India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 19, 2024
IPL-2024: అత్యధిక సిక్సర్లు బాదిన SRH ప్లేయర్
సన్‌రైజర్స్ ఓపెనర్ అభిషేక్ శర్మ అరుదైన రికార్డు నెలకొల్పారు. ఐపీఎల్‌లో ఒకే సీజన్లో అత్యధిక సిక్సర్లు బాదిన భారత ప్లేయర్‌గా నిలిచారు. అభిషేక్ ఈ సీజన్లో 41 సిక్సర్లు బాదారు. ఆ తర్వాతి స్థానంలో కోహ్లీ(37) ఉన్నారు. కాగా అభిషేక్ అన్‌క్యాప్డ్ ప్లేయర్ కావడం గమనార్హం. పంజాబ్‌తో జరుగుతున్న మ్యాచులో 21 బంతుల్లోనే హాఫ్ సెంచరీ చేశారు.
News May 19, 2024
రేపు తెలంగాణ కేబినెట్ సమావేశం
TG: కేంద్ర ఎన్నికల సంఘం గ్రీన్ సిగ్నల్ ఇవ్వడంతో రేపు రాష్ట్ర కేబినెట్ భేటీ జరగనుంది. సీఎం రేవంత్ రెడ్డి అధ్యక్షతన సచివాలయంలో మ.3 గంటలకు సమావేశం ప్రారంభం కానుంది. షెడ్యూల్ ప్రకారం నిన్ననే భేటీ జరగాల్సి ఉండగా, ఈసీ తొలుత అనుమతి ఇవ్వని విషయం తెలిసిందే. ఇవాళ పలు షరతులతో ఓకే చెప్పింది. అత్యవసర అంశాలపై మాత్రమే చర్చించాలని, రుణమాఫీ, ఉమ్మడి రాజధాని విషయాల జోలికి వెళ్లొద్దని స్పష్టం చేసింది.
News May 19, 2024
సిట్ విచారణలో పోలీసులే దోషులుగా తేలుతారు: అంబటి
AP: కూటమి నాయకుల ఫిర్యాదుతో పోలీస్ ఉన్నతాధికారులను తప్పించిన చోటే హింస చెలరేగిందని మంత్రి అంబటి రాంబాబు తెలిపారు. ‘ఇవాళ సిట్ బృందాన్ని కలిసి అన్ని అంశాలపై ఫిర్యాదు చేశా. TDP నుంచి డబ్బులు తీసుకున్న పోలీసులు పల్నాడులో సరిగ్గా పనిచేయలేదు. సిట్ విచారణలో వారే దోషులుగా తేలుతారు. నరసరావుపేట MLA ఇంటిపై TDP మూకలు రాళ్లు వేశాయి. మేం ఫిర్యాదుచేస్తే పోలీసులు పట్టించుకోలేదు’ అని మండిపడ్డారు.
News May 19, 2024
ఐదో విడత బరిలో అభ్యర్థులు ఎందరంటే?
రేపు దేశంలోని 6 రాష్ట్రాలు, 2 కేంద్రపాలిత ప్రాంతాల్లోని 49 లోక్‌సభ స్థానాలకు పోలింగ్ జరగనుంది. దీనికి సంబంధించి అధికారులు అన్ని ఏర్పాట్లు పూర్తి చేశారు. యూపీలో 14, మహారాష్ట్రలో 13, వెస్ట్ బెంగాల్‌లో 7, బిహార్‌లో 5, ఒడిశాలో 5, ఝార్ఖండ్‌లో 3, జమ్మూకశ్మీర్‌లో 1, లద్దాక్‌లో ఒక స్థానానికి పోలింగ్ జరగనుంది. కాగా ఐదో విడత ఎన్నికల్లో 695 మంది అభ్యర్థులు తమ అదృష్టాన్ని పరీక్షించుకోనున్నారు.
News May 19, 2024
రేపటి నుంచి CISF పహారాలో పార్లమెంట్
నూతన పార్లమెంట్ భద్రత బాధ్యతలను రేపటి నుంచి CISF చేపట్టనుంది. 3,317 మంది సిబ్బంది విధులు నిర్వహించనున్నారు. ఇప్పటివరకు CRPF, పార్లమెంట్ డ్యూటీ గ్రూప్, సెక్యూరిటీ గ్రూప్, ఢిల్లీ పోలీస్ సంయుక్తంగా పనిచేసేవి. గత డిసెంబర్‌లో ఆగంతకులు పార్లమెంటులో ప్రవేశించడంతో కలకలం చెలరేగింది. దీంతో భద్రత బాధ్యతలను CISFకు అప్పగించాలని కేంద్రం నిర్ణయించింది. ఇందుకోసం సిబ్బందికి ప్రత్యేక శిక్షణ ఇప్పించింది.
News May 19, 2024
90 ఏళ్ల వయసులో అంతరిక్షయానం
USకు చెందిన ఎడ్ డ్వైట్(90) అరుదైన ఘనత సాధించనున్నారు. అంతరిక్ష ప్రయాణం చేసిన అతిపెద్ద వ్యక్తిగా నిలవనున్నారు. ఈయన 1961లోనే వ్యోమగామి శిక్షణ తీసుకున్న తొలి నల్లజాతి వ్యక్తి. అప్పట్లో పలు కారణాలతో నాసా ప్రోగ్రామ్‌కు ఎంపిక కాలేదు. 63 ఏళ్ల తర్వాత అతనికి బ్లూ ఆరిజిన్(జెఫ్ బెజోస్ కంపెనీ) అవకాశం కల్పించింది. ఇవాళ ఆయన మరో ఐదుగురితో కలిసి 11 నిమిషాలపాటు స్పేస్‌లోకి వెళ్లనున్నారు.
News May 19, 2024
SRH ముందు భారీ టార్గెట్
పంజాబ్ బ్యాటర్లు అదరగొట్టారు. తమ చివరి లీగ్ మ్యాచ్‌లో హైదరాబాద్ ముందు 215 పరుగుల టార్గెట్‌ను ఉంచారు. పంజాబ్‌కు ప్రభ్‌సిమ్రన్ సింగ్ 71, అథర్వ తైడే 46 రన్స్‌తో అదిరే ఆరంభాన్నిస్తే.. ఆ తర్వాత రోసో 24 బంతుల్లో 49 పరుగులతో రెచ్చిపోయి స్కోరు బోర్డును పరుగులు పెట్టించారు. హైదరాబాద్ బౌలర్లలో నటరాజన్ 2, కమిన్స్, విజయకాంత్ చెరో వికెట్ తీశారు. ఈ మ్యాచ్‌లో క్లాసెన్ వికెట్ల వెనకాల అద్భుత క్యాచ్‌తో మెరిశారు.
News May 19, 2024
రేపే 5వ విడత పోలింగ్.. బరిలో ప్రముఖులు
సార్వత్రిక ఎన్నికల్లో భాగంగా రేపు 5వ విడత పోలింగ్ జరగనుంది. మొత్తం 49 లోక్‌సభ స్థానాలకు ఎన్నికలు జరగనుండగా.. రాహుల్ గాంధీ(రాయ్ బరేలీ), స్మృతి ఇరానీ(అమేథీ), రాజ్‌నాథ్ సింగ్(లక్నో), బ్రిజ్ భూషణ్ సింగ్ కుమారుడు కరణ్ భూషణ్ సింగ్(కేసర్‌గంజ్), లాలూ ప్రసాద్ యాదవ్ కూతురు రోహిణీ ఆచార్య(సరన్), రామ్ విలాస్ పాశ్వాన్ తనయుడు చిరాగ్ పాశ్వాన్(హాజీపూర్) వంటి ప్రముఖులు తమ అదృష్టాన్ని పరీక్షించుకోనున్నారు.
News May 19, 2024
భారత కోచ్ పదవి క్రికెట్‌లోనే గొప్పది: లాంగర్
ప్రపంచంలోనే ఎక్కువ మంది క్రికెట్ అభిమానులు, అత్యధిక అంచనాలున్న టీమ్ ఇండియాకు కోచ్‌గా చేయడం పెద్ద సవాలు అని లాంగర్(LSG కోచ్) అభిప్రాయపడ్డారు. ఈ పదవి సాధించడం క్రికెట్‌లోనే గొప్ప విషయమని పేర్కొన్నారు. భారత కోచ్ పదవి ఒత్తిడితో కూడుకున్నదన్నారు. అదే సమయంలో సరదాగా కూడా ఉంటుందని చెప్పారు. T20WC తర్వాత ద్రవిడ్ పదవీకాలం ముగియనుండటంతో కొత్త కోచ్ కోసం BCCI దరఖాస్తులు స్వీకరిస్తున్న విషయం తెలిసిందే.
News May 19, 2024
యూట్యూబ్‌లో డేటా వినియోగం ఎలా?
యూట్యూబ్.. వీడియో షేరింగ్ వేదిక. ఇందులో ఎన్నో విషయాలపై అవగాహన పెంచుకోవచ్చు. ఈ ప్లాట్ ఫాం ద్వారా ఉపాధి పొందేవారూ అనేకం. అయితే యూట్యూబ్‌లో డేటా వినియోగం మీరు చూసే వీడియో క్వాలిటీ మీద ఆధార‌ప‌డి ఉంటుంది. ఉ.144p స్టాండర్డ్ క్వాలిటీ వీడియో చూస్తే నిమిషానికి యావరేజ్‌గా 1.3MB డేటా ఖర్చవుతుంది. అదే క్వాలిటీలో గంట సేపు చూస్తే 80MB డేటా ఖర్చవుతుంది. యూట్యూబ్‌లో వచ్చే యాడ్స్ కూడా ఎక్కువ డేటాను తీసుకుంటాయి.
Featured News
Sorry, no posts matched your criteria.