India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 24, 2024
LS ఎలక్షన్స్: రేపు 58 స్థానాల్లో పోలింగ్
లోక్‌సభ ఎన్నికల ఆరో విడతలో భాగంగా 6 రాష్ట్రాలు, రెండు UTల్లోని 58 స్థానాలకు రేపు పోలింగ్ జరగనుంది. యూపీలో 14, హరియాణా 10, బిహార్ 8, పశ్చిమ బెంగాల్ 8, ఢిల్లీ 7, ఒడిశా 6, ఝార్ఖండ్ 4, జమ్మూ కశ్మీర్‌లో ఒక స్థానానికి ఓటర్లు తీర్పునివ్వనున్నారు. ఇప్పటివరకు 5 విడతల్లో 25 రాష్ట్రాలు/UTల్లోని 428 నియోజకవర్గాలకు ఓటింగ్ పూర్తయింది. రేపటితో ఈ సంఖ్య 486కు చేరుకోనుంది.
News May 24, 2024
జూన్ 1న గ్రూప్-1 హాల్ టికెట్లు
TG: జూన్ 9న జరగనున్న గ్రూప్-1 ప్రిలిమినరీ పరీక్ష హాల్ టికెట్లు జూన్ 1 నుంచి అందుబాటులో ఉంటాయని TGPSC వెల్లడించింది. ఈసారి భారీగా(4.03లక్షలు) దరఖాస్తులు రావడంతో OMR పద్ధతిలో పరీక్ష నిర్వహించాలని నిర్ణయించింది. ఉ.10:30 నుంచి మ.ఒంటి గంట వరకు పరీక్ష జరగనుండగా, అభ్యర్థులకు బయోమెట్రిక్ తప్పనిసరి అని అధికారులు తెలిపారు. బయోమెట్రిక్‌లో సమస్య ఉంటే అభ్యర్థి ఫొటో, ఇంక్ ప్యాడ్ ద్వారా వేలిముద్ర తీసుకుంటారు.
News May 24, 2024
ఇకపై ఆన్‌లైన్‌లో ఇంటర్ ప్రశ్నపత్రాల మూల్యాంకనం
AP: ఇంటర్ ప్రశ్నపత్రాల మూల్యాంకనాన్ని ఆన్‌లైన్‌లో నిర్వహించేలా ఇంటర్మీడియట్ విద్యామండలి కొత్త విధానం తీసుకురానుంది. ప్రస్తుత సప్లిమెంటరీ పరీక్షల నుంచే దీన్ని ప్రారంభిస్తారు. ఒక్కో అధ్యాపకుడు తమకు పంపిన 50 ప్రశ్నపత్రాలను.. వారి కళాశాలల్లో CC కెమెరాల పర్యవేక్షణలో దిద్దాల్సి ఉంటుంది. వేర్వేరు ప్రాంతాలకు చెందిన ఇద్దరితో ఒక్కో పేపర్ మూల్యాంకనం చేయిస్తారు. అత్యధిక మార్కుల్ని పరిగణనలోకి తీసుకుంటారు.
News May 24, 2024
‘ఇంపాక్ట్’ లేకున్నా భారీ స్కోర్లు నమోదయ్యేవి: అశ్విన్
ఐపీఎల్‌లో ఇంపాక్ట్ రూల్ వల్లే భారీ స్కోర్లు నమోదవుతున్నాయని అనుకోవడానికి లేదని బౌలర్ రవిచంద్రన్ అశ్విన్ అభిప్రాయపడ్డారు. ‘ఈ రూల్ లేకపోయినా భారీ స్కోర్లు నమోదయ్యేవి. బ్యాటర్లు చాలా ఆత్మవిశ్వాసంతో ఆడుతున్నారు. పిచ్‌లు ఎక్కడైనా సరే ప్రామాణికంగానే తయారు చేస్తారు. అందుకే బౌలర్లు సైతం బ్యాటింగ్‌ స్కిల్స్‌పై దృష్టి సారించాలి. అప్పుడే మనం అనుకునే దిశగా మ్యాచ్ సాగుతుంది’ అని వ్యాఖ్యానించారు.
News May 24, 2024
లోక్‌సభ బరిలో 121 మంది నిరక్షరాస్యులు
దేశవ్యాప్తంగా లోక్‌సభకు పోటీ చేస్తున్న అభ్యర్థుల్లో 121 మంది నిరక్షరాస్యులు ఉన్నట్లు అసోసియేషన్ ఫర్ డెమోక్రటిక్ రిఫార్మ్స్ వెల్లడించింది. 359 మంది ఐదో తరగతి వరకు, 647 మంది 8వ తరగతి వరకు, 1303 మంది 12వ తరగతి, 1502 మంది అభ్యర్థులు డిగ్రీ, 198 మంది అభ్యర్థులు డాక్టరేట్లు ఉన్నట్లు పేర్కొంది. పలువురు తమ విద్యార్హతలను వెల్లడించలేదు. కాగా మిగిలిన ఆరు, ఏడు దశల ఎన్నికలు మే 25, జూన్ 1 జరగనున్నాయి.
News May 24, 2024
ఉక్రెయిన్‌పై క్షిపణులతో విరుచుకుపడ్డ రష్యా
ఉక్రెయిన్‌లోని ఖర్కీవ్ నగరంపై రష్యా భారీ క్షిపణులతో విరుచుకుపడింది. ఈ దాడుల్లో ఏడుగురు చనిపోగా, 16 మందికి గాయాలైనట్లు ఉక్రెయిన్ తెలిపింది. దీనిపై ఆ దేశ అధ్యక్షుడు జెలెన్ స్కీ తీవ్రంగా స్పందించారు. రష్యాది అతి కిరాతకమైన చర్యగా పేర్కొన్నారు. తమకు పాశ్చాత్య దేశాల నుంచి తగిన సహకారం లభించడం లేదని నిట్టూర్చారు. రష్యా వైమానిక దాడుల్ని ఎదుర్కునేలా తగినన్ని రక్షణ వ్యవస్థల్ని అందించడం లేదని అన్నారు.
News May 24, 2024
టీమ్ఇండియా హెడ్‌కోచ్ జీతం ఎంత?
ఇటీవల టీమ్ఇండియా హెడ్‌కోచ్ పదవి కోసం BCCI విడుదల చేసిన ప్రకటనలో జీతం విషయాన్ని పేర్కొనలేదు. వేతనం గురించి చర్చించుకోవచ్చని, అనుభవం ఆధారంగా నిర్ణయిస్తామని తెలిపింది. అయితే ప్రస్తుతం కోచ్‌గా ఉన్న రాహుల్ ద్రవిడ్‌కు బీసీసీఐ ఏడాదికి రూ.12 కోట్లు చెల్లిస్తోంది. ద్రవిడ్‌కు ముందు రవిశాస్త్రి కూడా ఏడాదికి రూ.8 కోట్లు అందుకున్నట్లు సమాచారం. ఈ లెక్కన ఈసారి హెడ్‌కోచ్‌కు భారీ ప్యాకేజ్ దక్కే అవకాశముంది.
News May 24, 2024
ENGLISH LEARNING: SYNONYMS
Captivate: Charm, fascinate
Deliberate: cautious, intentional
Guile: cunning, deceit
Frugality: economy, providence
Malice: Vengefulness, grudge
Remnant: Residue, piece
Tranquil: Amicable, Calm
Yell: shout, shriek
Zest: delight, enthusiasm
News May 24, 2024
ప్రభుత్వ విధానాలు నచ్చకే ప్రధానిపై కాల్పులు జరిపా: నిందితుడు
ప్రభుత్వ విధానాలు నచ్చకపోవడం వల్లే స్లోకేవియా ప్రధాని రాబర్ట్ ఫికో(59)పై కాల్పులు జరిపినట్లు నిందితుడు(71) పోలీసుల విచారణలో తెలిపారు. తన చర్యపై పశ్చాత్తాప పడుతున్నానని.. ప్రధానిని క్షమాపణ కోరేందుకు సిద్ధంగా ఉన్నట్లు పేర్కొన్నాడు. రష్యాతో యుద్ధం చేస్తున్న ఉక్రెయిన్‌కు సాయం చేయాలన్నది అతని ప్రధాన డిమాండ్‌గా ఉంది. ఈ నెల 15న ఫికోపై కాల్పులు జరిగిన సంగతి తెలిసిందే. ప్రస్తుతం PM చికిత్స పొందుతున్నారు.
News May 24, 2024
ఏబీ వెంకటేశ్వరరావు సస్పెన్షన్ వ్యవహారంపై విచారణ
AP: సీనియర్ IPS అధికారి ఏబీ వెంకటేశ్వరరావు సస్పెన్షన్ వ్యవహారంపై విచారణ జరిపిన హైకోర్టు తీర్పును రిజర్వు చేసింది. ఆయన సస్పెన్షన్‌ను రద్దు చేస్తూ క్యాట్ ఇచ్చిన ఉత్తర్వులను ప్రభుత్వం హైకోర్టులో సవాలు చేసింది. క్యాట్ ఉత్తర్వులు హేతుబద్దంగా లేవని GOVT తరఫు న్యాయవాది వాదించారు. ఒకే అభియోగంపై రెండు సార్లు సస్పెండ్ చేయడం చట్ట విరుద్ధమని క్యాట్ తేల్చినట్లు వెంకటేశ్వరరావు తరఫు లాయర్ కోర్టుకి తెలిపారు.
Featured News
Sorry, no posts matched your criteria.