India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 15, 2024
ISRO: 55 ఏళ్ల కిందట సరిగ్గా ఇదే రోజు..!
భారత స్పేస్ రీసెర్చ్ సెంటర్(ఇస్రో)ను 1969 ఆగస్టు 15న ప్రారంభించారు. ఈ సంస్థ ప్రారంభమై 55 ఏళ్లు పూర్తి చేసుకుంది. 1975లో ఆర్యభట్ట శాటిలైట్‌ను విజయవంతంగా అంతరిక్షంలోకి పంపింది. 1983లో ఇన్‌శాట్, 2008లో చంద్రయాన్ 1, 2014లో మంగళయాన్, 2017లో ఒకేసారి 104 ఉపగ్రహాలు, 2023లో చంద్రయాన్ 3 ప్రయోగాలు చేపట్టి దేశం గర్వించే స్థాయికి చేరుకుంది. మరెన్నో భారీ ప్రాజెక్టులు చేపట్టాలని ఆశిద్దాం.
News August 15, 2024
వచ్చే నెలలో న్యూయార్క్‌కు మోదీ?
ప్రధాని నరేంద్ర మోదీ వచ్చే నెలలో అమెరికా పర్యటనకు వెళ్లే అవకాశాలు ఉన్నట్లు తెలుస్తోంది. సెప్టెంబర్ 22, 23 తేదీల్లో న్యూయార్క్‌లో జరిగే యూఎన్ ‘సమ్మిట్ ఆఫ్ ది ప్యూచర్’లో ఆయన పాల్గొంటారని సమాచారం. ఈ సదస్సుకు ప్రపంచ దేశాల నేతలు హాజరవుతారు. అలాగే మోదీతో క్వాడ్ నేతలు కూడా అక్కడే సమావేశం కానున్నట్లు సమాచారం. ఎన్నారైలు నిర్వహించే ఓ కార్యక్రమంలో కూడా పీఎం పాల్గొంటారని తెలుస్తోంది.
News August 15, 2024
నాది రెడ్ బుక్ కాదు.. ఓపెన్ బుక్: లోకేశ్
AP: రెడ్ బుక్‌పై వైసీపీ చేస్తున్న దుష్ప్రచారానికి మంత్రి నారా లోకేశ్ కౌంటరిచ్చారు. తనది రెడ్ బుక్ కాదని, ఓపెన్ బుక్ అని ట్వీట్ చేశారు. ‘ఫేకు జగన్ నీలా నాపై కేసులు లేవు. విదేశాలకు వెళ్లాలంటే నీలా కోర్టు అనుమతి తీసుకోవాల్సిన అవసరం లేదు. కేంద్ర, రాష్ట్ర ప్రభుత్వాల అనుమతితోనే విదేశాలకు వెళ్లా. జనాలు కొట్టిన స్లిప్పర్ షాట్ నుంచి కోలుకోవడానికి సమయం పడుతుంది. చిల్ బ్రో’ అని ఆయన పేర్కొన్నారు.
News August 15, 2024
బెంగళూరులో పేలిన కుక్కర్.. NIA క్రాస్ ఎగ్జామినేషన్
బెంగ‌ళూరు జేపీ న‌గ‌ర్‌లోని ఉడుపి ఉపాహార్ రెస్టారెంట్ సమీపంలో కుక్కర్ పేలి ఒకరు మృతి చెందిన ఘటనపై జాతీయ ద‌ర్యాప్తు సంస్థ (NIA) క్రాస్ ఎగ్జామినేషన్ చేసింది. ఈ ఘ‌ట‌న‌లో ఉగ్ర‌కోణం లేద‌ని పోలీసులు స్ప‌ష్టం చేసినా ఎన్ఐఏ రంగంలోకి దిగింది. ఇటీవ‌ల రామేశ్వ‌రం కేఫెలో ఉగ్ర‌వాదులు ఐఈడీ బాంబుల‌తో పేలుళ్ల‌కు కుట్ర‌ప‌న్నిన విష‌యం తెలిసిందే. దీంతో ఈ ఘటనపై NIA క్రాస్ ఎగ్జామినేషన్ చేసింది.
News August 15, 2024
ఉచిత ప‌థ‌కాల‌ను ఆపేస్తాం: కోర్టు
భూ వివాదంలో మ‌హారాష్ట్ర ప్ర‌భుత్వం పరిహారం ఇవ్వకపోవడంపై సుప్రీంకోర్టు తీవ్ర వ్యాఖ్యలు చేసింది. ప్రభుత్వ ఖజానాను ఉచిత ప‌థ‌కాల‌కి వృథా చేస్తున్నారని, చట్టవ్యతిరేకంగా లాక్కున్న భూమికి పరిహారం ఇవ్వడానికి డ‌బ్బులు లేవా అంటూ ఆగ్ర‌హం వ్య‌క్తం చేసింది. మూడువారాల్లో పరిహారం ఇవ్వకపోతే ఉచితాల‌ను ఆపేస్తామ‌ని హెచ్చ‌రించింది. త‌మ పూర్వీకులు కొన్న భూమిని ప్ర‌భుత్వం లాక్కుందంటూ ఓ వ్యక్తి కోర్టుకెక్కారు.
News August 15, 2024
ఎంపాక్స్‌ను గ్లోబల్ హెల్త్ ఎమర్జెన్సీగా ప్రకటించిన WHO
ప్రపంచ ఆరోగ్య సంస్థ (WHO) ఎంపాక్స్‌ను మరోసారి గ్లోబల్ హెల్త్ ఎమర్జెన్సీగా ప్రకటించింది. రిపబ్లిక్ ఆఫ్ కాంగో నుంచి పొరుగు దేశాలకు ఈ వ్యాధి విస్తరిస్తుండటంతో WHO ఈ నిర్ణయం తీసుకుంది. దీనిని అరికట్టడానికి ఇప్పటికే చర్యలు చేపట్టింది. కాగా ఓ వైరస్ కారణంగా కాంగోలో ఈ వ్యాధి శరవేగంగా వ్యాపిస్తోంది. ఇది సోకిన వ్యక్తుల నుంచి సులభంగా అవతలి వారికి సోకుతోంది. చికిత్స అందకపోతే ప్రమాదకరంగా మారే అవకాశం ఉంది.
News August 15, 2024
ఆగస్టు 15: చరిత్రలో ఈ రోజు
1769: ఫ్రెంచ్ చక్రవర్తి నెపోలియన్ జననం
1945: నటుడు రాళ్లపల్లి వెంకట నరసింహరావు జననం
1947: భారతదేశ స్వాతంత్ర్య దినోత్సవం
1961: సినీ నటి సుహాసిని జననం
1964: సినీ నటుడు శ్రీహరి జననం
1971: బహ్రెయిన్ స్వాతంత్ర్య దినోత్సవం
1975: భారత మాజీ క్రికెటర్ విజయ్ భరద్వాజ్ జననం
2018: భారత మాజీ క్రికెటర్ అజిత్ వాడేకర్ మరణం
News August 15, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News August 15, 2024
ఈరోజు నమాజ్ వేళలు
✒ తేది: ఆగస్టు 15, గురువారం ✒ ఫజర్: తెల్లవారుజామున 4:43 గంటలకు ✒ సూర్యోదయం: ఉదయం 5:59 గంటలకు ✒ జొహర్: మధ్యాహ్నం 12:21 గంటలకు ✒ అసర్: సాయంత్రం 4:48 గంటలకు ✒ మఘ్రిబ్: సాయంత్రం 6:42 గంటలకు ✒ ఇష: రాత్రి 7.57 గంటలకు నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News August 15, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
Featured News
Sorry, no posts matched your criteria.