India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 14, 2024
అంతిమ పోరులో గెలుపెవరిదో?
టెన్నిస్ చరిత్రలో ఆసక్తికర పోరుకు సమయమైంది. వింబుల్డన్ మెన్స్ సింగిల్స్‌లో ఇవాళ సాయంత్రం 6:30 గంటల నుంచి జకోవిచ్, అల్కరాజ్ మధ్య తుది పోరు జరగనుంది. కెరీర్‌లో 25వ గ్రాండ్ స్లామ్‌పై జకో కన్నేయగా.. నాలుగో గ్రాండ్ స్లామ్ అందుకోవాలని అల్కరాజ్ చూస్తున్నారు. ఇరువురి మధ్య ఐదు మ్యాచులు జరగ్గా మూడు సార్లు జకోవిచ్, రెండు సార్లు అల్కరాజ్ గెలుపొందారు. మరి ఈ మ్యాచులో ఎవరు విజేతగా నిలుస్తారో వేచి చూడాలి.
News July 14, 2024
ఆగస్టులో అమెరికాకు సీఎం రేవంత్
TG: సీఎం రేవంత్ రెడ్డి ఆగస్టులో అమెరికా పర్యటనకు వెళ్లనున్నారు. ఆగస్టు 3 నుంచి 10వ తేదీ వరకు అక్కడే ఉండనున్నారు. దీనికోసం ఆయన తాజాగా తన పాస్ పోర్టును రెన్యువల్ చేయించుకున్నారు. ఇది వ్యక్తిగత పర్యటనా? అధికారిక పర్యటనా? అనేది తెలియాల్సి ఉంది. టూర్‌లో భాగంగా ఆయన ఎన్నారై పారిశ్రామికవేత్తలతో సమావేశమై, రాష్ట్రంలో పెట్టుబడులకు ఆహ్వానిస్తారని సమాచారం.
News July 14, 2024
బాబీ, రవితేజ కాంబోలో మరో సినిమా?
మాస్ మహరాజా రవితేజ, డైరెక్టర్ బాబీ కాంబోలో మరో సినిమా రానున్నట్లు సమాచారం. ఇప్పటికే స్టోరీ సిద్ధమైందని, హీరో గ్రీన్ సిగ్నల్ ఇవ్వడమే ఆలస్యమని సినీవర్గాలు చెబుతున్నాయి. ఈ మూవీని పీపుల్ మీడియా ఫ్యాక్టరీ సంస్థ నిర్మించనున్నట్లు టాక్ వినిపిస్తోంది. దీనిపై స్పష్టత రావాల్సి ఉంది. రవితేజతో చేసిన ‘పవర్’ సినిమాతోనే బాబీ డైరెక్టర్‌గా మారారు. ప్రస్తుతం ఆయన బాలకృష్ణ మూవీతో బిజీగా ఉన్నారు.
News July 14, 2024
నేడు తెరుచుకోనున్న పూరీ రత్న భాండాగారం
ఒడిశాలోని పూరీ జగన్నాథ్ రత్నభాండాగారాన్ని 46ఏళ్ల తర్వాత ఇవాళ తెరవనున్నారు. జస్టిస్ బిశ్వనాథ్‌రథ్ కమిటీ నిర్ణయం మేరకు భాండాగారంలోని సంపదను లెక్కించనున్నారు. లెక్కింపులో ఎంత మంది పాల్గొంటారు? ఎన్ని రోజులు పడుతుంది? అనే వివరాలను అధికారులు వెల్లడించలేదు. ప్రస్తుతం పూరీలో రథయాత్ర జరుగుతోంది. ఈనెల 19 వరకు దేవతా మూర్తులు ఆలయం బయటే ఉండనున్నాయి. ఈ కారణంగానే లెక్కింపు వివరాల్ని వెల్లడించనట్లు తెలుస్తోంది.
News July 14, 2024
గత 3-4ఏళ్లలో 8 కోట్ల జాబ్స్ క్రియేట్ అయ్యాయి: పీఎం మోదీ
భారత్‌లో గత 3-4ఏళ్లలో కొత్తగా 8 కోట్ల జాబ్స్ క్రియేట్ అయ్యాయని PM మోదీ తెలిపారు. ఈ విషయం RBI ఇటీవల రిలీజ్ చేసిన రిపోర్టులో వెల్లడైందన్నారు. నిరుద్యోగం పేరిట కొందరు తప్పుడు ప్రచారం చేస్తున్నారని, ఈ రిపోర్టులో వారి నోళ్లన్నీ మూతపడ్డాయని వ్యాఖ్యానించారు. ముంబైలో పలు అభివృద్ధి కార్యక్రమాలను ప్రారంభించిన అనంతరం ఆయన మాట్లాడారు. NDA ప్రభుత్వం మాత్రమే దేశంలో స్థిరమైన పాలనను అందించగలదని పేర్కొన్నారు.
News July 14, 2024
ఆండ్రాయిడ్ యూజర్లకు అలర్ట్!
ఆండ్రాయిడ్ ఫోన్ యూజర్లు తమ ఫోన్లలో సెక్యూరిటీ ప్యాచ్‌లను వెంటనే అప్‌డేట్ చేసుకోవాలని సైబర్ ఇండియన్ కంప్యూటర్ ఎమర్జెన్సీ రెస్పాన్స్ టీమ్ సూచించింది. ఆండ్రాయిడ్ వెర్షన్లు 12, 12ఎల్, 13, 14లో లూప్‌హోల్స్ ఉన్నాయని తెలిపింది. వీటి వల్ల ఫోన్లు హ్యాకయ్యే ప్రమాదం ఉందని, అందుకే ఫోన్ సెట్టింగ్స్‌లో సిస్టమ్ అప్‌డేట్ ఆప్షన్‌కు వెళ్లి సెక్యూరిటీ ప్యాచ్‌లను అప్‌డేట్ చేసుకోవాలని పేర్కొంది.
News July 14, 2024
బీజేపీలో చేరడం లేదు: ఎంపీ వద్దిరాజు రవిచంద్ర
TG: తాను బీజేపీలో చేరుతున్నట్లు వస్తున్న వార్తల్ని బీఆర్ఎస్ పార్లమెంటరీ పార్టీ డిప్యూటీ లీడర్, ఎంపీ వద్దిరాజు రవిచంద్ర ఖండించారు. బీజేపీలో బీఆర్ఎస్‌పీపీ విలీనం కానుందంటూ జరుగుతున్న ప్రచారంలో నిజం లేదని ఓ ప్రకటనలో స్పష్టం చేశారు. తాను బీఆర్ఎస్‌లోనే కొనసాగుతానని తేల్చిచెప్పారు. తమ పార్టీ ప్రతిష్ఠను దెబ్బతీసేందుకే కొందరు ఇలాంటి ప్రచారం చేస్తున్నారని మండిపడ్డారు.
News July 14, 2024
ఈనెల 16న ‘డబుల్ ఇస్మార్ట్’ నుంచి రెండో పాట
రామ్ హీరోగా నటిస్తున్న ‘డబుల్ ఇస్మార్ట్’ నుంచి ఈనెల 16న రెండో పాట విడుదల కానుంది. ఈ విషయాన్ని వెల్లడిస్తూ మూవీ టీమ్ ఒక పోస్టర్‌ను విడుదల చేసింది. ‘మార్ ముంత చోడ్ చింత’ అంటూ ఈ పాట సాగనుంది. పూరీ జగన్నాథ్ దర్శకత్వంలో రూపొందుతున్న ఈ మూవీ ఆగస్టు 15న థియేటర్లలో విడుదల కానుంది. కావ్య థాపర్ హీరోయిన్‌గా నటిస్తుండగా, మణిశర్మ సంగీతం అందిస్తున్నారు. ఇప్పటికే విడుదలైన ‘స్టెప్‌మార్’ సాంగ్ యూత్‌ను ఆకట్టుకుంది.
News July 14, 2024
ఈరోజు నమాజ్ వేళలు
తేది: జులై 14, ఆదివారం
ఫజర్: తెల్లవారుజామున 4:29 గంటలకు
సూర్యోదయం: ఉదయం 5:50 గంటలకు
జొహర్: మధ్యాహ్నం 12:22 గంటలకు
అసర్: సాయంత్రం 4:56 గంటలకు
మఘ్రిబ్: సాయంత్రం 6:54 గంటలకు
ఇష: రాత్రి 8.15 గంటలకు
నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News July 14, 2024
BREAKING: పాకిస్థాన్‌పై భారత్ విజయం
వరల్డ్ ఛాంపియన్‌షిప్ ఆఫ్ లెజెండ్స్-2024 టోర్నీ విజేతగా భారత్ నిలిచింది. ఫైనల్‌లో పాకిస్థాన్‌పై 5 వికెట్ల తేడాతో గెలిచింది. పాక్ నిర్దేశించిన 157 పరుగుల లక్ష్యాన్ని 19.1 ఓవర్లలో ఛేదించింది. భారత బ్యాటర్లలో రాయుడు 50, గుర్‌కీరత్ సింగ్ 34, యూసుఫ్ పఠాన్ 30 రన్స్‌‌తో రాణించారు. పాక్ బౌలర్లలో అమీర్ యామిన్ 2 వికెట్లు తీయగా అజ్మల్, షోయబ్ మాలిక్, వాహబ్ తలో వికెట్ పడగొట్టారు.
Featured News
Sorry, no posts matched your criteria.