India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 23, 2024
‘దేవర-2’ స్క్రిప్ట్ పనులు ప్రారంభం?
‘దేవర పార్ట్-2’ స్క్రిప్ట్ పనులు ప్రారంభమైనట్లు సినీ వర్గాలు తెలిపాయి. స్క్రీన్ ప్లే, కీలక సన్నివేశాలను ఆసక్తికరంగా మలిచేందుకు డైరెక్టర్ కొరటాల శివ, తన టీమ్‌ గత కొన్ని వారాలుగా వర్క్ చేస్తున్నట్లు పేర్కొన్నాయి. వచ్చే ఏడాది షూటింగ్ స్టార్ట్ చేస్తారని సమాచారం. తాజాగా ‘వార్-2’ షూటింగ్ పూర్తిచేసుకున్న ఎన్టీఆర్, ప్రస్తుతం ప్రశాంత్ నీల్‌తో చేసే సినిమాపై దృష్టి పెట్టనున్నట్లు తెలుస్తోంది.
News December 23, 2024
MS ధోనీ క్రికెట్ ప్రస్థానానికి నేటితో 20 ఏళ్లు!
స్టైలిష్‌గా పొడవాటి జుట్టుతో MS ధోనీ 2004లో డిసెంబర్ 23న బంగ్లాదేశ్‌‌పై మ్యాచుతో అరంగేట్రం చేశారు. ఆ మ్యాచ్‌లో ‘0’కే రనౌట్‌ అయినా, ఆపై అంచెలంచెలుగా ఎదిగి IND మేటి కెప్టెన్లలో ఒకరిగా నిలిచారు. 2007 T20WC, 2011 వన్డే WC, 2013లో CT సాధించారు. అలాగే IPLలోనూ CSKకు 5 ట్రోఫీలు అందించారు. 2020, ఆగస్టు 15న అంతర్జాతీయ క్రికెట్ నుంచి రిటైరైనా IPL ఆడుతూ ఫ్యాన్స్‌ను అలరిస్తున్నారు.
News December 23, 2024
సన్నీలియోన్ పేరిట అకౌంట్.. నెలకు రూ.1000
నటి సన్నీలియోన్ పేరిట అకౌంట్ క్రియేట్ చేసిన ప్రబుద్ధుడు నెలనెలా రూ.1000 పొందుతున్నాడు. ఛత్తీస్‌గఢ్ ప్రభుత్వం పెళ్లైన మహిళలకు ‘మహతారి వందన్ యోజన’ పేరుతో ప్రతి నెలా అకౌంట్లో రూ.వెయ్యి జమ చేస్తోంది. దీన్ని ఆసరాగా చేసుకున్న వీరేందర్ జోషి ఫేక్ ఖాతాతో మోసం చేస్తున్నట్లు అధికారులు గుర్తించారు. అకౌంట్ సీజ్ చేసి కేసు నమోదు చేశారు. ఈ పథకంలో 50% ఫేక్ అకౌంట్లు ఉన్నాయని BJP సర్కారుపై కాంగ్రెస్ విమర్శించింది.
News December 23, 2024
నా వ్యాఖ్యలు వెనక్కి తీసుకుంటున్నా: నటుడు
అల్లు అర్జున్ కేసుపై పోలీసులు ఇచ్చిన వివరణ తర్వాత నటుడు రాహుల్ రామకృష్ణ Xలో చేసిన వ్యాఖ్యలు వైరలవుతున్నాయి. ‘ఇటీవల జరిగిన ఘటనల గురించి నిజంగా నాకు తెలియదు. అందుకే గతంలో చేసిన స్టేట్‌మెంట్స్ వెనక్కి తీసుకుంటున్నా’ అని ట్వీట్ చేశారు. కాగా, లా అండ్ ఆర్డర్ వైఫల్యాన్ని ఓ వ్యక్తి చేసిన తప్పుగా పరిగణించడం సరికాదని ఆయన చేసిన ట్వీట్ సంచలనంగా మారిన విషయం తెలిసిందే.
News December 23, 2024
STOCK MARKETS: లాభాల్లో పరుగులు..
గ్లోబల్ మార్కెట్ల నుంచి సానుకూల సంకేతాలు అందడంతో స్టాక్‌మార్కెట్లు పుంజుకున్నాయి. డాలర్ బలం తగ్గడం, మంచి షేర్లు ఆకర్షణీయమైన ధరల్లో లభిస్తుండటంతో ఇన్వెస్టర్లు కొనుగోళ్లు చేపట్టారు. సెన్సెక్స్ 78,682 (+637), నిఫ్టీ 23,773 (+194) వద్ద ట్రేడవుతున్నాయి. ఫార్మా, హెల్త్‌కేర్ షేర్లు స్వల్ప నష్టాల్లో ఉన్నాయి. బ్యాంకు, ఫైనాన్స్ షేర్లకు డిమాండ్ పెరిగింది. SHRIRAMFIN, JSWSTEEL, HDFC BANK టాప్ గెయినర్స్.
News December 23, 2024
అల్లు అర్జున్ పేరు ప్రస్తావించని CM రేవంత్!
TG: నిన్న OU JAC నేతలు అల్లు అర్జున్ ఇంటిపై దాడి చేసిన విషయం తెలిసిందే. ఘటన అనంతరం ‘సినీ ప్రముఖుల ఇళ్ల‌పై దాడి ఘటనను ఖండిస్తున్నా’ అని CM రేవంత్ ట్వీట్ చేశారు. బన్నీ ఇంటిపైనే దాడి జరిగినట్లు స్పష్టమవుతున్నా ఆయన బన్నీ పేరు ప్రస్తావించలేదు. మరోవైపు మంత్రి కోమటిరెడ్డి మాత్రం అర్జున్ పేరుతోనే ట్వీట్ చేశారు. కాగా, అల్లు అర్జున్ పేరును పలికేందుకు CM విముఖత చూపుతున్నారా? దీనిపై మీ COMMENT.
News December 23, 2024
జో రూట్ ఎంట్రీ.. బెన్ స్టోక్స్ ఎగ్జిట్
భారత్‌తో వన్డే సిరీస్ కోసం నిన్న ఇంగ్లండ్ జట్టును ప్రకటించిన విషయం తెలిసిందే. ఈ సిరీస్‌తో జో రూట్ 2023 తర్వాత భారత్‌పై తిరిగి ఎంట్రీ ఇస్తున్నారు. మరోవైపు స్టార్ ఆల్‌రౌండర్ బెన్ స్టోక్స్ తొడకండరాల గాయం కారణంగా ఎంపిక కాలేదు. తొలి వన్డే ఫిబ్రవరి 6, రెండోది 9, మూడో వన్డే 12న జరగనున్నాయి. 5మ్యాచుల టీ20 సిరీస్ JAN 22- FEB 2 వరకు జరుగుతుంది. ఈ సిరీస్‌లకు జోస్ బట్లర్ కెప్టెన్‌గా వ్యవహరించనున్నారు.
News December 23, 2024
40 లక్షల మందికి రైతు భరోసా కట్!: BRS
TG: రైతు భరోసా పథకానికి పీఎం కిసాన్ నిబంధనలను వర్తింపజేయనున్నట్లు రాష్ట్ర ప్రభుత్వం సంకేతాలిచ్చిందని బీఆర్ఎస్ ట్వీట్ చేసింది. ఒకవేళ ఈ నిబంధనలే అమలు చేస్తే దాదాపు 40 లక్షల మంది రైతులకు రైతు భరోసా కట్ అవుతుందని పేర్కొంది. తమ హయాంలో 70 లక్షల మందికి రైతు బంధు ఇచ్చామని, రైతు బంధు కంటే పీఎం కిసాన్ లబ్ధిదారుల సంఖ్య 40 లక్షలు తక్కువని తెలిపింది.
News December 23, 2024
రాష్ట్రంలో మరిన్ని సంతాన సాఫల్య కేంద్రాలు
TG: సంతాన లేమి సమస్యతో బాధపడుతున్న వారి కోసం రాష్ట్ర ప్రభుత్వం సంతాన సాఫల్య కేంద్రాలను ఏర్పాటు చేస్తోంది. ఇప్పటికే HYDలోని గాంధీ, పేట్ల బురుజు ప్రభుత్వ ఆస్పత్రుల్లో ఐవీఎఫ్ కేంద్రాలను ప్రారంభించిన ప్రభుత్వం మరిన్ని జిల్లాల్లో వీటిని ఏర్పాటు చేసేందుకు ప్రణాళికలు రచిస్తోంది. వరంగల్ ఎంజీఎంలో ఏర్పాటుకు ఇప్పటికే ఉత్తర్వులు ఇచ్చింది. HYD, కరీంనగర్, ఖమ్మం, నిజామాబాద్, MBNRలోనూ ఏర్పాటు చేయనుంది.
News December 23, 2024
కులాంతర వివాహం చేసుకుంటే రూ.2.5లక్షలు.. వివరాలివే
TG: కులాంతర వివాహం చేసుకున్న వారికి రాష్ట్ర ప్రభుత్వం ‘ఇంటర్ క్యాస్ట్ ఇన్సెంటివ్ స్కీమ్’ కింద రూ.2.5 లక్షల ఆర్థికసాయం అందిస్తోంది. వధూవరులు TG వాసులై, ఇద్దరిలో ఒకరు కచ్చితంగా ఎస్సీ వారై ఉండాలి. అమ్మాయికి 18, అబ్బాయికి 21 ఏళ్లు పూర్తై ఉండాలి. పెళ్లైన ఏడాదిలోపే అప్లై చేసుకోవాలి. తొలి వివాహానికి మాత్రమే ఈ స్కీమ్ వర్తిస్తుంది. పూర్తి వివరాలు, దరఖాస్తు కోసం ఇక్కడ <
Featured News
Sorry, no posts matched your criteria.