India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 24, 2024
‘544’తో ఇదే చివరి లోక్‌సభ?
నేడు 18వ పార్లమెంట్ సమావేశాలు ప్రారంభం కానున్నాయి. అయితే 544 మంది ఎంపీలతో కొలువుదీరిన ఈ సభ చివరిదయ్యే అవకాశం ఉంది. ఇప్పటికే మహిళా రిజర్వేషన్ల బిల్లు ఆమోదం పొందిన విషయం తెలిసిందే. దీంతో వచ్చే లోక్‌సభ ఎన్నికల నాటికి నియోజకవర్గాల పునర్విభజన చేపట్టి అందుకు అనుగుణంగా లోక్‌సభ సీట్ల సంఖ్య పెంచే ఛాన్స్ ఉంది. సో, అప్పుడు కొత్త సంఖ్యతో సభ జరగాల్సి ఉంటుంది.
News June 24, 2024
వాలంటీర్లను ఉంచుతారా? తీసేస్తారా?
AP: వాలంటీర్ వ్యవస్థను కొనసాగిస్తారా? లేక ఏమైనా మార్పులు చేస్తారా? అన్నదానిపై ఇవాళ స్పష్టత వచ్చే అవకాశం ఉంది. నేడు జరిగే కేబినెట్ భేటీలో వాలంటీర్లపై చర్చించనున్నారు. ఇప్పటికే ఈ వ్యవస్థపై మంత్రి డీబీవీ స్వామి అధికారులతో చర్చించినట్లు సమాచారం. ఎన్నికల సమయంలో లక్ష మంది వాలంటీర్లు రాజీనామా చేశారు. వైసీపీ నేతల ఒత్తిళ్లతోనే రాజీనామా చేశామని, తమను కొనసాగించాలని వారు ప్రభుత్వానికి విజ్ఞప్తి చేస్తున్నారు
News June 24, 2024
NET దర్యాప్తు కోసం వెళ్లిన CBI బృందంపై దాడి
UGC-NET పేపర్ లీకేజీ కేసును దర్యాప్తు చేసేందుకు బిహార్‌లోని ఓ గ్రామానికి వెళ్లిన సీబీఐ బృందంపై స్థానికులు దాడి చేశారు. మొబైల్ సిగ్నల్స్ ఆధారంగా నిందితులను పట్టుకునేందుకు నలుగురు అధికారులు, ఓ మహిళా కానిస్టేబుల్‌తో కూడిన టీమ్ నవాడ్ సమీపంలోని కాసియాద్ గ్రామానికి వెళ్లింది. వాళ్లు నకిలీ అధికారులంటూ గ్రామస్థులు దాడి చేసి, వాహనాలను ధ్వంసం చేశారు. చివరకు లోకల్ పోలీసుల సాయంతో సీబీఐ అధికారులు బయటపడ్డారు.
News June 24, 2024
గురుకులాలన్నీ ఒకేచోట.. నమూనాలను పరిశీలించిన సీఎం
TG: ఎస్సీ, ఎస్టీ, బీసీ, మైనారిటీ గురుకులాలన్నీ ఒకేచోట ఉండే విధంగా నియోజకవర్గానికో ఇంటిగ్రేటెడ్ క్యాంపస్‌ నిర్మిస్తామని CM రేవంత్ రెడ్డి తెలిపారు. పైలట్ ప్రాజెక్టుగా తొలుత కొడంగల్, మధిరలో 20-25 ఎకరాల్లో వీటిని నిర్మిస్తామన్నారు. నిన్న ఆర్కిటెక్ట్‌లు రూపొందించిన పలు నమూనాలను సీఎం, డిప్యూటీ CM పరిశీలించారు. గురుకులాలన్నీ ఒకే చోట నిర్మించడం ద్వారా కుల, మత వివక్ష తొలగిపోతుందని ప్రభుత్వం భావిస్తోంది.
News June 24, 2024
వారి రేషన్ కార్డులు, పెన్షన్లు కట్: మంత్రి
TG: అనర్హులు పొందుతున్న రేషన్ కార్డులు, పెన్షన్లను తొలగిస్తామని మంత్రి పొంగులేటి శ్రీనివాస్ రెడ్డి స్పష్టం చేశారు. ప్రభుత్వ పథకాల్లో పేద కుటుంబాలకే ప్రథమ ప్రాధాన్యం ఉంటుందని అన్నారు. అర్హులందరికీ కొత్త రేషన్ కార్డులు, పెన్షన్లు మంజూరు చేస్తామని చెప్పారు. జులై 1 నుంచి ఆగస్టు చివరిలోపు అర్హత కలిగిన ప్రతి రైతుకూ రూ.2 లక్షల వరకు పంట రుణాలను మాఫీ చేస్తామని వివరించారు.
News June 24, 2024
నేటి నుంచి రాష్ట్రవ్యాప్తంగా జూడాల సమ్మె
TG: నేటి నుంచి తెలంగాణ జూనియర్ డాక్టర్లు (జూడా)నిరవధిక సమ్మెకు దిగుతున్నారు. రాష్ట్రవ్యాప్తంగా ఎమర్జెన్సీ మినహా ఓపీ, సర్జరీలు, వార్డ్ సేవలను నిలిపివేస్తున్నట్లు జూడా అసోసియేషన్ తెలిపింది. గ్రీన్ ఛానెల్ ఏర్పాటు చేసి ప్రతినెలా స్టైఫండ్ చెల్లింపు, సూపర్ స్పెషాలిటీ సీనియర్ రెసిడెంట్లకు రూ.1.25 లక్షల గౌరవ వేతనం వంటి డిమాండ్లను పరిష్కరించాలని, లేకపోతే సమ్మెను ఉద్ధృతం చేస్తామని ప్రకటించింది.
News June 24, 2024
T20WC: ఆసీస్‌పై ప్రతీకారం తీర్చుకునేనా?
T20 WC సూపర్-8లో భాగంగా ఇవాళ భారత్, ఆస్ట్రేలియా తలపడనున్నాయి. సెయింట్ లూసియాలోని డారెన్ సామీ స్టేడియంలో రాత్రి 8 గంటలకు మ్యాచ్ ప్రారంభం కానుంది. ఈ మ్యాచ్‌లో టీమ్ ఇండియా గెలిస్తే సెమీ ఫైనల్ బెర్త్ ఖరారు చేసుకుంటుంది. ఆసీస్ ఓడితే టోర్నీ నుంచి నిష్క్రమించనుంది. కాగా గతేడాది WTC ఫైనల్, ODI WC ఫైనల్‌లో భారత్‌ను ఆస్ట్రేలియా ఓడించిన సంగతి తెలిసిందే. దీనికి ప్రతీకారం తీర్చుకోవాలని ఫ్యాన్స్ కోరుతున్నారు.
News June 24, 2024
నేడు ఏపీ కేబినెట్ తొలి భేటీ
AP: సీఎం చంద్రబాబు అధ్యక్షతన ఇవాళ కేబినెట్ సమావేశం జరగనుంది. మెగా డీఎస్సీ నోటిఫికేషన్‌, పింఛన్ల పెంపుపై ఈ భేటీలో చర్చించనున్నట్లు తెలుస్తోంది. అమరావతి, పోలవరం ప్రాజెక్టు, విద్యుత్ ప్రాజెక్టులపై మంత్రులు సమాలోచనలు చేయనున్నారు. అలాగే సూపర్-6 పథకాల అమలుపై మంత్రివర్గం చర్చించే అవకాశం ఉంది. వివిధ శాఖల్లో వాస్తవ స్థితిగతులను తెలియపరిచేలా శ్వేతపత్రాల విడుదలకు సంబంధించి నిర్ణయాలు తీసుకోవచ్చు.
News June 24, 2024
నేడు ఇంటర్ సప్లిమెంటరీ ఫలితాల విడుదల
తెలంగాణలో ఇవాళ మధ్యాహ్నం 2 గంటలకు ఇంటర్ అడ్వాన్స్‌డ్ సప్లిమెంటరీ పరీక్ష ఫలితాలు వెల్లడి కానున్నట్లు ఇంటర్ విద్యామండలి తెలిపింది. WAY2NEWSతో పాటు ప్రభుత్వ వెబ్‌సైట్లైన http://tgbie.cgg.gov.in, http://results.cgg.gov.inలలో ఫలితాలు చూసుకోవచ్చు. కాగా మే, జూన్‌లో జరిగిన సప్లిమెంటరీ పరీక్షలకు 4.5 లక్షల మంది విద్యార్థులు హాజరయ్యారు.
News June 24, 2024
‘ఎన్టీఆర్ 31’లో అలియా భట్?
ఎన్టీఆర్ హీరోగా ‘ఎన్టీఆర్ 31’అనే వర్కింగ్ టైటిల్‌తో తెరకెక్కనున్న మూవీలో బాలీవుడ్ హీరోయిన్ అలియా భట్ నటించనున్నట్లు తెలుస్తోంది. ఈ చిత్రంలో మరో హీరోయిన్‌గా నేషనల్ క్రష్ రష్మిక మందన్న కూడా నటించనున్నట్లు సమాచారం. ప్రశాంత్ నీల్ తెరకెక్కించనున్న ఈ మూవీలో బాబీ డియోల్ విలన్ పాత్ర పోషిస్తున్నట్లు టాక్. ఈ సినిమాకు ‘డ్రాగన్’ అనే టైటిల్ పరిశీలిస్తున్నట్లు సమాచారం.
Featured News
Sorry, no posts matched your criteria.