India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 22, 2024
ఎమ్మెల్యే దానం నాగేందర్‌కు హైకోర్టు నోటీసులు
TG: ఖైరతాబాద్ MLA దానం నాగేందర్‌కు హైకోర్టు నోటీసులు జారీ చేసింది. ఆయన ఓటర్లను ప్రలోభ పెట్టారని, సతీమణి పేరిట ఉన్న ఆస్తుల వివరాలను నామినేషన్ పత్రాల్లో పేర్కొనలేదంటూ విజయారెడ్డి పిటిషన్ దాఖలు చేశారు. దానం ఎన్నికను రద్దు చేయాలని కోరారు. ఈ అంశంపై వివరణ ఇవ్వాలంటూ దానంకు హైకోర్టు నోటీసులిస్తూ.. తదుపరి విచారణను వచ్చే నెల 18కి వాయిదా వేసింది. కాగా ఇటీవలే ఆయన కాంగ్రెస్‌లో చేరిన విషయం తెలిసిందే.
News March 22, 2024
6 చోట్ల మాత్రమే అభ్యర్థులు ఖరారు!
TG: రాష్ట్రంలోని 17 లోక్‌సభ స్థానాల్లో BJP, BRS, కాంగ్రెస్ పార్టీల మధ్య గట్టి పోటీ ఉండనుంది. అయితే, ఇప్పటివరకు రిలీజ్ చేసిన జాబితాల ప్రకారం కేవలం ఆరు చోట్ల మాత్రమే మూడు పార్టీలు తమ అభ్యర్థులను ప్రకటించాయి. పెద్దపల్లి, జహీరాబాద్, మల్కాజిగిరి, చేవెళ్ల, మహబూబ్‌నగర్, మహబూబాబాద్‌లో పూర్తి స్థాయి అభ్యర్థులను ప్రకటించాయి.
News March 22, 2024
సోమిరెడ్డికి టీడీపీ టికెట్ ఇవ్వడం సంతోషకరం: మంత్రి కాకాణి
AP: మాజీ మంత్రి సోమిరెడ్డి చంద్రమోహన్‌రెడ్డికి సర్వేపల్లి టీడీపీ టికెట్ దక్కడంపై మంత్రి కాకాణి గోవర్ధన్ రెడ్డి సెటైర్లు వేశారు. ‘సోమిరెడ్డి వరుసగా 4 సార్లు ఓడిపోయారు. సీనియర్ అని చెప్పుకునే ఆయనకు మూడో విడతలో టికెట్ రావడంతో సంబరాలు చేసుకున్నారు. ఆయనకు టికెట్ ఇవ్వకుంటే ఎవరిపై మాట్లాడాలి? విమర్శలు చేయాలి? అని అనుకున్నా. ఎట్టకేలకు ఆయనకు సీటు కేటాయించడంతో నాకు సంతోషంగా ఉంది’ అని పేర్కొన్నారు.
News March 22, 2024
టీడీపీకి బిగ్ షాక్?
AP: గుంటూరు జిల్లాలో TDPకి బిగ్ షాక్ తగిలే అవకాశం ఉంది. మాజీ మంత్రి ఆలపాటి రాజేంద్రప్రసాద్ TDPకి రాజీనామా చేసే ఆలోచనలో ఉన్నట్లు తెలుస్తోంది. తెనాలి టికెట్ జనసేనకు కేటాయించడంతో.. గుంటూరు-2, పెనమలూరు స్థానాలపై ఆయన ఆశలు పెట్టుకున్నారు. ఇటీవల గుంటూరు-2 మాధవికి, పెనమలూరు బోడే ప్రసాద్‌కు CBN కేటాయించారు. దీంతో అసంతృప్తితో ఉన్న రాజా.. సాయంత్రం కార్యకర్తలతో సమావేశమై భవిష్యత్ కార్యాచరణపై ప్రకటించనున్నారు.
News March 22, 2024
కేజ్రీవాల్‌కు కస్టడీ తప్పదా?
లిక్కర్ కేసులో అరెస్టైన ఢిల్లీ CM కేజ్రీవాల్‌ను కాసేపట్లో ED అధికారులు రౌస్ అవెన్యూ కోర్టులో హాజరుపర్చనున్నారు. ఆయనను 10రోజుల కస్టడీకి ఇవ్వాలని ED కోరుతోంది. ఇటీవల కవితకు కోర్టు వారం రోజుల కస్టడీ విధించింది. దీంతో కేజ్రీవాల్‌కూ కస్టడీ తప్పదని రాజకీయ విశ్లేషకులు భావిస్తున్నారు. ఈ కేసులో కీలక నిందితులుగా పేర్కొంటున్న సిసోడియా, కవిత, కేజ్రీవాల్‌ను కలిపి విచారించేందుకు ఇదే సరైన సమయమని ED భావిస్తోంది.
News March 22, 2024
యాపిల్‌కు షాక్.. ఒక్క రోజులో రూ.9.41 లక్షల కోట్లు నష్టం
ఏకపక్ష విధానాలతో పోటీ సంస్థల మనుగడను ‘యాపిల్’ ప్రశ్నార్థకం చేస్తోందని, ధరలను కృత్రిమంగా పెంచుతోందని అమెరికా ప్రభుత్వం దావా వేసింది. దీంతో యాపిల్ షేర్లు 4.1 శాతం నష్టాల్లోకి వెళ్లిపోయాయి. కంపెనీ మార్కెట్ విలువ ఒక్క రోజులోనే 113 బిలియన్ డాలర్లు(రూ.9.41 లక్షల కోట్లు) తగ్గిపోయింది. మొత్తంగా కంపెనీ షేరు విలువ ఈ ఏడాది 11 శాతం వరకు తగ్గడం గమనార్హం. మరోవైపు ప్రభుత్వ ఆరోపణలను యాపిల్ కొట్టిపారేసింది.
News March 22, 2024
వైద్య శాస్త్రంలో అద్భుతం.. HIV ఎయిడ్స్‌కి చికిత్స రాబోతోంది
చికిత్స లేని వ్యాధుల్లో HIV ఎయిడ్స్ ఒకటి. తాజాగా సైంటిస్టులు CRISPR(క్లస్టర్డ్ రెగ్యులర్లీ ఇంటర్‌స్పేస్‌డ్ షార్ట్ పాలిండ్రోమిక్ రిపీట్స్) సాంకేతికతతో కణాల నుంచి HIVని తొలగించే వీలుందని గుర్తించారు. జీన్ ఎడిటింగ్ టెక్నాలజీతో వైరస్ సోకిన జన్యువులను కత్తిరించి తీసేస్తారు. దీనిపై పరిశోధనలు జరుగుతున్నాయని, ఇప్పటికిప్పుడు కాకపోయినా దీర్ఘకాలంలో HIVకి చికిత్స సాధ్యమవుతుందని పరిశోధకులు తెలిపారు.
News March 22, 2024
పెళ్లిలో మటన్ కోసం గొడవ.. తీవ్ర గాయాలు
TG: ఆనందంగా జరుగుతోన్న వివాహ వేడుకలో మటన్ ముక్క చిచ్చుపెట్టింది. జగిత్యాల జిల్లా ఆత్మకూరులో ఈ ఘటన జరిగింది. తమకు మటన్ కూర వేయలేదంటూ పెళ్లి కొడుకు బంధువులు వడ్డిస్తోన్న వారిపై వంట సామగ్రి, టేబుళ్లతో దాడి చేశారు. ఆగ్రహంతో పెళ్లి కూతురు బంధువులు ఎదురుదాడి చేయడంతో ఆ ప్రాంతం రణరంగంగా మారింది. దీంతో పలువురికి తీవ్ర గాయాలయ్యాయి. పోలీసులు 16 మందిపై కేసు నమోదు చేశారు.
News March 22, 2024
BREAKING: కేజ్రీవాల్ అనూహ్య నిర్ణయం
లిక్కర్ స్కాం కేసులో అరెస్టైన ఢిల్లీ సీఎం అరవింద్ కేజ్రీవాల్ కీలక నిర్ణయం తీసుకున్నారు. ఈడీ అరెస్టును సవాల్ చేస్తూ సుప్రీంకోర్టులో వేసిన పిటిషన్‌ను వెనక్కి తీసుకున్నారు. రౌస్ అవెన్యూ కోర్టులో రిమాండ్ పిటిషన్‌పై విచారణ దృష్ట్యా ఈ నిర్ణయం తీసుకున్నట్లు ఆయన తరఫు లాయర్లు సుప్రీంకు తెలిపారు. కాగా నిన్న కేజ్రీవాల్ వేసిన పిటిషన్‌ను విచారించేందుకు ఇవాళ అత్యున్నత ధర్మాసనం స్పెషల్ బెంచిని ఏర్పాటు చేసింది.
News March 22, 2024
పెరగనున్న కియా కార్ల ధరలు
ఏప్రిల్ 1 నుంచి తమ కార్ల ధరలను 3% వరకు పెంచనున్నట్లు కియా ఇండియా ప్రకటించింది. సెల్టోస్, సొనెట్, కారెన్స్ వంటి పలు పాపులర్ మోడళ్ల ధరలను వేరియంట్ ఆధారంగా పెంచబోతున్నట్లు తెలిపింది. ముడి పదార్థాల ధరలు, సరఫరా సంబంధిత ఖర్చులు పెరగడమే ఇందుకు కారణమని పేర్కొంది. ఇండియాలో అమ్మకాలు ప్రారంభించినప్పటి నుంచి ఓవర్సీస్, డొమెస్టిక్ మార్కెట్‌లో ఈ కంపెనీ ఇప్పటివరకు 1.16 మిలియన్ కార్లను విక్రయించింది.
Featured News
Sorry, no posts matched your criteria.