India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 1, 2024
కొన్నేళ్లలో ఏటా 50 లక్షల కార్ల విక్రయాలు: టాటా మోటార్స్
కొన్నేళ్లలో దేశీయంగా ప్రయాణికుల వాహనాల(PV-కార్లు, SUVలు, వ్యాన్లు) అమ్మకాలు ఏడాదికి 50 లక్షలకు మించడం సాధ్యపడతుందని టాటా మోటార్స్ అంచనా వేస్తోంది. గతేడాది 41 లక్షల వాహనాలు అమ్ముడైన విషయాన్ని గుర్తు చేసింది. దేశంలో ప్రతి 1000 మందికి 30 వాహనాలు ఉన్నాయని టాటా గ్రూప్ ఛైర్మన్ చంద్రశేఖరన్ తెలిపారు. అంతర్జాతీయ సగటు కంటే ఇది తక్కువని, వృద్ధికి అవకాశాలున్నాయన్నారు. దీనిపై దృష్టి పెట్టినట్లు పేర్కొన్నారు.
News June 1, 2024
SBI ఉద్యోగుల లంచ్ బ్రేక్‌పై కస్టమర్ అసహనం.. బ్యాంక్ ఏమందంటే?
SBIలో ఉద్యోగులంతా ఒకేసారి లంచ్‌కు వెళ్లడంతో ఇబ్బంది పడ్డట్లు ఓ రాజస్థాన్ కస్టమర్ చేసిన పోస్ట్ వైరల్ అవుతోంది. ‘మ.3 గం.కు ఉద్యోగులంతా లంచ్‌కు వెళ్లారు. ఓ పక్క లంచ్ బ్రేక్ లేదని SBI చెబుతుంటే.. ఇదేంటి? ప్రపంచం మారినా మీ సర్వీసులు మారవు’ అని ఖాళీ సీట్ల ఫొటోను షేర్ చేశారు. ‘మీకు కలిగిన అసౌకర్యానికి చింతిస్తున్నాం. బ్రాంచ్ లోపల ఫొటోగ్రఫీ నిషిద్ధం. ఆ ఫొటోను డిలీట్ చేయండి’ అని SBI రిప్లై ఇచ్చింది.
News June 1, 2024
వీరప్పన్‌ ఎన్‌కౌంటర్‌లో భాగమైన పోలీస్ సస్పెండ్
స్మగ్లర్ వీరప్పన్‌ ఎన్‌కౌంటర్ టీమ్ సభ్యుడు, ASP వెల్లాదురైను హోంశాఖ సస్పెండ్ చేసింది. రిటైర్‌మెంట్‌కు ఒక్క రోజు ముందే ఆయనను సస్పెండ్ చేయడం చర్చనీయాంశంగా మారింది. 2013లో జరిగిన ఓ కేసుకు సంబంధించి ఆయనను సస్పెండ్ చేసినట్లు తెలుస్తోంది. ఆ కేసులో వెల్లాదురైను CB-CID నిందితుడిగా చేర్చటంతో ఈ నిర్ణయం తీసుకున్నట్లు సమాచారం. కాగా వెల్లాదురై తన టాలెంట్‌తో ఎస్ఐ స్థాయి నుంచి ఏఎస్పీ స్థాయి వరకు ఎదిగారు.
News June 1, 2024
విండ్‌ఫాల్ ట్యాక్స్ అంటే ఏమిటి?
ఏదైనా కంపెనీకి అకస్మాత్తుగా వచ్చే భారీ లాభాలపై అధిక పన్నును విధించడాన్ని <<13353544>>విండ్‌ఫాల్<<>> ట్యాక్స్ అంటారు. ఇది సాధారణ పన్నుకు అదనం. US, UK, మంగోలియా, చెక్ రిపబ్లిక్, ఆస్ట్రేలియా దేశాల్లో ఇది అమల్లో ఉంది. జులై 2022 నుంచి పెట్రోలియం ఎగుమతులపై ఇండియా కూడా ఈ పన్ను విధిస్తోంది. దీనివల్ల ప్రభుత్వానికి ఆదాయం పెరుగుతుంది. ముడి చమురు ధరలు పెరగడం, తగ్గడాన్ని బట్టి ట్యాక్స్‌లో మార్పులు ఉంటాయి.
News June 1, 2024
ఎగ్జిట్ పోల్స్ ఎక్స్‌క్లూజివ్‌గా వే2న్యూస్‌లో..
ఏపీలో సంక్షేమానికి ప్రజలు ఓటేశారా? ప్రభుత్వ మార్పును కోరుకున్నారా? తెలంగాణలో ఆరు నెలల్లో ప్రజల ఆలోచన మారిందా? డిసెంబర్ సీన్ రిపీట్ కానుందా?అంతేకాదు.. దేశవ్యాప్తంగా మోదీ మేనియా ఎంత మేరకు పనిచేసింది? కాంగ్రెస్ పట్ల ప్రజల అభిప్రాయం అలాగే ఉందా? ఇలా అన్ని అంశాలతో కంప్లీట్ ఎగ్జిట్ పోల్స్ ఈ సాయంత్రం నుంచి వే2న్యూస్‌లో చూడవచ్చు. ప్రతి సర్వే ఫలితాలతో పాటు అనాలసిస్‌ను వేగంగా, సరళంగా మన యాప్‌లో పొందండి.
News June 1, 2024
పెట్రోలియంపై విండ్‌ఫాల్ ట్యాక్స్ మరోసారి తగ్గింపు
ఒక మెట్రిక్ టన్ను పెట్రోలియంపై విండ్‌ఫాల్ ట్యాక్స్‌ను ₹5,700 నుంచి ₹5,200కు తగ్గిస్తూ కేంద్రం ప్రభుత్వం ఉత్తర్వులిచ్చింది. డీజిల్, విమాన ఇంధనంపై ఎలాంటి పన్ను లేదు. కేంద్రం పెట్రోలియంపై పన్నును మే 1న ₹9,600 నుంచి ₹8,400కు, మే 16న ₹5,700కు తగ్గించింది. ఇంధనాన్ని దేశీయంగా సరఫరా చేయడం కంటే అత్యధిక లాభాల కోసం ఎగుమతికి ప్రాధాన్యత ఇచ్చే ప్రైవేటు కంపెనీలపై కేంద్రం జులై 2022 నుంచి ఈ పన్ను విధిస్తోంది.
News June 1, 2024
విద్యాశాఖ కొత్త కార్యక్రమం.. ఇకపై విద్యార్థుల ఇళ్లకు టీచర్లు!
AP: 2024-25 విద్యాసంవత్సరం నుంచి స్కూళ్లు, జూనియర్ కాలేజీల్లో ‘పేరెంట్ టీచర్-హోం విజిట్’ అనే కార్యక్రమాన్ని ప్రభుత్వం అమలు చేయనుంది. ఇందులో భాగంగా టీచర్లు విద్యార్థుల ఇళ్లకు వెళ్లాల్సి ఉంటుంది. జూన్‌‌లో ఒకసారి, జనవరిలో మరోసారి పేరెంట్స్‌కు అనుకూలమైన వేళల్లో వారి ఇళ్లను సందర్శించాలి. విద్యార్థుల ప్రతిభను మెరుగుపరిచేందుకు సిద్ధం చేసిన ప్రణాళిక, బోధన తీరు, తీసుకోవాల్సిన జాగ్రత్తలను వారికి వివరించాలి.
News June 1, 2024
ఇవాళ బీఆర్ఎస్ నేతల క్యాండిల్ ర్యాలీ
TG: రాష్ట్ర ఆవిర్భావ దశాబ్ది వేడుకలను మూడు రోజుల పాటు నిర్వహించేందుకు BRS సిద్ధమైంది. దీనిలో భాగంగా ఇవాళ HYD గన్‌పార్క్‌లోని తెలంగాణ అమరవీరుల స్తూపం నుంచి సచివాలయం ముందున్న అమరజ్యోతి వరకు BRS నేతలు, కార్యకర్తలు క్యాండిల్ ర్యాలీ నిర్వహించనున్నారు. రేపు తెలంగాణ భవన్‌లో జరిగే కార్యక్రమానికి KCR అధ్యక్షత వహిస్తారు. బీఆర్ఎస్ హయాంలో రాష్ట్రంలో సాధించిన ప్రగతి ఇతర అంశాలపై ఆయన ప్రసంగించనున్నట్లు సమాచారం.
News June 1, 2024
కొత్త ప్రభుత్వంలో బియ్యం, చక్కెర ఎగుమతులపై సడలింపులు దక్కేనా?
కొత్త ప్రభుత్వంలో అగ్రికల్చర్ ట్రేడ్ పాలసీలపై మార్పులు ఉండాలని గ్లోబల్ మార్కెట్లు కోరుకుంటున్నాయి. చక్కెర, పలు రకాల బియ్యం ఎగుమతులపై మోదీ ప్రభుత్వం ఏడాదిగా ఆంక్షలు విధించిన విషయం తెలిసిందే. దేశీయ అవసరాలకు అందుబాటులో ఉంచడం, వినియోగదారుల ఖర్చుల తగ్గించడం కోసం ఈ నిర్ణయం తీసుకుంది. అలాగే గోధుమల దిగుమతిపై పన్ను సడలింపులనూ నిలిపివేసింది. కొత్త ప్రభుత్వం వీటిపై దృష్టిపెట్టాలని మార్కెట్లు ఆశిస్తున్నాయి.
News June 1, 2024
పుణే ప్రమాదం: మైనర్ తల్లి అరెస్ట్
దేశవ్యాప్తంగా సంచలనం సృష్టించిన పుణే కారు ప్రమాద ఘటనలో మైనర్ బాలుడి <<13342922>>తల్లి<<>>ని అరెస్ట్ చేసినట్లు పోలీసులు తెలిపారు. ఇవాళ నిందితుడి స్టేట్‌మెంట్‌ను రికార్డు చేయనున్నట్లు పేర్కొన్నారు. కాగా ఇప్పటికే ఈ ఘటనలో మైనర్ తండ్రి, తాతతో పాటు ఇద్దరు ఫోరెన్సిక్ వైద్యులను అరెస్ట్ చేసిన సంగతి తెలిసిందే.
Featured News
Sorry, no posts matched your criteria.