India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 17, 2024
UPI పేమెంట్స్‌లో ఇండియా టాప్
డిజిటల్ చెల్లింపుల్లో భారత్ ప్రపంచంలోనే అగ్రస్థానంలో ఉందని గ్లోబల్ డేటా సంస్థ నివేదిక వెల్లడించింది. దీని ప్రకారం.. 2023లో భారత జనాభాలో 90.8% UPI ద్వారా లావాదేవీలు చేస్తున్నారు. 2024 ఏప్రిల్‌లో ఏకంగా ₹19.64లక్షల కోట్ల ట్రాన్సాక్షన్లు జరిగాయి. ఇక ఈ మే తొలి 15రోజుల్లోనే ₹10.70లక్షల కోట్ల పేమెంట్స్ జరిగాయి. స్మార్ట్‌ఫోన్ల వాడకం పెరిగే కొద్ది డిజిటల్ పేమెంట్స్ పెరుగుతాయని ఆ సంస్థ అంచనా వేసింది.
News May 17, 2024
విశాఖలో రౌడీయిజం బాగా పెరిగింది: విష్ణుకుమార్ రాజు
AP: వైసీపీ గూండాలకు పోలీసులు మద్దతిస్తున్నారని బీజేపీ విశాఖ నార్త్ అభ్యర్థి విష్ణుకుమార్ రాజు ఆరోపించారు. కూటమికి ఓటేశారని విశాఖలో ఓ కుటుంబంపై దాడి చేయడం దారుణమని మండిపడ్డారు. ‘కుటుంబ తగాదాల వల్లే ఈ దాడులు అనేది అబద్ధం. బాధితులకు రక్షణ కల్పించాలి. ఈ ఘటనపై CP, కలెక్టర్‌కు ఫిర్యాదు చేస్తాం. విశాఖలో రౌడీయిజం బాగా పెరిగింది. మేం ప్రచారం చేస్తున్న సమయంలోనూ కొందరు అడ్డుకున్నారు’ అని ఫైర్ అయ్యారు.
News May 17, 2024
సీబీఐ కోర్టులో విచారణకు హాజరైన అవినాశ్ రెడ్డి
AP: మాజీ మంత్రి వివేకానంద రెడ్డి హత్య కేసుపై ఇవాళ నాంపల్లి CBI కోర్టులో విచారణ జరిగింది. కేసులో నిందితులుగా ఉన్న కడప MP అవినాశ్ రెడ్డి, ఆయన తండ్రి భాస్కర్ రెడ్డి, శివశంకర్ రెడ్డి కోర్టులో హాజరయ్యారు. చంచల్‌గూడ జైలులో ఉన్న మరో నలుగురు నిందితులను వీడియో కాన్ఫరెన్స్ ద్వారా అధికారులు హాజరుపర్చారు. కాగా ఈ కేసులో అవినాశ్ ముందస్తు బెయిల్ రద్దు చేయాలన్న పిటిషన్‌ను ఇటీవల తెలంగాణ హైకోర్టు కొట్టేసింది.
News May 17, 2024
రష్యాకు మేం ఆయుధాలు పంపడం లేదు: ఉ.కొరియా
రష్యాకు తాము ఎలాంటి ఆయుధాలు అందించడం లేదని ఆ దేశ అధ్యక్షుడు కిమ్ సోదరి కిమ్ యో జోంగ్ తెలిపారు. దక్షిణ కొరియా, అమెరికా తమపై తప్పుడు ఆరోపణలు చేస్తున్నాయని మండిపడ్డారు. కాగా ఉక్రెయిన్‌తో యుద్ధం కోసం మార్చి నెలలో 7వేల కంటైనర్లలో ఆయుధాలను రష్యాకు ఉ.కొరియా సరఫరా చేసిందని దక్షిణ కొరియా నొక్కి చెప్తోంది. సైనిక, శాటిలైట్ టెక్నాలజీలో రష్యా సాయాన్ని నార్త్ కొరియా ఆశిస్తోందని అమెరికా ఆరోపిస్తోంది.
News May 17, 2024
వారణాసిలో భయానక వాతావరణం: జ్యోతిర్‌మఠ్ శంకరాచార్యులు
వారణాసిలో ప్రధాని మోదీకి వ్యతిరేకంగా నామినేషన్లు వేసిన వారిని బెదిరిస్తున్నారని జ్యోతిర్‌మఠ్ శంకరాచార్యులు స్వామి అవిముక్తేశ్వరానంద సరస్వతి సంచలన ఆరోపణలు చేశారు. 43 మంది నామినేషన్లు దాఖలు చేస్తే ఏకంగా 36 మంది నామినేషన్లు తిరస్కరణకు గురయ్యాయని చెప్పారు. వారణాసిలో భయానక వాతావరణం కొనసాగుతోందని వాపోయారు. కాగా వారణాసిలో పోటీకి దిగిన HYDకు చెందిన శివకుమార్ నామినేషన్ కూడా తిరస్కరణకు గురైంది.
News May 17, 2024
వారం రోజులకే ఓటీటీలోకి కొత్త సినిమా
హీరో సత్యదేవ్ నటించిన ‘కృష్ణమ్మ’ మూవీ రిలీజైన వారం రోజులకే ఓటీటీకి వచ్చేసింది. థియేటర్లలో ఆక్యుపెన్సీ పెద్దగా లేకపోవడంతో మేకర్స్ దీన్ని ఓటీటీలో విడుదల చేశారు. కొరటాల శివ సమర్పణలో వి.వి.గోపాలకృష్ణ దర్శకత్వంలో తెరకెక్కిన ఈ సస్పెన్స్ థ్రిల్లర్‌ ఇవాళ్టి నుంచి అమెజాన్ ప్రైమ్‌లో స్ట్రీమింగ్ అవుతోంది. ఈ చిత్రంలో సత్యదేవ్‌కు జంటగా అతీరా రాజ్‌ నటించారు.
News May 17, 2024
నాకు పడాల్సిన 1000 ఓట్లను జోగి రమేశ్ అడ్డుకున్నారు: బోడె
AP: పోలింగ్ రోజున తనకు రావాల్సిన 1000 ఓట్లను వైసీపీ అభ్యర్థి జోగి రమేశ్ రాకుండా చేశారని పెనమలూరు టీడీపీ అభ్యర్థి బోడె ప్రసాద్ ఆరోపించారు. తాను ఆరోజు ఒక్క మాట చెప్పి ఉంటే జోగి రమేశ్ పోరంకి దాటేవారు కాదన్నారు. మైలవరం నుంచి తొత్తులను తెచ్చుకుని పెనమలూరులో గెలవాలనుకుని విఫలయత్నం చేశారని దుయ్యబట్టారు. జూన్ 4న ఆట ప్రారంభం అవుతుందని చెప్పారు.
News May 17, 2024
ఇంతకు మించిన కోర్టు ధిక్కరణ ఉండదు: అమిత్‌షా
ఢిల్లీ CM కేజ్రీవాల్ కోర్టు ధిక్కరణ వ్యాఖ్యలు చేశారని BJP నేత, హోంమంత్రి అమిత్ షా అన్నారు. ఇటీవల ఎన్నికల ప్రచారంలో భాగంగా ‘ఇండియా కూటమి అధికారంలోకి వస్తే.. నేను మళ్లీ జైలుకు వెళ్లాల్సిన అవసరం ఉండదు’ అని కేజ్రీవాల్ అన్నారు. దీనిపై స్పందించిన అమిత్ షా.. ఇంతకు మించి కోర్టు ధిక్కరణ ఉండదని అభిప్రాయపడ్డారు. ప్రభుత్వాలకు అనుకూలంగా సుప్రీం కోర్టు తీర్పులిస్తుందనేదే కేజ్రీవాల్ ఉద్దేశమని ఆయన ఆరోపించారు.
News May 17, 2024
RCB ట్రోఫీ గెలవాలనే కసిలో ఉంది: లారా
ఈసారి IPL ట్రోఫీని ఎలాగైనా దక్కించుకోవాలనే కసితో RCB ఆడుతోందని వెస్టిండీస్ మాజీ క్రికెటర్ బ్రియాన్ లారా అన్నారు. ‘కప్ కోసం గత 16 ఏళ్లుగా RCB పోరాడుతోంది. కానీ దురదృష్టం ఆ జట్టును వీడట్లేదు. ఈసారి బెంగళూరు ప్లేఆఫ్స్‌ చేరేందుకు మంచి అవకాశాలున్నాయి. గత 4 మ్యాచుల్లో ఆడిన కసితోనే CSKపైనా ఆడాలి. జట్టు ఫామ్‌లో ఉండటం RCBకి కలిసొస్తుంది’ అని లారా తెలిపారు.
News May 17, 2024
T20WC జట్టు ఎంపికపై గతంలోనూ విమర్శలొచ్చాయి: జైషా
టీ20 వరల్డ్ కప్‌లో పాల్గొనే భారత జట్టు ఎంపికపై గతంలోనూ విమర్శలు వచ్చాయని BCCI సెక్రటరీ జైషా అన్నారు. ఈసారి సెలక్షన్ కమిటీ సమతూకమైన జట్టును ప్రకటించిందని, కేవలం IPL ఫామ్‌నే ప్రామాణికంగా తీసుకోకుండా.. విదేశాల్లో అనుభవాన్ని పరిగణనలోకి తీసుకున్నామన్నారు. అనుభవజ్ఞులతో పాటు యువ ఆటగాళ్లను ఎంపిక చేశామన్నారు. కార్యదర్శిగా తన పాత్ర కేవలం సమాచారం ఇవ్వడమేనని, జట్టు ఎంపిక సెలక్షన్ కమిటీ నిర్ణయమన్నారు.
Featured News
Sorry, no posts matched your criteria.