India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 14, 2024
రాష్ట్రంలో నేడు, రేపు భారీ వర్షాలు
AP: రాష్ట్రంలో ఇవాళ, రేపు భారీ వర్షాలు కురవనున్నట్లు వాతావరణ శాఖ తెలిపింది. ఈ నెల 17 వరకు వర్షాలు కొనసాగుతాయని పేర్కొంది. నేడు మన్యం, అనకాపల్లి, ఏలూరు, బాపట్ల, పల్నాడు, ప్రకాశం, నెల్లూరు, నంద్యాల, కడప, అన్నమయ్య, చిత్తూరు, తిరుపతి జిల్లాల్లో మోస్తరు వర్షాలు పడతాయని అంచనా వేసింది. రేపు రాష్ట్రవ్యాప్తంగా భారీ వర్షాలు కురిసే ఛాన్స్ ఉందని తెలిపింది. మత్స్యకారులు వేటకు వెళ్లొద్దని సూచించింది.
News July 14, 2024
8 ఏళ్ల బాలికపై హత్యాచారం.. మళ్లీ మాట మార్చిన మైనర్లు!
AP: ముచ్చుమర్రిలో 8 ఏళ్ల బాలిక <<13600394>>హత్యాచారం<<>> కేసులో మైనర్లు తరచూ మాట మారుస్తున్నారు. బాలిక మృతదేహాన్ని కృష్ణా నదిలో పడేశామని నిన్న చెప్పినట్లు తెలుస్తోంది. దీంతో పోలీసులు గాలింపు చేపట్టారు. ఓసారి ఎత్తిపోతల కాలువలో పడేశామని, మరోసారి శ్మశానంలో పూడ్చిపెట్టామని గతంలో చెప్పారు. అక్కడ వెతకగా మృతదేహం జాడ కనిపించలేదు. దీంతో వారి తల్లిదండ్రులనూ పోలీసులు అదుపులోకి తీసుకున్నారు.
News July 14, 2024
పక్కా ప్లాన్‌తోనే ట్రంప్‌పై దాడి!
పక్కా ప్లాన్ ప్రకారమే డొనాల్డ్ ట్రంప్‌పై నిందితుడు దాడి చేసినట్లు తెలుస్తోంది. దాడికి ముందే ఓ ఇంటి పైకప్పుపై నక్కి ఉన్నాడు. దూరం నుంచే టార్గెట్‌ను ఛేదించేందుకు సెమీ ఆటోమేటిక్ రైఫిల్‌ను ఉపయోగించాడు. నిందితుడి వయసు 20 ఏళ్లని, బట్లర్ సిటీకి చెందినవాడని పోలీసులు గుర్తించారు. అతడు ఉపయోగించిన రైఫిల్‌ను స్వాధీనం చేసుకున్నారు. ట్రంప్‌ను కాల్చిన మరుక్షణంలోనే నిందితుడిని సీక్రెట్ సర్వీస్ అంతమొందించింది.
News July 14, 2024
తమిళనాడు బీఎస్పీ చీఫ్‌ను హత్య చేసిన నిందితుడి ఎన్‌కౌంటర్
తమిళనాడులోని చెన్నైలో ఎన్‌కౌంటర్ చోటు చేసుకుంది. రాష్ట్ర బీఎస్పీ చీఫ్ ఆర్మ్ స్ట్రాంగ్ హత్య కేసులో నిందితుడు, రౌడీ షీటర్ తిరువేంగడంను పోలీసులు కాల్చిచంపారు. కస్టడీ నుంచి పారిపోవడంతో అతనిపై కాల్పులు జరిపినట్లు తెలిపారు. ఈ నెల 5న తమిళనాడు బీఎస్పీ చీఫ్ ఆర్మ్ స్ట్రాంగ్‌పై దుండగులు దాడి చేసి చంపిన సంగతి తెలిసిందే.
News July 14, 2024
ఏపీలో ఘోరం.. 5 నెలల చిన్నారిపై అత్యాచారం
AP: నంద్యాలలో 8 ఏళ్ల బాలిక హత్యాచార ఘటన మరవకముందే విజయనగరం జిల్లాలో 5 నెలల చిన్నారిపై ఓ కామాంధుడు అత్యాచారానికి పాల్పడ్డాడు. జీలుగువలసలో వరుసకు తాత అయిన వ్యక్తి ఊయలలో ఉన్న చిన్నారిని తీసుకెళ్లి అఘాయిత్యానికి పాల్పడ్డాడు. బాలికకు తీవ్రరక్తస్రావం కావడంతో తల్లిదండ్రులు ఆసుపత్రికి తీసుకెళ్లారు. అత్యాచారం జరిగినట్లు వైద్యులు నిర్ధారించారు. నిందితుడిని పోలీసులు అరెస్ట్ చేశారు.
News July 14, 2024
అబ్రహం లింకన్ నుంచి ట్రంప్ దాకా..
USలో అధ్యక్షులు, అధ్యక్ష అభ్యర్థులపై <<13624982>>దాడులు<<>> కొత్తేం కాదు. గతంలోనూ పలువురు నేతలపై దాడులు జరిగాయి. 1981లో అధ్యక్షుడు రొనాల్డ్ రెగాన్‌, 1975లో గెరాల్డ్ ఫోర్డ్, 1972లో జార్జి వాలెస్, 1968లో రాబర్ట్ కెనడీ, 1963లో జాన్ F కెనడీ, 1993లో ఫ్రాంక్లిన్ రూసెవెల్ట్, 1912లో థియోడర్ రూసెవెల్ట్, 1901లో మెక్‌కిన్లీ, 1865లో అబ్రహం లింకన్‌పై దాడులు జరిగాయి. వీరిలో పలువురు మరణించగా, మరికొందరు గాయాలతో బయటపడ్డారు.
News July 14, 2024
పెళ్లి.. యమా కాస్ట్లీ గురూ!
మన దేశంలో పెళ్లి ఖర్చు విషయంలో ఎవరూ తగ్గడం లేదు. ఇతర దేశాలతో పోలిస్తే భారత్‌లో ఎక్కువగా వెచ్చిస్తున్నారు. పేదలు-రూ.3 లక్షలు, దిగువ మధ్య తరగతి-రూ.6 లక్షలు, మధ్య తరగతి-రూ.10-25 లక్షలు, కోటీశ్వరులు-రూ.50 లక్షలు, సంపన్నులు-రూ.కోటిపైన ఖర్చు చేస్తున్నారు. మనదేశంలో చదువు కన్నా పెళ్లికే ఎక్కువగా ఖర్చు చేస్తున్నారు. చదువు కోసం సగటున రూ.3.3 లక్షలు వెచ్చిస్తుండగా వివాహానికి రూ.12.5 లక్షలు వెచ్చిస్తున్నారు.
News July 14, 2024
ఇది నా డ్రీమ్ రోల్ లాంటిది: నభా నటేశ్
‘డార్లింగ్’ మూవీలో స్ప్లిట్ పర్సనాలిటీ ఉన్న పాత్రని చేయడం సవాలుగా అనిపించిందని హీరోయిన్ నభా నటేశ్ అన్నారు. ఇది తన డ్రీమ్ రోల్ లాంటిదని చెప్పారు. ప్రియదర్శితో కలిసి వర్క్ చేయడం బాగుందని తెలిపారు. ఆయన కామెడీ టైమింగ్ నేచురుల్‌గా ఉంటుందని ప్రశంసించారు. అశ్విన్ రామ్ దర్శకత్వంలో తెరకెక్కిన ఈ మూవీ ఈ నెల 19న థియేటర్లలో విడుదల కానుంది.
News July 14, 2024
అనంత్ అంబానీ పెళ్లిలో గ్రేట్ ఖలీ సందడి
నిన్న ముంబైలో జరిగిన అనంత్ అంబానీ-రాధికా మర్చంట్ శుభ ఆశీర్వాద్ ఫంక్షన్‌లో ది గ్రేట్ ఖలీ సందడి చేశారు. ఏడడుగుల ఎత్తుండే ఖలీ వేడుకలో ప్రత్యేక ఆకర్షణగా నిలిచారు. పలువురు సెలబ్రిటీలు అతడితో ఫొటోలు దిగారు. ముకేశ్ అంబానీతో పాటు అనంత్-రాధికతో ఖలీ దిగిన ఫొటోలు నెట్టింట వైరల్ అయ్యాయి.
News July 14, 2024
ట్రంప్‌కు ప్రధాని మోదీ సంఘీభావం
అమెరికా మాజీ అధ్యక్షుడు డొనాల్డ్ ట్రంప్‌కు ప్రధాని మోదీ సంఘీభావం తెలిపారు. ‘నా స్నేహితుడు ట్రంప్‌పై దాడిని ఖండిస్తున్నా. ప్రజాస్వామ్యంలో హింసకు తావులేదు. ట్రంప్ త్వరగా కోలుకోవాలని దేవుడిని ప్రార్థిస్తున్నా’ అంటూ మోదీ ట్వీట్ చేశారు. కాగా పెన్సిల్వేనియా రాష్ట్రంలోని బట్లర్ సిటీలో జరిగిన ఎన్నికల ప్రచారంలో ట్రంప్‌పై కాల్పులు జరిగాయి. దీంతో గాయాలపాలైన ఆయనను వెంటనే ఆస్పత్రికి తరలించారు.
Featured News
Sorry, no posts matched your criteria.