India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 19, 2024
పుట్టినరోజు శుభాకాంక్షలు
ఈ రోజు పుట్టినరోజు జరుపుకుంటున్న అందరికీ శుభాకాంక్షలు. పరిమితుల దృష్ట్యా ఫొటో ఎంపిక కాని వారు మన్నించగలరు. > ఫొటో, పేరు, ఊరు, పుట్టిన తేదీ వివరాలతో.. teluguteam@way2news.comకు SUBJECT: BIRTHDAYతో ముందురోజు (ex: MAY 1న పుట్టినరోజు అయితే APR 30న) ఉదయం గం.8:00-08:05 లోపు మెయిల్ చేయండి. పుట్టినరోజున మీ సన్నిహితులను ఆశ్చర్యపర్చండి
News June 19, 2024
కేంద్రం అనుమతితో చేపట్టిన నిర్మాణాల్లో అవినీతి ఎక్కడుంది?: రోజా
AP: రుషికొండలో పర్యాటక శాఖ భవనాల నిర్మాణం తప్పా? అని కూటమి ప్రభుత్వాన్ని YCP మాజీ మంత్రి రోజా ప్రశ్నించారు. ‘విశాఖను విశ్వనగరంగా అభివృద్ధి చేయాలనే సంకల్పంతో అంతర్జాతీయ ప్రమాణాలతో భవనం నిర్మించడం తప్పా? వర్షానికి కారిపోయే అసెంబ్లీని, సచివాలయాన్ని కట్టినవాళ్లు నాణ్యతతో కట్టిన భవనాలను చూసి ఓర్వలేకపోతున్నారా? కేంద్రం అనుమతితో చేపట్టిన నిర్మాణాల్లో అక్రమం ఎక్కడుంది?’ అని Xలో ప్రశ్నల వర్షం కురిపించారు.
News June 19, 2024
శుభ ముహూర్తం
తేది: జూన్ 19, బుధవారం జ్యేష్ఠమాసం
శు.ద్వాదశి: ఉదయం 07:28 గంటలకు
విశాఖ: సా.05:23 గంటలకు
దుర్ముహూర్తం: ఉ.11.42-మ.12.34 గంటల వరకు
వర్జ్యం: రా.09:31-11:10 గంటల వరకు
News June 19, 2024
TODAY HEADLINES
✒ 17వ విడత పీఎం కిసాన్ నిధులు విడుదల
✒ NDA నేతలు కొందరు టచ్‌లో ఉన్నారు: రాహుల్
✒ AP: బ్యాలెట్‌తో ఓటింగ్ నిర్వహించాలన్న జగన్.. కూటమి నేతల విమర్శలు
✒ AP: సర్టిఫికెట్లపై ఎలాంటి ఫొటోలు ఉండొద్దు: ప్రభుత్వం
✒ AP: సచివాలయానికి పవన్.. రైతుల ఘనస్వాగతం
✒ AP: 21, 22 తేదీల్లో అసెంబ్లీ సమావేశాలు
✒ TG: విద్యార్థులు ITIలలో చేరాలి: సీఎం రేవంత్ పిలుపు
✒ TG: కేసీఆర్ తొందరపాటుతో రూ.81వేల కోట్ల అప్పు: కోదండరాం
News June 19, 2024
అభిషేక్, నితీశ్‌కు బంపరాఫర్?
SRH ఆటగాళ్లు అభిషేక్ శర్మ, నితీశ్ కుమార్ రెడ్డికి BCCI బంపరాఫర్ ప్రకటించనున్నట్లు తెలుస్తోంది. జులైలో జరిగే జింబాబ్వే పర్యటనకు వీరిని ఎంపిక చేయనున్నట్లు సమాచారం. వీరితోపాటు హర్షిత్ రాణా, రియాన్ పరాగ్, మయాంక్ యాదవ్, విజయ్ కుమార్, యశ్ దయాల్‌ను సెలెక్ట్ చేయనున్నట్లు టాక్. అలాగే రింకూ సింగ్, గిల్, అవేశ్ ఖాన్, ఖలీల్ అహ్మద్‌లకూ స్థానం దక్కనున్నట్లు తెలుస్తోంది. త్వరలోనే దీనిపై అనౌన్స్‌మెంట్ రానుంది.
News June 18, 2024
ఇండియాలో మురళీధరన్ భారీ పెట్టుబడులు
శ్రీలంక క్రికెట్ దిగ్గజం ముత్తయ్య మురళీధరన్ ఇండియాలో భారీ పెట్టుబడులు పెడుతున్నారు. రూ.1,400 కోట్లతో కర్ణాటకలోని చామరాజనగర్‌లో ‘ముత్తయ్య బేవరేజెస్ అండ్ కన్ఫెక్షనరీస్’ పేరుతో డ్రింక్స్, స్వీట్స్ తయారీ సంస్థను నెలకొల్పుతున్నారు. ఇందుకు కర్ణాటక ప్రభుత్వం ఆయనకు 46 ఎకరాల భూమిని కూడా కేటాయించింది. 2025 జనవరి నాటికి ఈ సంస్థను ప్రారంభించనున్నారు. అలాగే ధార్వాడ్‌లోనూ మరో యూనిట్ నెలకొల్పాలని యోచిస్తున్నారు.
News June 18, 2024
మార్కెట్ క్యాపిటల్: మైక్రోసాఫ్ట్‌ను అధిగమించిన ‘Nvidia’
కంప్యూటర్, ఎలక్ట్రానిక్ పరికరాల్లో వాడే చిప్‌లను తయారు చేసే అమెరికా టెక్నాలజీ కంపెనీ ‘Nvidia’ ప్రపంచంలోనే అత్యంత విలువైన సంస్థగా ఆవిర్భవించింది. ఇప్పటివరకు అగ్రస్థానంలో ఉన్న మైక్రోసాఫ్ట్‌ను అధిగమించి తొలి స్థానానికి చేరింది. NVIDIA కంపెనీ మార్కెట్ క్యాపిటల్ విలువ 3.327 ట్రిలియన్ డాలర్లు కాగా, మైక్రోసాఫ్ట్ 3.321 ట్రిలియన్ డాలర్లతో రెండో స్థానంలో ఉంది. యాపిల్ కంపెనీ మూడో స్థానంలో కొనసాగుతోంది.
News June 18, 2024
రేపు ఈ జిల్లాల్లో భారీ వర్షాలు
TG: రాష్ట్రంలో ఈ నెల 23 వరకు వర్షాలు కొనసాగుతాయని HYD వాతావరణ కేంద్రం వెల్లడించింది. రేపు ఆసిఫాబాద్, మంచిర్యాల, భూపాలపల్లి, ములుగు, భద్రాద్రి, వరంగల్, హన్మకొండ జిల్లాల్లో భారీ వర్షాలు, హైదరాబాద్ సహా మిగిలిన జిల్లాల్లో మోస్తరు వానలు పడతాయని ఎల్లో అలర్ట్ జారీ చేసింది. ఉరుములు, మెరుపులతోపాటు 30-40Kmph వేగంతో ఈదురుగాలులు వీస్తాయని తెలిపింది.
News June 18, 2024
ఇంగ్లిష్ మీడియంపై మోజు ఆత్మహత్య కంటే తక్కువేమీ కాదు: NCERT చీఫ్
చాలా వరకు స్కూళ్లలో శిక్షణ పొందిన టీచర్లు లేనప్పటికీ తల్లిదండ్రులు ఇంగ్లిష్ మీడియం పట్ల ఆకర్షితులవుతున్నారని NCERT చీఫ్ సక్లానీ అన్నారు. ‘కంటెంట్ మొత్తాన్ని ఆంగ్లంలో నింపడం వల్ల పిల్లలు వారి మూలాలు, సంస్కృతికి దూరం అవుతారు. వారి విజ్ఞానంపైనా ప్రభావం పడుతుంది. మాతృభాష ఆధారిత బోధన ఉంటేనే మూలాలను సరిగ్గా అర్థం చేసుకోగలరు. ఇంగ్లిష్ మీడియంపై మోజు ఆత్మహత్య కంటే తక్కువేమీ కాదు’ అని వ్యాఖ్యానించారు.
News June 18, 2024
వచ్చే వారం జింబాబ్వే పర్యటనకు భారత జట్టు ప్రకటన
జింబాబ్వే పర్యటన కోసం భారత జట్టును బీసీసీఐ వచ్చే వారంలో ప్రకటించనున్నట్లు తెలుస్తోంది. టీ20 వరల్డ్ కప్ ఫైనల్ అనంతరం జట్టును అనౌన్స్ చేయనున్నట్లు సమాచారం. కాగా జింబాబ్వేతో భారత్ 5 టీ20ల సిరీస్ ఆడనుంది. ఈ మ్యాచ్‌లన్నీ హరారేలో జరగనున్నాయి. జులై 6 నుంచి 14 వరకు ఈ సిరీస్ జరగనుంది. 6న తొలి టీ20, 7న రెండో, 10న మూడో, 13న నాలుగో, 14న చివరి మ్యాచ్ జరగనుంది.
Featured News
Sorry, no posts matched your criteria.