India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 12, 2024
T20WC: 17వ బంతికి ఖాతా తెరిచిన నమీబియా కెప్టెన్
ఆస్ట్రేలియాతో మ్యాచ్‌లో నమీబియా కెప్టెన్ గెరార్డ్ ఎరాస్మస్ పరుగులు చేయలేక ఆపసోపాలు పడుతున్నారు. తన మొదటి రన్ సాధించడానికి ఏకంగా 17 బంతులు ఎదుర్కొన్నారు. ఆసీస్ పేసర్ల ధాటికి నమీబియా కెప్టెన్‌తో పాటు ఇతర బ్యాటర్లు కూడా విలవిల్లాడుతున్నారు. ప్రస్తుతం ఆ జట్టు స్కోరు 13 ఓవర్లలో 43/8గా ఉంది. ఆసీస్ బౌలర్లలో ఆడమ్ జంపా 4, హేజిల్‌వుడ్ 2 వికెట్లతో రాణించారు.
News June 12, 2024
GREAT: తలలోకి బుల్లెట్ దూసుకెళ్లినా..
J&Kలో బస్సు డ్రైవర్ తెగువతో ఎంతోమంది ప్రాణాలు నిలిచాయి. ఆదివారం రియాసి జిల్లాలో యాత్రికుల బస్సుపై టెర్రరిస్టుల కాల్పుల్లో 9 మంది మరణించగా, 33 మంది గాయపడ్డారు. డ్రైవర్ విజయ్ కుమార్ తలలోకి బుల్లెట్ దూసుకెళ్లింది. అయినా బస్సు ఆపకపోవడంతో అది లోయలో పడి కొంతమందికి గాయాలయ్యాయి. ఎవరూ ప్రాణాలు కోల్పోలేదు. బస్సును ఆపి ఉంటే ఉగ్రవాదులు చొరబడి అందరినీ చంపేసేవారు. ఆ ఘటనలో విజయ్ తీవ్రగాయాలతో అమరుడయ్యాడు.
News June 12, 2024
త్వరలో భూ సమస్యల పరిష్కారానికి ఒకే చట్టం?
TG: భూ సమస్యల పరిష్కారానికి కామన్ రెవెన్యూ కోడ్ తేవాలని ధరణి కమిటీ అభిప్రాయపడుతోంది. ప్రస్తుతం అమల్లో ఉన్న రెవెన్యూ చట్టాలను ఒకే చట్టంగా అందుబాటులోకి తీసుకురావాలని భావిస్తోంది. అలాగే క్షేత్రస్థాయిలో సమగ్ర సర్వేతో రైతుల భూములకు హద్దులు నిర్ణయించాలని, పక్కా విస్తీర్ణంతో పాస్‌బుక్‌లు జారీ చేయాలంటోంది. వీటితో పాటు గ్రామ స్థాయిలో రెవెన్యూ యంత్రాంగం ఉండాలని రాష్ట్ర ప్రభుత్వానికి ప్రతిపాదనలు పంపనుంది.
News June 12, 2024
రైల్వేమంత్రిపై కాంగ్రెస్ సెటైర్
అశ్వినీ వైష్ణవ్‌కు మరోసారి రైల్వేమంత్రి పదవి దక్కడంపై కేరళ కాంగ్రెస్ సెటైర్లు వేసింది. ఆయనకు అభినందనలు తెలిపేందుకు ముంబై సమీపంలోని రైల్వే స్టేషన్‌కు వేలాది మంది చేరుకున్నారని ఓ ఫొటోను షేర్ చేసింది. అక్కడికి వచ్చిన వారందరికీ వందే భారత్ హైక్వాలిటీ డ్రోన్ వీడియోలు ఇస్తారని తెలిపింది. అశ్వినీ వైష్ణవ్‌ హయాంలో రైళ్లలో సీట్లు దొరక్క ప్రయాణికులు తీవ్ర ఇబ్బందులు పడుతున్నారనే ఉద్దేశంతో ఈ పోస్ట్ చేసింది.
News June 12, 2024
పెన్షనర్లకు ప్రభుత్వం GOOD NEWS
తెలంగాణలో 70 ఏళ్లకు పైబడిన పెన్షన్ దారులకు, కుటుంబ పెన్షన్ దారులకు రాష్ట్ర ప్రభుత్వం శుభవార్త చెప్పింది. పే రివిజన్ కమిషన్ సిఫార్సుల మేరకు అదనపు పెన్షన్ ఇవ్వాలని నిర్ణయించింది.
*70 నుంచి 75 ఏళ్ల లోపు వారికి బేసిక్ పెన్షన్ పై 15%
*75-80 ఏళ్ల లోపు వారికి 20%
*80-85 ఏళ్ల లోపు వారికి 30%
*90-95 ఏళ్ల లోపు వారికి 50%
*95-100 ఏళ్ల లోపు వారికి 60%
*100 ఏళ్లు పైబడిన వారికి 100% అదనంగా పెన్షన్ ఇవ్వనుంది.
News June 12, 2024
నేడు తిరుమలకు చంద్రబాబు
AP: శ్రీవారి దర్శనార్థం టీడీపీ చీఫ్ చంద్రబాబు ఇవాళ తిరుమల రానున్నారు. సీఎంగా ప్రమాణ స్వీకారం అనంతరం ఆయన కుటుంబసభ్యులతో కలిసి ఇక్కడికి చేరుకుంటారు. రేపు ఉదయం సీఎం హోదాలో శ్రీవారిని దర్శించుకుంటారు. ఇందుకు సంబంధించిన ఏర్పాట్లను అధికారులు పర్యవేక్షిస్తున్నారు. ఇప్పటికే బాబు బస చేసే కాటేజ్, కాన్వాయ్ ప్రయాణించే మార్గాలను భద్రతా బలగాలు తమ అధీనంలోకి తీసుకున్నాయి.
News June 12, 2024
గతంలో భూముల ధరల పెంపు ఇలా
TG: 2021-22లో వ్యవసాయ భూముల ఎకరం కనిష్ఠ ధరను ప్రభుత్వం ₹75వేలుగా నిర్ధారించింది. తక్కువ ధరలున్న చోట 50%, మధ్య స్థాయి ధరలున్న చోట 40%, ఎక్కువగా ఉన్న చోట 30% పెంచింది. ఖాళీ స్థలాలకు ధరలు తక్కువగా ఉన్న చోట 50%, మధ్య స్థాయిలో ఉంటే 40%, ఎక్కువగా ఉన్న చోట 30% పెంపు అమలు చేసింది. కొత్త మార్కెట్ విలువలను TG భూముల సవరణ మార్గదర్శకాలు-1998, సెంట్రల్ వాల్యుయేషన్ అడ్వైజరీ కమిటీ సూచనల మేరకు ఖరారు చేయనుంది.
News June 12, 2024
త్వరలో భూముల మార్కెట్ విలువ పెంపు?
TG: భూముల మార్కెట్ విలువను ఏ మేరకు పెంచవచ్చనే దానిపై ప్రభుత్వం అధ్యయనం చేస్తోంది. ఈ నెలాఖరులోగా కొత్త ధరలను నిర్ణయించనున్నట్లు సమాచారం. వ్యవసాయ భూముల మార్కెట్ విలువను పెంచే అవకాశం ఉండగా, అపార్టుమెంట్ల విలువను పెద్దగా పెంచకపోవచ్చని విశ్లేషకులు అంచనా వేస్తున్నారు. ఇక ఖాళీ స్థలాల విషయానికి వస్తే HYD పరిసర జిల్లాల్లో వాస్తవ ధరలు ఎక్కువగా ఉండి, మార్కెట్ విలువ తక్కువగా ఉన్న చోట పెంపు ఉండొచ్చంటున్నారు.
News June 12, 2024
BIG ALERT: తెలంగాణలో 3 రోజులు భారీ వర్షాలు
TG: నైరుతి రుతుపవనాల ప్రభావంతో రాష్ట్రంలో విస్తారంగా వానలు పడుతున్నాయి. ఇవాళ్టి నుంచి మరో 3 రోజులు భారీ వర్షాలు కురుస్తాయని HYD వాతావరణ కేంద్రం వెల్లడించింది. ఇవాళ ఆదిలాబాద్, నిర్మల్, రంగారెడ్డి, వికారాబాద్, సంగారెడ్డి, మెదక్, కామారెడ్డి, మహబూబ్‌నగర్, వనపర్తి, గద్వాల్, సిద్దిపేట, యాదాద్రి, మేడ్చల్ జిల్లాల్లో వానలు పడతాయని తెలిపింది. ఉరుములు, మెరుపులతోపాటు 30-40Kmph వేగంతో ఈదురుగాలులు వీస్తాయంది.
News June 12, 2024
నేడు USతో భారత్ ఢీ.. గెలిస్తే సూపర్-8 బెర్త్
T20 WCలోని గ్రూప్-Aలో అజేయంగా ఉన్న భారత్-అమెరికా మధ్య నేడు మ్యాచ్ జరగనుంది. హ్యాట్రిక్ విజయంపై ఇరు జట్లూ గురిపెట్టాయి. కెనడా, పాకిస్థాన్‌పై US గెలిచినప్పటికీ సూపర్ ఫామ్‌లో ఉన్న రోహిత్ సేన ముందు నిలబడటం కష్టమే. ఇవాళ విజయం సాధించిన జట్టు గ్రూప్-8 బెర్త్‌ను ఖాయం చేసుకుంటుంది. రాత్రి 8 గంటల నుంచి స్టార్ స్పోర్ట్స్, హాట్‌స్టార్‌లో ప్రత్యక్ష ప్రసారం వీక్షించవచ్చు.
Featured News
Sorry, no posts matched your criteria.