India's largestHyperlocal short
news App
Get daily news updates that are tailored for you based on your preferred language & location.
download Way2News app now
News May 4, 2024
వ్యయ పరిమితి దాటితే చర్యలు ఎలా?
అసెంబ్లీ ఎన్నికలు ముగిసిన 30 రోజులకు, లోక్‌సభ ఎన్నికలయితే 90 రోజుల్లోపు అభ్యర్థులు తమ వ్యయానికి సంబంధించిన ఆధారాలను ECకి అందించాలి. ఇలా చేయకపోతే ప్రజాప్రాతినిధ్య చట్టంలోని సెక్షన్ 10A కింద అభ్యర్థిపై మూడేళ్ల అనర్హత వేటు వేస్తుంది. పరిమితికి మించి ఖర్చుపై ఎవరైనా ఆధారాలతో ఫిర్యాదు చేయొచ్చు. అది నిజమని తేలితే అవినీతి చర్యగా పరిగణించి అభ్యర్థిని మూడేళ్లు అనర్హుడిగా ఈసీ ప్రకటిస్తుంది.
<<-se>>#ELECTIONS2024<<>>
News May 4, 2024
ఈ లోక్‌సభ ఎన్నికల ఖర్చు రూ.లక్ష కోట్ల పైమాటే: CMS
ఎన్నికల ప్రచారంలో అభ్యర్థుల ఖర్చుకు లిమిట్ ఉంది కానీ పార్టీలకు లేదు. 2019 ఎన్నికల్లో BJP ₹1,264 కోట్లు, INC ₹820 కోట్లు వ్యయం చేసినట్లు ప్రకటించాయి. వాస్తవానికి పార్టీలు, అభ్యర్థులు చేసిన ఖర్చు ₹60,000 కోట్లు పైనేనని సెంటర్ ఫర్ మీడియా సర్వీసెస్(CMS) నివేదిక వెల్లడించింది. ఈ LS ఎన్నికల్లో అనధికార ఖర్చు ₹1.2 లక్షల కోట్లకు చేరుతుందని అంచనా వేసింది. ఒక్కో సెగ్మెంట్ సగటు వ్యయం ₹221 కోట్లు.
<<-se>>#ELECTIONS2024<<>>
News May 4, 2024
బైడెన్ వ్యాఖ్యలపై జైశంకర్ కౌంటర్
భారత్ ‘xenophobic’ (విదేశీయులంటే భయపడటం) అని US అధ్యక్షుడు బైడెన్ చేసిన వ్యాఖ్యలను విదేశాంగ మంత్రి జైశంకర్ తోసిపుచ్చారు. ‘భారత్ ఆర్థికంగా సవాళ్లు ఎదుర్కొంటోందన్న ఆయన వ్యాఖ్యల్లో నిజం లేదు. భారత్ జెనోఫోబిక్ కాదు. ప్రపంచ చరిత్రలో వివిధ వ్యక్తులు, సమాజాలను స్వాగతించే దేశాల్లో భారత్‌ది ప్రత్యేకమైన స్థానం. అందుకే కష్టాల్లో ఉన్న వారిని ఆదుకునేందుకు సీఏఏ తెచ్చాం’ అని పేర్కొన్నారు.
News May 4, 2024
కేసీఆర్ ఏ కూటమిలో చేరతారు?: సీఎం రేవంత్
కేసీఆర్ కేంద్రంలోని ఏ కూటమిలో చేరతారో చెప్పాలని సీఎం రేవంత్ రెడ్డి తాజాగా డిమాండ్ చేశారు. ‘కేసీఆర్ బీజేపీతో కలుస్తారని మేం ముందునుంచీ చెబుతున్నాం. బీఆర్ఎస్, బీజేపీ ఒకటే. కేసీఆర్ వైఖరిని ప్రజలు ముందే గుర్తించారు. అందుకే వారిని దూరం పెట్టారు. రాష్ట్రానికి బీజేపీ తీరని ద్రోహం చేసింది. ఈ పదేళ్లలో ఆ పార్టీ రాష్ట్రానికి ఒక్క మేలైనా చేసిందా? రాహుల్‌‌ను పీఎంగా చూడాలనేదే ప్రజల ఆకాంక్ష’ అని తెలిపారు.
News May 4, 2024
జగన్‌పై దాడి చేసిన వారికి టీడీపీతో లింక్ ఉంది: YS భారతి
సీఎం జగన్‌పై దాడి చేసిన నిందితులకు టీడీపీతో సంబంధాలున్నాయని ఆయన సతీమణి వైఎస్ భారతి ఆరోపించారు. ‘రాళ్లతో కొట్టండి అని నాయకులే ప్రేరేపిస్తున్నారు. జగన్ కంటికి దెబ్బ తగిలింది అని తెలియగానే చాలా భయమేసింది. 5 నిమిషాల తర్వాత కంటికి కాదని ఫొటో పంపారు. కంటికో, కణతకో తగిలి ఉంటే పరిస్థితి ఏంటి? గతంలో కత్తితో దాడి చేసిన వ్యక్తికి కూడా టీడీపీతో లింక్ ఉంది. అప్పుడు, ఇప్పుడు కావాలనే దాడి చేశారు’ అని తెలిపారు.
News May 4, 2024
‘బాధితులకు అండగా ఉండండి’.. కర్ణాటక సీఎంకు రాహుల్ లేఖ
ప్రజ్వల్ రేవణ్ణ కేసులోని బాధితులకు అన్ని విధాలా అండగా నిలవాలని కోరుతూ కర్ణాటక CM సిద్ద రామయ్యకు కాంగ్రెస్ నేత రాహుల్ గాంధీ లేఖ రాశారు. ‘బాధ్యులపై చర్యలు తీసుకునే బాధ్యత మనందరి మీద ఉంది. మహిళలపై హింస జరుగుతుంటే మౌనం వహించే నేతను నేనెప్పుడూ చూడలేదు. ప్రధాని మోదీ నేరస్థులకు ఇస్తున్న మద్దతుతో హరియాణాలోని రెజ్లర్ల నుంచి మణిపుర్‌లోని అక్కచెల్లెళ్ల వరకు భారతీయ మహిళలందరూ బలవుతున్నారు’ అని పేర్కొన్నారు.
News May 4, 2024
ప్లే ఆఫ్స్‌కు వెళ్తామని నమ్మకముంది: ఆర్సీబీ కోచ్
తమ జట్టు ప్లే ఆఫ్స్‌కు వెళ్తుందన్న నమ్మకం ఇంకా ఉందని ఆర్సీబీ హెడ్ కోచ్ యాండీ ఫ్లవర్ ఆశాభావం వ్యక్తం చేశారు. ఈరోజు గుజరాత్‌తో హోం గ్రౌండ్‌లో మ్యాచ్ సందర్భంగా ఆయన విలేకరుల సమావేశంలో మాట్లాడారు. ‘మా ప్లే ఆఫ్స్ ఆశలు ఇంకా సజీవంగానే ఉన్నాయి. ఇప్పటికి వరసగా రెండు మ్యాచులు గెలిచాం. ఈరోజు కూడా గెలుస్తాం. మా ఆటగాళ్లు ఎప్పుడెప్పుడు ఆడదామా అని ఎదురుచూస్తున్నారు. మాకు ఇంకా నమ్మకం ఉంది’ అని పేర్కొన్నారు.
News May 4, 2024
దళితులకు రాహుల్ గాంధీ సారీ చెప్పాలి: బీజేపీ
రోహిత్ వేముల మృతిని రాహుల్ గాంధీ రాజకీయం చేశారని, దళితులకు క్షమాపణలు చెప్పాలని బీజేపీ ఐటీ సెల్ చీఫ్ అమిత్ మాలవీయ డిమాండ్ చేశారు. ‘తెలంగాణలో కాంగ్రెస్ అధికారంలో ఉంది. రోహిత్ దళితుడు కాదని, అతడి మృతి ఆత్మహత్యేనని అక్కడి పోలీసులు కోర్టుకిచ్చిన క్లోజర్ రిపోర్టులో పేర్కొన్నారు. కాంగ్రెస్ సహా ప్రతిపక్షాలు దళితుల్ని రాజకీయం కోసమే వాడుకున్నాయి. వారికి న్యాయం చేయడంలో పూర్తిగా విఫలమయ్యాయి’ అని మండిపడ్డారు.
News May 4, 2024
రామమందిరంతో యూపీ రెవెన్యూకి జోష్
GST నెలవారీ కలెక్షన్ల జాబితాలో UP వృద్ధి సాధించడం చర్చనీయాంశమైంది. ఏప్రిల్‌లో రూ.12,290కోట్ల వసూళ్లతో తమిళనాడును వెనక్కినెట్టి యూపీ నాలుగో స్థానానికి ఎగబాకింది. ఏకంగా 19% వృద్ధిని నమోదు చేసింది. అయోధ్య రామమందిరం, టూరిజంపై దృష్టి పెట్టడం, మౌలికవసతుల అభివృద్ధి మొదలైనవి ఈ వృద్ధికి కారణమంటున్నారు విశ్లేషకులు. కాగా GST వసూళ్లలో మహారాష్ట్ర, కర్ణాటక, గుజరాత్ టాప్ 3 స్థానాల్లో ఉన్నాయి.
News May 4, 2024
ఫైనల్స్‌లో గుజరాత్ టీమ్‌ను ఓడించి ఛాంపియన్‌షిప్ గెలవాలి: CM
BJPకి ఓటు వేస్తే రిజర్వేషన్లు రద్దు అవుతాయని, కాంగ్రెస్‌కు ఓటు వేస్తే రిజర్వేషన్లు పెరుగుతాయని సీఎం రేవంత్ రెడ్డి అన్నారు. ‘BJP, BRS కలిసి కాంగ్రెస్ పార్టీపై కుట్ర చేస్తున్నాయి. వారి కుట్రలను కాంగ్రెస్ కార్యకర్తలు తిప్పి కొట్టాలి. వచ్చే ఎన్నికలు గుజరాత్ vs తెలంగాణ టీమ్‌ల మధ్య జరగబోతున్నాయి. సెమీఫైనల్‌లో BRSను ఓడించాం. ఫైనల్స్‌లో గుజరాత్ టీమ్‌ను ఓడించి ఛాంపియన్‌షిప్ గెలవాలి’ అని పిలుపునిచ్చారు.
Featured News
Sorry, no posts matched your criteria.