India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 20, 2024
జూన్ 4 తర్వాత మాట్లాడుదాం: పెద్దిరెడ్డి
AP: వైసీపీ నేతలు విదేశాలకు పారిపోతున్నారని టీడీపీ నేతలు తప్పుడు ప్రచారం చేస్తున్నారని మంత్రి పెద్దిరెడ్డి రామచంద్రారెడ్డి ఫైర్ అయ్యారు. నారా లోకేశ్ బుద్ధి తక్కువ మాటలు మాట్లాడుతున్నారని మండిపడ్డారు. జూన్ 4న ఫలితాల తర్వాత అన్ని మాట్లాడుదాం అని అన్నారు. వైసీపీ అమలు చేసిన సంక్షేమ పథకాల వల్లే పోలింగ్ పెరిగిందని చెప్పారు. రాష్ట్రంలో జరిగిన అల్లర్లకు చంద్రబాబే కారణమని ఆరోపించారు.
News May 20, 2024
రాష్ట్రంలో రెండు జిల్లాల పేర్లు మార్పు!
TG: రాష్ట్రంలో రెండు జిల్లాలకు పేరు మార్చేందుకు సీఎం రేవంత్ రెడ్డి నిర్ణయం తీసుకున్నట్లు తెలుస్తోంది. జనగామ జిల్లాకు సర్దార్ సర్వాయి పాపన్న గౌడ్ పేరును, ఉమ్మడి వరంగల్‌లోని ఏదైనా మరో జిల్లాకు మాజీ ప్రధాని పీవీ నరసింహారావు పేరును పెట్టేందుకు సూత్రప్రాయంగా అంగీకరించినట్లు సమాచారం. కాగా ఇప్పటికే టీఎస్ నుంచి టీజీగా మార్చుతూ ప్రభుత్వం గెజిట్ విడుదల చేసిన సంగతి తెలిసిందే.
News May 20, 2024
అల్లర్లపై ప్రాథమిక నివేదిక సిద్ధం చేసిన సిట్
ఏపీలో ఎన్నికల అనంతరం జరిగిన అల్లర్లపై ప్రత్యేక దర్యాప్తు బృందం ప్రాథమిక నివేదికను సిద్ధం చేసింది. డీజీపీకి నివేదికను అందించనున్నట్లు సిట్ చీఫ్ వినీత్ బ్రిజ్‌లాల్ తెలిపారు. పలు కేసుల్లో సెక్షన్లను అదనంగా చేరుస్తున్నామని, మరి కొంతమంది నిందితులను గుర్తించామని పేర్కొన్నారు. పూర్తి వివరాలను ఇవాళ డీజీపీ ఆఫీసు నుంచి తెలియజేస్తామని చెప్పారు. నిన్న నరసరావుపేట, చంద్రగిరి, తిరుపతిలో సిట్ విచారణ జరిపింది.
News May 20, 2024
ఈరోజు నమాజ్ వేళలు
తేది: మే 20, సోమవారం
ఫజర్: తెల్లవారుజామున 4:23 గంటలకు సూర్యోదయం: ఉదయం 5:43 గంటలకు జొహర్: మధ్యాహ్నం 12:13 గంటలకు
అసర్: సాయంత్రం 4:45 గంటలకు
మఘ్రిబ్: రాత్రి 6:43 గంటలకు
ఇష: రాత్రి 08.02 గంటలకు
నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News May 20, 2024
ఇబ్రహీం క్షేమంగా ఉండాలని ప్రార్థిస్తున్నా: మోదీ
ఇరాన్ అధ్యక్షుడు ఇబ్రహీం రైసీ ప్రయాణిస్తున్న హెలికాఫ్టర్‌ ప్రమాదానికి గురైన ఘటనపై ప్రధాని మోదీ ఆందోళన వ్యక్తం చేశారు. ఈ విపత్తు సమయంలో ఇరాన్ ప్రజలకు తాము సంఘీభావంగా నిలుస్తామన్నారు. అధ్యకుడు ఇబ్రహీం, అతనితో పాటు ఉన్నవారి క్షేమం కోసం ప్రార్థిస్తున్నామని ట్వీట్ చేశారు. కాగా ఇబ్రహీం అజర్‌బైజాన్‌ పర్యటనకు వెళ్తుండగా జోల్పా సిటీ సమీపంలో ఈ ప్రమాదం జరిగింది. ఆయన ఆచూకీ కోసం గాలింపు కొనసాగుతోంది.
News May 20, 2024
మే 20: చరిత్రలో ఈరోజు
1983: హీరో జూ.ఎన్టీఆర్ జననం
1984: నటుడు మంచు మనోజ్ జననం
1955: తెలుగు సినీ గీత రచయిత సిరివెన్నెల సీతారామశాస్త్రి జననం
1978: భారత మాజీ అథ్లెట్ పి.టి.ఉష జననం
1932: స్వాతంత్ర్య పోరాటయోధుడు బిపిన్ చంద్రపాల్ మరణం
1994: ఆంధ్రప్రదేశ్ మాజీ సీఎం కాసు బ్రహ్మానంద రెడ్డి మరణం
1902: క్యూబా స్వతంత్ర దినం
ప్రపంచ తూనికలు, కొలతల దినోత్సవం
News May 20, 2024
అంతరిక్షయానం చేసిన తొలి తెలుగు వ్యక్తి
అంతరిక్షంలోకి వెళ్లి తొలి తెలుగు వ్యక్తిగా గోపిచంద్ తోటకూర చరిత్ర సృష్టించారు. ఆయనతో సహా ఆరుగురు బ్లూ ఆరిజన్ సంస్థ చేపట్టిన న్యూ షెపర్డ్ ప్రాజెక్టులో టూరిస్టులుగా వెళ్లారు. అమెరికాలోని టెక్సాస్ నుంచి న్యూ షెపర్డ్ నింగిలోకి దూసుకెళ్లింది. అనంతరం వారు క్యాప్సూల్స్‌లో విజయవంతంగా భూమికి చేరుకున్నారు. విజయవాడలో జన్మించిన గోపిచంద్ ప్రస్తుతం అమెరికాలో ఉంటున్నప్పటికీ.. ఆయన భారత పాస్‌పోర్ట్ కలిగి ఉన్నారు.
News May 20, 2024
పుట్టినరోజు శుభాకాంక్షలు
ఈరోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News May 20, 2024
ENGLISH LEARNING: IDIOMS
Other fish in the sea: More opportunities
Devil quoting the Bible: Good things being twisted for selfish and evil purposes
Once in a blue moon: Very rarely
Rain cats and dogs: Raining heavily
Go on a wild goose chase: Doing something pointless
A pain in the neck: Refers to a person who is annoying
News May 20, 2024
తిరుమలలో ముగిసిన పద్మావతి పరిణయోత్సవాలు
AP: తిరుమలలో పద్మావతి పరిణయోత్సవాలు మూడు రోజుల పాటు కనుల పండువగా నిర్వహించారు. చివరి రోజైన ఆదివారం సాయంత్రం శ్రీదేవి, భూదేవి వేర్వేరుగా రెండు వాహనాలపై రాగా మలయప్ప స్వామి గరుడ వాహనంపై వేదిక వద్దకు చేరారు. ఈ సందర్భంగా స్వామి, అమ్మవార్ల ఎదురుకోలు, పూబంతాట, వరణమయురం కార్యక్రమాలు వైభవంగా నిర్వహించారు.
Featured News
Sorry, no posts matched your criteria.