India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 3, 2024
కూటమి ఏజెంట్లు సంయమనం కోల్పోవద్దు: CBN
AP: కౌంటింగ్ కేంద్రాల్లో కూటమి ఏజెంట్లు అప్రమత్తంగా వ్యవహరించాలని చంద్రబాబు సూచించారు. ‘లెక్కింపులో అనుమానం వస్తే వెంటనే ఆర్వోకు ఫిర్యాదు చేయాలి. అన్ని రౌండ్ల లెక్కింపు పూర్తయ్యే వరకు బయటకు రావొద్దు. పోలైన, లెక్కింపులో వచ్చిన ఓట్లను సరిచూసుకోవాలి. ఓటమిని తట్టుకోలేక వైసీపీ నేతలు హింసకు పాల్పడే ప్రమాదం ఉంది. కూటమి ఏజెంట్లు సంయమనం కోల్పోవద్దు’ అని టెలికాన్ఫరెన్స్‌లో చెప్పారు.
News June 3, 2024
HDFC ఖాతాదారులకు బిగ్ అలర్ట్
ఈనెల 4, 6న రెండు గంటల చొప్పున HDFC డెబిట్(ATM), క్రెడిట్, ప్రీపెయిడ్ కార్డుల సర్వీసులు నిలిచిపోనున్నాయి. 4న అర్ధరాత్రి 12.30 గంటల నుంచి 2.30 గంటల వరకు, 6న అర్ధరాత్రి 12.30 గంటల నుంచి 2.30 గంటల వరకు సేవల్లో అంతరాయం కలగనున్నట్లు ఖాతాదారులకు HDFC మెసేజ్‌లు పంపిస్తోంది. ఆయా సమయాల్లో సిస్టమ్‌ను అప్‌గ్రేడ్‌ చేయనున్నట్లు పేర్కొంది. మరి ఇలాంటి మెసేజ్ మీకూ వచ్చిందా?
News June 3, 2024
కింగ్ కోహ్లీ సిద్ధం
టీ20 వరల్డ్ కప్ ఆడేందుకు స్టార్ క్రికెటర్ విరాట్ కోహ్లీ భారత జట్టుతో ఆలస్యంగా చేరిన సంగతి తెలిసిందే. దీంతో బంగ్లాదేశ్‌తో జరిగిన వార్మప్ మ్యాచులోనూ ఆయన ఆడలేదు. ఈ క్రమంలో కొత్త జెర్సీలో కోహ్లీ ఫొటోలకు పోజులిచ్చారు. అవి సోషల్ మీడియాలో వైరల్ అవుతున్నాయి. దీంతో కింగ్ కోహ్లీ వరల్డ్ కప్ ఆడేందుకు సిద్ధమని ఫ్యాన్స్ కామెంట్లు చేస్తున్నారు.
News June 3, 2024
మీరు ఏ అసెంబ్లీ సీటు రిజల్ట్ కోసం ఆసక్తిగా ఎదురుచూస్తున్నారు?
AP: కుప్పం, పులివెందుల, పిఠాపురం, గన్నవరం, గుడివాడ, మంగళగిరి, గుంటూరు వెస్ట్, సత్తెనపల్లి, నగరి, గాజువాక, మాచర్ల.. ఇలా ఏపీ ఎన్నికల్లో హాట్ సీట్లు ఎన్నో. గత ఐదేళ్లలో జరిగిన రాజకీయ పరిణామాలతో ఈ స్థానాల ఫలితాలపై ప్రజల్లో తీవ్ర ఉత్కంఠ నెలకొంది. మరి మీరు ఏ అసెంబ్లీ సీటు రిజల్ట్ కోసం ఆత్రుతగా ఎదురుచూస్తున్నారో కామెంట్ చేయండి.
News June 3, 2024
తెలంగాణలో ఓట్ల లెక్కింపునకు ఏర్పాట్లు ఇలా
* 17 నియోజకవర్గాల్లో 525 మంది పోటీ
* ఉ.8కి కౌంటింగ్ ప్రారంభం
* 120 హాళ్లలో 1855 టేబుళ్లపై ఓట్ల లెక్కింపు
* 2.18లక్షల పోస్టల్ బ్యాలెట్ ఓట్ల లెక్కింపునకు 19 హాళ్లలో 276 టేబుళ్లు
* ఓట్ల లెక్కింపునకు సుమారు 10,000 మంది సిబ్బంది నియామకం
* కౌంటింగ్ కేంద్రాల వద్ద మూడంచెల భద్రత, సీసీ కెమెరాల నిఘా
* రాష్ట్రవ్యాప్తంగా 144 సెక్షన్, మద్యం షాపులు బంద్
News June 3, 2024
మరోసారి తండ్రయిన శివకార్తికేయన్
హీరో శివకార్తికేయన్ మరోసారి తండ్రయ్యారు. తన భార్య ఆర్తి నిన్న మగబిడ్డకు జన్మనిచ్చినట్లు ఆయన ట్వీట్ చేశారు. శివకార్తికేయన్-ఆర్తికి 2010లో వివాహమైంది. వారికి ఇప్పటికే కూతురు(ఆరాధన), కుమారుడు(గుగణ్) ఉన్నారు. ఇక శివకార్తికేయన్ ప్రస్తుతం రాజ్‌కుమార్ పెరియాస్వామి తెరకెక్కిస్తున్న ‘అమరన్’ మూవీలో నటిస్తున్నారు.
News June 3, 2024
T20 WC-2024 విజేతకు రికార్డ్ ప్రైజ్ మనీ
T20 WC-2024 విజేతకు $2.45m (₹20.36cr) ప్రైజ్ మనీ ఇవ్వనున్నట్లు ICC ప్రకటించింది. టోర్నీ చరిత్రలో ఇదే అత్యధికం అని పేర్కొంది. రన్నరప్‌కు $1.28m(₹10.64cr), సెమీస్‌లో ఓడిన జట్లకు ₹6.55cr చొప్పున ఇవ్వనుంది. సెకండ్ రౌండ్‌కి అర్హత సాధించని జట్లకు ₹3.18cr, 9-12స్థానాల్లో నిలిచిన వాటికి ₹2.06cr, 13-20 స్థానాల్లో నిలిచిన టీమ్స్‌కు ₹1.87cr దక్కనుంది. అలాగే ఒక్కో విజయానికి ₹25.9lakh బోనస్ లభించనుంది.
News June 3, 2024
జాగ్రత్త.. రేపు ఏపీలోని ఈ జిల్లాల్లో భారీ వర్షాలు
AP: రేపు పలు జిల్లాల్లో మోస్తరు నుంచి భారీ వర్షాలు కురిసే అవకాశం ఉందని రాష్ట్ర విపత్తుల నిర్వహణ సంస్థ వెల్లడించింది. శ్రీకాకుళం, విజయనగరం, పార్వతీపురం మన్యం, అల్లూరి, శ్రీ సత్యసాయి, YSR, అన్నమయ్య, చిత్తూరు, తిరుపతి, ఏలూరు, కృష్ణా, NTR, గుంటూరు, బాపట్ల, పల్నాడు, ప్రకాశం, నెల్లూరు, కర్నూలు, నంద్యాల, అనంతపురం జిల్లాల్లో వర్షాలు పడతాయని పేర్కొంది. లోతట్టు ప్రాంత ప్రజలు అప్రమత్తంగా ఉండాలని సూచించింది.
News June 3, 2024
SBI అరుదైన ఘనత
ప్రభుత్వ రంగ బ్యాంక్ స్టేట్ బ్యాంక్ ఆఫ్ ఇండియా అరుదైన ఘనత సాధించింది. ఇవాళ SBI షేర్లు రాణించడంతో బ్యాంక్ మార్కెట్ విలువ రూ.8 లక్షల కోట్లు దాటింది. దీంతో ఈ ఘనత అందుకున్న తొలి ప్రభుత్వ రంగ సంస్థగా నిలిచింది. ఇవాళ SBI షేర్ 9.48 శాతం పెరిగింది. గత ఏడాది ఈ షేర్ విలువ 40శాతం పెరగడం గమనార్హం. ఎన్డీఏకు సానుకూలంగా ఫలితాలు వస్తాయనే ఎగ్జిట్ పోల్స్ అంచనాతో ఇవాళ స్టాక్ మార్కెట్ లాభాల బాటలో దూసుకెళ్లింది.
News June 3, 2024
‘కల్కి’లో సీత?
ప్రభాస్, నాగ్ అశ్విన్ కాంబినేషన్లో తెరకెక్కుతోన్న సినిమా ‘కల్కి 2898 AD’. ఈ మూవీలో ఇప్పటికే అమితాబ్ బచ్చన్, కమల్ హాసన్, దీపికా పదుకొణె వంటి స్టార్లు భాగమయ్యారు. ఈ ప్రతిష్ఠాత్మక చిత్రంలో ‘సీతారామం’ ఫేమ్ మృణాల్ ఠాకూర్‌తో పాటు సీనియర్ నటి శోభన నటించనున్నట్లు తెలుస్తోంది. ప్రత్యేక పాత్రల్లో వీరిద్దరూ కనిపిస్తారని ఓ వార్త సోషల్ మీడియాలో హల్‌చల్ చేస్తోంది. దీనిపై మూవీ యూనిట్ క్లారిటీ ఇవ్వాల్సి ఉంది.
Featured News
Sorry, no posts matched your criteria.