India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 26, 2024
నా ప్రేమకు కులం అడ్డొచ్చింది: సిద్ధ రామయ్య
తాను చదువుకునే రోజుల్లో లవ్‌లో పడ్డానని, కులం వేరు కావడంతో ప్రేమను వదులుకున్నానని కర్ణాటక CM సిద్ధ రామయ్య చెప్పారు. మైసూరులో ఏర్పాటు చేసిన ఓ కార్యక్రమంలో ఆయన మాట్లాడారు. తాను వివాహం చేసుకుంటానని అడిగితే అమ్మాయితో పాటు ఆమె కుటుంబసభ్యులు ఒప్పుకోలేదన్నారు. దీంతో వేరే ఆలోచన లేకుండా తమ వర్గానికి చెందిన అమ్మాయిని చేసుకున్నట్లు తెలిపారు. తమ ప్రభుత్వం కులాంతర వివాహాలకు అండగా నిలుస్తుందని పేర్కొన్నారు.
News May 25, 2024
సలార్-2 వార్తలపై మూవీ టీం ఏమందంటే..
సలార్-2 షూటింగ్ నిలిచిపోయిందంటూ గత కొన్ని రోజులుగా వార్తలు హల్ చల్ చేస్తున్నాయి. తాజాగా ఆ వదంతులకు మూవీ టీం చెక్ పెట్టింది. వరుస సినిమాలు ఉండటంతో ప్రభాస్ కొంచెం గ్యాప్ తీసుకున్నారు తప్ప సినిమా ఆగదని స్పష్టం చేసింది. వీలైనంత త్వరగా మూవీలో ఆయన రోల్‌కు సంబంధించిన సీన్స్‌ను పూర్తి చేయనున్నట్లు పేర్కొంది. త్వరలో దీనిపై అధికారిక ప్రకటన వస్తుందని ఫ్యాన్స్‌కు భరోసా ఇచ్చింది.
News May 25, 2024
వైస్ కెప్టెన్సీకి నో చెప్పిన అఫ్రీది
PAK వైస్ కెప్టెన్‌గా వ్యవహరించేందుకు బౌలర్ షాహీన్ అఫ్రీది నిరాకరించారు. T20 WCలో తాను బాబర్‌కు డిప్యూటీగా ఉండనని చెప్పారు. గత ఏడాది వన్డే WCలో ఓటమితో కెప్టెన్‌గా బాబర్‌ను PCB తప్పించింది. ఆ తర్వాత న్యూజిలాండ్‌తో సిరీస్‌కు షాహీన్‌కు కెప్టెన్సీ అప్పగించింది. ఆ సిరీస్‌లో పాక్ చిత్తుగా ఓడటంతో తాజాగా బాబర్‌కు పగ్గాలు అప్పగించింది. దీంతో పీసీబీపై ఆగ్రహంతోనే అఫ్రీది ఈ నిర్ణయం తీసుకున్నట్లు తెలుస్తోంది.
News May 25, 2024
డ్రగ్స్ కేసులో సెలబ్రిటీలు ఉన్నా సరే వదలొద్దు: CM రేవంత్
TG: గంజాయి, డ్రగ్స్‌పై పోలీసులు ఉక్కుపాదం మోపాలని సీఎం రేవంత్ రెడ్డి ఆదేశించారు. డ్రగ్స్ కేసులో సెలబ్రిటీలు ఉన్నా సరే.. ఎంతటివారైనా ఉపేక్షించవద్దని స్పష్టం చేశారు. డ్రగ్స్ అమ్మాలన్నా, ఆ పేరు ఎత్తాలన్నా భయపడేలా చేయాలని తేల్చి చెప్పారు. అవసరమైతే యాంటీ డ్రగ్స్ టీమ్స్ ఏర్పాటు చేయాలని, తెలంగాణను డ్రగ్ ఫ్రీ రాష్ట్రంగా మార్చాలన్నారు. మాదకద్రవ్యాల సప్లై చైన్‌ను బ్రేక్ చేయాలని సమీక్షలో సూచించారు.
News May 25, 2024
క్రికెట్ పెద్దగా తెలియని USAలో T20WC ఎందుకు?
Jun 2న ప్రారంభమయ్యే T20 వరల్డ్ కప్‌కి వెస్టిండీస్‌తో పాటు అమెరికా ఆతిథ్యమివ్వనుంది. అయితే.. క్రికెట్ అంటే పెద్దగా తెలియని USAలో WC నిర్వహించడం చాలామందికి ఆశ్చర్యం కలిగించింది. కాగా, కొత్త దేశాలకు క్రికెట్ విస్తరణ, కొత్త మార్కెట్ల అన్వేషణ, ఒలింపిక్స్‌లో క్రికెట్ చేరిక వంటి లక్ష్యాలతోనే ICC ఈ నిర్ణయం తీసుకున్నట్లు తెలుస్తోంది. USలో చాలామంది భారతీయులుండటం కూడా దీనికి సానుకూలాంశమని విశ్లేషకుల భావన.
News May 25, 2024
షుగర్ ఉన్నవారు చెరకు రసం తాగొచ్చా..?
హాట్ సమ్మర్‌లో దాహం తీరేందుకు చాలామంది చెరకు రసం తాగుతుంటారు. మరి మధుమేహం ఉన్నవారు చెరకు రసం తాగొచ్చా? అసలు వద్దంటున్నారు వైద్య నిపుణులు. ఈ జ్యూస్‌ తాగినప్పుడు మధుమేహం లేని అథ్లెట్లలో కూడా షుగర్ లెవల్స్ స్వల్పంగా పెరిగినట్లు అధ్యయనంలో తేలిందని వివరిస్తున్నారు. చెరుకు రసంతో పలు ఉపయోగాలున్నప్పటికీ డయాబెటిస్ ఉన్నవారు దానికి దూరంగా ఉండటమే సేఫ్ అని సూచిస్తున్నారు.
News May 25, 2024
అది ‘కౌన్ బనేగా కరోడ్‌పతి’ ప్రశ్నలా ఉంది: ఖర్గే
కూటమి నుంచి PM అభ్యర్థి ఎవరనే బీజేపీ నేతల ప్రశ్న ‘కౌన్ బనేగా కరోడ్‌పతి’ ప్రోగ్రామ్‌లోని క్వశ్చన్‌లా ఉందని కాంగ్రెస్ చీఫ్ మల్లికార్జున ఖర్గే అన్నారు. ఒకవేళ కూటమి ప్రభుత్వం ఏర్పడితే నేతలంతా కలిసి పీఎం ఎవరో నిర్ణయిస్తారని చెప్పారు. 2004-14లో అధికారంలో ఉన్న UPA ప్రభుత్వం ఎన్నికల ముందు ప్రధాని అభ్యర్థిని ప్రకటించలేదని గుర్తు చేశారు. 2 కోట్ల ఉద్యోగాల పేరుతో BJP దేశ ప్రజలను మోసం చేసిందని దుయ్యబట్టారు.
News May 25, 2024
అధికారులకు సీఎం రేవంత్ కీలక ఆదేశాలు
HYD ORR లోపల ఉన్న ప్రాంతాన్ని యూనిట్‌గా తీసుకుని విపత్తు నిర్వహణ వ్యవస్థను రూపొందించాలని CM రేవంత్ అధికారులను ఆదేశించారు. కేవలం వర్షకాలమే కాకుండా ఏడాదంతా పనిచేసేలా ఈ వ్యవస్థ ఉండాలని సూచించారు. ఒక్కో విభాగం నుంచి ఒక్కో అధికారి ఉండేలా జూన్ 4లోగా పూర్తి ప్రణాళిక సిద్ధం చేయాలన్నారు. ఎన్నికల కోడ్ ముగిసిన తరువాత ఆకస్మిక తనిఖీలు నిర్వహిస్తానని.. పనుల్లో నిర్లక్ష్యం వహిస్తే సహించేది లేదని హెచ్చరించారు.
News May 25, 2024
KKRదే కప్: హెడెన్
ఈ ఏడాది ఐపీఎల్ ఛాంపియన్‌గా KKR నిలుస్తుందని ఆసీస్ మాజీ క్రికెటర్ మాథ్యూ హెడెన్ జోస్యం చెప్పారు. ఫైనల్‌కు ముందు వారికి మూడు రోజుల విశ్రాంతి లభించడమే అందుకు కారణమన్నారు. ఈ సమయంలో SRH బలాలు, బలహీనతలపై KKR ఫోకస్ చేసి ఉంటుందని అభిప్రాయపడ్డారు. ఇక క్వాలిఫయర్-1లో ఆ జట్టును ఓడించిన కాన్ఫిడెన్స్ కూడా KKRకు కలిసొస్తుందని హెడెన్ అంచనా వేశారు. మరి ఆయన కామెంట్స్‌పై మీరేమంటారు?
News May 25, 2024
RECORD: 50 డిగ్రీల ఉష్ణోగ్రత నమోదు
రాజస్థాన్‌లోని ఫలోడిలో ఈరోజు 50 డిగ్రీల ఉష్ణోగ్రత నమోదైందని భారత వాతావరణశాఖ వెల్లడించింది. దేశంలో ఈ ఏడాది ఇదే అత్యధిక ఉష్ణోగ్రత అని అధికారులు తెలిపారు. అదే రాష్ట్రంలోని బర్మర్‌లో 48.8, జైసల్మీర్‌లో 48 డిగ్రీల టెంపరేచర్ రికార్డు అయింది. మే 29 వరకు పశ్చిమ రాజస్థాన్ ప్రాంతాల్లో రికార్డుస్థాయి ఉష్ణోగ్రతలు నమోదవుతాయని, జాగ్రత్తగా ఉండాలని IMD హెచ్చరించింది.
Featured News
Sorry, no posts matched your criteria.