నా BRSకి ఏం కాదు: హరీశ్ రావు
AP: శాంతిభద్రతలపై రేపు చంద్రబాబు శ్వేతపత్రం విడుదల
AP: ఎర్రమట్టి దిబ్బల తవ్వకాలపై విచారణ చేపిస్తాం: గంటా
AP: పరిశ్రమలకు ఏపీ స్వాగతం పలుకుతోంది: నారా లోకేశ్
తిరుపతి లడ్డూ తయారీపై ప్రచారం ఫేక్: TTD
AP: ఈ నెల 22 నుంచి ప్రభుత్వ స్కూళ్లలో ‘శిక్షా సప్తాహ్’

News July 17, 2024

జరగబోయేదాన్ని ఎవరు ఆపగలరు: భోలే బాబా

UPలోని హాథ్రస్‌లో సత్సంగ్ నిర్వహించిన భోలే బాబా కాస్‌గంజ్‌లోని తన ఆశ్రమానికి తిరిగొచ్చారు. జులై 2న తన సత్సంగ్‌లో <<13577290>>తొక్కిసలాట <<>>జరిగి 121 మంది చనిపోయిన ఘటనలో కుట్ర కోణం ఉందని ఆరోపించారు. ‘ఆ దుర్ఘటన ఎంతో బాధించింది. కానీ జరగబోయేదాన్ని ఎవరు ఆపగలరు? వచ్చిన వారు ఏదో ఒక రోజు పోవాల్సిందే. అక్కడ విషపూరిత స్ప్రే గురించి ప్రత్యక్ష సాక్షులు చెప్పారు. దీని వెనుక కుట్ర ఉంది. పోలీసుల విచారణలో నిజాలు బయటకొస్తాయి’ అని తెలిపారు.

News July 17, 2024

వారెవ్వా.. 6 నెలల్లో ఎంత మార్పు!

భారత క్రికెట్ జట్టు వైస్ కెప్టెన్ హార్దిక్ పాండ్య మెంటల్ ట్రాన్స్‌ఫామేషన్‌లోనే కాదు ఫిజికల్ ట్రాన్స్‌ఫామేషన్‌లోనూ తగ్గేదేలే అంటున్నారు. ఇన్‌స్టాగ్రామ్‌లో 2023 WCలో తాను గాయపడ్డప్పటిది, T20 WC విజయం తర్వాతి ఫొటోలను పంచుకున్నారు. హార్డ్‌వర్క్‌కు ఎప్పటికీ గుర్తింపు ఉంటుందన్నారు. హార్దిక్ ట్రాన్స్‌ఫామేషన్‌కు ఫ్యాన్స్ ఫిదా అవుతున్నారు. కాగా హార్దిక్ విడాకులపై వార్తలు వస్తున్న విషయం తెలిసిందే.

News July 17, 2024

పల్నాడు: నడిరోడ్డుపై చేతులు నరికేశాడు

AP: పల్నాడు(D) వినుకొండలో ఘోరం జరిగింది. ముళ్లమూరు బస్టాండ్ సెంటర్‌లో బుధవారం రాత్రి రషీద్ అనే యువకుడిపై జిలానీ అనే వ్యక్తి అందరూ చూస్తుండగా నడిరోడ్డుపై విచక్షణారహితంగా కత్తితో దాడి చేశాడు. దాడిలో రషీద్ చేయి తెగిపడింది. రక్తపు మడుగులో పడి ఉన్న బాధితుడిని పోలీసులు ఆసుపత్రికి తరలించగా ప్రాణాలు కోల్పోయారు. కాగా హత్య చేసిన జిలానీ TDP వ్యక్తి అని YCP ఆరోపిస్తోంది. నిందితుడ్ని పోలీసులు అరెస్ట్ చేశారు.

News July 17, 2024

పుష్ప-2 షూటింగ్‌పై స్పందించిన బన్నీ టీమ్

అల్లు అర్జున్-సుకుమార్ మధ్య గొడవ జరిగిందంటూ కోలీవుడ్‌కు చెందిన సోషల్ మీడియా పేజీల్లో <<13648051>>వార్తలు<<>> వైరల్ అయ్యాయి. దీనిపై బన్నీ టీమ్ స్పష్టత ఇచ్చింది. ‘సుకుమార్ USకు వెళ్లారు. బన్నీ యూరప్ వెళ్లారు. అక్కడ వారికున్న ఇతర పనుల వల్లే పుష్ప-2 షూటింగ్ నిలిచింది. బన్నీ-సుకుమార్ చాలా క్లోజ్ ఫ్రెండ్స్. ఒకరితో మరొకరికి సమస్యలు లేవు. డిసెంబర్ 6న సినిమా ఎట్టి పరిస్థితుల్లో రిలీజ్ అవుతుంది’ అని క్లారిటీ ఇచ్చింది.

News July 17, 2024

ప్రయోగాల ఖర్చు తగ్గిస్తామంటున్న విద్యార్థులు!

AP: అంతరిక్ష ప్రయోగాల ఖర్చు తగ్గించేలా శ్రీకాకుళంలోని డా.BR.అంబేడ్కర్ వర్సిటీ మెకానికల్ ఇంజినీరింగ్ విద్యార్థులు రీలాంచ్ రాకెట్లను తయారు చేస్తున్నారు. ఇప్పటికే లాంచింగ్‌లో సక్సెస్ అయ్యామని, తర్వాత 100M పైకి పంపిస్తామన్నారు. ఇంధనంగా అమ్మోనియం పెర్క్లోరేట్ కాంపోజిట్ ప్రొపెల్లెంట్, రాకెట్ నమూనాకు 3D ప్రింటింగ్ టెక్నాలజీ వాడారట. దీంతో వాతావరణ పర్యవేక్షణ చేస్తారట. వారు ఆర్థిక ప్రోత్సాహం కోరుతున్నారు.

News July 17, 2024

APPLY NOW.. 17,727 ఉద్యోగాలు

స్టాఫ్ సెలక్షన్ కమిషన్ 17,727 కంబైన్డ్ గ్రాడ్యుయేట్ లెవల్ ఉద్యోగాలకు దరఖాస్తుల స్వీకరణ మరో వారం రోజుల్లో ముగియనుంది. డిగ్రీ పూర్తైన వారు జులై 24 వరకు అప్లై చేయవచ్చు. పోస్టులను బట్టి 18-30, 20-30, 18-27 ఏళ్లలోపు వారు దరఖాస్తు చేసేందుకు అర్హులు. ఫీజు రూ.100. మహిళలు, SC, ST, PWd వారికి ఫీజు నుంచి మినహాయింపు ఉంది. టైర్-1 పరీక్షలు సెప్టెంబర్/అక్టోబర్, టైర్-2 డిసెంబర్‌లో జరుగుతాయి.

News July 17, 2024

ఎన్‌కౌంటర్‌లో లక్ష్మణ్ ఆత్రం మృతి

మహారాష్ట్ర గడ్చిరోలిలో జరిగిన <<13649598>>ఎన్‌కౌంటర్‌లో<<>> తిపాగడ్ దళం ఇంఛార్జి డీవీసీఎం లక్ష్మణ్ ఆత్రం అలియాస్ విశాల్ చనిపోయినట్లు పోలీసులు వెల్లడించారు. ఇవాళ మధ్యాహ్నం నుంచి సాయంత్రం వరకు దాదాపు 6 గంటల పాటు కాల్పులు జరిగినట్లు తెలిపారు. ఇప్పటివరకు 12 మంది మావోయిస్టుల మృతదేహాలను స్వాధీనం చేసుకోగా.. అందులో ఇద్దరు తెలుగువారు ఉన్నట్లు సమాచారం. ఇక కాల్పుల్లో గాయపడ్డ జవాన్‌ను చికిత్స కోసం నాగ్‌పుర్‌కు తరలించారు.

…

2,552

…

Featured News

Sorry, no posts matched your criteria.

↑