India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 5, 2024
మూడు రోజులు వర్షాలు
TG: ఎండలకు తాళలేకపోతున్న రాష్ట్ర ప్రజలకు వాతావరణ శాఖ చల్లని కబురు చెప్పింది. ఇవాళ కొత్తగూడెం, మహబూబాబాద్, మంచిర్యాల జిల్లాల్లో మోస్తరు వర్షాలు కురుస్తాయని తెలిపింది. రేపు ఖమ్మం, సూర్యాపేట, మహబూబాబాద్, నాగర్ కర్నూల్, కొత్తగూడెం.. ఎల్లుండి భూపాలపల్లి, ములుగు, కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, యాదాద్రి, RR, MBNR, వనపర్తి, నారాయణపేట, జోగులాంబలో వానలు పడతాయని పేర్కొంది.
News May 5, 2024
ఏస్థాయికి దిగజారిపోయావ్ పవన్?: వైసీపీ
AP: మంత్రి అంబటి రాంబాబుపై ఆయన అల్లుడు విమర్శలు చేశారంటూ జనసేన, టీడీపీ <<13185016>>విడుదల<<>> చేసిన వీడియోపై వైసీపీ మండిపడింది. ‘గౌతం అరాచకాలు భరించలేక పిల్లలతో కలిసి అంబటి కూతురు దూరంగా ఉంటున్నారు. ఆ వ్యక్తిగత విభేదాన్ని కూడా జనసేన నీచ రాజకీయం చేస్తోంది. మొన్న ముద్రగడ కూతురితో వీడియో, ఈరోజు అంబటి అల్లుడితో వీడియో చేయించింది. ఏ స్థాయికి దిగజారిపోయావ్ పవన్ కళ్యాణ్?’ అంటూ ఫైరయ్యింది.
News May 5, 2024
పత్రికా స్వేచ్ఛలో భారత్ ర్యాంక్ 159
180 దేశాల్లో పత్రికా స్వేచ్ఛపై వరల్డ్ ప్రెస్ ఫ్రీడమ్ ఇండెక్స్ రిపోర్టు విడుదల చేసింది. టాప్-10లో నార్వే, డెన్మార్క్, స్వీడన్, నెదర్లాండ్స్, ఫిన్‌లాండ్, ఎస్టోనియా, పోర్చుగల్, ఐర్లాండ్, స్విట్జర్లాండ్, జర్మనీ ఉన్నాయి. చివరి 10 స్థానాల్లో సిరియా, అఫ్గాన్, నార్త్ కొరియా, ఇరాన్, తుర్క్‌మెనిస్థాన్, వియత్నాం, బహ్రెయిన్, చైనా, మయన్మార్ ఉన్నాయి. గత ఏడాది భారత్ 161వ ర్యాంక్‌లో ఉండగా, ఈసారి 159కి చేరింది.
News May 5, 2024
ఎమ్మిగనూరు: రేణుకమ్మను ఆదరిస్తారా? టీడీపీ పూర్వ వైభవం చాటుతుందా?
కర్నూలు(D) ఎమ్మిగనూరు ఆసక్తికర రాజకీయాలకు వేదిక. ఇద్దరు నేతల మధ్యే దశాబ్దాలుగా పోరు నడిచింది. 1985 నుంచి వరుసగా 4 సార్లు TDP అభ్యర్థి బి.వి మోహన్ రెడ్డి గెలిచారు. ఆ తర్వాత చెన్నకేశవరెడ్డి రెండేసి సార్లు కాంగ్రెస్, YCP తరఫున నెగ్గారు. ఈసారి సిట్టింగ్ MLA చెన్నకేశవరెడ్డిని కాదని మాజీ MP బుట్టా రేణుకను YCP బరిలోకి దింపింది. టీడీపీ నుంచి మాజీ MLA బీవీ జయనాగేశ్వరరెడ్డి నిలిచారు. <<-se>>#ELECTIONS2024<<>>
News May 5, 2024
మూడోసారి బ్రిట్నీ స్పియర్స్ విడాకులు
హాలీవుడ్ పాప్ సింగర్ బ్రిట్నీ స్పియర్స్(42) మూడోసారి విడాకులు తీసుకున్నారు. భర్త సామ్ అస్గారి(30) నుంచి ఆమె 8 నెలల కిందటే విడిపోగా, తాజాగా లాస్‌ఏంజెలిస్ కోర్టు డివోర్స్ మంజూరు చేసింది. కాగా బ్రిట్నీ 2004లో చిన్ననాటి స్నేహితుడు అలెగ్జాండర్‌ను పెళ్లాడి ఏడాదికే విడిపోయారు. తర్వాత కెవిన్ ఫెడెర్‌లైన్‌ను వివాహం చేసుకుని 2007లో విడాకులు తీసుకున్నారు.
News May 5, 2024
ఏప్రిల్ నుంచే రూ.4వేల పింఛన్: చంద్రబాబు
AP: అధికారంలోకి వస్తే ఏప్రిల్ నుంచే రూ.4వేల పింఛన్ అమలు చేస్తామని TDP చీఫ్ చంద్రబాబు ధర్మవరం సభలో ప్రకటించారు. ‘దివ్యాంగుల పింఛన్ రూ.6వేలకు పెంచుతాం. చేనేత కార్మికులకు ఏడాదికి రూ.24వేలు ఇస్తాం. పింఛన్ కోసం జగన్ వృద్ధులను పొట్టన పెట్టుకున్నారు. ప్రత్యామ్నాయ ఏర్పాట్లు చేయాలని EC సూచించినా.. మండుటెండలో సచివాలయానికి రావాలని ఇబ్బంది పెట్టారు. శవ రాజకీయాలు చేసే సీఎంను ఇంటికి పంపాలి’ అని పిలుపునిచ్చారు.
News May 5, 2024
పీఓకేను బలవంతంగా స్వాధీనం చేసుకోనక్కర్లేదు: రాజ్‌నాథ్
పాక్ ఆక్రమిత కశ్మీర్‌ను భారత్ బలవంతంగా స్వాధీనం చేసుకోవాల్సిన అవసరం లేదని రక్షణ మంత్రి రాజ్‌నాథ్ సింగ్ అభిప్రాయపడ్డారు. కశ్మీర్‌లో అభివృద్ధిని చూసి POK ప్రజలు స్వచ్ఛందంగా భారత్‌లో చేరాలనుకుంటున్నారని అన్నారు. ‘జమ్మూకశ్మీర్‌లో పరిస్థితులు గణనీయంగా మెరుగయ్యాయి. అక్కడ సాయుధ దళాల ప్రత్యేక అధికారాల చట్టాన్ని ఎత్తివేసే సమయం దగ్గర్లోనే ఉంది. హోంశాఖ దీనిపై ఓ నిర్ణయాన్ని తీసుకోనుంది’ అని పేర్కొన్నారు.
News May 5, 2024
అమిత్ షా విమర్శలకు చంద్రబాబు సమాధానం చెబుతారా?: YCP
AP: గత ఎన్నికల సమయంలో అమిత్ షా చేసిన ఆరోపణలకు చంద్రబాబు సమాధానం చెప్తారని ఆశిస్తున్నామని YCP ట్వీట్ చేసింది. ‘చంద్రబాబు పనితీరును అమిత్ షా విమర్శించారు. ఆయన జాతీయవాదాన్ని ప్రశ్నించారు. CMగా అభివృద్ధి చేయలేదన్నారు. కాంగ్రెస్‌తో అపవిత్ర పొత్తు పెట్టుకున్నారని ఆరోపించారు. ఎన్టీఆర్, వాజ్‌పేయీకి వెన్నుపోటు పొడిచారన్నారు. వీటన్నిటికీ బాబు తగిన సమాధానం చెప్పాలి’ అని రాసుకొచ్చింది.
News May 5, 2024
SRH ఆటగాడి బ్యాట్ మిస్సింగ్!
ముంబై ఫ్లైట్‌లో వెళ్తున్న సమయంలో SRH ఆటగాడు రాహుల్ త్రిపాఠీ బ్యాట్ మిస్ అయింది. ఈ విషయాన్ని ఆయన ట్విటర్‌లో వెల్లడించారు. ‘మా జట్టు SRHతో ఇండిగో విమానం(6E5099)లో హైదరాబాద్ నుంచి ముంబై ప్రయాణిస్తుండగా నా క్రికెట్ కిట్ నుంచి బ్యాట్ మిస్ అయింది. ఇది నాకు చాలా బాధ, నిరాశ, అసహనాన్ని కలిగించింది. ఇండిగో సంస్థ వెంటనే స్పందించి నా బ్యాట్ తిరిగి నాకు వచ్చేలా చూడాలని కోరుతున్నా’ అని ట్వీట్ చేశారు.
News May 5, 2024
మహిళల టీ20 వరల్డ్ కప్ షెడ్యూల్ విడుదల
మహిళల టీ20 వరల్డ్ కప్ షెడ్యూల్‌ను ఐసీసీ విడుదల చేసింది. బంగ్లాదేశ్ వేదికగా అక్టోబర్ 3 నుంచి ఈ టోర్నీ ప్రారంభం కానుంది. ఒకే గ్రూపులో ఉన్న ఇండియా, పాకిస్థాన్ మధ్య అక్టోబర్ 6న మ్యాచ్ జరగనుంది. టోర్నీలో మొత్తం 23 మ్యాచులు నిర్వహించనున్నారు. అక్టోబర్ 17, 18 తేదీల్లో సెమీ ఫైనల్స్ జరగనుండగా, 20న ఫైనల్ జరగనుంది. భారత్ ఆడే మ్యాచులు అక్టోబర్ 4, 6, 9, 13 తేదీల్లో జరగనున్నాయి.
Featured News
Sorry, no posts matched your criteria.