India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 5, 2024
సల్మాన్ షూటింగ్ సెట్లోకి ఆగంతకుడు.. బెదిరింపు!
బాలీవుడ్ నటుడు సల్మాన్ ఖాన్‌కి బెదిరింపుల పరంపర కొనసాగుతోంది. తాజాగా ముంబైలో ఆయన షూటింగ్ చేస్తున్న ప్రాంతానికి ఓ ఆగంతకుడు దూసుకొచ్చాడు. మూవీ బృందం అతడిని అడ్డుకోగా, తాను లారెన్స్ బిష్ణోయ్ ముఠా సభ్యుడినని అతడు చెప్పినట్లుగా తెలుస్తోంది. దీంతో వారు అతడిని పట్టుకుని పోలీసులకు అప్పగించారు. ప్రస్తుతం అతడిని శివాజీ పార్క్ పీఎస్‌లో విచారిస్తున్నట్లు తెలుస్తోంది.
News December 5, 2024
కొవిడ్ వైరస్ మెదడులోనే నాలుగేళ్లు ఉంటుంది: పరిశోధకులు
కొవిడ్ బాధితుల తలలో ఆ వైరస్ కనీసం నాలుగేళ్లు ఉంటుందని జర్మనీ పరిశోధకుల అధ్యయనంలో తేలింది. ‘సెల్ హోస్ట్ అండ్ మైక్రోబ్’ అనే జర్నల్‌లో ఆ వివరాలను ప్రచురించారు. ‘మెదడులోని పొరల్లో వైరస్ తాలూకు స్పైక్ ప్రొటీన్ ఉండిపోతుంది. దీంతో నరాల వ్యాధులు వచ్చే ప్రమాదం ఉంటుంది. మెదడు పనితీరు వేగంగా మందగిస్తుంది. కొవిడ్ బాధితుల్లో 5 నుంచి 10శాతం రోగుల్లో అస్వస్థత కనిపిస్తుంది’ అని వివరించారు.
News December 5, 2024
‘పుష్ప-2’: పబ్లిక్ టాక్
‘పుష్ప-2’ ప్రీమియర్స్ చూసిన అభిమానుల నుంచి సోషల్ మీడియాలో అద్భుతమైన రెస్పాన్స్ వస్తోంది. అల్లు అర్జున్ ఎంట్రీ, ఎలివేషన్లు అదిరిపోయాయని పోస్టులు చేస్తున్నారు. కొన్ని సన్నివేశాలు గూస్ బంప్స్ తెప్పించేలా ఉన్నాయని చెబుతున్నారు. డైలాగ్స్ బాగున్నాయని కామెంట్లు చేస్తున్నారు. WAY2NEWS రివ్యూ రేపు ఉదయం.
News December 4, 2024
చైతూ-శోభిత పెళ్లి ఫొటోలు
నాగచైతన్య-శోభిత వివాహం వైభవంగా జరిగింది. ఆ ఫొటోలను నాగార్జున ట్విటర్‌లో షేర్ చేశారు. వారిద్దరూ కొత్త జీవితం ప్రారంభించడం సంతోషంగా, ఎమోషనల్‌గా ఉందని తెలిపారు. చైకి శుభాకాంక్షలు చెబుతూ తమ ఫ్యామిలీలోకి శోభితకు వెల్‌కమ్ చెప్పారు. ఆమె తమ కుటుంబంలోకి ఆనందాన్ని తీసుకొచ్చారని నాగార్జున రాసుకొచ్చారు. తన తండ్రి ANR శతజయంతి వేడుకల గుర్తుగా ఆయన విగ్రహం ముందే ఈ వివాహం జరగడం మరింత ప్రత్యేకమని వెల్లడించారు.
News December 4, 2024
ఈ నెల 7న మెగా పేరెంట్-టీచర్ మీట్‌
AP: ఈ నెల 7న ఉ.9 గంటల నుంచి మ.1 వరకు రాష్ట్రవ్యాప్తంగా ఉన్న 45,094 ప్రభుత్వ, ఎయిడెడ్ పాఠశాల్లో మెగా పేరెంట్-టీచర్ మీట్‌ను నిర్వహించనుంది. విద్యార్థులు, స్కూళ్ల అభివృద్ధిపై టీచర్లు, తల్లిదండ్రులు చర్చించనున్నారు. తల్లులకు రంగోలి పోటీలు, తండ్రులకు టగ్ ఆఫ్ వార్ వంటి వినోదాత్మక కార్యక్రమాలు ఉంటాయి. సీఎం CBN, మంత్రి లోకేశ్ బాపట్ల మున్సిపల్ హై స్కూల్లో జరిగే కార్యక్రమానికి హాజరుకానున్నారు.
News December 4, 2024
కాసేపట్లో ‘పుష్ప-2’ పబ్లిక్ టాక్
వరల్డ్ మోస్ట్ అవైటెడ్ సినిమా ‘పుష్ప-2’ ప్రీమియర్స్ మొదలయ్యాయి. ప్రపంచవ్యాప్తంగా సినీ అభిమానులు థియేటర్లలో సినిమాను వీక్షిస్తున్నారు. ‘పుష్ప’ బ్లాక్‌బస్టర్ హిట్ కొట్టడంతో ఈ మూవీపై భారీ అంచనాలున్నాయి. దీంతో సినిమా ఎలా ఉంటుంది? అల్లు అర్జున్ నటవిశ్వరూపం చూపిస్తారా? పుష్ప కంటే పుష్ప-2లో సుకుమార్ అంతకుమించి ఏం చూపించారు? అనే విషయాలపై ఆసక్తి నెలకొంది. మరికాసేపట్లో WAY2NEWS పబ్లిక్ టాక్. STAY TUNED.
News December 4, 2024
వియత్నాంలో విచిత్ర ట్రెండ్.. అద్దెకు బాయ్‌ఫ్రెండ్స్!
వియత్నాంలో ఓ విచిత్రమైన ట్రెండ్ ఊపందుకుంది. పెళ్లి విషయంలో పేరెంట్స్, చుట్టాల నుంచి వచ్చే ఒత్తిడిని తట్టుకునేందుకు అక్కడి అమ్మాయిులు బాయ్‌ఫ్రెండ్స్‌ను అద్దెకు నియమించుకుంటున్నారు. పెళ్లెప్పుడు అని ఎవరైనా అడిగితే చాలు.. వెంటనే అద్దె ప్రియుడిని చూపించి ఆల్రెడీ లవ్‌లో ఉన్నా అని కవర్ చేస్తున్నారు. ఈ ట్రెండ్‌ను సొమ్ము చేసుకునేందుకు అబ్బాయిల్ని సరఫరా చేసే సంస్థలు కూడా అక్కడ పుట్టుకురావడం ఆసక్తికరం.
News December 4, 2024
చై-శోభిత పెళ్లికి తరలివచ్చిన సెలబ్రిటీలు
అన్నపూర్ణ స్టూడియోలో నాగచైతన్య-శోభిత వివాహం అంగరంగ వైభవంగా జరిగింది. ఈ వేడుకకు మెగాస్టార్ చిరంజీవి, అల్లు అరవింద్, రానా, అడవి శేష్, కీరవాణి, టి.సుబ్బరామిరెడ్డి, చాముండేశ్వరీనాథ్, సుహాసిని, అశోక్ గల్లా, చందూ మొండేటి తదితరులు హాజరయ్యారు. అలాగే అక్కినేని ఫ్యామిలీ, సన్నిహితులు, బంధువులు పాల్గొన్నారు.
News December 4, 2024
బుర్రా వెంకటేశం వీఆర్ఎస్‌కు ఆమోదం
TG: ఐఏఎస్ బుర్రా వెంకటేశం స్వచ్ఛంద పదవీ విరమణ(వీఆర్ఎస్)కు ప్రభుత్వం ఆమోదం తెలిపింది. మరో మూడున్నరేళ్ల పదవీకాలం ఉండగానే ఆయన వీఆర్ఎస్ తీసుకున్నారు. ఇప్పటివరకు విద్యాశాఖ ముఖ్య కార్యదర్శి, గవర్నర్ ప్రిన్సిపల్ సెక్రటరీగా ఉన్న వెంకటేశంను ఇటీవల టీజీపీఎస్సీ ఛైర్మన్‌గా ప్రకటించిన విషయం తెలిసిందే. దీంతో ఆయన రేపు ఆ బాధ్యతలు చేపట్టనున్నారు.
News December 4, 2024
UPI పేమెంట్స్ చేసేవారికి గుడ్‌న్యూస్
UPI లైట్ వాలెట్ పరిమితిని రూ.2 వేల నుంచి రూ.5వేలకు పెంచుతున్నట్లు RBI ప్రకటించింది. ఒక్కో లావాదేవీ పరిమితిని కూడా రూ.500 నుంచి రూ.1000కి పెంచింది. డిజిటల్ చెల్లింపులను మరింత ప్రోత్సహించే ఉద్దేశంతో ఈ నిర్ణయం తీసుకున్నట్లు తెలిపింది. దీని ద్వారా పిన్ ఎంటర్ చేయకుండానే UPI పేమెంట్స్ చేయొచ్చు. అయితే ఈ సేవలు వినియోగించుకునేందుకు ముందుగా వాలెట్‌లో బ్యాంక్ అకౌంట్ నుంచి బ్యాలెన్స్ యాడ్ చేసుకోవాలి.
Featured News
Sorry, no posts matched your criteria.