India's largestHyperlocal short
news App
Get daily news updates that are tailored for you based on your preferred language & location.
download Way2News app now
News July 13, 2024
OG మూవీపై ఇమ్రాన్ హష్మీ క్రేజీ అప్డేట్
సుజీత్ డైరెక్షన్‌లో పవన్ కళ్యాణ్ హీరోగా తెరకెక్కుతున్న OG మూవీపై బాలీవుడ్ నటుడు ఇమ్రాన్ హష్మీ క్రేజీ అప్డేట్ ఇచ్చారు. ఓ ఇంటర్వ్యూలో మాట్లాడుతూ.. ‘పవర్‌స్టార్, నాపై వేర్వేరుగా సన్నివేశాల చిత్రీకరణ పూర్తయ్యింది. మా ఇద్దరి కాంబినేషన్‌లో షూటింగ్ జరగాల్సి ఉంది. ఆ సీన్లు మరోస్థాయిలో ఉంటాయి. తొలుత మూవీ రిలీజ్‌ను సెప్టెంబర్‌కు ప్లాన్ చేయగా, ఇప్పుడు నిర్మాతలు కొత్త డేట్ కోసం చూస్తున్నారు’ అని తెలిపారు.
News July 13, 2024
మొన్న అయోధ్య, ఇప్పుడు బద్రీనాథ్.. బీజేపీకి భంగపాటు!
హిందుత్వ పార్టీగా ముద్రపడ్డ BJP దేశంలోని ప్రముఖ పుణ్యక్షేత్రాలైన అయోధ్య, బద్రీనాథ్‌లో ఓటమిపాలవడం విస్మయానికి గురిచేస్తోంది. రాముడే ప్రధాన అస్త్రంగా BJP లోక్‌సభ ఎన్నికల బరిలో దిగింది. అయోధ్య(ఫైజాబాద్ లోక్‌సభ స్థానం)లో ఆ పార్టీ అభ్యర్థి లల్లూ సింగ్‌పై SP అభ్యర్థి అవధేశ్ గెలుపొందారు. తాజాగా వెలువడిన బద్రీనాథ్ అసెంబ్లీ ఉపఎన్నికలో INC అభ్యర్థి లఖ్‌పత్‌ చేతిలో BJP అభ్యర్థి రాజేంద్ర సింగ్ ఓటమిపాలయ్యారు.
News July 13, 2024
ఒకే ఫ్రేమ్‌లో మహేశ్& ధోనీ❤️
కెప్టెన్ కూల్ మహేంద్ర సింగ్ ధోనీ, సూపర్ స్టార్ మహేశ్ బాబు ఒకే ఫ్రేమ్‌లో కనిపించారు. అనంత్-రాధిక వివాహ వేడుక ఈ ఐకానిక్ ఫొటోకు వేదికైంది. ఒకరు సినీ ఇండస్ట్రీలో, మరొకరు క్రికెట్‌లో సూపర్ స్టార్ అంటూ ఫ్యాన్స్ ఈ ఫొటోను షేర్ చేస్తున్నారు. ఇద్దరూ ట్రెడిషనల్ డ్రెస్సింగ్‌‌లో అదిరిపోయారంటున్నారు. మ్యూచువల్ ఫ్యాన్స్‌కు ఈ చిత్రం ఎనలేని సంతోషాన్నిస్తుందని పలువురు నెటిజన్లు కామెంట్స్ చేస్తున్నారు.
News July 13, 2024
సికందర్ రజా అరుదైన ఘనత
జింబాబ్వే కెప్టెన్ సికందర్ రజా అరుదైన ఘనత సాధించారు. టీ20ల్లో 2,000 పరుగులు, 50కి పైగా వికెట్లు సాధించిన ఐదో ఆటగాడిగా రికార్డు సృష్టించారు. భారత్‌తో జరుగుతున్న మ్యాచ్‌లో ఆయన ఈ ఫీట్ సాధించారు. అగ్రస్థానంలో షకీబుల్ హసన్ (2,551 రన్స్, 149 వికెట్లు, BAN) ఉండగా, ఆ తర్వాత మహ్మద్ నబీ (2,165, 96W, AFG), వీరన్‌దీప్ సింగ్ (2,320, 66W, మలేషియా), మహ్మద్ హఫీజ్ (2,514, 61W, PAK) ఉన్నారు.
News July 13, 2024
నాలుగో టీ20: భారత్ టార్గెట్ ఎంతంటే?
భారత్‌తో జరుగుతున్న నాలుగో టీ20లో జింబాబ్వే 20 ఓవర్లలో 152/7 రన్స్ చేసింది. ఆ జట్టులో కెప్టెన్ సికిందర్ రజా 46 రన్స్‌తో రాణించారు. మారుమణి 32, మాధెవెరె 25 పరుగులు చేసి పర్వాలేదనిపించారు. అటు భారత్ జట్టులో అరంగేట్ర బౌలర్ దేశ్‌పాండే ఇంటర్నేషనల్ క్రికెట్‌లో తొలి వికెట్ పడగొట్టారు. ఖలీల్ 2, సుందర్, అభిషేక్, దూబే తలో వికెట్ తీశారు. భారత్ విజయానికి 153 పరుగులు కావాలి.
News July 13, 2024
చంద్రబాబుకు కాంగ్రెస్ తోకపార్టీ కాదు: షర్మిల
AP: అమ్మ ఒడి కింద ఇద్దరు బిడ్డలకు రూ.15,000 చొప్పున ఇప్పిస్తామని తనతో వైసీపీ నేతలు ప్రచారం చేయించడం నిజమని APCC చీఫ్ షర్మిల పునరుద్ఘాటించారు. ‘కూటమి ప్రభుత్వం తల్లికి వందనంపై ఇచ్చిన GO.29లో క్లారిటీ లేదని, విద్యార్థులందరికీ డబ్బులు ఇవ్వాలని మేం డిమాండ్ చేశాం. మేము చెప్పిందేంటో వైసీపీ నేతలు మరోసారి వినాలి. చంద్రబాబుకు కాంగ్రెస్ తోకపార్టీ అని <<13615247>>విమర్శించడం<<>> మీ అవగాహనా రాహిత్యం’ అని Xలో ఫైరయ్యారు.
News July 13, 2024
2,000 మీటర్ల పరుగులో ప్రపంచ రికార్డు
మొనాకోలో జరుగుతున్న డైమండ్ లీగ్‌లో ఆస్ట్రేలియా రన్నర్ జెస్సికా హల్ ప్రపంచ రికార్డు సృష్టించారు. మహిళల విభాగంలో 2,000 మీటర్ల పరుగును 5 నిమిషాల 19.70 సెకన్లలోనే పూర్తి చేశారు. 2021లో బురుండికి చెందిన ఫ్రాన్సిస్ 5:21.56 నిమిషాల్లో లక్ష్యాన్ని చేరుకోగా, ఇవాళ ఆ రికార్డు బ్రేకయ్యింది. తన పేరు చరిత్రపుటల్లో ఎక్కిందని, ఈ అనుభూతి అద్భుతంగా ఉందని జెస్సికా తెలిపారు.
News July 13, 2024
నేను ఆ పోస్టే చేయలేదు: ధ్రువ్ రాఠీ
తనపై <<13622151>>కేసు<<>> నమోదైందని వస్తోన్న వార్తలను యూట్యూబర్ ధ్రువ్ రాఠీ ఖండించారు. కొందరు కావాలనే తనపై తప్పుడు ప్రచారం చేస్తున్నారని ఆరోపించారు. తాను ఎలాంటి పోస్ట్ చేయలేదని, గుర్తు తెలియని వ్యక్తులు తన పేరడి అకౌంట్‌లో పోస్ట్ చేశారని తెలిపారు. కావాలంటే ఓసారి చెక్ చేయాలని సూచించారు. లోక్‌సభ స్పీకర్ ఓం బిర్లా కూతురు UPSC పరీక్షకు హాజరుకాకుండానే ఉత్తీర్ణత సాధించినట్లు ‘ధ్రువ్ పేరడీ’ X అకౌంట్‌లో పోస్ట్ చేశారు.
News July 13, 2024
లోకేశ్‌ను కలిసిన జగన్‌పై దాడి కేసు అనుమానితుడు
AP: మాజీ సీఎం జగన్‌పై రాయి దాడి కేసులో ఆరోపణలు ఎదుర్కొంటున్న వేముల సతీశ్ మంత్రి నారా లోకేశ్‌ను కలిశారు. ప్రజాదర్బార్‌లో లోకేశ్‌తో కలిసి ఆయన ఫొటో దిగారు. కాగా ఏప్రిల్ 13న విజయవాడలో సిద్ధం బస్సు యాత్ర సందర్భంగా జగన్‌పై రాయి దాడి జరిగింది. ప్రజలకు అభివాదం చేస్తూ పక్కకు తిరగడంతో గాయం తీవ్రత తగ్గింది. ఆ తర్వాత పోలీసులు ఈ కేసులో సతీశ్‌ను ఏ1గా చేర్చి నెల్లూరు జైలుకు తరలించగా బెయిల్‌పై బయటకు వచ్చారు.
News July 13, 2024
గాజాలో ఇజ్రాయెల్ భీకర దాడులు: 71 మంది మృతి
గాజాలోని ఖాన్ యూనిస్ ప్రాంతంపై ఇజ్రాయెల్ సైన్యం విరుచుకుపడింది. దీంతో 71 మంది సాధారణ ప్రజలు మరణించగా 289 మంది గాయాలపాలయ్యారు. కాగా ఖాన్ యూనిస్ ప్రాంతంలోనే హమాస్ ఉగ్రవాదులు దాక్కున్నారని, అందుకే దాడులు చేస్తున్నామని ఇజ్రాయెల్ చెబుతోంది. ఇప్పటివరకు గాజా నరమేధంలో 38,300 మంది మరణించారు. 88,000 మందికిపైగా గాయాలపాలయ్యారు. గాజాలోని 80 శాతం ప్రజలు ఆ ప్రాంతాన్ని ఖాళీ చేసి వెళ్లిపోయారు.
Featured News
Sorry, no posts matched your criteria.