India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 17, 2024
అభిమానుల ప్రేమ వెల‌క‌ట్ట‌లేనిది: పంత్
IPL-17 నుంచి ఢిల్లీ నిష్క్రమించడంపై కెప్టెన్ పంత్ ఎమోషనల్ పోస్ట్ పెట్టారు. ‘చాలా కాలం తర్వాత మైదానంలోకి దిగడం అద్భుతంగా అనిపించింది. నాకు స‌హ‌క‌రించిన ప్ర‌తీ ఒక్క‌రికి కృత‌జ్ఞ‌త‌లు. నాపై అభిమానులు చూపుతున్న ప్రేమ వెల‌క‌ట్ట‌లేనిది. నేను ఇష్ట‌ప‌డే క్రికెట్ ఆడుతున్నందుకు థ్రిల్‌గా ఉంది. మ‌ున్ముందు మ‌రిన్ని అద్భుత‌మైన జ్ఞాప‌కాల‌ను సంపాదించుకోవాలని ఎదురుచూస్తున్నా’ అంటూ పంత్ ఇన్‌స్టాలో రాసుకొచ్చారు.
News May 17, 2024
ఢిల్లీ హైకోర్టులో బటర్ చికెన్ రచ్చ!
బటర్ చికెన్‌పై క్రెడిట్ కోసం ఢిల్లీలోని రెండు హోటల్స్ హైకోర్టులో పోరాడుతున్నాయి. ఢిల్లీకి రాకముందు 1930ల్లో ఇప్పటి పాక్‌లోని పెషావర్‌లో తమ హోటల్ వ్యవస్థాపకుడు కుందన్ లాల్ గుజ్రాల్ దీనిని కనిపెట్టారనేది మోతీ మహల్ రెస్టారెంట్ వెర్షన్. మరోవైపు ఢిల్లీలో ఈ హోటల్ పెట్టాక చెఫ్‌గా పనిచేసిన తమ పూర్వీకుడు కుందన్ లాల్ జగ్గీనే దీనిని కనిపెట్టారని, గుజ్రాల్ మార్కెటింగ్ చేసే వారనేది దర్యాగంజ్ రెస్టారెంట్ వాదన.
News May 17, 2024
BREAKING: ఈ-ఆఫీస్ అప్‌గ్రేడ్ ప్రక్రియ వాయిదా
AP: రాష్ట్రంలో రేపటి నుంచి ఈ నెల 25 వరకు చేపట్టాల్సిన ఈ-ఆఫీస్ అప్‌గ్రేడ్ ప్రక్రియను సీఈవో ముకేశ్ కుమార్ మీనా వాయిదా వేశారు. ప్రస్తుతం ఉన్న వెర్షన్‌తోనే విధులు నిర్వహించాలని అన్ని శాఖల HODలను ఆదేశించారు. కొత్త షెడ్యూల్‌ను త్వరలో వెల్లడిస్తామన్నారు. అప్‌గ్రేడ్ వల్ల ప్రభుత్వ శాఖల్లో ఫైళ్ల భద్రతకు ముప్పు ఉందంటూ ఇటీవల చంద్రబాబు ఈసీ, గవర్నర్‌కు లేఖ రాసిన విషయం తెలిసిందే.
News May 17, 2024
సీఎం కేజ్రీవాల్ ఇంటికి ఫోరెన్సిక్ బృందం
ఆమ్‌ ఆద్మీ పార్టీ ఎంపీ స్వాతి మాలీవాల్‌పై సీఎం కేజ్రీవాల్ వ్యక్తిగత సహాయకుడు బిభవ్‌ కుమార్ దాడి ఘటన తీవ్ర దుమారం రేపుతోంది. ఈ ఘటనపై కేసు నమోదు కాగా తాజాగా ఫోరెన్సిక్ బృందం కేజ్రీవాల్ నివాసానికి చేరుకుంది. ఎంపీ స్వాతిని కూడా సీఎం ఇంటికి తీసుకొచ్చిన పోలీసులు మే 13న జరిగిన ఘటనను రీ క్రియేట్ చేస్తున్నారు. ఈ ప్రక్రియలో కీలక ఆధారాలు సేకరించి తదుపరి చర్యలు చేపట్టే అవకాశముంది.
News May 17, 2024
టాస్ గెలిచిన హార్దిక్.. LSG బ్యాటింగ్
వాంఖడే వేదికగా ఇవాళ LSGతో జరుగుతున్న మ్యాచ్‌లో టాస్ గెలిచిన MI కెప్టెన్ హార్దిక్ పాండ్య బౌలింగ్ ఎంచుకున్నారు. ఈ సీజన్‌లో తొలిసారి సచిన్ కుమారుడు అర్జున్ MI టీమ్‌లో ఆడుతున్నారు.
LSG: KL రాహుల్, పడిక్కల్, స్టోయినిస్, హుడా, పూరన్, బదోనీ, కృనాల్, అర్షద్, హెన్రీ, బిష్ణోయ్, మోసిన్
MI: ఇషాన్, నమన్, సూర్య, బ్రెవిస్, హార్దిక్, వధేరా, షెపర్డ్, కాంబోజ్, పీయూష్ చావ్లా, అర్జున్ టెండూల్కర్, నువాన్ తుషార
News May 17, 2024
సౌత్ కొరియాలో జననాల రేటు పెంచడానికి మంత్రిత్వశాఖ
దక్షిణ కొరియాలో జననాల రేటు అత్యల్ప స్థాయి(0.72)కి పడిపోవడంతో దేశ ప్రధాని యూన్ సుక్ యోల్ నేషనల్ ఎమర్జెన్సీ ప్రకటించారు. ఈ సమస్యను పరిష్కరించడానికి మంత్రిత్వ శాఖను ఏర్పాటు చేశారు. దంపతులు తమ కెరీర్‌కు ప్రాధాన్యం ఇస్తూ పిల్లలు కనడానికి ఆసక్తి చూపడం లేదు. దీంతో వారిని ప్రోత్సహించడానికి భారీ ఆర్థిక సాయాన్ని ప్రభుత్వం అందిస్తోంది. కొన్ని కంపెనీలు కూడా ఉద్యోగులకు ప్రోత్సాహకాలు ఇస్తున్నాయి.
News May 17, 2024
అత్యధిక ఆదాయం పొందుతున్న అథ్లెట్లు వీరే.. కోహ్లీకి నో ఛాన్స్
అత్యధికంగా సంపాదిస్తున్న అథ్లెట్ల ఫోర్బ్స్-24 జాబితాలో ఫుట్‌బాల్ స్టార్ ప్లేయర్ క్రిస్టియానో రొనాల్డో అగ్ర స్థానంలో నిలిచారు. ఏడాదికి ఆయన $260 మిలియన్లు సంపాదిస్తున్నారు. ఈ జాబితాలో కోహ్లీకి స్థానం దక్కలేదు. టాప్10లో జోన్ రహ్మ్ ($218M), మెస్సీ (135M), లెబ్రాన్ జేమ్స్ (128.2M), జియానిస్ (111M), ఎంబాపే (110M), నెయ్‌మార్ (108M), బెంజెమా (106M), స్టీఫెన్ కర్రీ (102M), లామర్ జాక్సన్ ($100.5M) ఉన్నారు.
News May 17, 2024
‘మిరాయ్‌’ నుంచి మంచు మనోజ్ గ్లింప్స్ రెడీ
‘హనుమాన్’ తర్వాత యంగ్ హీరో తేజా సజ్జ నుంచి వస్తున్న సినిమా ‘మిరాయ్‌’. కార్తీక్ ఘ‌ట్ట‌మ‌నేని దర్శకత్వంతో తెరకెక్కుతున్న ఈ చిత్రం నుంచి మేకర్స్ మరో అప్‌డేట్ ఇచ్చారు. ఈ సినిమాలో మంచు మనోజ్ విలన్‌గా కనిపించనుండగా ఆయనకు సంబంధించిన ఫస్ట్ లుక్ గ్లింప్స్‌ను ఈ నెల 20న విడుదల చేయనున్నట్లు ప్రకటించారు. ఈ మేరకు మనోజ్ కత్తి పట్టుకుని ఉన్న పోస్టర్‌ను విడుదల చేశారు.
News May 17, 2024
టీఎస్ పీజీఈసెట్-2024 షెడ్యూల్‌లో మార్పులు
జూన్ 6 నుంచి 9 వరకు జరగాల్సిన టీఎస్ పీజీఈసెట్ పరీక్షలను జూన్ 10 నుంచి 13 వరకు నిర్వహించనున్నట్లు కన్వీనర్ అరుణ కుమారి తెలిపారు. స్టాఫ్ సెలక్షన్ కమిషన్, TSPSC గ్రూప్-1 ప్రిలిమినరీ పరీక్షల నేపథ్యంలో షెడ్యూల్‌లో స్వల్ప మార్పులు చేసినట్లు పేర్కొన్నారు.
News May 17, 2024
ఎమ్మెల్సీ దండె విఠల్‌కు సుప్రీంకోర్టులో ఊరట
BRS MLC దండె విఠల్ ఎన్నిక చెల్లదంటూ TS హైకోర్టు ఇచ్చిన తీర్పుపై సుప్రీంకోర్టు స్టే ఇచ్చింది. తదుపరి విచారణను జులైకి వాయిదా వేసింది. 2022లో ఆదిలాబాద్ స్థానిక సంస్థల MLCగా విఠల్ ఎన్నికయ్యారు. అయితే ఫోర్జరీ సంతకాలతో తన పేరిట నామినేషన్ ఉపసంహరణ పత్రాలు సమర్పించారని, విఠల్ ఎన్నిక చెల్లదంటూ కాంగ్రెస్ అభ్యర్థి రాజేశ్వర్ హైకోర్టును ఆశ్రయించారు. వాదనలు విన్న HC విఠల్ ఎన్నికల చెల్లదని ఇటీవల తీర్పునిచ్చింది.
Featured News
Sorry, no posts matched your criteria.