India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 16, 2024
మండలానికో అన్న క్యాంటీన్: చంద్రబాబు
AP: రాష్ట్రంలోని గిరిజన ప్రాంతాల్లో మండలానికో అన్న క్యాంటీన్ ఏర్పాటు చేస్తామని సీఎం చంద్రబాబు తెలిపారు. అలాగే అన్న క్యాంటీన్లను ట్రస్ట్ ద్వారా శాశ్వతంగా కొనసాగిస్తామని ప్రకటించారు. కాగా రాష్ట్రంలో ఇవాళ మరో 99 అన్న క్యాంటీన్లు ప్రారంభించనున్నారు. వీటిని మంత్రులు, ఎమ్మెల్యేలు, ఎంపీలు ఆయా నియోజకవర్గాల్లో ప్రారంభిస్తారు. ఇందుకు సంబంధించిన ఏర్పాట్లు ఇప్పటికే పూర్తయ్యాయి.
News August 16, 2024
అతనే లవర్ బాయ్: కీర్తి సురేశ్
తన పేరును వెండితెరపై తొలిసారిగా చూసిన క్షణాన్ని ఎప్పటికీ మర్చిపోలేనని హీరోయిన్ కీర్తి సురేశ్ అన్నారు. ఆమె నటించిన తమిళ మూవీ ‘రఘుతాత’ రిలీజ్ సందర్భంగా Xలో అభిమానులతో ముచ్చటించారు. ‘బేబి జాన్’తో బాలీవుడ్‌లోకి ఎంట్రీ ఇస్తున్నట్లు చెప్పారు. వరుణ్ ధవన్ హీరోల్లో లవర్ బాయ్ అని తెలిపారు. నటి అనుష్క మంచి వ్యక్తి అని, తనను స్వీటీ అని పిలుస్తానని పేర్కొన్నారు. ‘రఘుతాత’లో తనకు పెళ్లి సన్నివేశం ఇష్టమన్నారు.
News August 16, 2024
మాచర్లలో వైసీపీకి భారీ ఎదురుదెబ్బ?
AP: పల్నాడు జిల్లా మాచర్ల మున్సిపాలిటీలో 20 మంది YCP కౌన్సిలర్లు TDPలో చేరనున్నట్లు తెలుస్తోంది. వీరితోపాటు మున్సిపల్ ఛైర్మన్ ఏసోబు, వైస్ ఛైర్మన్ నరసింహారావు కూడా TDP తీర్థం పుచ్చుకోనున్నట్లు సమాచారం. ఇప్పటికే వారు స్థానిక MLA బ్రహ్మారెడ్డితో సమావేశమయ్యారు. రేపు వారు TDP కండువా కప్పుకోవాలని నిర్ణయించుకున్నట్లు తెలుస్తోంది. కాగా గత ఎన్నికల్లో మాచర్లలోని అన్ని వార్డులు YCP క్లీన్ స్వీప్ చేసింది.
News August 16, 2024
24 గంటలపాటు వైద్యసేవలు బంద్: IMA
దేశవ్యాప్తంగా 24 గంటలపాటు వైద్యసేవలు బంద్ చేస్తున్నట్లు ఇండియన్ మెడికల్ అసోసియేషన్ ప్రకటించింది. ఇవాళ ఉదయం 6 గంటల నుంచి రేపు ఉదయం 6 గంటల వరకు ఎలాంటి ఓపీలు తీసుకోమని, శస్త్రచికిత్సలు చేయమని తెలిపింది. అత్యవసర వైద్య సేవలు మాత్రమే అందిస్తామని స్పష్టం చేసింది. కాగా కోల్‌కతాలోని ఆర్జీకార్ ఆస్పత్రిలో ట్రైనీ వైద్యురాలిపై హత్యాచార ఘటనకు వ్యతిరేకంగా ఈ నిరసన తెలుపుతున్నట్లు ఐఎంఏ పేర్కొంది.
News August 16, 2024
ఇండియాలో పొడవైన జాతీయ రహదారులు
*NH-44: శ్రీనగర్ – కన్యాకుమారి 3745 KM
*NH-27: పోర్‌బందర్ – సిల్చార్ (అస్సాం) 3507 KM
*NH-48 ఢిల్లీ – చెన్నై 2807 KM
*NH52: సంగ్రూర్ (పంజాబ్)- అంకోలా (కర్ణాటక) 2317 KM
*NH30: సితార్‌గంజ్ (UK) – ఇబ్రహీంపట్నం (ఏపీ) 1984 KM
*NH6: హజిరా (గుజరాత్) – కోల్‌కతా 1949
*NH16: కోల్‌కతా – చెన్నై 1711 KM
*NH19: ఆగ్రా (యూపీ) – డంకుని (బెంగాల్) 1435 KM
*NH7: వారణాసి – కన్యాకుమారి 1296 KM
News August 16, 2024
వండకపోయినా ఈ రైస్ తినొచ్చు!
అసలు వండకుండానే అన్నం రెడీ అయ్యే ప్రత్యేక రకం రైస్ ఉందనే విషయం మీకు తెలుసా? అస్సాంలో లభించే ‘బోకా సౌల్’ రకం బియ్యాన్ని 30 ని. నానపెడితే చాలు రైస్ రెడీ అయిపోతుంది. ఇది విటమిన్లు, ఖనిజాలు, యాంటీఆక్సిడెంట్లు, ఫైబర్, ప్రొటీన్లతో కూడినది. 17వ శతాబ్దంలో మొఘల్‌లతో పోరాడే సమయంలో సైనికులు వీటిని వినియోగించేవారు. త్వరగా జీర్ణం అవుతుంది. ఇది ఎమర్జెన్సీ ఫుడ్‌గా ఉపయోగపడుతుంది. 2019లో GI ట్యాగ్ కూడా లభించింది.
News August 16, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
News August 16, 2024
ఈరోజు నమాజ్ వేళలు
✒ తేది: ఆగస్టు 16, శుక్రవారం
✒ ఫజర్: తెల్లవారుజామున 4:44 గంటలకు
✒ సూర్యోదయం: ఉదయం 5:59 గంటలకు
✒ జొహర్: మధ్యాహ్నం 12:20 గంటలకు
✒ అసర్: సాయంత్రం 4:47 గంటలకు
✒ మఘ్రిబ్: సాయంత్రం 6:41 గంటలకు
✒ ఇష: రాత్రి 7.57 గంటలకు
నోట్: ప్రాంతాన్ని బట్టి నమాజ్ వేళల్లో స్వల్ప తేడాలుండొచ్చు.
News August 16, 2024
పవన్ షెరావత్‌ను దక్కించుకున్న టైటాన్స్
ప్రొ కబడ్డీ సీజన్ 11 మెగా వేలంలో స్టార్ రైడర్ పవన్ షెరావత్‌ను తెలుగు టైటాన్స్ తిరిగి దక్కించుకుంది. రూ.1.72 కోట్లు వెచ్చించి అతడిని సొంతం చేసుకుంది. అలాగే క్రిష్ణన్ ధుల్(రూ.70 లక్షలు), విజయ్ మాలిక్(రూ.20 లక్షలు)ను కొనుగోలు చేసింది. ఇవాళ కూడా వేలం కొనసాగనుంది. దీంతో మరికొంత మంది ప్లేయర్లను టైటాన్స్ దక్కించుకోనుంది.
News August 16, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి.
Featured News
Sorry, no posts matched your criteria.