India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 21, 2024
డేటింగ్‌‌పై స్పందించిన విజయ్ దేవరకొండ
తనపై వస్తున్న డేటింగ్ రూమర్స్‌పై స్టార్ హీరో విజయ్ దేవరకొండ ఎట్టకేలకు స్పందించారు. ఓ ఇంటర్వ్యూలో పాల్గొన్న విజయ్ ‘నా వయస్సు 35ఏళ్లు. నేనింకా సింగిల్ అని మీరు అనుకుంటున్నారా’ అని రిలేషన్‌షిప్‌ స్టేటస్‌పై క్లారిటీ ఇచ్చారు. తనకు ఎంతోకాలంగా తెలిసిన, కోస్టార్‌తోనే డేటింగ్ చేస్తున్నట్లు వెల్లడించారు. కాగా రష్మిక, విజయ్ ప్రేమలో ఉన్నట్లు కొన్నాళ్లుగా ప్రచారం జరుగుతున్న విషయం తెలిసిందే.
News November 21, 2024
అదానీ, కాంగ్రెస్ ప్రభుత్వ ఒప్పందాలపై ప్రశ్న: జవాబు దాటేసిన రాహుల్
గౌతమ్ అదానీని అరెస్టు చేయాలని రాహుల్ గాంధీ డిమాండ్ చేశారు. NYC కోర్టులో ఆయనపై అభియోగాలు నమోదవ్వడంపై ప్రెస్‌మీట్లో మాట్లాడారు. ఆయా రాష్ట్రాల్లో గతంలో కాంగ్రెస్ ప్రభుత్వాలు అదానీతో చేసుకున్న ఒప్పందాలు, ప్రాజెక్టులను సమీక్షిస్తారా అన్న ప్రశ్నకు జవాబు దాటవేశారు. దీనిపై ఝార్ఖండ్‌లో వివరణ ఇచ్చానన్నారు. తాను క్రిమినాలిటీ, మోనోపలీపై మాట్లాడుతున్నానని, అదానీ, అంబానీ సహా ఎవరైనా రూల్స్ పాటించాలన్నారు.
News November 21, 2024
10వేల+ అప్లికేషన్స్ వచ్చాయి: జొమాటో CEO
జొమాటోలో చీఫ్ ఆఫ్ స్టాఫ్ పొజిషన్‌కు 10వేల కంటే ఎక్కువ <<14666126>>అప్లికేషన్స్<<>> వచ్చినట్లు సీఈవో దీపిందర్ గోయల్ తెలిపారు. ఇందులో రకరకాల వ్యక్తులున్నట్లు తెలిపారు. చాలా డబ్బున్నవారు, కాస్త డబ్బు ఉన్నవారు, తమ వద్ద చెల్లించేందుకు డబ్బులు లేవని చెప్పినవారు, నిజంగానే డబ్బుల్లేని వారు ఉన్నట్లు పేర్కొన్నారు. అప్లికేషన్‌కు సాయంత్రం 6 వరకే ఛాన్స్ ఉందన్నారు. కాగా ఈ పోస్టు కోసం రూ.20లక్షలు విరాళం ఇవ్వాలి.
News November 21, 2024
అదానీపై కేసు: కాంగ్రెస్‌పై BJP విమర్శలు
NYC కోర్టులో అదానీపై అభియోగాలు నమోదైన నేపథ్యంలో ‘మోదానీ స్కామ్’లపై JPC వేయాలన్న జైరామ్ రమేశ్, కాంగ్రెస్‌పై BJP విరుచుకుపడింది. నేర నిరూపణ జరిగేంతవరకు ఆరోపణలు ఎదుర్కొంటున్నవాళ్లు నిర్దోషులేనని మీరు షేర్‌చేసిన పత్రాల్లోనే రాసుండటం చూడలేదా అని అమిత్ మాలవీయ కౌంటర్ ఇచ్చారు. అందులో ఆరోపించిన రాష్ట్రాలన్నీ కాంగ్రెస్, ప్రతిపక్ష పాలిత రాష్ట్రాలేనన్నారు. ముందు మీరు తీసుకున్న లంచాలకు బదులివ్వాలన్నారు.
News November 21, 2024
శాసనమండలిలో గందరగోళం
AP శాసనమండలిలో మెడికల్ కాలేజీల అంశంపై YCP, కూటమి సభ్యుల మధ్య రగడ నెలకొంది. మెడికల్ కాలేజీలను ఏర్పాటు చేయడానికి ప్రభుత్వం సిద్ధమా? అన్న YCP ప్రశ్నకు మంత్రి సత్యకుమార్ యాదవ్ స్పందిస్తూ వంద ఎలుకలు తిన్న పిల్లి హజ్ యాత్రకు వెళ్లినట్లు ఆ పార్టీ మాట్లాడుతోందని వ్యాఖ్యానించారు. దీంతో హజ్ యాత్రను ప్రస్తావించడంపై YCP అభ్యంతరం వ్యక్తం చేసింది. తోటి మంత్రులంతా ఆయన వ్యాఖ్యల్లో తప్పేం లేదంటూ మద్దతుగా నిలిచారు.
News November 21, 2024
తెలుగు హీరోలను ఎంకరేజ్ చేయండి: బ్రహ్మాజీ
ప్రతి శుక్రవారం లానే రేపు ముగ్గురు తెలుగు హీరోల సినిమాలు రిలీజ్ కానున్నాయి. గల్లా అశోక్ ‘దేవకీ నందన వాసుదేవ’, విశ్వక్ సేన్ ‘మెకానిక్ రాకీ’, సత్యదేవ్ నటించిన ‘జీబ్రా’ మూవీలు రేపు థియేటర్లలో విడుదల కానున్నాయి. ఈక్రమంలో నటుడు బ్రహ్మాజీ ప్రేక్షకులకు ఓ విజ్ఞప్తి చేశారు. ‘మలయాళం, తమిళ హీరోలతో పాటు మన టాలెంటెడ్ తెలుగు హీరోలను కూడా ఎంకరేజ్ చేయండి’ అని ట్వీట్ చేశారు. మరి మీరు ఏ మూవీకి వెళ్తున్నారు?
News November 21, 2024
కర్నూలులో హైకోర్టు బెంచ్ ఏర్పాటుకు తీర్మానం
AP: కర్నూలులో హైకోర్టు శాశ్వత బెంచ్ ఏర్పాటు చేసేందుకు ప్రభుత్వం అసెంబ్లీలో తీర్మానం ప్రవేశపెట్టింది. మంత్రి ఎన్ఎండీ ఫరూక్ దీన్ని సభలో ప్రవేశపెట్టారు. కర్నూలులో హైకోర్టు బెంచ్ ఏర్పాటు చేయాలని సుదీర్ఘకాలంగా ప్రజల నుంచి డిమాండ్ ఉండగా, గతంలో చంద్రబాబు కూడా దీనిపై హామీ ఇచ్చారు. తాజాగా ప్రభుత్వం అసెంబ్లీలో తీర్మానం ప్రవేశపెట్టింది. దీనిపై సభలో చర్చించి ఆమోదం తెలపనున్నారు.
News November 21, 2024
అదానీతో కాంగ్రెస్, BJP అనుబంధం దేశానికి అవమానం: KTR
TG: అదానీపై USలో కేసు నమోదైన నేపథ్యంలో BRS వర్కింగ్ ప్రెసిడెంట్ KTR స్పందించారు. అదానీతో కాంగ్రెస్, BJP అనుబంధం దేశానికే అవమానం అని అభిప్రాయపడ్డారు. ఆయన అమెరికానే మోసం చేయాలని చూసిన ఘనుడని, భారత ప్రభుత్వ అధికారులకు లంచం ఇవ్వజూపిన మోసగాడంటూ దుయ్యబట్టారు. రామన్నపేట సిమెంట్ ఫ్యాక్టరీ, మూసీలో అదానీ వాటా ఎంత అని ప్రశ్నించారు. అంబుజా సిమెంట్ ఫ్యాక్టరీ అనుమతులు రద్దు చేయాలన్నారు.
News November 21, 2024
గ్రూప్-2 పరీక్షలపై కీలక ప్రకటన
తెలంగాణలో డిసెంబర్ 15, 16 తేదీల్లో గ్రూప్-2 పరీక్షలు నిర్వహిస్తామని TGPSC ప్రకటించింది. రోజుకు రెండు సెషన్ల(ఉ.10-12.30, మ.3-5.30 వరకు)లో పరీక్ష నిర్వహిస్తారు. డిసెంబర్ 9 నుంచి అభ్యర్థులు హాల్‌టికెట్లు డౌన్‌లోడ్ చేసుకోవచ్చు. ఉదయం 8.30 నుంచి అభ్యర్థులను పరీక్షా కేంద్రంలోకి అనుమతిస్తామని TGPSC పేర్కొంది. ఇతర వివరాల కోసం 040-23542185 or 040-23542187 నంబర్లకు ఫోన్ చేయండి.
News November 21, 2024
అదానీకి డబ్బు దొరకొద్దు.. అసలు ప్లాన్ ఇదేనా!
నిధుల సమీకరణకు సిద్ధమైన ప్రతిసారీ అదానీ గ్రూప్‌పై US వేదికగా దాడులు జరుగుతున్నాయని SMలో చర్చ జరుగుతోంది. వ్యాపార విస్తరణకు నగదు దొరక్కుండా చేయడమే దీనివెనకున్న ప్లాన్ అని నెటిజన్లు అంటున్నారు. ADANI ENT 2023 JANలో రూ.20వేల కోట్ల FPOకు రాగా హిండెన్‌బర్గ్ దాడిచేసింది. ఇప్పుడు 600 మిలియన్ల డాలర్ బాండ్ల జారీకి సిద్ధమవ్వగా NYC కోర్టులో అభియోగాలు నమోదయ్యాయి. ఈ 2 ప్లాన్లను అదానీ గ్రూప్ రద్దుచేసుకుంది.
Featured News
Sorry, no posts matched your criteria.