India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 23, 2024
BIG BREAKING: డ్రగ్స్ టెస్టులో హేమకు పాజిటివ్
బెంగళూరు రేవ్ పార్టీ కేసులో సంచలన విషయాలు వెలుగులోకి వచ్చాయి. పార్టీలో పాల్గొన్న మొత్తం 98 మందికి టెస్టులు చేయగా, 87 మంది డ్రగ్స్ తీసుకున్నట్లు తేలింది. వారిలో సినీ నటీమణులు హేమ, ఆషీరాయ్‌, పార్టీ నిర్వహించిన వాసు తదితరులు ఉన్నారు. వారందరికీ బెంగళూరు పోలీసులు నోటీసులు పంపనున్నారు.
News May 23, 2024
జగన్‌పై దాడి.. నిందితుడి బెయిల్ పిటిషన్ విచారణ 27కు వాయిదా
AP: సీఎం జగన్‌పై రాయి దాడి కేసులో నిందితుడు సతీశ్ బెయిల్ పిటిషన్‌పై ఇవాళ విజయవాడ కోర్టులో విచారణ జరిగింది. పోలీసులు కౌంటర్ దాఖలు చేయగా, సమాధానం ఇచ్చేందుకు మరింత సమయం కావాలని నిందితుడి తరఫు లాయర్ న్యాయమూర్తిని కోరారు. దీంతో తదుపరి విచారణను ఈ నెల 27కు వాయిదా వేశారు. ప్రస్తుతం సతీశ్ రిమాండ్ ఖైదీగా జైలులో ఉన్న విషయం తెలిసిందే.
News May 23, 2024
కేంద్రానికి ఎక్కువ ఇచ్చి RBI భారం వేసుకుందా?
కేంద్రానికి ఇచ్చిన రూ.2.1లక్షల కోట్ల భారీ డివిడెండ్‌తో RBIపై భారం పడే అవకాశం ఉందంటున్నారు నిపుణులు. అప్పులు తగ్గించి ఈ నిధిని వాడుకుంటే ద్రవ్యలోటు తగ్గినా ఆ ప్రభావంతో ప్రభుత్వ, కార్పొరేట్ బాండ్స్ విలువ తగ్గొచ్చట. ఒకవేళ ఈ మొత్తాన్ని కేంద్రం సబ్సిడీలకు వినియోగిస్తే ద్రవ్యోల్బణం పెరిగే ఛాన్స్ ఉంది. ఈ నేపథ్యంలో కేంద్రం ఎలా ఖర్చు చేసినా ఎకానమీపై ప్రభావం పడకుండా మేనేజ్ చేయడం RBIకి సవాల్‌గా మారనుందట.
News May 23, 2024
ఒడిశాలోని రత్న భండార్‌కు తమిళనాడుతో లింకేంటి?
ఒడిశాలోని పూరీ జగన్నాథ్ ఆలయ రత్న భండార్ తాళం తమిళనాడుకు వెళ్లిందని మోదీ అనడం, దాన్ని CM స్టాలిన్ తీవ్రంగా ఖండించడం హాట్ టాపిక్‌గా మారింది. తమిళనాడుకు చెందిన మాజీ ఐఏఎస్ కార్తీక్ పాండియన్ ఒడిశాలో పని చేసినప్పుడు CM నవీన్‌ పట్నాయక్‌కి సన్నిహితుడిగా ఎదిగారు. దీంతో తాను పదవిలో ఉన్నప్పుడు రత్న భండార్ తాళం తన స్వరాష్ట్రమైన తమిళనాడుకు పంపించారని.. ఆయనను ఉద్దేశిస్తూ మోదీ ఆరోపణలు చేశారు.
News May 23, 2024
జూన్ 5 తర్వాత BRS దుకాణం బంద్: కోమటిరెడ్డి
TG: ఎన్నికల ఫలితాల తర్వాత జూన్ 5న బీఆర్ఎస్ దుకాణం మూతపడుతుందని మంత్రి కోమటిరెడ్డి వెంకట్‌రెడ్డి అన్నారు. ఎన్నికల ఫలితాల అనంతరం ఆ పార్టీ కార్యకర్తలే నేతలను వెంటపడి కొడతారని ఎద్దేవా చేశారు. ‘పదేళ్లపాటు రాష్ట్రాన్ని బీఆర్ఎస్ అడ్డగోలుగా దోచుకుంది. అది చాలక కేసీఆర్ కుటుంబం ఢిల్లీకి కూడా వెళ్లింది. ఏం అవినీతి చేయకుండానే కవితపై 8 వేల పేజీల ఛార్జిషీట్ దాఖలు చేశారా?’ అని ఆయన ప్రశ్నించారు.
News May 23, 2024
కౌంటింగ్ రోజున ర్యాలీలు, ఊరేగింపులపై నిషేధం
AP: వచ్చే నెల 4న ఎన్నికల కౌంటింగ్ నేపథ్యంలో పలు జిల్లాల ఎస్పీలు కీలక నిర్ణయం తీసుకున్నారు. ఆ రోజున ర్యాలీలు, ఊరేగింపులకు అనుమతులు రద్దు చేస్తున్నట్లు ప్రకటించారు. అలాగే బాణసంచా విక్రయంపై కూడా నిషేధం విధిస్తున్నట్లు పేర్కొన్నారు. టపాసులు విక్రయించినా, కాల్చినా బాధ్యులపై కేసులు నమోదు చేయనున్నట్లు తెలిపారు. శాంతి భద్రతలకు విఘాతం కలిగించే వారిపై కఠిన చర్యలు తీసుకుంటామని హెచ్చరించారు.
News May 23, 2024
కొత్త ప్రభుత్వం ఏర్పడ్డాకే వీఐ నిధుల సమీకరణ?
కొత్త ప్రభుత్వం ఏర్పాటై పరిస్థితులపై క్లారిటీ వచ్చే వరకు వొడాఫోన్ ఐడియా నిధుల సమీకరణకు విరామం ఇవ్వనున్నట్లు తెలుస్తోంది. మరిన్ని బాకీలను షేర్ల రూపంలో చెల్లించడంపై అప్పటికి స్పష్టత వస్తుందని వ్యాపార వర్గాలు పేర్కొంటున్నాయి. కాగా సంక్షోభం నుంచి బయటపడేందుకు ఇప్పటికే షేర్ల విక్రయం ద్వారా వీఐ రూ.20వేల కోట్లు సేకరించింది. లోన్ సహా పలు మార్గాల్లో మరో రూ.35వేల కోట్లు పోగుచేయాలని భావిస్తోంది.
News May 23, 2024
కోహ్లీ IPL ట్రోఫీకి అర్హుడు.. RCBని వీడాలి: KP
ఎలిమినేటర్‌లో RCB ఓటమిపై స్పందిస్తూ ఇంగ్లండ్ క్రికెట్ దిగ్గజం కెవిన్ పీటరన్స్.. కోహ్లీ IPL ట్రోఫీకి అర్హుడని, అతడు RCBని వీడాలని కోరారు. ‘గతంలో చెప్పా, మళ్లీ చెబుతున్నా.. గొప్ప ఆటగాళ్లు జట్లను వీడి కీర్తి గడించారు. కోహ్లీ ఈసారీ ఆరెంజ్ క్యాప్ సాధించారు. అయినా జట్టు ఫెయిలైంది. అతడు హోమ్ టీమ్ ఢిల్లీలో చేరాలి’ అని KP అన్నారు. ఈ సీజన్‌లో కోహ్లీ 741రన్స్‌తో టాప్ స్కోరర్‌గా ఉన్న విషయం తెలిసిందే.
News May 23, 2024
పిన్నెల్లి పరారీ వెనుక IPS హస్తం?
AP: మాచర్ల YCP MLA పిన్నెల్లి రామకృష్ణారెడ్డి పరారీ వెనుక ఓ సీనియర్ IPS అధికారి ఉన్నట్లు తెలుస్తోంది. వీరిద్దరికీ మరో సీనియర్ IAS అధికారి సహకరించినట్లు సమాచారం. పోలీసుల కదలికలను ఆ IPS ఎప్పటికప్పుడు పిన్నెల్లికి చేరవేస్తున్నట్లు టాక్. మరోవైపు హౌస్ అరెస్ట్‌లో ఉన్నప్పుడు కూడా పిన్నెల్లి తప్పించుకోవడానికి స్థానిక పోలీసులు సహకరించారని తెలుస్తోంది. కానిస్టేబుళ్లు, SI, SB అధికారులు సాయం చేసినట్లు టాక్.
News May 23, 2024
BCCI నన్ను సంప్రదించింది.. కానీ: పాంటింగ్
భారత జట్టుకు కోచ్‌గా ఉండేందుకు తాను ఆసక్తిగా ఉన్నానో లేదో తెలుసుకునేందుకు BCCI తనను సంప్రదించిందని రికీ పాంటింగ్ వెల్లడించారు. ‘జాతీయ జట్టుకు కోచ్‌గా ఉండటం నాకిష్టమే. కానీ నా ప్రస్తుత లైఫ్ స్టైల్‌కి అది సెట్ కాదు. కోచ్ అంటే ఏడాదిలో 10-11 నెలలు టీమ్‌తోనే ఉండాలి. IPLలోనూ పని చేయకూడదు. అంతేకాకుండా నేను నా ఇంటి వద్ద ఎక్కువ టైమ్ గడపాలనుకుంటున్నా. అందుకే ఈ ఆఫర్‌ను కాదనుకున్నా’ అని తెలిపారు.
Featured News
Sorry, no posts matched your criteria.