India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 20, 2024
LS PHASE 5: ‘అయోధ్య’ ఓటు ఎవరికి? – 1/2
ఐదో విడత పోలింగ్‌లో యూపీలోని ఫైజాబాద్ ఎంపీ స్థానంపై రాజకీయ వర్గాల్లో ఆసక్తి నెలకొంది. అయోధ్య దీని పరిధిలో ఉండటమే కారణం. రామమందిరం ప్రభావంతో మరోసారి గెలుస్తామని BJP ధీమాగా ఉంది. అయితే ఇక్కడ దళిత ఓటర్లది (26%) కీలక పాత్ర. BJP ఎంపీ లల్లూ సింగ్‌కు పోటీగా అవధేశ్ ప్రసాద్‌ను SP బరిలోకి దింపింది. దళిత నేత అయిన ఈయనకు ముస్లిం, యాదవ వర్గాల మద్దతు ఉంటుందనేది విశ్లేషకుల అంచనా. <<-se>>#Elections2024<<>>
News May 20, 2024
వర్క్ హార్స్.. అత్యంత సమర్థవంతమైన హెలికాప్టర్
ఇరాన్ అధ్యక్షుడు ఇబ్రహీం రైసీ ప్రయాణించిన హెలికాప్టర్(బెల్-212)ను USకు చెందిన బెల్ టెక్స్‌ట్రాన్ కంపెనీ తయారు చేసింది. ఇందులో సిబ్బంది సహా గరిష్ఠంగా 15 మంది ప్రయాణించవచ్చు. రెండు బ్లేడ్లతో ఉండే ఈ హెలికాప్టర్‌ను పౌర, వాణిజ్య, సైనిక అవసరాల కోసం వినియోగించుకునేలా రూపొందించారు. కంపెనీ తయారుచేసే కీలక మోడళ్లలో ఇదీ ఒకటి. అత్యంత సమర్థవంతమైనదిగా భావించే ఈ హెలికాప్టర్‌కు ‘వర్క్ హార్స్’గా పేరుంది.
News May 20, 2024
విమాన ప్రమాదాల్లో చనిపోయిన దేశాధినేతలు వీరే..
హెలికాప్టర్ ప్రమాదంలో ఇరాన్ అధ్యక్షుడు ఇబ్రహీం రైసీ <<13279352>>దుర్మరణం<<>> పాలయ్యారు. గతంలోనూ పలువురు దేశాధినేతలు ఇలాంటి ఘటనల్లో మరణించారు. 1936-స్వీడన్ PM లిండ్‌మాన్, 1957- ఫిలిప్పీన్స్ అధ్యక్షుడు రామన్ మెగసెసే, 1958-బ్రెజిల్ ప్రెసిడెంట్ నెరేయు, 1966-ఇరాక్ అధ్యక్షుడు ఆరిఫ్, 1967-బ్రెజిల్ ప్రెసిడెంట్ బ్రాంకో, 1987-లెబనాన్ PM రషీద్, 1988-పాక్ ప్రెసిడెంట్ జియా ఉల్ హక్ కన్నుమూశారు.
News May 20, 2024
తెలంగాణ ఈసెట్ ఫలితాలు విడుదల
తెలంగాణ ఈసెట్ ఫలితాలను ఉన్నత విద్యామండలి ఛైర్మన్ లింబాద్రి విడుదల చేశారు. దీని ద్వారా పాలిటెక్నిక్ డిప్లమా, బీఎస్సీ(మ్యాథ్స్) విద్యార్థులకు లేటరల్ ఎంట్రీ ద్వారా బీటెక్, బీఫార్మసీ సెకండియర్‌లో ప్రవేశాలు కల్పించనున్న సంగతి తెలిసిందే. Way2News యాప్‌లో రీఫ్రెష్ చేసిన అనంతరం కనిపించే స్క్రీన్‌లో హాల్‌టికెట్ నంబర్ ఎంటర్ చేసి.. సులభంగా ఫలితాలను చెక్ చేసుకోవచ్చు.
News May 20, 2024
GOOD NEWS.. 3-4 రోజుల్లో అకౌంట్లోకి డబ్బులు
వైద్య ఖర్చుల కోసం చేసే EPFలో చేసే ఆటో క్లెయిమ్ సెటిల్‌మెంట్ పరిమితిని ₹50వేల నుంచి ₹లక్ష వరకు EPFO పెంచింది. మానవ ప్రమేయం లేకుండా వేగంగా ఆటో సెటిల్‌మెంట్ ద్వారా 3-4 రోజుల్లోనే ఖాతాల్లో నగదు జమ అవుతుంది. ఇందుకు గతంలో 10 రోజులు పట్టేది. విద్య, వివాహం కోసం రూల్ 68K ప్రకారం EPFOలో చేరి 7 ఏళ్లు, ఇంటి కోసమైతే 68B ప్రకారం 5 ఏళ్లు పూర్తయ్యాకే ₹లక్ష విత్‌డ్రా చేసుకోవాలి. వైద్యం కోసం ఎప్పుడైనా తీసుకోవచ్చు.
News May 20, 2024
కేన్స్ ఫిల్మ్ ఫెస్టివల్‌లో ‘కన్నప్ప’ టీమ్
మంచు విష్ణు హీరోగా ముఖేశ్ కుమార్ సింగ్ తెరకెక్కిస్తోన్న ‘కన్నప్ప’ మూవీ టీజర్ ఈరోజు సాయంత్రం 6 గంటలకు రిలీజవనుంది. కేన్స్ ఫిల్మ్ ఫెస్టివల్‌లో టీజర్‌ను ప్రదర్శించనున్నారు. ఈ సందర్భంగా చిత్రయూనిట్ కేన్స్ ఫిల్మ్ ఫెస్టివల్‌లో ఏర్పాటు చేసిన భారత్ పెవిలియన్‌కి చేరుకుంది. విష్ణు, ముఖేశ్, కొరియోగ్రాఫర్ ప్రభుదేవాతో పాటు పలువురు సినీ ప్రముఖులు అక్కడికి చేరుకున్నారు.
News May 20, 2024
SP బిందు మాధవ్‌తో మాకు సంబంధాలు లేవు: శ్రీకృష్ణదేవరాయలు
AP: పల్నాడు జిల్లాలో ఓటింగ్ టీడీపీ కనుసన్నల్లో జరిగిందని వైసీపీ చేస్తున్న ఆరోపణల్లో వాస్తవం లేదని నరసరావుపేట టీడీపీ ఎంపీ అభ్యర్థి లావు శ్రీకృష్ణదేవరాయలు చెప్పారు. తాను పోలింగ్ రోజున ఎలాంటి హింసను ప్రేరేపించలేదని స్పష్టం చేశారు. ఎస్పీ గరికపాటి బిందు మాధవ్‌తో తమ కుటుంబానికి ఎలాంటి సంబంధాలు లేవని తెలిపారు. తనకు పోలీసులెవరూ సాయం చేయలేదని, కాల్ డేటాను సిట్‌కు ఇవ్వడానికి సిద్ధంగా ఉన్నట్లు పేర్కొన్నారు.
News May 20, 2024
Gallery: ఓటెత్తిన ప్రముఖులు
లోక్‌సభ ఎన్నికల ఐదో దశ పోలింగ్ కొనసాగుతోంది. 49 పార్లమెంట్ నియోజకవర్గాల్లో పోలింగ్ కేంద్రాలకు ఓటర్లు పోటెత్తుతున్నారు. ఆయాచోట్ల సినీ, రాజకీయ ప్రముఖులు తమ ఓటు హక్కును వినియోగించుకున్నారు. 8 రాష్ట్రాలు, యూటీల్లో పోలింగ్ జరుగుతుండగా ఉదయం 11 గంటలకు 23.66 శాతం మంది ఓటేశారు.
News May 20, 2024
సీఎం జగన్‌పై దాడి కేసు.. విచారణ వచ్చే నెల 23కు వాయిదా
AP: సీఎం జగన్‌పై రాయితో దాడి చేసిన నిందితుడు సతీశ్ బెయిల్ పిటిషన్‌ను ఇవాళ విజయవాడ కోర్టు విచారించింది. వాదనలకు సమయం కావాలని పబ్లిక్ ప్రాసిక్యూటర్ కోరడంతో న్యాయమూర్తి తదుపరి విచారణను వచ్చే నెల 23కు వాయిదా వేశారు. మేమంతా సిద్ధం బస్సు యాత్ర చేస్తున్న జగన్‌పై గత నెలలో నిందితుడు దాడి చేసిన విషయం తెలిసిందే. దీంతో సీఎం నుదుటికి కుట్లు పడ్డాయి.
News May 20, 2024
దుబాయ్‌లో ‘బ్లూ రెసిడెన్సీ’ పేరిట కొత్త వీసాలు
పర్యావరణ పరిరక్షణకు కృషి చేసే వ్యక్తులకు ‘బ్లూ రెసిడెన్సీ’ పేరిట వీసాలు జారీ చేయాలని యూఏఈ ప్రభుత్వం నిర్ణయించింది. తమ దేశంలో పదేళ్ల పాటు నివాసం ఉండేందుకు వీలుగా వీటిని ఇవ్వనుంది. మెరైన్ లైఫ్, భూ ఉపరితలంపై పర్యావరణ వ్యవస్థ, గాలి నాణ్యత తదితర రంగాల్లో పనిచేస్తున్నవారు అర్హులు. ఈ వీసాల కోసం ఫెడరల్ అథారిటీ ఫర్ ఐడెంటిటీ, సిటిజన్‌షిప్, కస్టమ్స్ అండ్ పోర్ట్ సెక్యూరిటీ <
Featured News
Sorry, no posts matched your criteria.