India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 10, 2024
రైతుల సంక్షేమం కోసం పనిచేస్తాం: మోదీ
ఎన్డీఏ ప్రభుత్వం దేశంలోని రైతుల జీవితాలను మెరుగుపరిచేందుకు కట్టుబడి ఉందని ప్రధాని మోదీ ట్వీట్ చేశారు. ప్రధానిగా మూడో సారి బాధ్యతలు స్వీకరించాక మొదట పీఎం కిసాన్ నిధుల విడుదలకు సంబంధించిన ఫైలుపై సంతకం చేశానని పేర్కొన్నారు. దీంతో 9 కోట్ల మంది రైతులు ప్రయోజనం పొందుతారని తెలిపారు. రాబోయే రోజుల్లో రైతుల సంక్షేమం కోసం పనిచేస్తూ వ్యవసాయ రంగాన్ని మరింత ఎత్తుకు తీసుకెళ్తామన్నారు.
News June 10, 2024
BJP నేతపై లైంగిక వేధింపుల ఆరోపణలు
BJP ఐటీ సెల్ చీఫ్ అమిత్ మాలవీయాపై లైంగిక వేధింపుల ఆరోపణలు వెల్లువెత్తుతున్నాయి. ఆయన పలువురు మహిళలను లైంగికంగా వేధించారని RSS సభ్యుడు శాంతను సిన్హా ఆరోపించడం చర్చనీయాంశమైంది. ఆయనపై చర్యలు తీసుకోవాలని కాంగ్రెస్ పార్టీ సైతం డిమాండ్ చేస్తోంది. అయితే తనపై నిరాధార, తప్పుడు ఆరోపణలు చేశారంటూ శాంతనుపై మాలవీయా రూ.10కోట్ల పరువునష్టం దావా వేశారు.
News June 10, 2024
మణిపుర్ సీఎం కాన్వాయ్‌పై మిలిటెంట్ల దాడి
మణిపుర్ సీఎం బీరెన్ సింగ్ కాన్వాయ్‌పై మిలిటెంట్లు దాడి చేశారు. ఈ ఘటనలో ఓ భద్రతా సిబ్బంది గాయపడ్డారు. కాంగ్‌పోక్‌పీ జిల్లాలో ఈ ఘటన జరిగింది. జిరిబామ్ ప్రాంతంలో రేపు సీఎం పర్యటించనున్న నేపథ్యంలో భద్రతా ఏర్పాట్లను పరిశీలించేందుకు సెక్యూరిటీ బృందం ఆ ప్రాంతానికి బయలుదేరింది. ఈ క్రమంలో మిలిటెంట్లు కాన్వాయ్‌పై ఆకస్మిక దాడికి పాల్పడ్డారు. కాగా జిరిబామ్‌లో ఇటీవల మిలిటెంట్లు 70కిపైగా ఇళ్లకు నిప్పుపెట్టారు.
News June 10, 2024
వైఎస్ జగన్‌కు నారా లోకేశ్ వార్నింగ్
AP: వైఎస్ జగన్ ఓడిపోయినా రక్తచరిత్ర రాస్తూనే ఉన్నాడని TDP నేత నారా లోకేశ్ మండిపడ్డారు. ‘కర్నూలు జిల్లా బొమ్మిరెడ్డిపల్లెకు చెందిన TDP నేత గౌరీనాథ్‌ చౌదరిని దారుణంగా హత్య చేయించారు. ఫ్యాక్షన్ పాలన వద్దని జనం ఛీకొట్టినా, బాబాయ్‌ని చంపినట్లే జనాన్ని చంపుతూ ఉన్నాడు జగన్ రెడ్డి. హత్యారాజకీయాలు ఇకనైనా ఆపకపోతే పరిణామాలు తీవ్రంగా ఉంటాయి’ అని హెచ్చరించారు. నిందితులను వదిలే ప్రసక్తే లేదని స్పష్టం చేశారు.
News June 10, 2024
ఆ దాడి చేసింది మేమే.. ఇంకా జరుగుతాయి: రెసిస్టెన్స్ ఫోర్స్
జమ్మూకశ్మీర్‌లోని రియాసి జిల్లాలో జరిగిన ఉగ్రదాడికి తాము బాధ్యత వహిస్తున్నట్లు లష్కరే తోయిబా అనుబంధ సంస్థ ‘ది రెసిస్టెన్స్ ఫోర్స్’ ప్రకటించింది. పర్యాటకులు, స్థానికేతరులే లక్ష్యంగా భవిష్యత్తులో మరిన్ని దాడులు జరుగుతాయని, ఇది సరికొత్త ఆరంభమని పేర్కొంది. కాగా నిన్నటి ఘటనలో తొమ్మిది మంది ప్రాణాలు కోల్పోగా, 33 మంది గాయపడ్డారు. ఉగ్రవాదుల ఆచూకీ కోసం భద్రతాబలగాలు గాలిస్తున్నాయి.
News June 10, 2024
మనసుకు హత్తుకుంటోన్న ఎడిటెడ్ ఫొటో
ప్రధాని మోదీ ప్రమాణ స్వీకారోత్సవానికి అతిరథ మహారథులు హాజరయ్యారు.
అయితే, ప్రమాణం చేస్తుండగా తల్లి హీరాబెన్ పక్కనే ఉండి మోదీని అభినందిస్తున్నట్లు ఎడిట్ చేసిన ఫొటో వైరలవుతోంది. 2019లో మోదీ ప్రమాణ స్వీకారాన్ని ఆయన తల్లి టీవీలో చూస్తూ మురిసిపోయారు. కానీ, ఆమె చనిపోవడంతో ఈసారి తల్లి ఆశీర్వాదాన్ని మోదీ పొందలేకపోయారు. ఈక్రమంలో ఆమె మోదీతోనే ఉన్నారంటూ నెటిజన్లు ఈ ఎడిటెడ్ ఫొటోను షేర్ చేస్తున్నారు.
News June 10, 2024
రోహిత్ కెప్టెన్సీపై మాజీ క్రికెటర్ల ప్రశంసలు
పాకిస్థాన్‌తో మ్యాచులో టీమ్‌ఇండియా కెప్టెన్ రోహిత్ శర్మ అద్భుతంగా కెప్టెన్సీ చేశారని రికీ పాంటింగ్ అన్నారు. ఈ విషయాన్ని తాను రోహిత్ శర్మకు కూడా చెప్పానని తెలిపారు. రోహిత్‌కి కెప్టెన్‌గా చాలా అనుభవం ఉందని పేర్కొన్నారు. అతను బౌలర్లను తెలివిగా ఉపయోగించాడని, గేమ్ ఛేంజర్‌గా నిలిచాడని యువరాజ్ సింగ్ ప్రశంసించారు. తనకు హిట్‌మ్యాన్ కెప్టెన్సీ నచ్చిందని, అతను చాలా బాధ్యతగా వ్యవహరించారని ఉతప్ప కొనియాడారు.
News June 10, 2024
T20WC: పాకిస్థాన్ ఇంటికేనా?
T20 WCలో పాకిస్థాన్ కథ దాదాపు ముగిసినట్లే కనిపిస్తోంది. ఇండియా చేతిలో ఓటమితో ఆ జట్టు సూపర్8 అవకాశాలు మరింత సంక్లిష్టమయ్యాయి. అమెరికా గెలుపోటములపై PAK భవిష్యత్తు ఆధారపడి ఉంది. ప్రస్తుతం గ్రూప్Aలో భారత్, USA టాప్ 1&2లో ఉన్నాయి. 4వ స్థానంలో ఉన్న PAK సూపర్ 8 చేరాలంటే ఐర్లాండ్, కెనడా జట్లపై గెలవాలి. అటు USA టాప్2 నుంచి పడిపోవాలి. లేకపోతే PAK టోర్నీ నుంచి నిష్క్రమిస్తుంది.
> టాప్2 జట్లు సూపర్8 వెళతాయి.
News June 10, 2024
ఉండవల్లికి చేరుకున్న చంద్రబాబు
AP: టీడీపీ చీఫ్ చంద్రబాబు రాష్ట్రానికి చేరుకున్నారు. మోదీ ప్రమాణస్వీకారానికి ఢిల్లీ వెళ్లిన ఆయన కాసేపటి క్రితమే గన్నవరం ఎయిర్‌పోర్టులో ల్యాండ్ అయ్యారు. అక్కడి నుంచి నేరుగా ఉండవల్లిలోని నివాసానికి వెళ్లారు. చంద్రబాబు ఇవాళ మంత్రివర్గ కూర్పుపై కసరత్తు చేయనున్నారు. మరోవైపు ఢిల్లీ నుంచి వచ్చిన జనసేనాని పవన్ కళ్యాణ్ అనకాపల్లి నూకాంబిక అమ్మవారిని దర్శించుకుని మొక్కులు చెల్లించుకున్నారు.
News June 10, 2024
నష్టాలను అనుకూలంగా మార్చుకుంటున్నారు!
స్టాక్ మార్కెట్ల ఒడుదొడుకులను సామాన్య ఇన్వెస్టర్లు తమకు అనుకూలంగా మార్చుకుంటున్నారు. అంచనాలకు భిన్నంగా ఫలితాలు రావడంతో JUN 4న FII, మ్యూచువల్ ఫండ్స్ నుంచి రూ.19వేల కోట్ల షేర్లు విక్రయమయ్యాయి. ఇదే అదనుగా రిటైల్ ఇన్వెస్టర్లు రూ.21వేల కోట్ల షేర్స్ కొన్నారు. ఆ తర్వాతి సెషన్లలోనూ కొనుగోళ్లు కొనసాగాయి. లాస్‌లో ఉండగా కొని, లాభాలప్పుడు అమ్మాలనే రూల్‌ను మదుపర్లు ఫాలో అవుతున్నారని నిపుణులు చెబుతున్నారు.
Featured News
Sorry, no posts matched your criteria.