India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 6, 2024
రోహిత్ శర్మ రిటైర్ కావొచ్చు: శ్రీకాంత్
ఆస్ట్రేలియాతో జరిగే BGTలో విఫలమైతే రోహిత్ టెస్టులకు గుడ్‌బై చెప్పొచ్చని మాజీ భారత కెప్టెన్ కృష్ణమాచారి శ్రీకాంత్ అభిప్రాయపడ్డారు. ‘రోహిత్ స్థానాన్ని భర్తీ చేసేందుకు BCCI ప్రయత్నాలు మొదలుపెట్టాలి. అతడి వయసు పెరుగుతున్న విషయం దృష్టిలో పెట్టుకోవాలి. కివీస్ సిరీస్‌లో ఆడలేదని రోహిత్ అంగీకరించడం గ్రేట్. అతను గాడినపడేలా కనిపిస్తున్నాడు. ఒకవేళ విఫలమైతే అతడే తప్పుకుంటాడు’ అని శ్రీకాంత్ చెప్పుకొచ్చారు.
News November 6, 2024
ట్రంప్ గెలిస్తే.. పాలనలో జోక్యంపై మస్క్ హింట్
డొనాల్డ్ ట్రంప్ గెలిస్తే ప్రభుత్వ పాలనలో ఆయనకు సాయపడతానని బిలియనీర్ ఎలాన్ మస్క్ అన్నారు. ఫెడరల్ ఏజెన్సీల సంఖ్యను కుదిస్తానని పేర్కొన్నారు. ‘మన బ్యూరోక్రసీ చాలా పెద్దది. పైగా మన దేశంలో నియంత్రణలు ఎక్కువ. వాటిని తగ్గించాల్సి ఉంది. అమెరికాను మరింత మెరుగ్గా నిర్మించేవాళ్లకు సాయపడాలి’ అని టక్కర్ కార్ల్‌సన్‌షోలో వెల్లడించారు. ఈ ఎన్నికల్లో ట్రంప్ కచ్చితంగా గెలుస్తారని మస్క్ నమ్మకంతో ఉన్నారు.
News November 6, 2024
రైల్వే లైన్ల సర్వే కోసం నిధులు
AP: మచిలీపట్నం-రేపల్లె, రేపల్లె-బాపట్ల మధ్య కొత్త రైల్వేలైన్ల నిర్మాణాల సర్వే కోసం రైల్వే బోర్డు నిధులు విడుదల చేసింది. మచిలీపట్నం-రేపల్లె మధ్య 45.30KM DPR కోసం ₹1.13 కోట్లు, బాపట్ల-రేపల్లె మధ్య 45.81KM మేర DPRకై రూ.1.15 కోట్లు విడుదలయ్యాయి. ఈ 2 రైల్వే లైన్లు అందుబాటులోకి వస్తే చెన్నై-హౌరా వెళ్లే రైళ్లు విజయవాడ వెళ్లకుండా మచిలీపట్నం మీదుగా రాకపోకలు సాగించవచ్చు. విజయవాడ స్టేషన్‌పై భారం తగ్గుతుంది.
News November 6, 2024
APPLY: భారీ జీతంలో 1500 ఉద్యోగాలు
యూనియన్ బ్యాంక్ ఆఫ్ ఇండియా(UBI)లో 1,500 లోకల్ బ్యాంక్ ఆఫీసర్ పోస్టుల భర్తీకి దరఖాస్తుల ప్రక్రియ కొనసాగుతోంది. APలో 200, TGలో 200 ఖాళీలున్నాయి. ఏదైనా డిగ్రీ, పది/ఇంటర్‌లో స్థానిక భాషను చదివి ఉన్నవారు అర్హులు. వయసు OCT 1, 2024 నాటికి 30 ఏళ్లకు మించొద్దు. NOV 13 వరకు దరఖాస్తు చేసుకోవచ్చు. ఎంపికైతే అలవెన్సులతో కలిపి జీతం రూ.77 వేల వరకు పొందొచ్చు. వెబ్‌సైట్: https://www.unionbankofindia.co.in/
News November 6, 2024
‘ఆవేశం’ మూవీని రీమేక్ చేయనున్న రవితేజ?
మలయాళ నటుడు ఫహాద్ ఫాజిల్ కీలక పాత్రలో నటించిన ‘ఆవేశం’ మూవీ భారీ విజయాన్ని అందుకున్న విషయం తెలిసిందే. ఈ సినిమా తెలుగు రైట్స్‌ను మాస్ మహారాజా రవితేజ కొనుగోలు చేశారని, దీనిని ఆయన రీమేక్ చేయనున్నట్లు తెలుస్తోంది. త్వరలోనే ఈ చిత్ర షూటింగ్ జరగనున్నట్లు సినీవర్గాలు పేర్కొన్నాయి. జీతూ మాధవన్ ‘ఆవేశం’ మూవీని తెరకెక్కించగా ఈ ఏడాది ఏప్రిల్‌లో రిలీజై రూ.150కోట్లు వసూలు చేసింది.
News November 6, 2024
స్టాక్ మార్కెట్లకు కిక్కిచ్చిన US Elections Results
స్టాక్ మార్కెట్లు భారీ లాభాల్లో కొనసాగుతున్నాయి. గ్లోబల్ మార్కెట్ల నుంచి పాజిటివ్ సిగ్నల్స్ రావడం, US ఎన్నికల ఫలితాలు ఒకే దిశగా సాగుతుండటంతో ఇన్వెస్టర్లు కొనుగోళ్లు చేపట్టారు. ఫియర్ ఇండెక్స్ ఇండియా విక్స్ 5% తగ్గడం అనిశ్చితి తగ్గిందనడానికి నిదర్శనం. సెన్సెక్స్ 79911 (+435), నిఫ్టీ 24,386 (+173) వద్ద ట్రేడవుతున్నాయి. IT, రియాల్టి, Oil & Gas సూచీలు అదరగొడుతున్నాయి. Infy, Trent టాప్ గెయినర్స్.
News November 6, 2024
US ఎలక్షన్స్: పాపులర్, ఎలక్టోరల్ ఓట్లు అంటే ఏంటి?
అమెరికా ఎన్నికలకు ఓ ప్రత్యేకత ఉంది. ఎక్కువ ఓట్లు(పాపులర్ ఓటింగ్) పొందిన అభ్యర్థి కాకుండా ఎలక్టోరల్ ఓట్లు ఎక్కువ వచ్చినవారే ప్రెసిడెంట్ అవుతారు. 50 రాష్ట్రాల్లో 538 ఎలక్టోరల్ కాలేజీ ఓట్లుంటాయి. పార్టీలు నిలబెట్టిన ఎలక్టర్లకు ప్రజలు ఓట్లు వేస్తారు. వాళ్లు ప్రెసిడెంట్, వైస్‌ప్రెసిడెంట్‌ను ఎన్నుకుంటారు. 2016లో హిల్లరీకి అధిక ఓట్లు వచ్చినా ఎలక్టోరల్ ఓట్లు ఎక్కువ రావడంతో ట్రంప్ ప్రెసిడెంట్ అయ్యారు.
News November 6, 2024
ఏపీలో మైనర్ బాలికపై అత్యాచారం
APలో మరో ఘోరం జరిగింది. నెల్లూరు నగరంలో రీల్స్ పేరుతో బాలిక(14)ను మభ్యపెట్టి ఆటోడ్రైవర్ ఆమెపై పలుమార్లు అత్యాచారానికి పాల్పడ్డాడు. ఇటీవల బాలిక ప్రవర్తనలో మార్పును గమనించిన తల్లి, ఇతర బంధువులు ప్రశ్నించడంతో అసలు విషయం తెలిసింది. బాలిక తల్లి ఫిర్యాదుతో నిందితుడిపై నవాబుపేట పోలీసులు పోక్సో కేసు నమోదు చేశారు. ప్రస్తుతం నిందితుడు పరారీలో ఉండగా, బాలికను ఆస్పత్రిలో చేర్పించి చికిత్స అందిస్తున్నారు.
News November 6, 2024
IPL: రూ.2 కోట్ల బేస్‌ప్రైజ్ ఆటగాళ్లు వీరే
ఈ నెల 24, 25 తేదీల్లో జెడ్డాలో జరగబోయే ఐపీఎల్ మెగా వేలంలో కొందరు విదేశీ స్టార్ ప్లేయర్లు తమ పేర్లు నమోదు చేసుకున్నారు. వీరంతా రూ.2 కోట్ల బేస్ ప్రైజ్ ప్రకటించుకున్నారు. వీరిలో వార్నర్, స్టార్క్, స్టీవ్ స్మిత్, స్టొయినిస్, బెయిర్‌స్టో, జంపా, అట్కిన్‌సన్, బట్లర్, రబాడ, మ్యాక్స్‌వెల్, విలియమ్సన్, మార్క్ వుడ్, ఆర్చర్, మార్ష్, జంపా తదితరులు ఉన్నారు. వీరిలో ఎవరు అత్యధిక ధర పలుకుతారో కామెంట్ చేయండి.
News November 6, 2024
సర్వేలో ‘స్పెషల్ కాలమ్‌’ విజ్ఞప్తిని పరిశీలించండి: హైకోర్టు
TG: సమగ్ర కుటుంబ సర్వేలో వినియోగించే ఫారాల్లో కులం, మతం వెల్లడించని వారి వివరాల నమోదుకు ప్రత్యేక కాలమ్స్ ఏర్పాటుకు ఉన్న ఇబ్బందులేంటో తెలియజేయాలని హైకోర్టు సంబంధిత అధికారులను ఆదేశించింది. రాజ్యాంగంలోని అధికరణ 25(1) ప్రకారం నచ్చిన మతాన్ని అనుసరించే స్వేచ్ఛ ప్రతి ఒక్కరికి ఉందని పేర్కొంది. దీనిపై పిటిషనర్ విజ్ఞప్తిని పరిశీలించి చట్టప్రకారం నిర్ణయం తీసుకోవాలంది. విచారణను డిసెంబర్ 4కి వాయిదా వేసింది.
Featured News
Sorry, no posts matched your criteria.