India's largestHyperlocal short
news App
Get daily news updates that are tailored for you based on your preferred language & location.
download Way2News app now
News June 4, 2024
ఉత్తరాంధ్రలో కొనసాగుతున్న కూటమి జోరు
AP: అసెంబ్లీ ఎన్నికల ఫలితాల్లో ఉత్తరాంధ్రలో కూటమి జోరు కొనసాగుతోంది. గాజువాక, విశాఖ తూర్పు, విజయనగరం, ఎచ్చెర్ల, పాతపట్నం, బొబ్బిలి, రాజాం, చీపురుపల్లిలో కూటమి అభ్యర్థులు ఆధిక్యంలో కొనసాగుతున్నారు. అటు అనకాపల్లి, విజయనగరం, విశాఖ లోక్‌సభ ఎంపీ స్థానాల్లో కూటమి అభ్యర్థులు ఆధిక్యంలో కొనసాగుతుండటం.. ఆయా పార్టీల శ్రేణుల్లో జోష్ నింపింది.
News June 4, 2024
మళ్లీ ‘ఇతరులు’కు గిరాకీ
ప్రస్తుత ఓట్ల లెక్కింపును బట్టి ‘ఇతరులు’ కీలకంగా మారే అవకాశం కనిపిస్తోంది. గత రెండు దఫాల్లో థంపింగ్ మెజార్టీ రావడంతో బీజేపీకి వారితో అవసరం పడలేదు. ఉదయం 10 గంటలకు ఏఐఏడీఎంకే 5, ఎంఐఎం 2, బీఎస్పీ 2, బీజేడీ ఒక స్థానాల్లో ఆధిక్యంలో కొనసాగుతున్నాయి. ఇండియా, ఎన్డీయే కూటములకు స్పష్టమైన మెజార్టీ రాకపోతే వీరికి గిరాకీ భారీగా పెరుగుతుంది. మాయావతి, పళనిస్వామి, అసదుద్దీన్ ఒవైసీకి ప్రాధాన్యం ఇవ్వక తప్పదు.
News June 4, 2024
కాకినాడ లోక్‌సభలో జనసేన లీడింగ్
AP: కాకినాడ జనసేన ఎంపీ అభ్యర్థి తంగెళ్ల ఉదయ్ కుమార్ ముందంజలో కొనసాగుతున్నారు. తన ప్రత్యర్థి చలమలశెట్టి సునీల్ కుమార్‌పై 3,400 ఓట్ల లీడ్‌తో కొనసాగుతున్నారు. రంపచోడవరంలో వైసీపీ అభ్యర్థి ధనలక్ష్మీ వెనుకంజలో ఉన్నారు. అనపర్తిలో బీజేపీ అభ్యర్థి నల్లమిల్లి రామకృష్ణారెడ్డి 114 ఓట్ల వెనుకంజలో ఉన్నారు.
News June 4, 2024
ప్రకాశం, నెల్లూరు జిల్లాల్లో ఆధిక్యంలో ఉన్నది వీరే!
AP: ప్రకాశం, నెల్లూరు జిల్లాల్లో టీడీపీ ఆధిక్యత కనబరుస్తోంది. నెల్లూరు టీడీపీ ఎంపీ అభ్యర్థి వేమిరెడ్డి ప్రభాకర్ రెడ్డి ఆధిక్యంలో కొనసాగుతున్నారు. టీడీపీ అభ్యర్థులు కందుకూరులో ఇంటూరి, ఒంగోలులో దామచర్ల, కొండపిలో స్వామి, నెల్లూరు సిటీలో నారాయణ, ఉదయగిరిలో కాకర్ల సురేశ్ ముందంజలో కొనసాగుతున్నారు. అలాగే వైసీపీ అభ్యర్థులు దర్శిలో బూచేపల్లి, సర్వేపల్లిలో కాకాణి లీడింగ్‌లో ఉన్నారు.
News June 4, 2024
BREAKING: ఖాతా తెరిచిన BRS
మెదక్‌ పార్లమెంట్ స్థానంలో బీఆర్ఎస్ ఆధిక్యం సాధించింది. ఆ పార్టీ నుంచి పి.వెంకట్రామిరెడ్డి ముందంజలో ఉన్నారు. తొలుత వెనుకంజలో ఉన్నా ఆ తర్వాత లీడ్‌లోకి వచ్చారు.
News June 4, 2024
మంత్రులకు షాక్.. అందరూ వెనుకంజే
ఏపీలో కూటమి సునామీ సృష్టిస్తోంది. దాదాపు అందరు మంత్రులు వెనుకంజలో ఉన్నారు. టీడీపీ, జనసేన, బీజేపీ అభ్యర్థులు వైసీపీ మంత్రులు, సీనియర్లకు షాక్ ఇస్తున్నారు. అటు పార్లమెంట్ నియోజకవర్గాల్లోనూ కూటమి హవా కొనసాగుతోంది. పలువురు వైసీపీ అభ్యర్థులు ఇప్పుడే కౌంటింగ్ కేంద్రాల నుంచి వెనుదిరుగుతున్నారు.
News June 4, 2024
కంటోన్మెంట్‌లో కాంగ్రెస్ ముందంజ
కంటోన్మెంట్ ఉప ఎన్నికలో కాంగ్రెస్ అభ్యర్థి శ్రీ గణేశ్ 855 ఓట్ల ఆధిక్యంలో కొనసాగుతున్నారు. ఇక్కడ బీఆర్ఎస్ అభ్యర్థి నివేదిత వెనుకంజలో ఉన్నారు. కంటోన్మెంట్ ఎమ్మెల్యేగా గెలుపొందిన లాస్య నందిత మరణంతో ఉప ఎన్నిక జరిగింది.
News June 4, 2024
ఇది ట్రైలర్ మాత్రమే: జైరాం రమేశ్
వారణాసిలో ప్రధాని నరేంద్ర మోదీ వెనుకంజలో ఉండటంపై కాంగ్రెస్ నేత జైరాం రమేశ్ స్పందించారు. ఇది కేవలం ట్రైలర్ మాత్రమేనంటూ ఎద్దేవా చేశారు. ప్రస్తుతం కాంగ్రెస్ అభ్యర్థి అజయ్ రాయ్.. బీజేపీ అభ్యర్థి నరేంద్ర మోదీపై 6223 ఓట్ల ఆధిక్యంలో కొనసాగుతున్నారు. కాగా, వరుసగా మూడోసారి నరేంద్ర మోదీ ప్రధాని అవుతారని ధీమా వ్యక్తం చేసిన బీజేపీకి వారణాసి ప్రజలు షాక్ ఇస్తున్నారు.
News June 4, 2024
బెంగాల్‌లో హోరాహోరీ
పశ్చిమ బెంగాల్‌లో టీఎంసీ, బీజేపీ మధ్య పోరు హోరాహోరీగా ఉంది. 42 లోక్‌సభ స్థానాల్లో కాషాయ పార్టీ 21 స్థానాల్లో, TMC 18 స్థానాల్లో ముందంజలో ఉన్నాయి. కౌంటింగ్ కొనసాగే కొద్ది ఈ స్థానాలపై మరింత క్లారిటీ రానుంది. మరోవైపు కాంగ్రెస్ పార్టీ 2 స్థానాల్లోనే ఆధిక్యంలో కొనసాగుతోంది. కాగా సర్వేలు ఈ రాష్ట్రంలో బీజేపీకే మెజారిటీ సీట్లు వస్తాయని అంచనా వేసిన సంగతి తెలిసిందే.
News June 4, 2024
CM రేవంత్ ఇలాకాలో BJP ముందంజ
సీఎం రేవంత్ సొంతగడ్డ మహబూబ్‌నగర్, ఆయన ఎంపీగా గెలిచిన మల్కాజిగిరి నియోజకవర్గాల్లో BJP ఆధిక్యంలో కొనసాగుతోంది. మహబూబ్‌నగర్లో డీకే అరుణ, మల్కాజిగిరిలో ఈటల రాజేందర్ కాంగ్రెస్ అభ్యర్థులపై పైచేయిలో కొనసాగుతున్నారు.
Featured News
Sorry, no posts matched your criteria.