India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 17, 2024
మళ్లీ వర్షం.. రెండో సెషన్ ఆలస్యం
బ్రిస్బేన్ టెస్టును వరుణుడు వదలట్లేదు. లంచ్ బ్రేక్ తర్వాత ఆట మొదలు కావాల్సి ఉండగా వర్షం మొదలైంది. దీంతో పిచ్‌ను కవర్లతో కప్పి ఉంచారు. మూడో టెస్టు తొలి రోజు నుంచి వర్షం మ్యాచ్‌కు ఆటంకం కలిగిస్తూనే ఉంది. ఇవాళ నాలుగో రోజు కాగా, భారత్ 278 రన్స్ వెనుకంజలో ఉంది. క్రీజులో జడేజా(41), నితీశ్ రెడ్డి (7) ఉన్నారు. వర్షం తీవ్రత పెరగడం వల్ల రెండో సెషన్ ఆట మరింత ఆలస్యం కానుంది.
News December 17, 2024
కేసులు పెట్టి ఆనందం పొందాలనుకుంటే మీ కర్మ: కేటీఆర్
TG: ఫార్ములా-ఈ రేసుకు సంబంధించిన కేసులో అరెస్టు చేస్తారనే ప్రచారం నేపథ్యంలో కేటీఆర్ ఆసక్తికర ట్వీట్ చేశారు. ‘బీజేపీతో ఢిల్లీలో చిట్టి గారి కాళ్ల బేరాలు, జైపూర్‌లో అదానీతో డిన్నర్ రిజల్ట్ వచ్చినట్లున్నాయి. ఢిల్లీకి పోయి 3 పైసలు తీసుకురాకున్నా, మూడు కేసులు పెట్టి శునకానందం పొందాలనుకుంటే మీ కర్మ. గుడ్ లక్ చిట్టినాయుడు. మేము న్యాయపరంగా ఎదుర్కొంటాం’ అని ట్వీట్ చేశారు.
News December 17, 2024
సంచలనం: వరుసగా 4 బంతుల్లో 4 వికెట్లు
అర్జెంటీనా బౌలర్ హెర్నాన్ ఫెన్నెల్ పురుషుల టీ20లో అరుదైన రికార్డు నెలకొల్పారు. టీ20 WC సబ్ రీజనల్ అమెరికా క్వాలిఫయర్స్‌లో కేమన్ ఐలాండ్స్‌తో జరిగిన మ్యాచులో వరుసగా 4 బంతుల్లో 4 వికెట్లు తీశారు. మొత్తంగా 5 వికెట్లు తన ఖాతాలో వేసుకున్నారు. దీంతో ఈ ఘనత సాధించిన ఆరో ప్లేయర్‌గా నిలిచారు.
* క్రికెట్‌లో వరుస బంతుల్లో 4 వికెట్లు తీస్తే డబుల్ హ్యాట్రిక్‌గా పరిగణిస్తారు.
News December 17, 2024
ఇదేనా మీ 40 ఏళ్ల అనుభవం?: YCP
AP: రాష్ట్రంలో టెన్త్ ప్రశ్నపత్రాలు యూట్యూబ్‌లో లీక్ కావడంపై ప్రభుత్వంపై వైసీపీ విమర్శలు గుప్పించింది. ‘ఇదేనా చంద్రబాబు మీ 40 ఏళ్ల అనుభవం? అర్ధ సంవత్సర పరీక్షలే లీకేజీ లేకుండా నిర్వహించలేకపోయారు. రేప్పొద్దున పబ్లిక్ పరీక్షలు ఎలా నిర్వహిస్తారు?’ అని ప్రశ్నించింది. అసమర్థుడైన లోకేశ్‌కు విద్యాశాఖ అప్పగిస్తే ఇలాంటి లీకేజీలే దర్శనమిస్తుంటాయ్’ అని ట్వీట్ చేసింది.
News December 17, 2024
ఇకపై ఆన్‌లైన్‌లో టెన్త్ సర్టిఫికెట్లు
AP: పదో తరగతి సర్టిఫికెట్లన్నీ ఆన్‌లైన్‌లో అందుబాటులో ఉంచాలని పాఠశాల విద్యాశాఖ నిర్ణయించింది. 50 ఏళ్ల క్రితం టెన్త్ చదివిన వారు కూడా డిజిలాకర్ నుంచి ధ్రువపత్రాలను ఈజీగా డౌన్‌లోడ్ చేసుకోవచ్చు. 1969-1990 సర్టిఫికెట్ల డిజిటైజేషన్‌కు విద్యాశాఖ తాజాగా అనుమతినిచ్చింది. ఆ తర్వాత 1991-2003 సర్టిఫికెట్లను డిజిటైజేషన్ చేయనుంది. 2004 తర్వాత టెన్త్ చదివిన వారివి ఇప్పటికే ఆన్‌లైన్‌లో అందుబాటులో ఉంచింది.
News December 17, 2024
ఇంగ్లండ్‌పై న్యూజిలాండ్ భారీ విజయం
ఇంగ్లండ్‌తో జరిగిన మూడో టెస్టులో న్యూజిలాండ్ 423 పరుగుల తేడాతో భారీ విజయం సాధించింది. ముందుగా బ్యాటింగ్ చేసిన NZ తొలి ఇన్నింగ్సులో 347 పరుగులు చేయగా ENG 143 పరుగులకే ఆలౌటైంది. రెండో ఇన్నింగ్సులో న్యూజిలాండ్ 453 పరుగులు చేయగా ఇంగ్లండ్ 234 పరుగులకే ఆలౌటైంది. కాగా మూడు టెస్టుల సిరీస్‌ను ఇంగ్లండ్ 2-1 తేడాతో గెలుచుకోవడం గమనార్హం. ప్లేయర్ ఆఫ్ ది సిరీస్‌గా హ్యారీ బ్రూక్, POTMగా సాంట్నర్ నిలిచారు.
News December 17, 2024
రాష్ట్రంలో పెరగనున్న అసెంబ్లీ, పార్లమెంటు స్థానాలు: మంత్రి కోమటిరెడ్డి
TG: జనగణన తర్వాత దేశంలో నియోజకవర్గాల పునర్విభజన జరుగుతుందని మంత్రి కోమటి రెడ్డి వెంకట్ రెడ్డి అన్నారు. దీంతో రాష్ట్రంలో 34 అసెంబ్లీ స్థానాలు, 7 పార్లమెంటు స్థానాలు పెరిగే అవకాశం ఉందన్నారు. మరోవైపు అసెంబ్లీలో కేటీఆర్, హరీశ్ రావు హుందాగా ప్రవర్తించడం లేదని దుయ్యబట్టారు. తిరిగి అధికారంలోకి వస్తామని నమ్మకం లేకనే కేసీఆర్ సభకు రావడం లేదని విమర్శించారు.
News December 17, 2024
BITCOIN ఆగేదే లే! $1,07,793ను తాకేసింది
క్రిప్టో కరెన్సీ రారాజు బిట్‌కాయిన్ ఆగేదే లే! తన రికార్డులను తానే బద్దలు కొట్టుకుంటూ దూసుకెళ్తోంది. గత 24 గంటల్లో $1594 లాభపడింది. $1,06,058 వద్ద మొదలైన BTC $1,07,793 వద్ద సరికొత్త జీవితకాల గరిష్ఠాన్ని అందుకుంది. నేడు ఆ రికార్డును బ్రేక్ చేసే దిశగా కదులుతోంది. ప్రస్తుతం $451 ఎగిసి $1,06,513 వద్ద ట్రేడవుతోంది. రెండో అతిపెద్ద కాయిన్ ETH $4,017ను టచ్ చేసింది. XRP 2.59, BNB 1.29, TRON 2.44% పెరిగాయి.
News December 17, 2024
ఇంజినీరింగ్ విద్యార్థులకు గుడ్‌న్యూస్
TG: ఉస్మానియా, JNTU పరిధిలోని ఇంజినీరింగ్ కాలేజీల్లో 2024-25 విద్యా సంవత్సరానికి డిటెన్షన్ విధానం అమలు చేయబోమని మంత్రి దామోదర రాజనర్సింహ ప్రకటించారు. అసెంబ్లీలో MIM నేత అక్బరుద్దీన్ ప్రశ్నకు ఆయన సమాధానమిచ్చారు. JNTUలో క్రెడిట్ స్కోర్ 25%, ఓయూలో 50% ఉంటే ప్రమోట్ చేస్తున్నారని అక్బరుద్దీన్ అన్నారు. రెండు వర్సిటీల్లో వేర్వేరు విధానం ఉండటంతో దీనిపై కాలేజీ యాజమాన్యాలతో సమావేశమవుతామని మంత్రి తెలిపారు.
News December 17, 2024
జమిలి బిల్లుపై BJP వ్యూహం: ఓటింగ్ or జేపీసీ?
‘జమిలి బిల్లు’ను లోక్‌సభలో ప్రవేశపెట్టడంలో ప్రభుత్వ వ్యూహంపై ఆసక్తి నెలకొంది. ప్రధాన పార్టీలన్నీ విప్‌లు జారీచేయడంతో చర్చ తర్వాత ఓటింగ్ ఉంటుందేమోనన్న ఊహాగానాలు మొదలయ్యాయి. రాజ్యాంగ సవరణ బిల్లుకు సంఖ్యా బలం, రాష్ట్ర అసెంబ్లీల మద్దతు అవసరం కావడంతో ప్రభుత్వం JPCకి పంపొచ్చని కొందరి అంచనా. అసలు బిల్లును ఎలా డ్రాఫ్ట్ చేశారో, ఏయే అంశాలను చేర్చారో తెలిస్తేనే క్లారిటీ వస్తుందని మరికొందరి వాదన. మీరేమంటారు?
Featured News
Sorry, no posts matched your criteria.