India's largestHyperlocal short
news App
Get daily news updates that are tailored for you based on your preferred language & location.
download Way2News app now
News November 19, 2024
US ఎలక్షన్స్: ద్రవ్యోల్బణమే ట్రెండింగ్ టాపిక్
US అధ్యక్ష ఎన్నికల్లో ద్రవ్యోల్బణం ట్రెండింగ్ టాపిక్‌గా నిలిచినట్లు గూగుల్ వేవ్స్ ఆఫ్ ఇంట్రెస్ట్ వెల్లడించింది. 2020తో పోలిస్తే 114% అధికంగా దీని గురించే సెర్చ్ చేశారని తెలిపింది. ఆ తర్వాత పెన్షన్ ఫండ్స్(76%), బడ్జెట్ లోటు(39%) అంశాలు ఉన్నాయంది. రేసిజం, స్టూడెంట్ లోన్స్, గన్ కంట్రోల్‌పై చర్చ బాగా తగ్గిందని పేర్కొంది. 2020లో ఎలక్ట్రోరల్ ఫ్రాడ్, 2016లో ఒపీనియన్ పోల్ ట్రెండింగ్‌లో నిలిచాయి.
News November 19, 2024
జీవో 16తో ఎంతమంది రెగ్యులరైజ్ అయ్యారంటే?
TG:కాంట్రాక్ట్ ఉద్యోగులను రెగ్యులరైజ్ చేస్తూ గత ప్రభుత్వం ఇచ్చిన GO 16ను <<14652442>>హైకోర్టు <<>>కొట్టేసింది. ఈ GO ప్రకారం మొత్తం 5,544 మంది రెగ్యులరైజ్ కాగా ఇందులో 2909 మంది జూనియర్ లెక్చరర్లు, 184 మంది ఒకేషనల్ లెక్చరర్లు, 390 మంది పాలిటెక్నిక్, 270మంది డిగ్రీ కాలేజీ లెక్చరర్లు కాగా, టెక్నికల్ విద్యాశాఖలో 131 మంది, మెడికల్‌లో 837 మంది, 179 మంది ల్యాబ్ టెక్నీషియన్లు, మిగతావారు ఫార్మాసిస్టులు, సహాయకులు ఉన్నారు.
News November 19, 2024
అంధుల వరల్డ్ కప్‌నుంచి వైదొలగిన టీమ్ ఇండియా
పాకిస్థాన్‌లో ఈ నెల 23 నుంచి వచ్చే నెల 3 వరకు జరిగే అంధుల టీ20 క్రికెట్ వరల్డ్ కప్ నుంచి డిఫెండింగ్ ఛాంపియన్ టీమ్ ఇండియా తప్పుకొంది. కేంద్ర ప్రభుత్వం నుంచి అనుమతులు రాకపోవడంతోనే ఈ నిర్ణయం తీసుకున్నట్లు భారత అంధుల క్రికెట్ అసోసియేషన్(IBCA) ప్రధాన కార్యదర్శి శైలేంద్ర యాదవ్ తెలిపారు. తమతో పాటు ఇంగ్లండ్, ఆస్ట్రేలియా, న్యూజిలాండ్ జట్లు కూడా పాక్‌కు వెళ్లడం లేదని వెల్లడించారు.
News November 19, 2024
రేప్ కేసులపై FBలో ఫిర్యాదు: సుప్రీంకోర్టు కీలక ప్రశ్న
మలయాళ నటుడు <<14650875>>సిద్ధిఖ్<<>> రేప్ కేసు విచారణలో SC వ్యాఖ్యలు చర్చనీయంగా అయ్యాయి. 2016లో సిద్ధిఖ్ తనపై లైంగిక దాడి చేశారని ఓ మహిళ మీటూ ఉద్యమం టైమ్‌లో FBలో రాసుకొచ్చారు. తర్వాత FIR ఫైల్ అయింది. ‘FBలో రాయడానికి ధైర్యమున్నప్పుడు ఎనిమిదేళ్లుగా పోలీసులకు ఎందుకు ఫిర్యాదు చేయలేదు’ అని కోర్టు ప్రశ్నించింది. కొన్ని కేసుల్లో భయపడి ఫిర్యాదు చేయకపోవడం, కొన్నింట్లో కావాలనే ఇరికిస్తుండటంతో వ్యాఖ్యలపై చర్చ జరుగుతోంది.
News November 19, 2024
నాదల్‌కు ఫెదరర్ భావోద్వేగ లేఖ
ఈరోజు నుంచి మొదలయ్యే డేవిస్ కప్ అనంతరం టెన్నిస్ దిగ్గజం నాదల్ రిటైరవనున్నారు. ఈ నేపథ్యంలో మరో దిగ్గజ ఆటగాడు ఫెదరర్ ఆయనకు లేఖ రాశారు. ‘20 ఏళ్ల క్రితం తొలిసారి నీతో ఆడాను. ఎన్నో జ్ఞాపకాలున్నాయి. నీ సక్సెస్‌లో తిరుగులేని పాత్ర పోషించిన మీ కుటుంబం, సపోర్ట్ టీమ్‌ను అభినందిస్తున్నాను. ఈ పాత మిత్రుడు ఎప్పుడూ నీ గెలుపు కోసమే చూస్తుంటాడని మర్చిపోకు. ఎప్పటికీ నీ ఫ్యాన్.. రోజర్’ అని రాశారు.
News November 19, 2024
ఒకే కుటుంబంలో 140 మంది డాక్టర్లు
ఢిల్లీకి చెందిన ఓ కుటుంబంలో ఇప్పటివరకు 140 మంది డాక్టర్లుగా పనిచేశారు. 1920లో సభర్వాల్ ఫ్యామిలీలో తొలిసారిగా బోధిరాజ్ వైద్య వృత్తి స్వీకరించారు. ఆ తర్వాత ఆ కుటుంబంలో పుట్టిన ప్రతి ఒక్కరూ వైద్య విద్య అభ్యసించారు. మెడిసిన్ చదివిన అమ్మాయినే ఆ కుటుంబంలోని వారు పెళ్లి చేసుకుంటున్నారు. ఒక కోడలు బయోకెమిస్ట్ చదవగా అమెతో మళ్లీ మెడిసిన్ చదివించారు. ప్రస్తుతం వీరికి ఢిల్లీలో 5 ఆస్పత్రులు ఉన్నాయి.
News November 19, 2024
2030 నాటికి IHCL హోటల్స్ రెట్టింపు: ఎండీ పునీత్
ప్రపంచవ్యాప్తంగా తమ హోటల్స్‌ను రెట్టింపు చేసేందుకు రూ.5వేల కోట్లు వెచ్చించనున్నట్లు టాటా గ్రూప్‌కు చెందిన IHCL ఎండీ పునీత్ వెల్లడించారు. ప్రస్తుతం 350+ ఉన్న హోటళ్ల(రూమ్స్ 30వేలు) సంఖ్యను 2030 నాటికి 700(రూమ్స్ 70వేలు) చేస్తామని తెలిపారు. దక్షిణాసియాలోనే అత్యధిక లాభదాయక, ఐకానిక్ సంస్థగా IHCL మారబోతోందన్నారు. రాబోయే ఐదేళ్లలో కొత్త బ్రాండ్లను పరిచయం చేస్తామని పేర్కొన్నారు.
News November 19, 2024
2027లోపు పోలవరం పూర్తి: CM చంద్రబాబు
AP: పోలవరం ప్రాజెక్టును 2027లోపు పూర్తి చేస్తామని CM చంద్రబాబు అసెంబ్లీలో ప్రకటించారు. ‘నదుల అనుసంధానం పూర్తి చేయాలనేది నా జీవిత ఆశయం. గోదావరి నుంచి 4215 టీఎంసీలు, కృష్ణా నది నుంచి 815 టీఎంసీలు సముద్రంలోకి వెళ్లాయి. గత ప్రభుత్వ హయాంలో పోలవరం గురించి అడిగితే పర్సెంటా.. అర పర్సెంటా అని అవహేళన చేశారు. పోలవరం ప్రాజెక్ట్ ఎత్తు కచ్చితంగా 45.72మీటర్లు ఉంటుంది’ అని చంద్రబాబు స్పష్టం చేశారు.
News November 19, 2024
Parliament: 24న ఆల్ పార్టీ మీటింగ్
పార్ల‌మెంటు శీతాకాల స‌మావేశాలు ఈ నెల 25 నుంచి ప్రారంభం కానున్న నేపథ్యంలో 24న ఆల్ పార్టీ మీటింగ్ జ‌ర‌గ‌నుంది. ఈ మేర‌కు పార్ల‌మెంట‌రీ వ్య‌వ‌హారాల మంత్రి కిర‌ణ్ రిజిజు తెలిపారు. మ‌రోవైపు భారత రాజ్యాంగాన్ని ఆమోదించి 75 వ‌సంతాలు పూర్తైన సంద‌ర్భంగా న‌వంబ‌ర్ 26న ఉభ‌య స‌భ‌లు పార్ల‌మెంటు సెంట్ర‌ల్ హాలులో ప్ర‌త్యేకంగా స‌మావేశం కానున్నాయి. డిసెంబ‌ర్ 20 వరకు శీతాకాల స‌మావేశాలు జ‌రుగుతాయి.
News November 19, 2024
నేడు శాసనమండలిలో పలు బిల్లులకు ఆమోదం
AP: శాసనమండలి ఇవాళ పలు బిల్లులను ఆమోదించింది. ఏపీ పంచాయతీ రాజ్ సవరణ బిల్లు-2024, ఏపీ మున్సిపల్ సవరణ బిల్లు-2024, ఎన్టీఆర్ హెల్త్ వర్సిటీ సవరణ బిల్లు-2024, హోమియోపతి మెడికల్ ప్రాక్టీషనర్ల సవరణ బిల్లు, ఏపీ మెడికల్ ప్రాక్టీషనర్ల రిజిస్ట్రేషన్ చట్ట సవరణ బిల్లులకు మండలి ఆమోదం లభించింది. వీటితో పాటు బోర్డు సభ్యుల నియామకాల్లో వివక్ష చూపకుండా నిరోధిస్తూ 3 చట్టాల సవరణకు ఏపీ శాసనమండలి నిర్ణయం తీసుకుంది.
Featured News
Sorry, no posts matched your criteria.