India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 24, 2024
ఆ చట్టం రద్దు చేసి.. డాక్యుమెంట్లు తిరిగి ఇస్తాం: మంత్రి
AP: ల్యాండ్ టైటిలింగ్ యాక్ట్ను కేంద్ర ప్రభుత్వమే తీసుకొచ్చిందని గత ప్రభుత్వం తప్పుడు ప్రచారం చేసిందని మంత్రి పార్థసారథి తెలిపారు. కేంద్రం తీసుకొచ్చిన చట్టానికి, YCP ప్రభుత్వం అమలు చేసిన చట్టానికి చాలా తేడా ఉందన్నారు. దీనివల్ల భూయజమానుల్లో భయాందోళనలు మొదలయ్యాయని, అందుకే ఈ యాక్ట్ను రద్దు చేస్తున్నట్లు చెప్పారు. ఒరిజినల్ డాక్యుమెంట్లు తిరిగి ఇచ్చేస్తామని, ఎవరూ ఆందోళన చెందొద్దని స్పష్టం చేశారు.
News June 24, 2024
16,347 టీచర్ పోస్టుల్ని భర్తీ చేస్తాం: మంత్రి పార్థసారథి
AP: మెగా డీఎస్సీ కింద 16,347 ఉపాధ్యాయ పోస్టుల నియామకానికి కేబినెట్ ఆమోదం తెలిపినట్లు మంత్రి పార్థసారథి తెలిపారు. కేబినెట్ నిర్ణయాలను ఆయన మీడియాకు తెలిపారు. గత ప్రభుత్వం టెట్ పరీక్షను రెగ్యులర్‌గా నిర్వహించలేదని దుయ్యబట్టారు. దీంతో టెట్‌లో మార్కులు మెరుగుపర్చుకునే అవకాశం అభ్యర్థులకు లేకుండా పోయిందన్నారు. వైసీపీ హయాంలో ఒక్క టీచర్ పోస్టు కూడా భర్తీ చేయలేదని మండిపడ్డారు.
News June 24, 2024
వాలంటీర్ల రాజీనామా అంశంపై హైకోర్టు విచారణ
AP: వాలంటీర్ల రాజీనామాల అంశంపై BYC పార్టీ అధ్యక్షుడు రామచంద్ర యాదవ్ దాఖలు చేసిన పిటిషన్‌పై హైకోర్టు విచారణ జరిపింది. సుమారు 64వేల మంది రాజీనామా చేశారని పిటిషనర్ తరఫు లాయర్ కోర్టుకు తెలిపారు. ఇందులో కొందరిని బలవంతంగా రాజీనామా చేయించారని, వాలంటీర్ల ఫిర్యాదులతో YCP నేతలపై కేసులు నమోదయ్యాయని చెప్పారు. దీనిపై కౌంటర్లు దాఖలు చేయాలని EC, ప్రభుత్వాన్ని ఆదేశించిన కోర్టు విచారణను 4వారాలకు వాయిదా వేసింది.
News June 24, 2024
పవన్ కళ్యాణ్‌తో సినీ నిర్మాతలు భేటీ
తెలుగు సినీ నిర్మాతలతో ఏపీ ఉప ముఖ్యమంత్రి పవన్ కళ్యాణ్ సమావేశం ప్రారంభమైంది. తెలుగు చిత్ర పరిశ్రమ ఎదుర్కొంటున్న సమస్యలు, రాష్ట్రంలో సినిమా రంగం అభివృద్ధికి ఉన్న అవకాశాలు, రాష్ట్రంలో సినీ రంగం విస్తరణకు ఉన్న అవకాశాలపై చర్చించనున్నారు. ఈ సమావేశంలో పాల్గొననున్న రాష్ట్ర సినిమాటోగ్రఫీ శాఖ మంత్రి కందుల దుర్గేశ్‌కు సినీ పరిశ్రమ ఎదుర్కొంటున్న ఇబ్బందులను నిర్మాతలు నివేదించనున్నారు.
News June 24, 2024
ఎల్లుండి పాఠశాలల బంద్కు ABVP పిలుపు
TG: రాష్ట్రవ్యాప్తంగా జూన్ 26న పాఠశాలల బంద్కు ABVP పిలుపునిచ్చింది. స్కూల్స్ ప్రారంభమై 15 రోజులైనా పుస్తకాలు పంపిణీ చేయకపోవడం విద్యార్థుల పట్ల ప్రభుత్వ నిర్లక్ష్యాన్ని తెలియజేస్తోందని మండిపడింది. రాష్ట్రంలో ఫీజు నియంత్రణ చట్టం అమలు చేయాలని, పాఠశాలల్లో మౌలిక వసతులు కల్పించాలని డిమాండ్ చేసింది. స్కూల్స్ స్వచ్ఛందంగా మూసివేసి సహకరించాలని ABVP కోరింది.
News June 24, 2024
‘Groww’ ట్రేడింగ్ యాప్‌పై ఫ్రాడ్ ఆరోపణలు!
ఆన్‌లైన్ స్టాక్ ట్రేడింగ్ యాప్ ‘గ్రో’ మోసాలకు పాల్పడుతోందని ఓ యూజర్ సంచలన ఆరోపణలు చేశారు. తన డబ్బును గ్రో యాప్ మ్యూచువల్ ఫండ్‌లో మదుపు చేయలేదని, ఓ నకిలీ పోర్ట్‌ఫోలియో నంబర్ ఇచ్చిందన్నారు. పొరపాటుగా ఇలా జరిగిందని, కస్టమర్ అకౌంట్ నుంచి డబ్బులు కట్ కాలేదని సంస్థ తెలిపింది. కానీ సంస్థపై నమ్మకం కోల్పోకుండా ఆ మొత్తాన్ని క్రెడిట్ చేస్తున్నామన్న గ్రో, కస్టమర్ తన బ్యాంక్ స్టేట్మెంట్ ఇవ్వాలని కోరింది.
News June 24, 2024
ఎమ్మెల్యేల పార్టీ ఫిరాయింపులపై సుప్రీంకోర్టుకు BRS!
TG: తమ పార్టీ నుంచి కాంగ్రెస్‌లో చేరుతున్న MLAలపై సుప్రీంకోర్టును ఆశ్రయించాలని BRS నిర్ణయించింది. ఈనెల 27న MLA దానం నాగేందర్ అనర్హత అంశంపై హైకోర్టులో విచారణ జరగనుంది. కోర్టు తీర్పు, తదుపరి పరిణామాలను బట్టి పార్టీ మారిన ఎమ్మెల్యేలందరిపై ఒకేసారి SCకి వెళ్లాలని BRS భావిస్తోంది. సుప్రీంకోర్టు గతంలో ఇచ్చిన తీర్పు ప్రకారం MLAల అనర్హత పిటిషన్‌పై స్పీకర్ 3 నెలల్లో నిర్ణయం తీసుకోవాలని ఆ పార్టీ చెబుతోంది.
News June 24, 2024
బీఆర్ఎస్ ఖతం అయ్యింది: షబ్బీర్ అలీ
TG: పార్టీ ఫిరాయింపులపై BRS నేతలు మాట్లాడుతుంటే నవ్వు వస్తోందని ప్రభుత్వ సలహాదారు షబ్బీర్ అలీ అన్నారు. గతంలో కాంగ్రెస్ MLAలు, MLCలను BRSలో చేర్చుకోలేదా అని ప్రశ్నించారు. ‘భట్టి విక్రమార్కకు ప్రతిపక్ష నేత హోదా లేకుండా చేసింది KCR కాదా? శాసనమండలిలో నా ప్రతిపక్ష హోదా తొలగించలేదా?’ అని ఫైరయ్యారు. BRS పార్టీ ఖతం అయ్యిందని, కోకాపేటలో ఆ పార్టీకి ఇచ్చిన భూముల్ని ప్రభుత్వం వెనక్కి తీసుకోవాలన్నారు.
News June 24, 2024
ఇంటర్ సప్లిమెంటరీ ఫలితాల్లో బాలికలదే పైచేయి
TG: ఇంటర్ సప్లిమెంటరీ/ఇంప్రూవ్‌మెంట్ పరీక్ష ఫలితాల్లో అమ్మాయిలే పైచేయి సాధించారు. 2,54,498 మంది ఫస్ట్ ఇయర్ పరీక్షలు రాయగా 63.86% ఉత్తీర్ణత నమోదైంది. 70.26% బాలికలు, 58.39% బాలురు పాసయ్యారు. 1,38,477 మంది సెకండ్ ఇయర్ పరీక్షలు రాయగా 43.77% ఉత్తీర్ణత నమోదైంది. బాలికలు 47.54%, బాలురు 41.37% మంది పాస్ అయ్యారు. ఫలితాలకు సంబంధించి ఏవైనా సందేహాలుంటే 040 24655027కు కాల్ చేయవచ్చని ఇంటర్ బోర్డు తెలిపింది.
News June 24, 2024
బేగంపేట ఎయిర్‌పోర్టుకు బాంబ్ బెదిరింపు మెయిల్
TG: బేగంపేట ఎయిర్‌పోర్టులో బాంబు ఉందంటూ ఓ ఆగంతకుడు మెయిల్ చేశాడు. దీంతో అప్రమత్తమైన అధికారులు బాంబ్ స్క్వాడ్‌తో విస్తృతంగా తనిఖీలు నిర్వహిస్తున్నారు. కాగా ఇటీవల దేశంలోని పలు ఎయిర్‌పోర్టులు, విమానాలు, స్కూళ్లు, ఇతర ప్రభుత్వ కార్యాలయాలకు బాంబ్ బెదిరింపులు వచ్చిన విషయం తెలిసిందే.
Featured News
Sorry, no posts matched your criteria.