India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 18, 2024
అల్లర్లపై రెండు రోజుల్లో సిట్ నివేదిక
APలో ఎన్నికల సందర్భంగా జరిగిన అల్లర్లపై ఏర్పాటు చేసిన సిట్ నుంచి రెండు రోజుల్లో నివేదిక వెలువడనున్నట్లు తెలుస్తోంది. ఈ సిట్‌కు నేతృత్వం వహిస్తున్న ఐజీ వినీత్ బ్రిజ్ లాల్ సభ్యులతో వీడియో కాన్ఫరెన్స్‌లో మాట్లాడారు. అల్లర్లు జరిగిన పల్నాడు, చంద్రగిరి, మాచర్ల, తాడిపత్రి, నరసరావుపేటకు సిట్ బృందాలు బయలు దేరాయి. నివేదిక రాగానే దాని ఆధారంగా తదుపరి చర్యలు ఉంటాయని సమాచారం.
News May 18, 2024
సీఎం రేవంత్ టెన్షన్‌లో ఉన్నారు: DK అరుణ
TG: ఈ ఎన్నికల్లో కాంగ్రెస్ పార్టీకి లోక్‌సభ సీట్లు తగ్గితే తన సీటుకు ఎసరు వస్తుందని సీఎం రేవంత్ టెన్షన్ పడుతున్నారని బీజేపీ నాయకురాలు డీకే అరుణ అన్నారు. ఆయనకు పాలన అనుభవం లేదని, అందుకే రాష్ట్రంలో పరిపాలన గాడి తప్పిందని ఆమె విమర్శించారు. రేవంత్ రాజకీయాలు పక్కనపెట్టి మొదట ధాన్యం కొనుగోలు చేయాలని సూచించారు. తెలంగాణలో బీజేపీ 10-12సీట్లు గెలవబోతోందని ధీమా వ్యక్తం చేశారు.
News May 18, 2024
ముంబైతో రోహిత్ శర్మ ప్రయాణం ముగిసిందా..?
తన కెప్టెన్సీతో ఐపీఎల్‌లో ముంబైను అద్భుతంగా నడిపించారు రోహిత్ శర్మ. అనూహ్యంగా జట్టు యాజమాన్యం ఈ ఏడాది అతడిని కెప్టెన్సీ నుంచి తప్పించింది. అప్పటి నుంచి రోహిత్ MIను వదిలేస్తారన్న వార్తలు మొదలయ్యాయి. నిన్న ముంబై ఆఖరి మ్యాచ్ అనంతరం మాజీ క్రికెటర్లు వసీం జాఫర్, షేన్ వాట్సన్ కూడా అదే అభిప్రాయాన్ని వ్యక్తం చేశారు. మరి రోహిత్ ముంబైను వీడితే ఏ జట్టుకు వెళ్లే ఛాన్స్ ఉండొచ్చు? కామెంట్ చేయండి.
News May 18, 2024
EAPCET ఫలితాలు విడుదల.. క్షణాల్లో Way2newsలో..
TG: ఇంజినీరింగ్, అగ్రికల్చర్, ఫార్మసీ కోర్సుల్లో ప్రవేశాల కోసం నిర్వహించిన ఎప్‌సెట్‌ ఫలితాలు విడుదలయ్యాయి. కాగా మే 7 నుంచి 11 వరకు పరీక్షలు జరిగాయి. ఇంజినీరింగ్ విభాగంలో 2.40 లక్షల మంది, అగ్రికల్చర్, ఫార్మసీ కేటగిరీలో 91 వేల మంది ఎగ్జామ్ రాశారు. మరికొద్ది క్షణాల్లో అందరికంటే ముందుగా, సులువుగా Way2newsలో ఒక్క క్లిక్‌తో రిజల్ట్స్‌ మీ స్క్రీన్‌పై..
News May 18, 2024
స్పెషల్ ట్రేడింగ్ సెషన్‌లోనూ ఫ్లాట్‌గానే!
ఈరోజు స్పెషల్ ట్రేడింగ్ సెషన్‌లో దేశీయ స్టాక్ మార్కెట్లు ఫ్లాట్‌గా ట్రేడవుతున్నాయి. తొలి సెషన్ (9.15-10 AM) ముగిసే నాటికి సెన్సెక్స్ 42 పాయింట్ల స్వల్ప లాభంతో 73,959కు చేరింది. నిఫ్టీ 22,481 వద్ద కొనసాగుతోంది. డిజాస్టర్ రికవరీ సైట్ నుంచి ఉ.11.30 నుంచి మ.12.30 గంటల మధ్య రెండో సెషన్ ట్రేడింగ్ జరగనుంది. డిజాస్టర్ సైట్ పనితీరును పరీక్షించేందుకు ఈ స్పెషల్ ట్రేడింగ్ నిర్వహిస్తూ ఉంటారు.
News May 18, 2024
ప్రధానిని అవమానించమని రూ.100కోట్లు ఆఫర్: BJP నేత
ప్రధాని మోదీని అవమానించేలా మాట్లాడితే రూ.100కోట్లు ఇస్తామని కర్ణాటక డిప్యూటీ CM శివకుమార్ ఆఫర్ చేశారని BJP నేత జి.దేవరాజే గౌడ ఆరోపించారు. ఆ డీల్‌కు ఒప్పుకోనందుకే తనపై పోలీసులు కేసు నమోదు చేసి, అరెస్ట్ చేశారన్నారు. మోదీతో పాటు కర్ణాటక మాజీ CM కుమారస్వామిని కూడా కించపరిచేలా మాట్లాడాలని తనపై ఒత్తిడి చేసి, రూ.5కోట్లు అడ్వాన్స్ పంపించారని గౌడ తెలిపారు. కాగా ఆయన ప్రస్తుతం జుడీషియల్ కస్టడీలో ఉన్నారు.
News May 18, 2024
విజయ్ ‘ది గ్రేటెస్ట్ ఆఫ్ ఆల్ టైమ్’ VFX పూర్తి
తమిళ స్టార్ హీరో విజయ్ సేతుపతి నటిస్తోన్న ‘ది గ్రేటెస్ట్ ఆఫ్ ఆల్ టైమ్’ సినిమా గురించి డైరెక్టర్ వెంకట్ ప్రభు అప్డేట్ ఇచ్చారు. ఈ సినిమాకు సంబంధించిన VFX వర్క్స్ పూర్తయ్యాయని, ఔట్‌పుట్ చూసేందుకు వేచి ఉండలేకపోతున్ననట్లు తెలుపుతూ ఓ ఫొటోను షేర్ చేశారు. ఈ సినిమాలో విజయ్ సరసన మీనాక్షి చౌదరి నటిస్తుండగా.. యువన్ శంకర్ రాజా మ్యూజిక్ అందిస్తున్నారు. సెప్టెంబర్ 5న రిలీజ్ కానుంది.
News May 18, 2024
హార్దిక్‌పై వేటు.. IPL-2025లో ఫస్ట్ మ్యాచ్కు దూరం
LSGతో జరిగిన మ్యాచ్‌లో MI జట్టు స్లో ఓవర్ రేట్ నియమాన్ని ఉల్లంఘించింది. ఈ టోర్నీలో మూడోసారి స్లో ఓవర్ రేట్ కొనసాగించినందుకు IPL యాజమాన్యం కెప్టెన్ హార్దిక్ పాండ్యకు రూ.30 లక్షలు జరిమానా విధించింది. దీంతోపాటు తరువాతి మ్యాచ్ ఆడకుండా నిషేధించింది. IPL2024లో MI నిన్న చివరి మ్యాచ్ ఆడగా.. హార్దిక్ 2025 IPLలో తన మొదటి మ్యాచ్కు దూరం కానున్నారు.
News May 18, 2024
జగన్ పర్యటన వేళ అనుమానాస్పద వ్యక్తి అరెస్ట్
AP: CM జగన్ విదేశీ పర్యటన వేళ గన్నవరం ఎయిర్‌పోర్టులో అనుమానాస్పదంగా సంచరిస్తున్న వ్యక్తిని పోలీసులు అదుపులోకి తీసుకున్నారు. అతడిని వాషింగ్టన్‌కు చెందిన డా.తుళ్లూరు లోకేశ్‌గా గుర్తించారు. లోకేశ్‌కు US సిటిషన్‌షిప్ ఉందట. జగన్ పర్యటన వివరాలు అతని మొబైల్‌లో ఉండటంపై ప్రశ్నించగా గుండెపోటు వచ్చినట్లు చెప్పారు. దీంతో వెంటనే ఆస్పత్రిలో చేర్చారు. ఆ మెసేజ్‌లను ఎవరికి పంపారనే దానిపై విచారణ చేస్తున్నారు.
News May 18, 2024
T20 WC వచ్చేస్తోంది.. ఫామ్‌లోకి వచ్చేయండి!
IPL-2024 పూర్తికాగానే జూన్ 2 నుంచి టీ20 వరల్డ్ కప్ మొదలుకానుంది. అయితే, భారత ప్లేయర్లు ఫామ్‌లో లేకపోవడం అభిమానులను కలవరపెడుతోంది. నిన్నటి మ్యాచ్‌లో రోహిత్ కాస్త మెరుగవగా.. సూర్యకుమార్ డకౌట్ అయ్యారు. హార్దిక్ IPL మొత్తంలోనూ చెప్పుకోదగ్గ ఇన్నింగ్స్ ఆడలేదు. లీగ్ మ్యాచుల్లో ఐర్లాండ్, కెనడా, USA జట్లపై టీమ్ఇండియా సునాయసంగా గెలుస్తుందని ఆ లోపు ఫామ్ అందుకోవాలని ఫ్యాన్స్ ట్వీట్స్ చేస్తున్నారు.
Featured News
Sorry, no posts matched your criteria.