India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 4, 2024
Bihar: నితీశ్‌ను లాగేయడం కలిసొచ్చింది!
రాజకీయ రణరంగంలో ఎత్తుకు పైఎత్తులు వేయడం ఎంత ముఖ్యమో మళ్లీ నిరూపణ అయింది. బిహార్‌లో నితీశ్‌ను తమవైపు తిప్పుకోవడం బీజేపీకి చాలా కలిసొచ్చింది. లేదంటే యూపీ తరహాలో ఇక్కడా దెబ్బపడేది. ఈ రాష్ట్రంలో కులాలకు చాలా ప్రాధాన్యం ఉంది. ఈసీ వెబ్‌సైట్ ప్రకారం మొత్తం 40 సీట్లలో ఎన్డీయే పార్టీలైన జేడీయూ 15, బీజేపీ 13, ఎల్‌జేపీ 5 చోట్ల ఆధిక్యంలో ఉన్నాయి. ఇండియా కూటమి 6 స్థానాల్లో పోటీలో ఉంది.
News June 4, 2024
‘ప్లాన్ బీ’ అమ‌లు చేస్తున్న కాంగ్రెస్
ప్ర‌భుత్వ ఏర్పాటుకు కాంగ్రెస్ పార్టీ త‌న ప్లాన్ బీ అమ‌ల్లో పెట్టేసింది. మ్యాజిక్ ఫిగ‌ర్‌కు అతి స‌మీపంలో ఉన్న ఇండియా కూటమి వైపు మ‌రిన్ని ప్రాంతీయ పార్టీల‌ను ఆహ్వానించాల‌న్న ల‌క్ష్యంగా పావులు క‌దుపుతోంది. ఇందులో భాగంగా బిహార్‌లో సీఎం నితీశ్ కుమార్‌ను కాంగ్రెస్ నేత‌లు క‌లుస్తుండ‌డం ప్రాధాన్యం సంత‌రించుకుంది. అలాగే టీడీపీ అధినేత చంద్ర‌బాబుతో కూడా కాంగ్రెస్ మంత‌నాలు ప్రారంభించింది!
News June 4, 2024
BIG BREAKING: ఏపీలో బీజేపీ తొలి విజయం
ఏపీలో బీజేపీ బోణీ కొట్టింది. అనపర్తిలో బీజేపీ MLA అభ్యర్థి నల్లమిల్లి రామకృష్ణారెడ్డి విజయం సాధించారు. టీడీపీ నేతగా ఉన్న నల్లమిల్లికి ఆ పార్టీ టికెట్ ఇవ్వలేదు. దీంతో ఆయన కాషాయ పార్టీ నుంచి పోటీ చేసి గెలిచారు. ఏపీలో ప్రస్తుతం బీజేపీ 6 స్థానాల్లో ఆధిక్యంలో ఉంది.
News June 4, 2024
సిట్టింగ్ ఎంపీలు.. ఓడుతున్నారా? గెలుస్తున్నారా?
తెలంగాణలో పలువురు సిట్టింగ్ ఎంపీలు ఈ ఎన్నికల్లోనూ బరిలో ఉన్నారు. మహబూబాబాద్ నుంచి BRS అభ్యర్థి మాలోత్ కవిత, చేవెళ్లలో కాంగ్రెస్ అభ్యర్థి రంజిత్ రెడ్డి(గతంలో BRS), మహబూబ్‌నగర్‌లో మన్నె శ్రీనివాస్‌రెడ్డి(BRS) వెనుకంజలో ఉన్నారు. బీజేపీ సిట్టింగ్ ఎంపీలు సికింద్రాబాద్‌లో కిషన్‌రెడ్డి, నిజామాబాద్‌లో అర్వింద్, కరీంనగర్‌లో బండి సంజయ్ ఆధిక్యంలో దూసుకెళుతున్నారు.
News June 4, 2024
చంద్ర‌బాబుతో భేటీ కానున్న కేసీ వేణుగోపాల్?
టీడీపీ అధినేత చంద్ర‌బాబుతో కాంగ్రెస్ ప్రధాన కార్యదర్శి కేసీ వేణుగోపాల్ భేటీ కానున్నట్టు సమాచారం. ఎన్డీయేను 300 సీట్లు దాట‌నివ్వ‌కుండా శాయ‌శ‌క్తులా కృషి చేస్తున్న ఇండియా కూటమి త‌దుప‌రి ప్ర‌భుత్వాన్ని ఏర్పాటు చేసేందుకు అవ‌స‌ర‌మైన బ‌లాన్ని సంపాదించే ప‌నిలో ప‌డింది. అందులో భాగంగానే చంద్ర‌బాబును వేణుగోపాల్ క‌ల‌వ‌నున్న‌ట్టు తెలిసింది. ఇప్పుడు ఈ భేటీకి దేశ‌వ్యాప్తంగా రాజకీయ ప్రాధాన్య‌త ఏర్ప‌డింది.
News June 4, 2024
అజిత్ ఎన్సీపీకి షాక్.. 8 చోట్ల శరద్ ఎన్సీపీ లీడింగ్
మహారాష్ట్రలో NCP (SP) 10 స్థానాల్లో బరిలో నిలవగా 8 స్థానాల్లో ఆధిక్యంలో కొనసాగుతోంది. మరోవైపు అజిత్ పవార్ సారథ్యంలోని NCP 5 స్థానాల్లో పోటీ చేయగా కేవలం ఒక్క స్థానంలో(రాయిగఢ్) ముందంజలో ఉంది. ఆ రాష్ట్రంలో ఇండియా కూటమి 28 స్థానాల్లో, ఎన్డీఏ 17 చోట్ల లీడింగ్‌లో కొనసాగుతున్నాయి.
News June 4, 2024
ఎస్టీ నియోజకవర్గాల్లోనూ వైసీపీ డీలా
AP: ఎస్టీ నియోజకవర్గాల్లో ఈసారి వైసీపీ చతికిలపడింది. రాష్ట్రంలో ఏడు ఎస్టీ రిజర్వుడు(పాలకొండ, కురుపాం, సాలూరు, అరకువ్యాలీ, పాడేరు, రంపచోడవరం, పోలవరం) నియోజకవర్గాలున్నాయి. వీటిలో ప్రస్తుతం పాలకొండ, అరకు, పాడేరులో వైసీపీ అభ్యర్థులు లీడింగ్‌లో ఉన్నారు. మిగతా చోట్ల కూటమి అభ్యర్థులు ముందంజలో కొనసాగుతున్నారు. కాగా గత ఎన్నికల్లో ఈ ఏడు స్థానాలను వైసీపీ గెలుచుకుంది.
News June 4, 2024
నవ్వుతున్న PHOTO పోస్ట్ చేసిన మంత్రి రోజా
AP ఎన్నికల ఫలితాలు వెల్లడవుతున్న వేళ మంత్రి రోజా Xలో ఆసక్తికర పోస్ట్ చేశారు. ‘భయాన్ని విశ్వాసంగా, ఎదురుదెబ్బలను మెట్లుగా, మన్నింపులను నిర్ణయాలుగా, తప్పులను పాఠాలుగా నేర్చుకుని, మార్చుకునే వాళ్లే శక్తిమంతమైన వ్యక్తులుగా మారతారు’ అని ఈ ఉదయం Xలో ఆమె చెప్పుకొచ్చారు. ఎన్నికల్లో నగరి నుంచి ఆమె ఓటమి దిశగా పయనిస్తున్నారు.
News June 4, 2024
ఆ మూడు రాష్ట్రాలే ఆదుకుంటున్నాయి
లోక్‌సభ ఎన్నికల్లో ఎన్డీఏ కూటమికి మెజారిటీలో మూడు రాష్ట్రాలు కీలకంగా వ్యవహరిస్తున్నాయి. మధ్యప్రదేశ్‌లో క్లీన్‌స్వీప్ దిశగా సాగుతుండగా, గుజరాత్‌లో 24 స్థానాల్లో లీడింగ్‌లో ఉంది. బిహార్‌లోనూ NDA కూటమి 30కి పైగా స్థానాల్లో ఆధిక్యంలో ఉంది. ప్రస్తుతం ఇండియా కూటమిపై మెజారిటీలో ఈ రాష్ట్రాల్లోని ఆధిక్యమే(దాదాపు 80 స్థానాలు) కీలకంగా ఉంది.
News June 4, 2024
హ్యాట్రిక్ కొట్టిన నిమ్మల
ఏపీ అసెంబ్లీ ఎన్నికల్లో టీడీపీకి మూడో విజయం దక్కింది. ఉమ్మడి ప.గో. జిల్లా పాలకొల్లులో నిమ్మల రామానాయుడు 60వేల ఓట్లకు పైగా మెజారిటీతో విజయం సాధించారు. నిమ్మలకు వరుసగా ఇది మూడో విజయం. అటు ఇప్పటికే రాజమహేంద్రవరం రూరల్, సిటీల్లోనూ టీడీపీ గెలిచింది. వైసీపీ ఇంకా ఖాతా తెరవలేదు.
Featured News
Sorry, no posts matched your criteria.