India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 9, 2024
తుని: దాడిశెట్టి హ్యాట్రిక్కా? దివ్య బోణీ కొట్టేనా?
AP: ఏకపక్ష తీర్పునకు కేరాఫ్ అడ్రస్ తుని. 1952 నుంచి 1978 వరకు INC, 1983 నుంచి 2004 వరకు TDP, 2009లో INC, 2014, 19లో YCP గెలిచింది. 15 ఎన్నికల్లో కేవలం ఐదుగురే MLAలయ్యారు. వెంకట కృష్ణంరాజు బహదూర్, విజయలక్ష్మి, రాజా అశోక్‌బాబు(INC), యనమల రామకృష్ణుడు(TDP), దాడిశెట్టి రాజా(YCP) గెలిచారు. ఈసారి దాడిశెట్టి హ్యాట్రిక్ కోసం ప్రయత్నిస్తుండగా, టీడీపీ యనమల దివ్యను బరిలో దింపింది.
<<-se>>#ELECTIONS2024<<>>
News April 9, 2024
తమిళనాడులో 35 చోట్ల ఈడీ సోదాలు
తమిళనాడులో 35 చోట్ల ఈడీ అధికారులు సోదాలు చేపట్టారు. డీఎంకే ముఖ్యనేతల ఇళ్లు, కార్యాలయాల్లో తనిఖీలు నిర్వహిస్తున్నారు. డ్రగ్స్ కేసులో అరెస్టైన సాధిక్‌తో సంబంధమున్న సినీ ప్రముఖుల ఇళ్లలోనూ సోదాలు చేస్తున్నారు. దర్శకుడు, నటుడు అమీర్ ఇంట్లో కీలక పత్రాలు స్వాధీనం చేసుకున్నారు.
News April 9, 2024
మే 10న OTTలోకి ‘ఆడుజీవితం’!
బ్లెస్సీ డైరెక్షన్‌లో పృథ్వీరాజ్ సుకుమారన్ నటించిన ‘ఆడుజీవితం’ సినిమా ఓటీటీ హక్కులను డిస్నీ+హాట్‌స్టార్ సొంతం చేసుకుంది. మే 10 నుంచి అన్ని భాషల్లో స్ట్రీమింగ్ కానున్నట్లు సమాచారం. 2.53 గంటల నిడివితో థియేటర్లలో రిలీజ్ చేయగా, ఓటీటీలో 3.30 గంటలు ఉంటుందని తెలుస్తోంది. మార్చి 28న ప్రేక్షకుల ముందుకు వచ్చిన ఈ మూవీ రూ.100 కోట్లకు పైగా కలెక్షన్లు సాధించి బ్లాక్‌బస్టర్ హిట్‌గా నిలిచింది.
News April 9, 2024
ఇవాళ పిఠాపురంలో పవన్ కళ్యాణ్ గృహ ప్రవేశం
AP: జనసేన అధినేత పవన్ కళ్యాణ్ ఇవాళ పిఠాపురంలో పర్యటించనున్నారు. ఇటీవల అద్దెకు తీసుకున్న ఇంట్లో గృహ ప్రవేశం చేయనున్నట్లు పార్టీ వర్గాలు తెలిపాయి. అక్కడే ఉగాది వేడుకల్లో పాల్గొంటారని పేర్కొన్నాయి. కాగా రేపు తణుకు, నిడదవోలు, 11న పి.గన్నవరం, అమలాపురంలో చంద్రబాబుతో కలిసి ఆయన ప్రచారం చేయనున్నారు.
News April 9, 2024
BREAKING: గుండెపోటుతో ఐపీఎస్ అధికారి కన్నుమూత
TG: సీనియర్ ఐపీఎస్ అధికారి రాజీవ్ రతన్ గుండెపోటుతో చనిపోయారు. ఉదయం ఛాతినొప్పి రావడంతో కుటుంబ సభ్యులు ఏఐజీ ఆసుపత్రికి తరలించగా.. చికిత్స పొందుతూ మరణించారు. ప్రస్తుతం ఆయన విజిలెన్స్ డీజీగా ఉన్నారు. ఈయన 1991 బ్యాచ్‌కు చెందినవారు. గతంలో ఆపరేషన్ ఐజీ, పోలీస్ హౌసింగ్ కార్పొరేషన్ ఎండీ, కరీంనగర్ ఎస్పీగా చేశారు.
News April 9, 2024
కోహ్లీని విమర్శించేవారికి సెన్స్ లేనట్లే: చిన్ననాటి కోచ్
రాజస్థాన్‌తో జరిగిన మ్యాచ్‌లో ఆర్సీబీ స్టార్ ప్లేయర్ విరాట్ కోహ్లీ స్ట్రైక్ రేట్‌పై విమర్శించేవారందరికీ సెన్స్ లేదని ఆయన చిన్ననాటి కోచ్ రాజ్ కుమార్ శర్మ అన్నారు. ‘అతడి ఇన్నింగ్స్‌ను సెల్ఫిష్ అనడం దారుణం. కొంతమంది వార్తల్లో ఉండేందుకే ఇలా చేస్తుంటారు. వారు ఒక ఎజెండా ప్రకారమే కోహ్లీని విమర్శిస్తున్నారు. రాజు ఎప్పుడూ రాజుగానే ఉంటారు. కోహ్లీ కూడా అంతే’ అని ఆయన పేర్కొన్నారు.
News April 9, 2024
15 తర్వాత కేసీఆర్ బస్సు యాత్ర?
TG: లోక్‌సభ ఎన్నికల్లో అనుసరించాల్సిన వ్యూహాలు, ప్రచారంపై బీఆర్ఎస్ అధినేత కేసీఆర్ కసరత్తు చేస్తున్నారు. ఈ నెల 15 తర్వాత ప్రచారానికి సిద్ధమవుతున్నట్లు సమాచారం. బహిరంగసభలకు బదులు రాష్ట్రవ్యాప్తంగా బస్సు యాత్ర నిర్వహణపై చర్చిస్తున్నట్లు తెలుస్తోంది. మెదక్ లేదా ఆదిలాబాద్ నుంచి యాత్రను ప్రారంభిస్తారని సమాచారం. కేడర్‌ను సమాయత్తం చేసేందుకు ఈ నెల 13న చేవెళ్లలో భారీ బహిరంగసభ నిర్వహించనున్నారు.
News April 9, 2024
టెట్‌పై అభ్యర్థుల అనాసక్తి?
TG: రాష్ట్రంలో టెట్ రాసేందుకు అభ్యర్థులు అంతగా ఆసక్తి చూపనట్లు తెలుస్తోంది. ఇప్పటివరకు 166475 దరఖాస్తులు మాత్రమే వచ్చాయి. ఈ నెల 10తో దరఖాస్తుల గడువు ముగియనుంది. దీంతో మొత్తం 2 లక్షల అప్లికేషన్లలోపే వస్తాయని అధికారులు అంచనా వేస్తున్నారు. దరఖాస్తు ఫీజు రూ.1000కి పెంచడంతో అభ్యర్థులు టెట్ రాసేందుకు ముందుకు రావడం లేదని సమాచారం. మరోవైపు బోధనపై కొంతమందికి ఆసక్తి లేక దరఖాస్తు చేసుకోవడం లేదని తెలుస్తోంది.
News April 9, 2024
ఈ నెల 15న బంద్
మావోయిస్ట్ సెంట్రల్ రీజినల్ బ్యూరో ప్రతినిధి కీలక ప్రకటన చేశారు. ఈ ఏడాది 50 మంది మావోయిస్టులు మరణించారని.. ఈ మారణ కాండను నిరసిస్తూ తెలుగు రాష్ట్రాలతో పాటు ఛత్తీస్‌గఢ్, ఒడిశా, మహారాష్ట్రల్లో ఈ నెల 15న బంద్‌కు పిలుపునిచ్చినట్లు ప్రకటనలో తెలిపారు. గత 15 రోజుల్లోనే 22 మంది మావోయిస్టులను పోలీసులు హత్య చేశారని ఆయన ఆరోపించారు.
News April 9, 2024
నాకో టైటిల్ ఇస్తారని ఆశిస్తున్నా: జడేజా
నిన్న KKRతో మ్యాచులో POTM విన్నర్ జడేజా ఆసక్తికర వ్యాఖ్యలు చేశారు. తనకు ‘తలా(ధోనీ)‘, ‘చిన్న తలా(రైనా)’లాగా ఇంకా టైటిల్ వెరిఫై కాలేదని అన్నారు. త్వరలోనే తనకు కూడా అభిమానులు ఏదో ఒక టైటిల్ ఇస్తారని ఆశిస్తున్నట్లు పేర్కొన్నారు. కాగా నిన్నటి మ్యాచులో జడేజా 3 వికెట్లు తీయడంతోపాటు రెండు క్యాచులు అందుకున్నారు.
Featured News
Sorry, no posts matched your criteria.