India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 12, 2024
ISSలోకి బ్యాక్టీరియా.. ఇబ్బందుల్లో వ్యోమగాములు
అంతర్జాతీయ అంతరిక్ష కేంద్రం(ISS)లోని వ్యోమగాములు ఆరోగ్య ముప్పును ఎదుర్కొంటున్నారు. ఐఎస్ఎస్‌లోకి సూపర్ బగ్‌గా పిలిచే ‘ఎంటర్‌బాక్టర్ బుగాన్‌డెన్సిస్’ అనే బ్యాక్టీరియా ప్రవేశించడమే ఇందుకు కారణం. ఇది శ్వాసకోశ వ్యవస్థపై ప్రభావం చూపిస్తుందని నాసా శాస్త్రవేత్తలు చెబుతున్నారు. సునీతా విలియమ్స్‌తో సహా 8 మంది సిబ్బందికి ‘స్పేస్‌ బగ్‌’ రూపంలో ఇబ్బంది వచ్చిపడటంతో శాస్త్రవేత్తల్లో ఆందోళన నెలకొంది.
News June 12, 2024
మంత్రిని ఓడించారు.. మంత్రి అయ్యారు
తొలిసారి MLAగా గెలిచిన గుమ్మడి సంధ్యారాణి మంత్రిగా ప్రమాణం చేశారు. గతంలో రెండుసార్లు MLA, ఒకసారి MP అభ్యర్థిగా పోటీ చేసి ఓడిపోయారామె. 1999లో కాంగ్రెస్ నుంచి, 2009లో TDP నుంచి సాలూరులో MLA అభ్యర్థిగా పోటీ చేసి ఓటమిపాలయ్యారు. 2014లో అరకు MP అభ్యర్థిగా పోటీ చేస్తే మరోసారి ఓటమే ఎదురైంది. ఈ ఎన్నికల్లో సాలూరులో బరిలో దిగి వైసీపీ అభ్యర్థి, మంత్రి పీడిక రాజన్నదొరపై విజయం సాధించి ఏకంగా మినిస్టర్ అయ్యారు.
News June 12, 2024
మంత్రిగా నారా లోకేశ్.. బ్రాహ్మణి ఎమోషనల్ పోస్ట్
ఏపీ మంత్రిగా నారా లోకేశ్ ఇవాళ ప్రమాణ స్వీకారం చేశారు. ఈ సందర్భంగా లోకేశ్ సతీమణి బ్రాహ్మణి Xలో ఎమోషనల్ పోస్ట్ చేశారు. ‘లోకేశ్ మంత్రిగా ప్రమాణం చేశారు. ఇది నేను గర్వపడే, భావోద్వేగానికి గురైన క్షణం. నూతనోత్సాహంతో రాష్ట్ర ప్రజలకు సేవ చేసేందుకు మంత్రిగా తన ప్రయాణాన్ని ప్రారంభిస్తున్న మీకు శుభాకాంక్షలు’ అంటూ ట్వీట్ చేశారు.
News June 12, 2024
దిగొచ్చిన రిటైల్ ద్రవ్యోల్బణం
దేశంలోని రిటైల్ ద్రవ్యోల్బణం మే నెలలో 12 నెలల కనిష్ఠానికి తగ్గి 4.75శాతంగా నమోదైంది. ఇక గ్రామీణ ప్రాంతాల్లో ద్రవ్యోల్బణం 5.28%, అర్బన్ ఏరియాల్లో 4.15%గా ఉంది. కన్జూమర్ ప్రైస్ ఇండెక్స్ (CPI) ఇన్‌ఫ్లేషన్ ఏప్రిల్‌లో 4.83%గా రికార్డ్ అయింది. కొన్ని నెలలుగా ఆందోళన కలిగిస్తున్న ఆహార ద్రవ్యోల్బణమూ మే నెలలో 8.75 నుంచి 8.62%కు చేరి ఊరట కలిగించింది. అయితే 2023 మేలో రికార్డ్ అయిన 3.3% కంటే ఇది ఎక్కువే.
News June 12, 2024
T20WC: టాస్ గెలిచిన భారత్
అమెరికాతో మ్యాచ్‌లో భారత్ టాస్ గెలిచి బౌలింగ్ ఎంచుకుంది.
భారత్: రోహిత్ శర్మ (C), కోహ్లీ, పంత్, సూర్యకుమార్, శివమ్ దూబే, హార్దిక్, జడేజా, అక్షర్ పటేల్, అర్ష్‌దీప్ సింగ్, బుమ్రా, సిరాజ్.
USA: స్టీవెన్ టేలర్, జహంగీర్, గౌస్, ఆరోన్ జోన్స్ (C), నితీశ్ కుమార్, అండర్సన్, హర్మీత్ సింగ్, షాడ్లీ వాన్ షాల్క్‌విక్, జస్దీప్ సింగ్, నేత్రావల్కర్, అలీ ఖాన్.
News June 12, 2024
తొలి గెలుపుతోనే మంత్రివర్గంలో చోటు
AP: పెనుగొండ MLA ఎస్.సవిత. పూర్తి పేరు సంజీవరెడ్డిగారి సవిత. ఆమె టీడీపీ నుంచి పోటీ చేసి తొలిసారి MLAగా గెలిచారు. వైసీపీ అభ్యర్థి, మంత్రి ఉషశ్రీ చరణ్‌ను ఆమె ఓడించారు. కురుబ సామాజిక వర్గానికి చెందిన సవిత అనూహ్యంగా బీసీ మహిళ కోటాలో మంత్రి పదవి దక్కించుకున్నారు. ఆమె 2015 నుంచి TDPలో క్రియాశీల సభ్యురాలిగా ఉన్నారు. గత TDP ప్రభుత్వంలో AP కురుబ సహకార ఆర్థిక కార్పొరేషన్ ఛైర్మన్‌గా పని చేశారు.
News June 12, 2024
ఈ మ్యాచ్‌లో భారత్‌కే పాకిస్థాన్ సపోర్ట్?
T20WCలో భాగంగా మరికాసేపట్లో ఇండియా, USA మ్యాచ్ జరగనుంది. ఇందులో విజేత సూపర్8కు చేరుతుంది. ఓడిన జట్టు మరో మ్యాచ్ ఆడి గెలిస్తే సూపర్8కు వెళుతుంది. లేకపోతే పాకిస్థాన్‌కు ఛాన్స్ వస్తుంది. అయితే పాక్ ఐర్లాండ్‌పై గెలవాలి. కాగా భారత్ కంటే USA బలహీనమైంది కావడంతో ఈ మ్యాచ్‌లో ఆ జట్టు ఓడి, తర్వాతి మ్యాచ్‌లోనూ ఓడాలని పాక్ కోరుకునే ఛాన్స్ ఉంది. అలా జరిగితే PAKకు సూపర్8 అవకాశం ఉంటుంది.
News June 12, 2024
ఆగస్టు 15న ‘తంగలాన్’ రిలీజ్!
కోలీవుడ్ స్టార్ హీరో విక్రమ్, డైరెక్టర్ రంజిత్ కాంబోలో తెరకెక్కుతోన్న ‘తంగలాన్’ సినిమాను ఆగస్టు 15న రిలీజ్ చేసేందుకు మేకర్స్ ప్లాన్ చేస్తున్నారు. మొదట జూన్ నెలలో ఈ సినిమాను రిలీజ్ చేద్దామని భావించగా షూటింగ్ పూర్తికాకపోవడంతో వాయిదా పడింది. తాజాగా ఐకాన్ స్టార్ అల్లు అర్జున్ నటిస్తోన్న ‘పుష్ప-2’ విడుదల వాయిదా పడనుందని వార్తలు రావడంతో ఆ తేదీలో వచ్చేందుకు ‘తంగలాన్’ సిద్ధమైనట్లు సమాచారం.
News June 12, 2024
శాఖల వారీగా శ్వేతపత్రాలు: చంద్రబాబు
AP: జగన్ నాశనం చేసిన వ్యవస్థలను మనం బాగుచేయాలని మంత్రులతో భేటీలో సీఎం చంద్రబాబు వ్యాఖ్యానించారు. ‘రాష్ట్ర పునర్మిర్మాణంలో మంత్రులది కీలక బాధ్యత కావాలి. ఓఎస్డీలు, పీఏలు, పీఎస్‌ల విషయంలో అప్రమత్తంగా ఉండాలి. వైసీపీ ప్రభుత్వంలో మంత్రుల వద్ద పనిచేసిన వారిని చేర్చుకోవద్దు. శాఖల వారీగా శ్వేతపత్రాలు సిద్ధం చేసి ప్రజల ముందు ఉంచుదాం’ అని సూచించారు.
News June 12, 2024
‘దోస్త్’ కౌన్సెలింగ్ గడువు పెంపు
డిగ్రీ ప్రవేశాలకు నిర్వహించే ‘దోస్త్’ కౌన్సెలింగ్ గడువును ప్రభుత్వం పొడిగించింది. తొలి విడత సెల్ఫ్ రిపోర్టింగ్ గడువు జూన్ 12 నుంచి 15కి, రెండో విడత రిజిస్ట్రేషన్ జూన్ 13 నుంచి 15కి, వెబ్ ఆప్షన్ల నమోదుకు గడువు జూన్ 14 నుంచి 15కు పెంచుతూ నిర్ణయం తీసుకుంది. ఇప్పటికే <<13393164>>తొలి<<>> విడత సీట్లను కేటాయించిన సంగతి తెలిసిందే.
Featured News
Sorry, no posts matched your criteria.