India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 24, 2024
ఫ్రంట్ రన్నింగ్, ఇన్‌సైడర్ ట్రేడింగ్‌కు తేడా ఏంటి?
నిపుణులు చెప్పే సూచనలు, ట్రేడ్ లావాదేవీల గురించి ముందుగా తెలుసుకుని క్లయింట్లకు ఆ విషయం చేరేలోపే ఫండ్ మేనేజర్/డీలర్లు క్రయవిక్రయాలు చేస్తుంటారు. దీనిని ఫ్రంట్ రన్నింగ్ అంటారు. మరోవైపు సంస్థకు చెందిన అంతర్గత వ్యవహారాలు.. అంటే డీల్స్, మేనేజ్మెంట్ నిర్ణయాలు ముందస్తుగా తెలుసుకుని ట్రేడ్ చేయడాన్ని ఇన్‌సైడర్ ట్రేడింగ్ అంటారు. వీటి వల్ల స్టాక్ ధరలు తారుమారై సంస్థలు, ఇన్వెస్టర్లు నష్టపోతుంటారు.
News June 24, 2024
గన్నవరం చేరుకున్న నిర్మాతలు
డిప్యూటీ సీఎం పవన్ కళ్యాణ్‌తో సమావేశం కోసం హైదరాబాద్‌ నుంచి బయలుదేరిన నిర్మాతలు గన్నవరం విమానాశ్రయానికి చేరుకున్నారు. విజయవాడ క్యాంప్ ఆఫీస్‌లో మరి కాసేపట్లో ఆయన్ను కలవనున్నారు. వీరిలో అల్లు అరవింద్, సురేశ్ బాబు, అశ్వినీదత్, ఎర్నేని నవీన్, టీజీ విశ్వప్రసాద్, సుప్రియ యార్లగడ్డ తదితరులున్నారు. చిత్ర పరిశ్రమలో ఉన్న సమస్యలపై పవన్‌తో చర్చించి పరిష్కారం కనుగొంటామని నిర్మాత అశ్వినీదత్ వెల్లడించారు.
News June 24, 2024
సతీసమేతంగా బెంగళూరుకు వైఎస్ జగన్
AP: పులివెందులలో మాజీ సీఎం వైఎస్ జగన్ పర్యటన ముగిసింది. గడచిన 3 రోజులుగా అక్కడే ఉన్న ఆయన, ప్రజాదర్బార్‌ను నిర్వహించిన సంగతి తెలిసిందే. నియోజకవర్గవ్యాప్తంగా ఉన్న కార్యకర్తలు, పార్టీ శ్రేణులతోనూ సమావేశమై వారికి ధైర్యం చెప్పారు. ఇక ఈరోజు మధ్యాహ్నంతో పులివెందుల పర్యటన ముగించుకున్న జగన్, సతీసమేతంగా అక్కడి నుంచి బెంగళూరుకు బయలుదేరారు.
News June 24, 2024
కేజ్రీవాల్ పిటిషన్‌పై విచారణ వాయిదా
లిక్కర్ కేసులో CM కేజ్రీవాల్ వేసిన పిటిషన్‌పై విచారణను సుప్రీం కోర్టు జూన్ 26కు వాయిదా వేసింది. ED వేసిన స్టే పిటిషన్‌పై ఢిల్లీ హైకోర్టు తుది ఉత్తర్వుల కోసం వేచి చూడాలని సూచించింది. ఈ కేసులో ఢిల్లీ రౌస్ అవెన్యూ కోర్టు కేజ్రీవాల్‌కు బెయిల్ ఇవ్వగా దాన్ని సవాల్ చేస్తూ ED హైకోర్టును ఆశ్రయించింది. హైకోర్టు ఆ బెయిల్‌పై తాత్కాలిక స్టే విధించింది. స్టేను సవాల్ చేస్తూ కేజ్రీవాల్ SCకి వెళ్లారు.
News June 24, 2024
హిండెన్‌బర్గ్ ఆరోపణలు నిరాధారమైనవి: అదానీ
గత ఏడాది సంచలనం రేపిన హిండెన్‌బర్గ్ ఆరోపణలు నిరాధారమైనవని అదానీ గ్రూప్ ఛైర్మన్ గౌతమ్ అదానీ పునరుద్ఘాటించారు. సంస్థ ప్రతిష్ఠకు భంగం కలిగించేందుకు జరిగిన కుట్ర అని 32వ వార్షిక జనరల్ మీటింగ్‌లో షేర్ హోల్డర్లతో పేర్కొన్నారు. ‘అదానీ గ్రూప్ ఆర్థిక వృద్ధిపై అసత్య ఆరోపణలు చేయడమే కాక దీనికి రాజకీయ రంగు పులమాలని ప్రయత్నించారు. FPO క్లోజింగ్‌కు రెండు రోజుల ముందే ఈ దాడి జరిగింది’ అని తెలిపారు.
News June 24, 2024
చంద్రబాబు సంతకాలకు కేబినెట్ ఆమోదం
AP: సీఎం చంద్రబాబు సంతకాలు చేసిన ఐదు హామీలకు ఏపీ మంత్రివర్గం ఆమోదం తెలిపింది.
1.మెగా డీఎస్సీ ద్వారా 16,347 పోస్టుల భర్తీ
2.ల్యాండ్ టైటిలింగ్ యాక్ట్ రద్దు
3.పెన్షన్ రూ.3వేల నుంచి రూ.4వేలకు పెంపు
4.అన్న క్యాంటీన్ల పునరుద్ధరణ
5.నైపుణ్య గణన (స్కిల్ సెన్సస్)
>> విజయవాడలోని వైఎస్సార్ హెల్త్ యూనివర్సిటీ పేరు NTR వర్సిటీగా మార్పునకూ కేబినెట్ ఆమోదం తెలిపింది.
News June 24, 2024
కాసేపట్లో ఇంటర్ సప్లిమెంటరీ ఫలితాలు.. WAY2NEWSలో వేగంగా..
TG: ఈరోజు మధ్యాహ్నం 2 గంటలకు తెలంగాణ ఇంటర్ అడ్వాన్స్‌డ్ సప్లిమెంటరీ ఫలితాలు విడుదల కానున్నాయి. WAY2NEWS యాప్‌లో వేగంగా, సులభంగా రిజల్ట్స్ చెక్ చేసుకోవచ్చు. మిగతా ప్లాట్‌ఫాంల తరహాలో విసిగించే యాడ్స్, లోడింగ్ సమస్యలు మన యాప్‌లో ఉండవు. యాప్ ఓపెన్ చేయగానే కనిపించే ప్రత్యేక స్క్రీన్‌లో హాల్ టికెట్ నంబర్ ఎంటర్ చేస్తే చాలు. ఫలితాలను ఇతరులకూ ఈజీగా షేర్ చేసుకోవచ్చు.
News June 24, 2024
తెలంగాణలో భారీగా ఐఏఎస్ అధికారుల బదిలీ
* GHMC కమిషనర్‌గా ఆమ్రపాలి
* ట్రాన్స్‌కో సీఎండీగా రొనాల్డ్ రాస్
* ఫైనాన్స్ ప్రిన్సిపల్ సెక్రటరీగా సందీప్ కుమార్
* దేవదాయ శాఖ ప్రిన్సిపల్ సెక్రటరీగా శైలజా రామయ్యర్
* కమర్షియల్ ట్యాక్స్ ప్రిన్సిపల్ సెక్రటరీగా రిజ్వీ
* GHMC EVDM కమిషనర్‌గా ఏవీ రంగనాథ్
* HMDA కమిషనర్‌గా సర్ఫరాజ్ అహ్మద్
* కరీంనగర్ కలెక్టర్‌గా పమేలా సత్పతి
>>మొత్తం 44 మంది IAS ఆఫీసర్లు బదిలీ అయ్యారు.
News June 24, 2024
T20WC: ఓటమే ఎరుగని సౌతాఫ్రికా!
టీ20WC 2024లో వరుస విజయాలతో సౌతాఫ్రికా సెమీ ఫైనల్‌కు దూసుకెళ్లింది. ఈ టోర్నీలో ఇప్పటివరకు ఆడిన ఏడు మ్యాచుల్లోనూ జయభేరి మోగించింది. దీంతో ఒక టీ20 WC ఎడిషన్‌లో అత్యధిక మ్యాచులు గెలిచిన జట్టుగా నిలిచింది. గ్రూప్ దశలో శ్రీలంకపై 6 వికెట్లు, నెదర్లాండ్స్‌పై 4W, బంగ్లాదేశ్‌పై 4 రన్స్, నేపాల్‌పై 1 రన్, సూపర్-8లో USAపై 18 పరుగులు, ఇంగ్లండ్‌పై 7 రన్స్, వెస్టిండీస్‌పై 3 వికెట్ల తేడాతో గెలుపొందింది.
News June 24, 2024
BIG BREAKING: 65 లక్షల మందికి రూ.7,000 పెన్షన్
AP: జులై 1 నుంచి పెంచిన పెన్షన్లు అమలు చేయాలని ఏపీ కేబినెట్ నిర్ణయించింది. దీంతో వృద్ధులు, వితంతువులకు ప్రతినెలా వచ్చే పెన్షన్ రూ.3వేల నుంచి రూ.4వేలకు పెరిగింది. ఎన్నికల్లో ఇచ్చిన హామీ మేరకు ఏప్రిల్ నుంచి పెన్షన్ బకాయిలను ప్రభుత్వం చెల్లించనుంది. జులై 1న ఒకేసారి 65 లక్షల మంది ఇంటి వద్దే రూ.7,000 పెన్షన్ అందుకోనున్నారు. ఆ తర్వాత ఆగస్టు 1 నుంచి యథావిధిగా నెలకు రూ.4వేలు పెన్షన్ వస్తుంది.
Featured News
Sorry, no posts matched your criteria.