India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 24, 2024
AIతో ఉద్యోగాలు ఉండవు.. కానీ ఇది చెడు కాదు: ఎలాన్ మస్క్
రాబోయే రోజుల్లో ఆర్టిఫిషియల్ ఇంటెలిజెన్స్(AI) అన్ని ఉద్యోగాలనూ తొలగిస్తుందని, అయితే ఇదేమీ చెడు పరిణామం కాదని ప్రపంచ కుబేరుడు ఎలాన్ మస్క్ అభిప్రాయపడ్డారు. ‘భవిష్యత్తులో ఆప్షనల్‌గా ఉద్యోగాలు ఉండొచ్చు. మీరు హాబీగా జాబ్ చేయొచ్చు. లేదంటే AI, రోబోట్స్ మీకు కావాల్సిన సేవలను అందిస్తాయి. ఇదంతా విజయవంతం కావాలంటే అంతర్జాతీయ ఆదాయం పెరగాలి. టెక్నాలజీని కంపెనీలు బాధ్యతాయుతంగా ఉపయోగించుకోవాలి’ అని పేర్కొన్నారు.
News May 24, 2024
విరుష్క జోడీకి నాలుగింతల లాభం
విరాట్ కోహ్లీ, అనుష్క శర్మ జంటకు లాభాల పంట పండింది. వీరు నాలుగేళ్ల కిందట గో డిజిట్ ఇన్సూరెన్స్ లిమిటెడ్‌లో ఒక్కో షేరు రూ.75తో 3,33,334 షేర్లను కొనుగోలు చేశారు. మొత్తం రూ.2.50 కోట్ల పెట్టుబడి పెట్టారు. ఇప్పుడు ఆ స్టాక్ విలువ రూ.300 దాటింది. దీంతో వారి లాభం నాలుగింతలు పెరిగి రూ.10 కోట్లకు చేరింది.
News May 24, 2024
ఒకే ప్లాట్‌ఫామ్‌పై రెండు రైళ్లు!
AP: వైజాగ్‌ రైల్వే స్టేషన్‌లో వింత పరిస్థితి నెలకొంది. ఒకే ప్లాట్‌ఫామ్‌పై ఒకే సమయంలో 2 రైళ్లు ఒకదాని వెనక మరొకటి నిలుస్తున్నాయి. దీంతో ఆ రైళ్లలో ప్రయాణించాల్సిన ప్రయాణికులు తీవ్ర గందరగోళానికి గురవుతున్నారు. విశాఖ-భువనేశ్వర్ ఇంటర్ సిటీ, విశాఖ-దుర్గ్ రైలు బోగీలను ఒకదాని వెనుక ఒకటి నిలుపుతున్నారు. చాలా మంది కనిపిస్తున్న బోగిల్లోకి ఎక్కేస్తున్నారు. మళ్లీ తాము ఎక్కాల్సిన రైలు ఇది కాదని దిగుతున్నారు.
News May 24, 2024
‘పుష్ప 2’లో త్రిప్తి దిమ్రీ ఐటెమ్ సాంగ్?
ఐకాన్ స్టార్ అల్లు అర్జున్ హీరోగా నటిస్తున్న ‘పుష్ప 2’లో బాలీవుడ్ నటి త్రిప్తి దిమ్రీ నటించనున్నట్లు తెలుస్తోంది. ఈ సినిమాలో త్రిప్తి ఐటెమ్ సాంగ్ చేయనున్నట్లు సమాచారం. త్వరలోనే ఈ సాంగ్‌ను తెరకెక్కించనున్నట్లు టాక్. సుకుమార్ తెరకెక్కిస్తున్న ఈ మూవీలో రష్మిక మందన్న హీరోయిన్‌గా నటిస్తున్నారు. దేవిశ్రీ ప్రసాద్ మ్యూజిక్ అందిస్తున్నారు. ఫహాద్ ఫాజిల్, సునీల్, అనసూయ, ధనంజయ కీలక పాత్రలు పోషిస్తున్నారు.
News May 24, 2024
తెలంగాణలో నకిలీ మందుల కలకలం
TG: ప్రముఖ కంపెనీల లేబుళ్లతో మెడికల్ షాపుల్లో నకిలీ మందులు అమ్ముతున్నట్లు రాష్ట్ర డ్రగ్స్ కంట్రోల్ అడ్మినిస్ట్రేషన్ తనిఖీల్లో తేలింది. కాలం చెల్లిన మందులు, లైసెన్స్‌ల్లేని షాపులతో పాటు కొన్ని మెడిసిన్లు అధిక ధరకు అమ్ముతున్నట్లు నిర్ధారించింది. ఇవి హిమాచల్, ఉత్తరాఖండ్ నుంచి వస్తున్నట్లు గుర్తించింది. అసలైనవేవో, కల్తీవేవో తెలియని దుస్థితి తెచ్చి.. ప్రజారోగ్యంతో చెలగాటం ఆడుతూ షాపులు నడుపుతున్నారంది.
News May 24, 2024
అభిమానులతో సరదాగా గడిపిన రోహిత్
టీమ్ ఇండియా కెప్టెన్ రోహిత్ శర్మ ఖాళీ సమయాన్ని ఎంజాయ్ చేస్తున్నారు. తన అభిమానులతో ఆయన సరదాగా గడుపుతున్నారు. వారితో సెల్ఫీలు దిగుతూ కనిపిస్తున్నారు. ఇందుకు సంబంధించిన ఫొటోలు సోషల్ మీడియాలో వైరల్‌గా మారాయి. కాగా టీ20 వరల్డ్ కప్ కోసం రేపు రోహిత్ అమెరికా వెళ్లనున్నట్లు తెలుస్తోంది. ఆయనతోపాటు మరికొందరు ఆటగాళ్లు కూడా యూఎస్ విమానం ఎక్కనున్నట్లు సమాచారం.
News May 24, 2024
ఇబ్రాహీం రైసీ హెలికాప్టర్ ప్రమాదంపై తొలి నివేదిక
ఇరాన్ ప్రెసిడెంట్ ఇబ్రాహీం రైసీ హెలికాప్టర్ ప్రమాదంపై ఆ దేశ ఆర్మీ తొలి నివేదిక విడుదల చేసింది. హెలికాప్టర్ ముందుగా నిర్ణయించిన మార్గంలోనే ప్రయాణించిందని, రూట్ దాటి వెళ్లలేదని తెలిపింది. ప్రమాదానికి 90sec ముందు ఆ చాపర్ పైలట్ కాన్వాయ్‌లోని ఇతర హెలికాప్టర్లను కాంటాక్ట్ చేశారని పేర్కొంది. శకలాల్లో బుల్లెట్లు, పేలుడు పదార్థాల ఆధారాలు కనిపించలేదని, కొండను ఢీకొని చాపర్‌లో మంటలు చెలరేగాయని వివరించింది.
News May 24, 2024
నేడు మాచర్లకు పిన్నెల్లి సోదరులు?
AP: ఈవీఎం ధ్వంసం కేసులో హైకోర్టు ముందస్తు బెయిల్ ఇవ్వడంతో వైసీపీ ఎమ్మెల్యే పిన్నెల్లి రామకృష్ణారెడ్డి ఇవాళ మాచర్లకు వస్తారని అనుచరులు చెబుతున్నారు. ఆయన సోదరుడు వెంకట్రామిరెడ్డి కూడా అజ్ఞాతం వీడతారని తెలుస్తోంది. అల్లర్ల తర్వాత వీరు రాష్ట్రాన్ని వీడిన విషయం తెలిసిందే. మరోవైపు మాచర్లలో 144 సెక్షన్ కొనసాగుతోంది. శాంతిభద్రతలకు విఘాతం కలగకుండా పోలీసులు ఆంక్షలు కొనసాగిస్తున్నారు.
News May 24, 2024
దారుణం.. ఇజ్రాయెల్ మహిళా సైనికులపై చిత్రహింసలు
ఇజ్రాయెల్ మహిళా సైనికులను చిత్రహింసలు పెడుతున్న వీడియోను హమాస్ ఉగ్రవాదులు తాజాగా విడుదల చేశారు. అందులో వారి ముఖంపై తీవ్ర గాయాలు కనిపించాయి. కొందరు నడవలేని స్థితిలో ఉండగా వారి కాళ్లను కట్టేసి జీపులో ఎక్కిస్తున్న దృశ్యాలు భయబ్రాంతులకు గురి చేస్తున్నాయి. గతేడాది అక్టోబర్‌లో ఇజ్రాయెల్‌పై దాడి చేసిన మిలిటెంట్లు.. 250 మందిని బందీలుగా ఎత్తుకెళ్లారు. అందులో హమాస్ చెరలో ఐదుగురు మహిళా సైనికులున్నారు.
News May 24, 2024
రాహుల్‌ను చిక్కుల్లోకి నెట్టిన లాంగర్
భారత హెడ్‌కోచ్ పదవిపై జస్టిన్ లాంగర్ చేసిన వ్యాఖ్యలు చర్చనీయాంశంగా మారాయి. ‘భారత కోచ్ బాధ్యతలు ఎలా ఉంటాయన్న విషయంపై KL రాహుల్‌తో చర్చించా. IPL కంటే వేల రెట్లు ఒత్తిడి, రాజకీయాలను ఎదుర్కోవాల్సి ఉంటుందని చెప్పారు. అందుకే హెడ్ కోచ్ పదవికి పోటీ నుంచి తప్పుకున్నా’ అంటూ లాంగర్ ఓ ఇంటర్వ్యూలో చెప్పారు. రాహుల్‌కు అలా ఎందుకు అనిపించింది? నిజంగా లాంగర్‌కు చెప్పారా? అన్నది క్రీడా వర్గాల్లో సంచలనంగా మారింది.
Featured News
Sorry, no posts matched your criteria.