India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 9, 2024
టెట్‌పై అభ్యర్థుల అనాసక్తి?
TG: రాష్ట్రంలో టెట్ రాసేందుకు అభ్యర్థులు అంతగా ఆసక్తి చూపనట్లు తెలుస్తోంది. ఇప్పటివరకు 166475 దరఖాస్తులు మాత్రమే వచ్చాయి. ఈ నెల 10తో దరఖాస్తుల గడువు ముగియనుంది. దీంతో మొత్తం 2 లక్షల అప్లికేషన్లలోపే వస్తాయని అధికారులు అంచనా వేస్తున్నారు. దరఖాస్తు ఫీజు రూ.1000కి పెంచడంతో అభ్యర్థులు టెట్ రాసేందుకు ముందుకు రావడం లేదని సమాచారం. మరోవైపు బోధనపై కొంతమందికి ఆసక్తి లేక దరఖాస్తు చేసుకోవడం లేదని తెలుస్తోంది.
News April 9, 2024
ఈ నెల 15న బంద్
మావోయిస్ట్ సెంట్రల్ రీజినల్ బ్యూరో ప్రతినిధి కీలక ప్రకటన చేశారు. ఈ ఏడాది 50 మంది మావోయిస్టులు మరణించారని.. ఈ మారణ కాండను నిరసిస్తూ తెలుగు రాష్ట్రాలతో పాటు ఛత్తీస్‌గఢ్, ఒడిశా, మహారాష్ట్రల్లో ఈ నెల 15న బంద్‌కు పిలుపునిచ్చినట్లు ప్రకటనలో తెలిపారు. గత 15 రోజుల్లోనే 22 మంది మావోయిస్టులను పోలీసులు హత్య చేశారని ఆయన ఆరోపించారు.
News April 9, 2024
నాకో టైటిల్ ఇస్తారని ఆశిస్తున్నా: జడేజా
నిన్న KKRతో మ్యాచులో POTM విన్నర్ జడేజా ఆసక్తికర వ్యాఖ్యలు చేశారు. తనకు ‘తలా(ధోనీ)‘, ‘చిన్న తలా(రైనా)’లాగా ఇంకా టైటిల్ వెరిఫై కాలేదని అన్నారు. త్వరలోనే తనకు కూడా అభిమానులు ఏదో ఒక టైటిల్ ఇస్తారని ఆశిస్తున్నట్లు పేర్కొన్నారు. కాగా నిన్నటి మ్యాచులో జడేజా 3 వికెట్లు తీయడంతోపాటు రెండు క్యాచులు అందుకున్నారు.
News April 9, 2024
శ్రీవారి దర్శనానికి 8 గంటల టైమ్
AP: తిరుమలలో భక్తుల రద్దీ కొనసాగుతోంది. 5 కంపార్టుమెంట్లలో భక్తులు వేచి ఉన్నారు. శ్రీవారి దర్శనానికి 8 గంటల సమయం పడుతోంది. నిన్న శ్రీవారిని 61,920 మంది దర్శించుకోగా, 17,638 మంది తలనీలాలు సమర్పించారు. హుండీ ఆదాయం రూ.3.55 కోట్లు లభించింది.
News April 9, 2024
98 శాతం పాసైన MBBS విద్యార్థులు
TG: ఈ ఏడాది రాష్ట్రంలో MBSS ఫైనలియర్ విద్యార్థులు రికార్డు స్థాయిలో 98 శాతం మంది పాసయ్యారు. గత ఏడాది వరకు ఉత్తీర్ణత శాతం 75-80 మధ్యే ఉండగా, ఈసారి భారీగా పెరిగింది. 6 వేల మంది విద్యార్థుల్లో కేవలం 127 మంది(2 శాతం) ఫెయిలయ్యారు. నేషనల్ మెడికల్ కమిషన్ ఎంబీబీఎస్ పరీక్షల్లో సంస్కరణలు తీసుకురావడం, ప్రశ్నలను సులభతరం చేయడంతో ఉత్తీర్ణత శాతం పెరిగినట్లు కాళోజీ హెల్త్ వర్సిటీ వర్గాలు తెలిపాయి.
News April 9, 2024
CM రేవంత్ ఇంటి దగ్గర్లోనూ వార్ రూమ్
TG: ఫోన్ ట్యాపింగ్ కేసులో మరిన్ని అక్రమాలు వెలుగులోకి వస్తున్నాయి. జూబ్లీహిల్స్‌లోని CM రేవంత్ ఇంటి సమీపంలో ప్రణీత్ రావు వార్ రూమ్ ఏర్పాటు చేశాడు. SIB మాజీ చీఫ్ ప్రభాకర్ రావు సూచనల మేరకే దీనిని నిర్వహించాడు. రేవంత్, ఆయన కుటుంబీకుల ఫోన్లను ట్యాప్ చేశారు. ఫోన్ ట్యాపింగ్ కారణంగానే ఓటుకు నోటు, ఎమ్మెల్యేలకు ఎర వంటి అంశాలు వెలుగులోకి వచ్చాయి. దుబ్బాక, హుజూరాబాద్, మునుగోడు ఉపఎన్నికల్లోనూ ట్యాప్ చేశారు.
News April 9, 2024
మేనిఫెస్టో విడుదల ఎప్పుడు?
AP: ఎన్నికలు సమీపిస్తున్నప్పటికీ వైసీపీ, టీడీపీ-బీజేపీ-జనసేన కూటమి మేనిఫెస్టో విడుదలపై మీనమేషాలు లెక్కిస్తున్నాయి. టీడీపీ సూపర్ సిక్స్ పథకాలతో ప్రచారం చేసుకుంటున్నా.. ఉమ్మడి మేనిఫెస్టోపై ఇంకా కసరత్తు చేస్తున్నట్లు కూటమి వర్గాలు వెల్లడిస్తున్నాయి. వైసీపీ నుంచి ఇంకా ఎన్నికల హామీలు బయటకు రావట్లేదు. అమలు చేసేవి మాత్రమే మేనిఫెస్టోలో పెడతామని, త్వరలోనే విడుదల చేస్తామని సీఎం జగన్ చెబుతున్నారు.
News April 9, 2024
ఒకరి కోసం 15 మంది బలి
TG: BRS మాజీ MLA షకీల్ కుమారుడు రహీల్‌ను కేసు నుంచి తప్పించేందుకు ప్రయత్నించిన 15 మంది జైలుకు వెళ్లాల్సి వచ్చింది. ప్రజాభవన్ వద్ద యాక్సిడెంట్ జరగ్గానే ట్రాఫిక్ పోలీసులు రహీల్‌తో సహా మరో ముగ్గురు యువతులను పంజాగుట్ట PSలో అప్పగించారు. కానీ అక్కడే కేసు ఎన్నో మలుపులు తిరిగింది. MLAతోపాటు ఇద్దరు CIలు, మరో 12 మంది అతడిని తప్పించేందుకు ప్రయత్నించారు. దీంతో వారిపై 19 సెక్షన్లతో కేసు రిజిస్టర్ చేశారు.
News April 9, 2024
IPL: లక్నోకు షాక్.. కీలక ఆటగాళ్లకు గాయాలు
IPLలో వరుస విజయాలతో దూసుకుపోతోన్న లక్నో సూపర్ జెయింట్స్‌కు షాక్ తగిలింది. ఆ జట్టు పేసర్లు మయాంక్ యాదవ్, మోసిన్ ఖాన్ గాయాల బారిన పడ్డారు. దీంతో వీరు ఈ నెల 12న DCతో జరిగే మ్యాచ్‌కు దూరం కానున్నట్లు సమాచారం. GTతో మ్యాచ్‌లో మయాంక్‌కు పొత్తి కడుపులో గాయమైనట్లు లక్నో యాజమాన్యం తెలిపింది. వారం పాటు వైద్యుల పర్యవేక్షణలో ఉంచనున్నట్లు పేర్కొంది. మోసిన్ ఖాన్ వెన్ను నొప్పితో బాధపడుతున్నట్లు వెల్లడించింది.
News April 9, 2024
సీఈవోల సగటు వార్షిక వేతనం రూ.13.8 కోట్లు: డెలాయిట్
మన దేశంలోని కార్పొరేట్ కంపెనీల సీఈవోల సగటు వార్షిక వేతనం రూ.13.8 కోట్లకు చేరినట్లు డెలాయిట్ నివేదిక వెల్లడించింది. కరోనాకు ముందుకంటే ఇది 40% అధికమని తెలిపింది. కంపెనీల ప్రమోటర్లు, వారి కుటుంబాలకు చెందిన సీఈవోలకు సగటున రూ.16.7 కోట్ల జీతం ఉంటోందని పేర్కొంది. ఐదేళ్లలో 45 శాతం సంస్థల్లో CEOల మార్పు జరిగిందని, ప్రతి 10 మంది CEOల్లో ఆరుగురిని సొంత కంపెనీల నుంచే ఎంపిక చేశారని చెప్పింది.
Featured News
Sorry, no posts matched your criteria.