India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 19, 2024
అమెరికా వెళ్లిన చంద్రబాబు
AP: టీడీపీ అధినేత చంద్రబాబు అమెరికా వెళ్లారు. ఆయన వెంట భార్య భువనేశ్వరి కూడా ఉన్నారు. వైద్య పరీక్షల కోసం ఆయన అమెరికా వెళ్లినట్లు తెలుస్తోంది. ఐదారు రోజులపాటు చంద్రబాబు అక్కడే ఉండనున్నారు. గతంలో కూడా ఆయన వైద్య పరీక్షల కోసం అమెరికా వెళ్లిన విషయం తెలిసిందే. కాగా ఇటీవలే కుమారుడు లోకేశ్, కోడలు బ్రాహ్మణి కూడా అమెరికా వెళ్లారు.
News May 19, 2024
ఈఏపీసెట్ పరీక్షకు 94శాతం హాజరు
ఏపీ ఈఏపీసెట్-2024 ప్రవేశ పరీక్ష శనివారం ప్రశాంతంగా జరిగినట్లు సెట్ ఛైర్మన్, వీసీ ప్రొఫెసర్ జీవీఆర్ ప్రసాదరాజు తెలిపారు. ఇంజినీరింగ్ విభాగంలో 31,386 మంది విద్యార్థులకు గాను 29,543(94.13%) మంది హాజరైనట్లు పేర్కొన్నారు. 1843 మంది గైర్హాజరైనట్లు చెప్పారు. కాగా ఈ నెల 23వరకు ఇంజినీరింగ్ విభాగానికి సంబంధించిన పరీక్షలు కొనసాగుతాయని తెలిపారు.
News May 19, 2024
స్కూల్ ఫీజుల నియంత్రణకు త్వరలో చట్టం
TG: ప్రైవేటు స్కూళ్లలో ఫీజుల నియంత్రణకు చట్టం తీసుకురానున్నట్లు విద్యాశాఖ ముఖ్యకార్యదర్శి బి.వెంకటేశం తెలిపారు. 2025-26లో ఈ చట్టం అమల్లోకి వచ్చే అవకాశం ఉందన్నారు. మరోవైపు విద్యాశాఖపై రేపు CM రేవంత్ సమీక్ష నిర్వహించనున్నారు. జూన్‌లో స్కూళ్లు, కాలేజీలు ప్రారంభం కానున్న నేపథ్యంలో తీసుకోవాల్సిన జాగ్రత్తలపై చర్చించనున్నారు. ఇంటర్నేషనల్ స్కూళ్ల ఏర్పాటు, VCల నియామకాలు, ఇతర అంశాలపై సమీక్షిస్తారని సమాచారం.
News May 19, 2024
ఇసుక తవ్వకాలపై ఉన్నత స్థాయి విచారణ జరిపించాలి: CPI
AP: వైసీపీ పాలనలో ఆ పార్టీ నేతలు ఇసుకపై దోపిడీకి పాల్పడ్డారని సీపీఐ రాష్ట్ర కార్యదర్శి కె.రామకృష్ణ మండిపడ్డారు. ఇసుక అక్రమాలపై ఉన్నత స్థాయి విచారణ జరిపించాలని డిమాండ్ చేశారు. కొత్త ఇసుక పాలసీని తెస్తానన్న సీఎం జగన్.. ఆ దిశగా అడుగులు వేయలేదని విమర్శించారు. భవన నిర్మాణ కార్మికులు రోడ్డున పడేలా చేశారని అన్నారు. గోదావరిలో ఇసుకను ఇష్టారాజ్యంగా తవ్వేశారని దుయ్యబట్టారు.
News May 19, 2024
రబీ పంట నష్టం గణనపై ఉత్తర్వులు
AP: ఈ నెల 24లోగా రబీ పంట నష్టం గణన పూర్తి చేయాలని వ్యవసాయ శాఖ ప్రత్యేక కమిషనర్ అధికారులను ఆదేశించారు. కర్నూలు, శ్రీ సత్యసాయి, OGL, నెల్లూరు జిల్లాలో 87 కరువు మండలాలను ప్రభుత్వం ప్రకటించింది. ఈ మండలాల్లో 33%పైగా దెబ్బతిన్న పంటల వివరాలు నమోదు చేయాలన్నారు. ఒక్కో రైతుకు అయిదెకరాలకు మించకూడదని ఉత్తర్వుల్లో పేర్కొన్నారు. ఈ నెల 25 నుంచి 27 వరకు RBKల్లో అభ్యంతరాల స్వీకరణ.. 31న తుది జాబితా ప్రకటిస్తారు.
News May 19, 2024
22న కల్కి సాంగ్ రిలీజ్!
‘కల్కి 2898AD’ మూవీ అప్‌డేట్స్‌పై మేకర్స్ స్పీడ్ పెంచారు. తాజా ఇందులోని బుజ్జి పాత్రకు సంబంధించి ఓ వీడియోను విడుదల చేశారు. ఈ నెల 22న ప్రత్యేక ప్రచార చిత్రాన్ని రిలీజ్ చేసేందుకు ప్లాన్ చేస్తున్నారు. హైదరాబాద్‌లో ఇందుకోసం నిర్వహించే భారీ వేడుకకు ప్రభాస్‌తో పాటు చిత్రబృందమంతా పాల్గొననుంది. అభిమానుల మధ్య పాటను కూడా విడుదల చేసే అవకాశం ఉంది. జూన్ 27న సినిమాను రిలీజ్ చేయనున్నారు.
News May 19, 2024
కల్యాణ లక్ష్మి, షాదీ ముబారక్ పథకాలకు నిధుల విడుదల
TG: కల్యాణ లక్ష్మి, షాదీ ముబారక్ పథకాలకు ప్రభుత్వం రూ.725 కోట్లను మంజూరు చేసింది. 2024-25 బడ్జెట్‌లో కేటాయించిన ఆయా నిధులను విడుదల చేస్తూ ఉత్తర్వులు జారీ చేసింది. ఈ పథకాల కింద యువతుల వివాహాల కోసం రూ.1,00,116 ఆర్థిక సాయంతో పాటు తులం బంగారం ఇస్తామని కాంగ్రెస్ హామీనిచ్చింది. తులం బంగారం అందించడంపై ఇప్పటికే GOVTకి అధికారులు ప్రతిపాదనలు పంపించారు. దీని అమలుపై స్పష్టత రావాల్సి ఉంది.
News May 19, 2024
తిరుమలలో కనుల పండువగా పద్మావతి పరిణయోత్సవాలు
AP: తిరుమలలో పద్మావతి పరిణయోత్సలు వైభవంగా జరుగుతున్నాయి. శనివారం సాయంత్రం శ్రీమలయప్పస్వామి అశ్వవాహనాన్ని అధిరోహించి బయలుదేరగా.. ఆయన వెంట స్వర్ణపల్లకీలో శ్రీదేవి, భూదేవి అనుసరిస్తూ నారాయణగిరి ఉద్యానానికి చేరుకున్నారు. అనంతరం బంగారు తిరుచ్చిపై తిరువీధుల గుండా ఊరేగుతూ ఆలయ ప్రవేశం చేశారు.
News May 19, 2024
వారంతా పొలిటికల్ టూరిస్టులు: నవీన్ పట్నాయక్
తమ ప్రభుత్వంపై కేంద్ర మంత్రులు, బీజేపీ పాలిత రాష్ట్రాల సీఎంలు చేస్తున్న విమర్శలకు ఒడిశా సీఎం నవీన్ పట్నాయక్ కౌంటర్ ఇచ్చారు. ఎన్నికలప్పుడు అక్కడికి వచ్చే వారందరూ పొలిటికల్ టూరిస్టులని అన్నారు. ఒడిశాను దేశంలోనే నంబర్ వన్ రాష్ట్రంగా చేస్తామంటూ చేసిన హామీలపై మండిపడ్డారు. ముందు తమ రాష్ట్రాల పరిస్థితి చూసుకోవాలని అన్నారు. తమ మాటలకు ఒడిశా ప్రజలు నవ్వుకుంటున్నారని ఎద్దేవా చేశారు.
News May 19, 2024
10 వేల మందితో ‘కంగువా’ క్లైమాక్స్ సీన్ షూట్
తమిళ స్టార్ హీరో సూర్య నటించిన ‘కంగువా’ మూవీలో క్లైమాక్స్ సీన్ హైలైట్‌గా నిలుస్తుందని మూవీ మేకర్స్ తెలిపారు. 10వేల మందితో యుద్ధ సన్నివేశాన్ని చిత్రీకరించినట్లు తెలిపారు. రూ.10 కోట్లతో ఈ సీన్‌ను రూపొందించామన్నారు. కాగా రూ.350 కోట్ల భారీ బడ్జెట్‌తో ఈ చిత్రం తెరకెక్కింది. శివ దర్శకత్వం వహించగా.. స్టూడియో గ్రీన్, యూవీ క్రియేషన్స్ సంయుక్తంగా నిర్మించాయి. మూవీ విడుదల తేదీని ఇంకా ప్రకటించలేదు.
Featured News
Sorry, no posts matched your criteria.