India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 29, 2024
SSC ఫలితాలు Way2Newsలో సేఫ్‌గా పొందండి
మంగళవారం విడుదలయ్యే TG SSC ఫలితాలను అందరికంటే ముందు Way2News యాప్‌లో పొందండి. అధికారులు ఉదయం గం.11కు ఫలితాలు విడుదల చేసిన క్షణాల్లోనే మీ రిజల్ట్ తెలుసుకోవచ్చు. యాప్‌లోని స్పెషల్ స్క్రీన్‌లో మీ H.T.No. ఇస్తే సెకన్లలో రిజల్ట్ వస్తుంది. ఒకే క్లిక్‌తో రిజల్ట్ కార్డ్ షేర్ చేసుకోవచ్చు. సైట్లలా ఇబ్బందికర యాడ్స్, హానికర బ్యాగ్రౌండ్ డౌన్‌లోడ్స్ మన యాప్‌లో ఉండవు.
Way2News.. Simplest.. Fastest.. Safest!!
News April 29, 2024
‘తండేల్’ ఓటీటీ రైట్స్‌కు రూ.40 కోట్లు
చందూ మొండేటి డైరెక్షన్‌లో నాగ చైతన్య, సాయి పల్లవి జంటగా నటిస్తోన్న ‘తండేల్’ మూవీ షూటింగ్ శరవేగంగా సాగుతోంది. తాజాగా ఈ సినిమా ఓటీటీ రైట్స్‌ను రూ.40 కోట్లకు నెట్‌ఫ్లిక్స్ సొంతం చేసుకుంది. చైతూ కెరీర్‌లోనే ఇది అత్యధికం. దేవీశ్రీ ప్రసాద్ మ్యూజిక్ అందిస్తోన్న ఈ మూవీ తెలుగు, తమిళ, కన్నడ, మలయాళ, హిందీ భాషల్లో విడుదల కానుంది.
News April 29, 2024
చెత్త పన్ను రద్దు చేస్తా: చంద్రబాబు
AP: ఢిల్లీ లిక్కర్ స్కాం కంటే.. మన రాష్ట్రంలో జరుగుతున్న లిక్కర్ స్కాం పెద్దదని చంద్రబాబు ఆరోపించారు. ‘వైసీపీ నేతలు దోచుకున్న డబ్బు కక్కిస్తా. నేనొస్తే కరెంట్ కోతలుండవు, ఛార్జీలు పెరగవు. చెత్త పన్ను రద్దు చేస్తా. జగన్ మళ్లీ వస్తే జుట్టు, గాలి మీద కూడా పన్ను వేస్తాడు. యువతకు ఏటా 4లక్షల ఉద్యోగాలిచ్చే బాధ్యత నాది. సీపీఎస్ సమస్య పరిష్కారం కోసం కొత్త విధానం తీసుకొస్తా’ అని డోన్ సభలో హామీలిచ్చారు.
News April 29, 2024
ఈ పథకాలు ఎందుకు తేలేకపోయావు చంద్రబాబూ?: సీఎం జగన్
AP: తనను బచ్చా అని పిలుస్తోన్న చంద్రబాబు.. 14 ఏళ్లు సీఎంగా పనిచేసి ఒక్క మంచి పథకమైనా ఎందుకు తీసుకురాలేకపోయారని సీఎం జగన్ ప్రశ్నించారు. పొన్నూరు సభలో మాట్లాడుతూ.. ‘నేను తెచ్చిన అమ్మ ఒడి, విద్యా దీవెన, చేయూత, ఆసరా, సున్నా వడ్డీ, రైతు భరోసా, ఈబీసీ నేస్తం, కాపు నేస్తం, వాహన మిత్ర, ఇంటికే పెన్షన్, నేతన్న నేస్తం, మత్స్యకార భరోసా లాంటి పథకాలు చంద్రబాబు ఎందుకు అమలు చేయలేకపోయారు?’ అని ప్రశ్నించారు.
News April 29, 2024
జగన్ ఓ వైపు.. కౌరవ సైన్యం మరో వైపు: సీఎం జగన్
AP: మరో రెండు వారాల్లో కురుక్షేత్ర మహాసంగ్రామం జరగనుందని సీఎం జగన్ చెప్పారు. పొన్నూరు సభలో మాట్లాడుతూ.. ‘జగన్ ఓ వైపు.. మరోవైపు కౌరవ సైన్యం ఉంది. చంద్రబాబుకు ఓటు వేయడమంటే కొండ చిలువ నోట్లో తల పెట్టడమే. ఆయన నన్ను బచ్చా అంటున్నారు. మరి 14 ఏళ్లు సీఎంగా చేసిన నీ పేరు చెబితే గుర్తొచ్చే ఒక్క పథకమైనా ఉందా? పోయే కాలం వచ్చినప్పుడు విలన్లకు హీరోలంతా బచ్చాల్లాగానే కనిపిస్తారు’ అని ఫైరయ్యారు.
News April 29, 2024
T20 ప్రపంచకప్.. టీమ్ ఇండియా ఇదేనా?
టీ20 WC కోసం టీమ్ ఇండియా ఎంపికపై బీసీసీఐ కసరత్తు చేస్తోంది. అయితే కింద పేర్కొన్న 15 మంది జట్టులో ఉంటారని espncricinfo తెలిపింది.
టీమ్: రోహిత్ (C), జైస్వాల్, విరాట్, సూర్య, సంజూ శాంసన్, పంత్, హార్దిక్, రవీంద్ర జడేజా, అక్షర్ పటేల్, శివమ్ దూబే, రింకూ సింగ్, కుల్దీప్ యాదవ్, బుమ్రా, అర్ష్‌దీప్ సింగ్, అవేశ్ ఖాన్/సిరాజ్.
**కేఎల్ రాహుల్, చాహల్, రవి బిష్ణోయ్, సందీప్ శర్మ కూడా రేసులో ఉన్నట్లు పేర్కొంది.
News April 29, 2024
క్రెడిట్ కార్డుదారులకు అదనపు భారం!
క్రెడిట్ కార్డులతో చెల్లించే యుటిలిటీ బిల్లులపై సేవా రుసుం వసూలు చేసేందుకు బ్యాంకులు సిద్ధమయ్యాయి. ఇప్పటికే రెంట్‌పై ఈ రుసుము వసూలు చేస్తుండగా.. ఇకపై విద్యుత్, ఫోన్, గ్యాస్ బిల్లులపైనా వడ్డించనున్నాయి. మే 1 నుంచి ఎస్ బ్యాంక్, IDFC బ్యాంకులు యుటిలిటీ బిల్లులపై 1శాతం రుసుము వసూలు చేయనున్నాయి. ఆదాయం పెంపు, క్రెడిట్ కార్డుల దుర్వినియోగాన్ని అరికట్టడమే లక్ష్యంగా ఈ నిర్ణయం తీసుకున్నట్లు తెలుస్తోంది.
News April 29, 2024
ఎస్సీ, ఎస్టీ స్థానాల్లో పైచేయి ఎవరిదో?
ఏపీలో 29 ఎస్సీ, 7 ఎస్టీ అసెంబ్లీ రిజర్వుడు నియోజకవర్గాలున్నాయి. పార్టీల గెలుపోటముల్లో ఇవి కీలకంగా మారుతున్నాయి. 2014లో YCP 13 SC, ఆరు ST స్థానాల్లో నెగ్గింది. TDP 16 ఎస్సీ, ఒక్క ST సీటులో నెగ్గింది. 2019లో SC, ST నియోజకవర్గాలను YCP దాదాపు క్లీన్ స్వీప్ చేసేసింది. 27 ఎస్సీ, మొత్తం 7 ఎస్టీ సీట్లలో గెలిచింది. 2 ఎస్సీ స్థానాల్లో TDP(కొండెపి), జనసేన(రాజోలు) నెగ్గాయి.<<-se>>#ELECTIONS2024<<>>
News April 29, 2024
బీజేపీలో చేరిన ఎంపీ వెంకటేశ్ నేత
TG: పెద్దపల్లి ఎంపీ వెంకటేశ్ నేత బీజేపీలో చేరారు. ఆ పార్టీ రాష్ట్ర అధ్యక్షుడు కిషన్ రెడ్డి సమక్షంలో ఆయన కమలం పార్టీ తీర్థం పుచ్చుకున్నారు. గత ఎన్నికల్లో బీఆర్ఎస్ నుంచి గెలిచిన ఆయన ఈ ఏడాది ఫిబ్రవరిలో కాంగ్రెస్‌లో చేరారు. ఆ పార్టీ ఎంపీ టికెట్ ఆశించి భంగపడ్డారు. కొన్ని రోజులుగా అసంతృప్తిగా ఉన్న ఆయన కాంగ్రెస్ పార్టీకి గుడ్ బై చెప్పి ఇవాళ బీజేపీలో చేరారు.
News April 29, 2024
ప్రశాంత్ వర్మతో మూవీ.. ‘రాక్షస్’గా రణ్‌వీర్?
‘హనుమాన్’ డైరెక్టర్ ప్రశాంత్ వర్మ బాలీవుడ్ హీరో రణ్‌వీర్ సింగ్‌తో ఓ సినిమా చేస్తున్నట్లు వార్తలొస్తున్నాయి. ఈ మూవీకి ‘రాక్షస్’ అనే టైటిల్‌ను ఖరారు చేసినట్లు బాలీవుడ్ వర్గాలు తెలిపాయి. ఇందులో రణ్‌వీర్ నెగటివ్ షేడ్స్ ఉన్న పాత్రలో కనిపిస్తారని పేర్కొన్నాయి. మైథలాజికల్ బ్యాక్ డ్రాప్‌తో స్వాతంత్ర్యానికి ముందు జరిగిన కథాంశంతో ఈ ప్రాజెక్టును రూపొందించనున్నారట. దీనిపై అధికారిక ప్రకటన రావాల్సి ఉంది.
Featured News
Sorry, no posts matched your criteria.