India's largestHyperlocal short
news App
Get daily news updates that are tailored for you based on your preferred language & location.
download Way2News app now
News September 23, 2024
ఛైల్డ్ పోర్నోగ్రఫీపై సుప్రీం కీలక తీర్పు
ఛైల్డ్ పోర్నోగ్రఫీపై ఇటీవల మద్రాస్ హైకోర్టు ఇచ్చిన తీర్పును సుప్రీం కోర్టు తోసిపుచ్చింది. ఛైల్డ్ పోర్నోగ్రఫీ చూడటం, డౌన్‌లోడ్ చేయడం పోక్సో ప్రకారం నేరమేనని స్పష్టం చేసింది. కాగా ఛైల్డ్ పోర్నోగ్రఫీ షేర్ చేయకుండా డౌన్‌లోడ్ చేయడం, వీక్షించడం నేరం కాదన్న మద్రాస్ HC తీర్పును ఓ వ్యక్తి సుప్రీం కోర్టులో సవాల్ చేశారు. ఆ పిటిషన్ విచారణ సందర్భంగా ఛైల్డ్ పోర్నోగ్రఫీ పదంపై చట్టసవరణ చేయాలని సూచించింది.
News September 23, 2024
‘పుష్ప-2’ నుంచి స్పెషల్ పోస్టర్
ఐకాన్ స్టార్ అల్లు అర్జున్ హీరోగా సుకుమార్ తెరకెక్కిస్తోన్న ‘పుష్ప-2’ షూటింగ్ శరవేగంగా సాగుతోంది. మరో 75 రోజుల్లో ఈ చిత్రం రిలీజ్ కానున్న నేపథ్యంలో మేకర్స్ ఓ స్పెషల్ పోస్టర్‌ను విడుదల చేశారు. ఇప్పటికే రిలీజైన సాంగ్, టీజర్ సినిమాపై అంచనాలు పెంచగా.. ట్రైలర్ కోసం ఫ్యాన్స్ ఎదురుచూస్తున్నారు. డిసెంబర్ 6న ‘పుష్ప-2’ రిలీజ్ కానుంది.
News September 23, 2024
‘లేబర్ షార్టేజ్ ఇండెక్స్’ రూపొందిస్తున్న మోదీ సర్కార్
రాష్ట్రాల్లో గుర్తింపు పొందిన వృత్తుల్లో ఉద్యోగుల సప్లై, డిమాండ్ మధ్య గ్యాప్ తెలుసుకొనేందుకు కేంద్రం ఓ ఇండెక్స్ రూపొందిస్తోంది. ఇందుకోసం ILOను లేబర్ మినిస్ట్రీ సంప్రదించినట్టు తెలిసింది. ఉపాధి కల్పనకు పాలసీల తయారీ, లేబర్ మార్కెట్ ప్లానింగ్‌కు దీనిని వాడుకుంటారు. బ్లూ, వైట్‌కాలర్ వృత్తుల్లో సప్లై, డిమాండ్ గ్యాప్, జాబ్ మార్కెట్ పటిష్ఠత, ఇతర పారామీటర్స్ ఆధారంగా రాష్ట్రాలకు ర్యాంకులు కేటాయిస్తారు.
News September 23, 2024
BJPలోకి ఆర్.కృష్ణయ్య?
TG: BC సంక్షేమ సంఘం జాతీయ నేత, YCP MP R.కృష్ణయ్య BJPలో చేరుతారనే వార్తలొస్తున్నాయి. గత ఎన్నికల్లో ‘బీసీ సీఎం’ అనే నినాదం వినిపించిన కాషాయ పార్టీ BC ఓటు బ్యాంకుపై ఫోకస్ పెట్టింది. ఈ నేపథ్యంలోనే కృష్ణయ్యతో చర్చలు మొదలుపెట్టినట్లు తెలుస్తోంది. ఇప్పటికే బీజేపీ జాతీయ నాయకులు కృష్ణయ్యను సంప్రదించినట్లు, అందుకు ఆయన సానుకూలంగా స్పందించినట్లు ప్రచారం జరుగుతోంది. ఆయన గతంలో RSS, ABVP, TDPలో పని చేశారు.
News September 23, 2024
ఫిరాయింపుల పిటిషన్‌పై హైకోర్టులో నేడు విచారణ
TG: ఇటీవల పార్టీ ఫిరాయించిన MLAలపై చర్యలు తీసుకోవాలని ప్రజాశాంతి పార్టీ అధినేత కేఏ పాల్ వేసిన పిటిషన్‌పై హైకోర్టు కాసేపట్లో విచారించనుంది. రాజీనామాలు చేయకుండా పార్టీ మారిన ఎమ్మెల్యేలు అధికారాలను అనుభవిస్తున్నారని, ఇలా చేయడం రాజ్యాంగాన్ని, చట్టాలను ఉల్లంఘించడమేనని పిటిషన్‌లో పాల్ పేర్కొన్నారు. పార్టీ ఫిరాయింపు రాజ్యాంగ విరుద్ధమన్నారు. కాగా ఈ విషయంలో ఈరోజు ప్రభుత్వం అఫిడవిట్ దాఖలు చేయనుంది.
News September 23, 2024
మార్చి 28న ‘హరి హర వీరమల్లు’ రిలీజ్
పవర్ స్టార్ పవన్ కళ్యాణ్ హీరోగా క్రిష్ జాగర్లమూడి & జ్యోతి కృష్ణ తెరకెక్కిస్తోన్న ‘హరి హర వీరమల్లు’ సినిమా నుంచి అప్డేట్ వచ్చింది. ఈ సినిమాను వచ్చే ఏడాది మార్చి 28న రిలీజ్ చేయనున్నట్లు ప్రకటిస్తూ మేకర్స్ పోస్టర్ రిలీజ్ చేశారు. ఈరోజు ఉదయం 7 గంటలకు విజయవాడలో కొత్త షెడ్యూల్ షూటింగ్ మొదలైందని, పవన్ కళ్యాణ్ జాయిన్ అవుతారని తెలిపారు. ఈ చిత్రాన్ని ఏఎం రత్నం నిర్మిస్తుండగా కీరవాణి మ్యూజిక్ అందిస్తున్నారు.
News September 23, 2024
మద్యం ధరలు తగ్గించి ఎలాంటి మెసేజ్ ఇస్తున్నారు?: VSR
AP: కూటమి ప్రభుత్వం మద్యం ధరలు తగ్గించి ప్రజలకు ఎలాంటి సందేశం ఇవ్వాలనుకుంటోందని వైసీపీ ఎంపీ విజయసాయిరెడ్డి ప్రశ్నించారు. ‘మెడిసిన్స్ లేదా విద్యా సంస్థల ఫీజులను తగ్గించకుండా, మద్యం ధరను(₹99/180ml) తగ్గించాలని రాష్ట్ర ప్రభుత్వం నిర్ణయించింది. ఇది మద్యపానాన్ని, గృహ హింసను పెంచుతుంది. ప్రజారోగ్యాన్ని మరింత దిగజారుస్తుంది. కూటమి ప్రభుత్వ ప్రాధాన్యతలపై సందేహం కలుగుతోంది’ అని ట్వీట్ చేశారు.
News September 23, 2024
ట్యాంక్‌బండ్‌పై తెలంగాణ యోధుల విగ్రహాలు పెట్టండి: కూనంనేని
తెలంగాణ సాయుధ పోరాట యోధుల విగ్రహాలను HYD ట్యాంక్‌బండ్‌పై ప్రతిష్ఠించాలని సీపీఐ MLA కూనంనేని సాంబశివరావు సీఎం రేవంత్ రెడ్డిని కోరారు. రావి నారాయణరెడ్డి, బద్దం ఎల్లారెడ్డి, దొడ్డి కొమురయ్య విగ్రహాలను ట్యాంక్‌బండ్‌పై, బొమ్మగాని ధర్మభిక్షం, ఆరుట్ల కమలాదేవి, మల్లు స్వరాజ్యం, భీమరెడ్డి నర్సింహారెడ్డి, నల్లమల్ల గిరిప్రసాద్ విగ్రహాలను వారి జిల్లా కేంద్రాల్లో ప్రతిష్ఠించి గౌరవించాలని విజ్ఞప్తి చేశారు.
News September 23, 2024
కోదండరాంకు రేపు TJAC సన్మానం
TJAC ఆధ్వర్యంలో ఈ నెల 24న MLC కోదండరాంను సన్మానించనున్నారు. తెలంగాణ ఉద్యమంలో అన్ని వర్గాల ప్రజలు, ఉద్యోగులు, సంఘాలను ఏకతాటిపైకి తెచ్చిన అప్పటి తమ ఛైర్మన్ కోదండరాం కృషి మరువలేనిదని JAC నేతలు అభిప్రాయపడ్డారు. స్వరాష్ట్రం ఏర్పాటైన పదేళ్ల తర్వాత ఆయనకు MLC ఇవ్వడం అభినందనీయమన్నారు. ఉద్యోగులు, టీచర్లు, పెన్షనర్లు, గెజిటెడ్, పంచాయతీ కార్యదర్శులు, గ్రూప్-1 ఇలా 205 సంఘాలతో JAC ఏర్పాటైందని గుర్తు చేశారు.
News September 23, 2024
బాలికపై ఆటోడ్రైవర్ అత్యాచారం
TG: మహబూబ్‌నగర్(D) దేవరకద్ర(మ)లో దారుణం జరిగింది. ఓ గ్రామానికి చెందిన బాలికపై ఆటోడ్రైవర్ అత్యాచారానికి పాల్పడ్డాడు. నిన్న బయటకు వచ్చిన బాలికను కిడ్నాప్ చేసిన ఆటోడ్రైవర్ పొలాల్లోకి తీసుకెళ్లి అఘాయిత్యానికి ఒడిగట్టి అనంతరం వదిలిపెట్టాడు. ఇంటికొచ్చిన బాలిక కూలి పనులకు వెళ్లొచ్చిన తల్లికి విషయం చెప్పింది. బాధితురాలి తల్లి ఫిర్యాదుతో నిందితుడిపై కేసు నమోదైంది. చికిత్స కోసం బాలికను ఆస్పత్రికి తరలించారు.
Featured News
Sorry, no posts matched your criteria.